میریلن مونرو

میریلن مونرو
(انگریزی میں: Marilyn Monroe)
Monroe in 1952 میریلن مونرو, 1952
معلومات شخصیت
پیدائشی نام	(انگریزی میں: Norma Jeane Mortenson)
پیدائش	1 جون 1926(1926-06-01) لاس اینجلس، کیلیفورنیا، ریاستہائے متحدہ
وفات	اگست 5، 1962(1962-80-50) (عمر  36 سال) لاس اینجلس، کیلیفورنیا، ریاستہائے متحدہ
طرز وفات	خود کشی
شہریت	ریاستہائے متحدہ امریکا
دیگر نام	نورما جین بیکر (Norma Jeane Baker)
آنکھوں کا رنگ	نیلا
بالوں کا رنگ	سنہری
قد	166 سنٹی میٹر ،  165 سنٹی میٹر ،  65.5 انچ
عارضہ	ہکلاہٹ رحم کی اندرونی جھلی کا ہٹنا
شریک حیات	جیمز ڈوئرٹی (شادی. 1942; div 1946) جو ڈیمیجیو (شادی. 1954; div 1955) آرتھر ملر (شادی. 1956; div 1961)
ساتھی	جان ایف کینیڈی
عملی زندگی
مادر علمی	جامعہ کیلیفورنیا، لاس اینجلس (1951–1962) وان نیوس ہائی اسکول ایکٹرز اسٹوڈیو، نیویارک سٹی
تخصص تعلیم	تاریخ ادبیات اور فن
استاذہ	کونٹائن کولیئر
پیشہ	اداکارہ ماڈل گلوکارہ
مادری زبان	امریکی انگریزی
پیشہ ورانہ زبان	انگریزی
دور فعالیت	1945–62
اعزازات
گولڈن گلوب اعزاز (1960) اسٹار آن ہالی ووڈ واک آف فیم
دستخط
ویب سائٹ
ویب سائٹ	marilynmonroe.com
	IMDB پر صفحہ

ابتدائی زندگی

میریلن مونرو (انگریزی: Marilyn Monroe) (یکم جون 1926ء – 5 اگست 1962ء)،ایک امریکی اداکارہ، گلوکارہ اور ماڈل تھیں۔ پیدا ئش کے وقت اس کا نام نورما جین بیکر تھا۔ نورما جین اس روز ریاست کیلی فورنیا کے مغربی ساحلی شہر لاس اینجلس میں پیدا ہوئی۔ جہاں اس کا جنم ہوا، وہ جگہ ہالی وڈ اسٹوڈیوز کے قریب ہی واقع تھی۔اس کی مان گلیڈیز بیکر دماغی عارضے میں مبتلا تھی۔ جب مرض شدت اختیار کرتاتھا تو اسے لمبے عرصے کے لیے اسپتال لے جانا پڑتاتھا۔ ایسے میں نورما کو دیکھ بھال کے لیے مختلف لوگوں کے پاس بھیج دیا جاتاتھا۔

اداکاری

اپنے بچپن کا بیشتر حصہ یتیم خانوں میں گزارنے کے بعد مونرو نے ایک ماڈل کی حیثیت سے اپنی پیشہ ورانہ زندگی کا آغاز کیا جس کے نتیجے میں انھیں 1946ء میں ایک فلم میں کام کرنے کی پیشکش ہوئی۔ ابتدائی طور پر انھیں چھوٹے موٹے کردار ملے، لیکن اسفالٹ جنگل (The Asphalt Jungle) اور آل اباؤٹ ایو (All About Eve) (دونوں 1950ء) میں شاندار کارکردگی کے باعث ان کی پزیرائی کی گئی۔ جینٹل مین پریفیر بلونڈز (Gentlemen Prefer Blondes)، ہاؤ ٹو میری اے ملینیئر (How to Marry a Millionaire)، سم لائیک اٹ ہوٹ (Some Like It Hot) اور دی سیون ایئر اچ (The Seven Year Itch) میں طربیہ اداکاری نے انھیں ہالی ووڈ کی مشہور اور مسحور کن ترین اداکاراؤں میں سے ایک بنا دیا۔

کردار

مستقلاً ایک ہی انداز کے کردار نبھانے کے باعث آگے بڑھنے کے امکانات محدود ہونے کے پیش نظر نئے کرداروں میں جلوہ گر ہوئیں۔ میریلن نے ایکٹرز اسٹوڈیو میں تعلیم حاصل کی اور میریلن مونرو پروڈکشنز قائم کی۔ بس اسٹاپ (Bus Stop) میں ان کی یادگار کارکردگی کو ناقدین نے بھرپور انداز میں سراہا ۔ سم لائیک اٹ ہوٹ میں اداکاری پر آپ کو گولڈن گلوب ایوارڈ سے بھی نوازا گیا۔

خودکشی

مونرو کی زندگی کے آخری ایام بیماریوں، ذاتی مسائل اور کام کے لیے ناقابل بھروسا اور مشکل فرد کی ساکھ بننے کے باعث انتہائی مشکلات میں گذرے۔ ضرورت سے زیادہ دوا استعمال کرنے کے باعث آپ کی موت واقع ہو گئی۔ باضابطہ طور پر تو اسے خودکشی قرار دیا گیا لیکن حادثاتی طور پر زائد خوراک کے استعمال اور قتل کا شبہ بھی خارج از امکان نہیں۔

1999ء میں امریکن فلم انسٹیٹیوٹ نے انھیں تاریخ کی عظیم ترین خاتون اداکاراؤں میں چھٹا درجہ دیا۔

بیرونی روابط

• فلم سٹار میریلین مونرو، موت کے نصف صدی بعد بھی مقبول