University of Illinois at Urbana-Champaign

Campus der UIUC, Main Quad un Illini Union

Alma-Mater-Statue van de UIUC

De University of Illinois at Urbana-Champaign (ok UIUC oder U of I nömmt) is en staatliche Universität in Urbana un Champaign in den US-Bundesstaat Illinois. De Campus befindt sück up de Grenz tüschen de beid Städte. De Universität wurr 1867 grünnd un hett to Tiet 41.495 inschreeven Studenten. De Hoochschool is de wichtigste Standoort van de University of Illinois un hörrt to de best staatlichen Hoochscholen in den USA, en so nömmt Public Ivy. Se is todem Liddmaat in de Association of American Universities, en Verbund van führend amerikaansch Forschungsuniversitäten. De Universität hett en eegen Flooghaben, den Willard Airport. Dat Motto van de Universität is Learning and Labor.

Bibliothek

To de University of Illinois at Urbana Champaign hörrt mit över 13 Millionen Böker de gröttste apenliche Universitätsbibliothek van de USA. De Bibliothek hörrn 22 Millionen Eenzelstücke, över den Online-Katalog hett se jeden Dag mehr as een Million Togreep weltwiet. En Ergänzungsbau van de Bibliothek wurr ünner de Eer leggt; luut en modern Sage („urban legend“) nah, passeer dat, dormit dat öldste Experimentierfeld van de Agrarforschung, Morrow Field, bi de dat loopen Experiment all över 100 Johr düert, nich överschatt wurrd.

Forschung

De Universität beharbargt ünner annern dat National Center for Supercomputing Applications, NCSA. Hier wurrn bispeelswies de Mosaic-Browser, de de Grundlagen för hüüdig Browser as Mozilla Firefox un Microsoft Internet Explorer schafft hett, de Apache HTTP-Server as ok dat NCSA-Telnet schafft. In en Kooperatschoon mit IBM un de National Science Foundation wurr doran arbeit, den dormals flinksten Supercomputer van de Welt to bauen. De drocht de Naam „Blue Waters“ un kann en Billiarde Bereeken pro Sekunn utführen.

In jüngerer Vergangenheit wurrn twee nee Forschungs- un Lehrinrichtungen up den Campus apen maakt: eenmal dat Siebel Center for Computer Science (2004), as ok dat Institute for Genomic Biology (2006).

As Deel van sien „Five Campus Tour“ (Harvard University, MIT, Cornell University, Carnegie-Mellon University un University of Illinois) mit den Titel „Software Breakthroughs: Solving the Toughest Problems in Computer Science“ hett Bill Gates an‘n 24. Februar 2004 seggt, dat Microsoft mehr Gradueerte van de University of Illinois instellen dee as van jeder anner höhgere Billensinrichtung van de Welt.

Alumnus William M. Holt, en Senior Vice-President van Intel, hett in sien Reed „R&D to Deliver Practical Results: Extending Moore's Law“ vör Studenten an‘n 27. September 2007 ebenfalls verklort, dat Intel mehr Doktoranden van de University of Illinois instellt, as van jeder anner US-Universität.

Ok de Elektrotechnische Fakultät hett as Gebortsoort van de eerst luchtemitterenden Diode (LED) en weltwiet gooden Roop. De Halfleitertechnik wurr hier in den 1950er un 1960er Johren besünners intensiv erforscht, un mehrere Nobelpriesdräger weern un sünd in Lehre un Forschung an de UIUC tätig.

2007 wurr dat van de Universität bedreeven Forschungsinstitut Institute for Condensed Matter Theory (ICMT) apen maakt, dat as Direkter Paul Mark Goldbart un als leidend Forscher Anthony James Leggett vörstahn. Dat ICMT ist o Tiet in dat Engineering Science Building up den Campus ünnerbrocht.

Sport

De Sportteams van de UIUC sünd de Fighting Illini. De Hoochschool is Liddmaat van de Big 10 Conference.

