Kierâš (lodde)

Kierâš Dryocopus martius (Linnaeus, 1758)
Tile	LC (eellimvuáimálâš)
Tile Suomâst	LC (eellimvuáimálâš)
Tieđâlâš luokittâllâm
Doomeen	Sellâvááimusliih Eucarya
Kodde	Elleekodde Animalia
Uáiviráiđu	Savosuonâsiih Chordata
Vyeliráiđu	Čielgitávtáliih Vertebrata
Luokka	Lodeh Aves
Lahko	Čäšnilodeh Piciformes
Hiäimu	Čääšnih Picidae
Suuhâ	Dryocopus
Šlaajâ	martius

Kierâš (Dryocopus martius) lii čaašnij hiäimun kullee lodde.

Stuárudâh já tobdomeerhah

Kierâš lii vuorâččâs matsâš stuorrâ čäšni. Tot lii 40–46 cm kukke já tiäddá 285–385 g. Orráás uáivičokke já niŋálâs niske láá ruopsâdeh, jyelgih láá ránáseh já mudoi kierâš lii ollásávt čappâd. Ton kirdemjienâ lii jienniis "kry kry kry kry" tâi kuhes "kliii". Tot meid rummut muorâid.

Kierrâš lavdâm

Lavdâm já eellimpiirâs

Kierâš iälá Euroop já Aasia vuovdijn. Kierâš mákkoo pyeremusávt peeci- já siähálâsvuovdijn. Suomâst tot kávnoo masa ubâ enâmist, eereeb puoh tavemus oosijn. Suomâ pessimnääli lii áárvu mield 30 000–50 000 paarrâd.

Lasanem

Kierâš piervâld stuorrâ muorân, táválávt supán tâi piäcán. Niŋálâs mannee cuáŋuimáánust 3–6 mane. Niŋálâs já ores läälih moonijd 12–14 peivid. Uđâgááh kirdeleh 24–28 peeivi ahasâžžân.

Raavâd

Kierâš porá čielgitävtittes elleid. Mielâsumos ravâdâssân láá hiävuškuuđhah, maid tot ocá čuoldâin já meid ellee muorâin.

Kovegalleria

• 
• 
•