قضيت رحلة ممتعة جدًا في قراءة الكتاب ده.. الكتاب من غلافه واضح أنه بيتكلم عن القضية الأشهر على**spoiler alert** تحذير ⚠️ حرق أحداث #spoileralert . . . . . . . .
قضيت رحلة ممتعة جدًا في قراءة الكتاب ده.. الكتاب من غلافه واضح أنه بيتكلم عن القضية الأشهر على الإطلاق -قضية ريا وسكينة- اللي حدثت من أكتر من ١٠٠ سنة! والحقيقة أنا ما زال عندي فضول رهيب تجاه أي نص متعلق بالقضية ديه، من صغري كنت أتقصى أي حاجة اتكتبت عنهم وأبحث في الجرايد، لحد ما اقتنيت هذا الكتاب من حوالي ٤ سنين، لكني لم أبدأ في قراءته إلا من شهر واحد فقط!
والموضوع طلع أكبر من مجرد أن العص.ابة هم مجموعة من القت~لة المتسل~سلين، ومختلف تمام الاختلاف عن كل المسرحيات والأفلام اللي أتعملت عنهم، بل ومختلف كمان عن مسلسل عبلة كامل وسمية الخشاب. وعلى الرغم من أن أحداث المسلسل تعتبر هي أقربهم إلى الحقيقة، إلا إن الحقيقة أكثر قبحًا وقذارة وبشاعة!
يؤرخ الكتاب لفترة عصيبة، مش بس على مصر، لكن على العالم كله، وهي فترة الحرب العالمية الأولى، وبيوضح الظروف الصعبة لنشأة الأختين ريا وسكينة؛ الجوع والفقر والمرض والموت والسرقة، وفي وسط ده كله تم السماح بالبغاء الرسمي وشرب الخمر والمخدرات!
وبيجاوب الكتاب عن التساؤل المهم: هل ريا وسكينة ضحايا ولا جناة؟ وفي الواقع هو أمر غاية في التعقيد، تحديد الخط الفاصل بين حالتهم كضحايا أو مجرمين هو أمر غاية في التعقيد لأنه حصل على مدار سنوات طويلة، محصلش فجأة زي ما الدراما حاولت تجسده، والتغيير في شخصياتهم كان بيظهر تدريجيًا وهما بيتخلوا حته حته عن إنسانيتهم عشان يعرفوا ياكلوا ويشربوا!
وأول شخصية اتخلت عن إنسانيتها هو حسب الله اللي كان حرامي، وبعده سكينة اللي احترفت ممارسة البغ.اء لدرجة إصابتها بمرض سري، وحتى بعد تماثلها للشفاء وتوبتها أول مرة رجعت تاني له بل وكانت كمان فاتحة بيت للبغ.اء السري بالشراكة مع أختها ريا، اللي على الرغم من أنها كانت بعيدة تمام البعد عن الأمر ده اللي أنها كانت ق.واده شاطرة جدًا وسحبت الكثير من الفتيات وأقنعتهم بالعمل في بيت البغ.اء اللي كانت تقوده بنفسها! وطبعا كل ده بالشراكة مع حسب الله زوجها، واللي كان بيتظاهر كذبًا أنه ميعرفش أي حاجة عن وظيفة زوجته ريا، وعبد العال بعد كده، وتحت حماية فتوات العصابة عرابي حسان وعبد الرازق يوسف!
التفاصيل مرعبة، واعترافتهم بتظهر قد إيه الحالة المتدنية اللي بيوصل لها (البشر) وقت الحر.وب، كنت أتمنى أبقى عايشة في زمنهم وأحاول أقوم ببعض الحوارات مع الشقيقتين عشان أفهم أكتر عنهم، وكنت أتمنى لو اعدامهم أتأجل كام سنة عشان يبقى في فرصة لعلماء النفس والطب النفسي يدرسوا تركيبات مخهم ويحللوا شخصياتهم، وده بيحطنا قدام حقيقة تاني مهمة، هي أنه بالرغم من كل الأفلام والمسرحيات والمسلسلات والكتب اللي كانت عنهم -(بما فيهم كتاب الأستاذ صلاح عيسي واللي تجاوزت عدد صفحاته الـ ٥٠٠ صفحة من القطع الكبير)- هاتفضل قضية عصابة ريا وسكينة قضية غامضة وفيها كتير من الحقايق المخفية واللي يمكن عمرنا ما هنعرفها!
أخيرًا، ديه بعض الاختلافات بين المسلسل وبين الحقائق المذكورة في الكتاب:
- سكينة خلفت بنت وحيدة اسمها زينب وماتت ومخلفتش تاني. - سكينة كانت مومس محترفة! - ريا وسكينة كانوا بيشتغلوا في الخبص ...more
مَرْيَم م. س. حنا
>
Books:
مكتبتي
(1468)
Loading...