Rankings

Nah de internatschonalen Rangfolg („ranking“) van dat „Institute of Higher Education“ van de Shanghai Jiao Tong University nimmt de University of Illinois in de List van de best Universitäten van de Welt den 26. Platz in. Academic Ranking of World Universities 2007 van’n 31. Juli 2007, afropen an’n 21. November 2019, Institute of Higher Education, Shanghai Jiao Tong University</ref> Nah de „Academic Ranking of World Universities by Broad Subject Fields“, dat 2008 ebenfalls van dat Institute of Higher Education dörführt wurr, gellt Illinois in de Fackrebeeden Engineering/Technology und Computer Sciences as dartbeste Universität weltwiet, achter dat Massachusetts Institute of Technology (MIT) un de Stanford University. [https://web.archive.org/web/20090423031205/http://ed.sjtu.edu.cn/ARWU-FIELD2007/ENG.htm Academic Rankings of World Universities by Broad Subject Fields – 2007 van’n 31. Juli 2007, afropen an’n 21. November 2019, Institute of Higher Education, Shanghai Jiao Tong University</ref>

Persönlichkeiten

Alumni van de University of Illinois hemm tallriek internatschonal bekannt Firmen grünnd, as Netscape Communications, AMD, PayPal, Oracle Corporation, Siebel Systems, Lotus Software, YouTube un Gebäude as den Sears Tower un dat John Hancock Center entworfen.

Perfessers

• John Bardeen, 1951–1991 — Nobelpries Physik 1953, Nobelpries Physik 1972
• John David Jackson, 1957–1967 — Physiker
• Paul Christian Lauterbur, 1985–2007 — Nobelpries für Medizin 2003
• Anthony James Leggett, — Nobelpries Physik 2003
• Salvador Edward Luria, 1950–1959 — Nobelpries Physiologie/Medizin 1969
• Franco Modigliani, 1948–1952 — Nobelpries Wertschapswetenschapen 1985
• Carl Richard Woese, — Perfesser för Mikrobiologie un Winner van den Crafoord Pries 2003
• Donald Maurice Ginsberg, (1933–2007), — Physiker, Schrriever „Physical Properties of High Temperature Superconductors“ (5. Bde.)
• Ralph E. Johnson, — Informatiker, Liddmaat van de Gang of Four (Design Patterns)
• Gregorio Weber, 1962–1986 — Perfesser för Biochemie un Begrünner van de modern Fluoreszenzspektroskopie

Afsolventen

Nobelpriesdräger

• Edward Adelbert Doisy, B.S. 1914, M.S. 1916 — Nobelpries Physiologie/Medizin 1943
• Vincent du Vigneaud, B.S. 1923, M.S. 1924 — Nobelpries Chemie 1955, weer ok Perfesser
• Robert William Holley, B.A. 1942 — Nobelpries Physiologie/Medizin 1968
• Jack St. Clair Kilby, B.S. 1947 — Nobelpries Physik 2000
• Edwin Gerhard Krebs, B.A. 1940 — Nobelpries Physiologie/Medizin 1992
• Polykarp Kusch, M.S. 1933, Ph.D. 1936 — Nobelpries Physik 1955
• John Robert Schrieffer, M.S. 1954, Ph.D. 1957 — Nobelpries Physik 1972, weer ok Perfesser
• Phillip Allen Sharp, Ph.D. 1969 — Nobelpries Chemie 1993
• Wendell Meredith Stanley, M.S. 1927, PhD. 1929 — Nobelpries Chemie 1946
• Rosalyn Sussman Yalow, M.S. 1942, Ph.D. 1945 — Nobelpries Physiologie/Medizin 1977

Literatur, Kunst, Kultur un Medien

• Avery Brundage, B.S. 1909 — Olympiadeelnehmer 1912, IOC Präsident (1952–1972)
• Iris Chang, B.A. 1989 — Schrieverin „The Rape of Nanking“
• George Crumb, M.A. 1952 — Komponist, Pulitzer-Pries Musik 1968
• Roger Ebert, B.S. 1964 — TV Kritiker, Schriever, Pulitzer-Pries Kritik 1975
• Dave Eggers, — Schriever
• Gene Hackman — Schauspeler
• Hugh Hefner, B.A. 1949 — Grünner van dat Playboy Magazin
• Ang Lee, — Filmspeelbaas
• Mary Elizabeth Mastrantonio, 1980 — Schauspelerin
• Richard Powers, M.A. 1979 — Schriever
• Andy Richter, ohne Abschluss — Schriever
• Alan Ruck, — Schauspeler z. B. Startrek
• Jonathan Sadowski, — Schauspeler

