Antrakinon

Antrakinon er ei gul krystallinsk kjemisk sambinding med kjemisk formel C₁₄H₈O₂ og smeltepunkt på 285 °C. Ho vert særskilt framstilt frå ftalsyreanhydrid, men kan òg framstillast ved oksidasjon av antracen. Antrakinon er, som namnet seier, eigentleg eit kinon, men kinonkarakteren (til dømes den oksiderande evna) er lite framtredande. Antrakinon dannar utgangspunkt for framstilling av mange viktige fargestoff (særleg alizarinfargestoff) og vert elles nytta i organisk syntetisk industri.

Kjelder

«antrakinon» i Store norske leksikon, snl.no. Henta 17. desember 2016.

Denne kjemiartikkelen er ei spire. Du kan hjelpe Nynorsk Wikipedia gjennom å utvide han.