Hughie Flint
| Hughie Flint | |||
| Fødd | 15. mars 1941 (83 år) | ||
|---|---|---|---|
| Fødestad | Manchester | ||
| Opphav | Storbritannia | ||
| Instrument | trommesett | ||
| Verka som | trommeslagar | ||
Hughie Flint (fødd 15. mars 1940 i Manchester) er ein engelsk trommeslagar, kjend for tida han spelte i John Mayall & the Bluesbreakers. I 1970-åra spelte han i si eiga gruppe, McGuinness Flint og seinare i The Blues Band.
Flint spelte av og på i The Bluesbreakers i fem år og deltok på albuma John Mayall Plays John Mayall (1965) og Blues Breakers with Eric Clapton (1966). Flint spelte så i lag med Alexis Korner og Savoy Brown, medan han vart erstatta hos Mayall av Aynsley Dunbar.[1][2]
I 1970 skipa Flint McGuinness Flint med Tom McGuinness, tidlegare gitarist og bassist i Manfred Mann.[3] Dei nådde andreplassen på UK Singles chart med «When I'm Dead And Gone», som vart følgd opp i 1971 av ein ny hitsingel, «Malt and Barley Blues», som nådde femptelassen. Dei gav òg ut eit album i 1970. Bandet vart oppløyst i 1975. Flint spelt med Bonzo Dog Band frå 1971 til det siste albumet deira, Let's Make Up And Be Friendly.[4]
I 1977 var Flint trommeslagar og bodhránspelar på albumet Suburban Ethnia av bandet Chanter.
Flint spelte så i The Blues Band, ei supergruppe med mellom andre Dave Kelly, Gary Fletcher, McGuinness og andre Manfred Mann-medlemmar og songaren Paul Jones. Debutalbumet deira, The Official Bootleg Album, kom ut i 1980.
Flint har òg spelt på plate med Georgie Fame, Jack Dupree og Tom Newman.
Kjelder
[endre | endre wikiteksten]- Denne artikkelen bygger på «Hughie Flint» frå Wikipedia på engelsk, den 12. juni 2018.
- Wikipedia på engelsk oppgav desse kjeldene:
- ↑ Rees, Dafydd; Luke Crampton (1991). Rock movers & shakers (Revised utg.). ABC-Clio Inc. s. 329. ISBN 978-0-87436-661-7.
- ↑ Larkin, Colin (1995). The Guinness Encyclopedia of Popular Music (2. utg.). Guinness World Records Limited. ISBN 978-1-56159-176-3.
- ↑ Rees, Dafydd; Luke Crampton (1991). Rock movers & shakers (Revised utg.). ABC-Clio Inc. s. 324. ISBN 978-0-87436-661-7.
- ↑ Rees, Dafydd; Luke Crampton (1991). Rock movers & shakers (Revised utg.). ABC-Clio Inc. s. 61. ISBN 978-0-87436-661-7.