Politik

• Rafael Correa, — Wertschapswissenschapler, Präsident van Ecuador siet 2007
• James Brady, 1962 — Pressereferent van dat Witt Huus ünner Reagan
• Jon Corzine, A.B. 1969 — Gouverneur van New Jersey
• Dorothy Day, 1918 — Grünnerin van dat Catholic Worker Movement
• Atef Ebeid, Ph.D. 1962 — Ehmaliger Premierminister van Ägypten (1999–2004)
• Jesse Jackson, — Börgerrechtler, vör den Hoochschoolafsluss van de Hoochschool utslooten
• Annette Lu, — Viezpräsidentin van Republiek China (Taiwan) (2000–2008)
• Lin Chuan, — Premierminister van Republiek China (Taiwan) (siet 2016)

Sport un Wettbewarfen

• Lou Boudreau, Baseballspeler
• Dick Butkus, American-Footballspeler
• David Diehl, American-Footballspeler
• Ken Dilger, American-Footballspeler
• Garland Grange, American-Footballspeler
• Red Grange, American-Footballspeler
• Barry Greenstein, Pokerspeler
• George Halas, American-Footballspeler
• Faraz Jaka, Pokerspeler
• Eddie Kotal, American-Footballspeler
• Bobby Mitchell, American-Footballspeler
• Ray Nitschke, American-Footballspeler
• Hugh Ray, American-Football-Schiedsrichter
• Dutch Sternaman, American-Footballspeler
• Joey Sternaman, American-Footballspeler
• Steve Stricker, Golfspeler
• Hugh Thornton, American-Footballspeler
• Deron Williams, Basketballspeler

Technologie un Wetenschap

• Max Abramovitz, B.S. 1929 — Architekt z. B. Lincoln Center in New York
• Scott Douglas Altman, B.S. 1981 — Astronaut
• Dale Allan Gardner, B.S. 1970 — Astronaut
• Richard Hamming, Ph.D. 1942 — Mathematiker
• Donald Johanson, B.S. 1966 — Anthropologe, hett „Lucy“ opdeckt
• Fazlur Khan, Ph.D. 1955 — Bauingenieur
• César Pelli, M.Arch. 1954 — Architekt van de Petronas Twin Towers
• Alessandro Piccolo Ph D. 1980 Agrarwetenschapen
• Andrew Chi-Chih Yao, Ph.D. 1975 — Informatiker
• William Opdyke, Ph.D. 1992 — Informatik, Eersterwähnung van Refactoring
• Michael Hopkins, B.S. 1991 — Astronaut

Wirtschaft

• Marc Andreessen, B.S. 1993 — Mitbegrünner van Mosaic/Netscape
• Jim Cantalupo, 1966 — ehmalger CEO van McDonald’s (1991–2004)
• Jon Corzine, A.B. 1969 — ehmalger CEO van Goldman Sachs (1994–1999)
• Jawed Karim, B.S. 2004 — Mitbegrünner van YouTube
• Ray Ozzie, B.S. 1979 — Mitbegrünner van Lotus, Co-Präsident van Microsoft
• Jerry Sanders III, — B.A. 1958 – Mitbegrünner un ehmalger CEO van AMD (1969–2002)
• Abe Saperstein, — Grünner van de Harlem Globetrotters
• Thomas Siebel, B.A. 1975, M.B.A. 1983, M.S. 1985 — Grünner van Siebel Systems
• Jack Welch, M.S. 1959, Ph.D. 1961 — ehmalger CEO van General Electric (1981–2001)

Weblinks

University of Illinois at Urbana-Champaign. Mehr Biller, Videos oder Audiodateien to’t Thema gifft dat bi Wikimedia Commons.

• University of Illinois at Urbana Champaign