Dagskrá Sögur - 8. febrúar Hvað: Listasýning Á listasýningunni verða listaverk eftir fatlað listafólk Listafólkið ætlar að segja frá listinni sinni 8. febrúar Hvar: Menningamiðstöðin Gerðubergi 3-5, 111 Reykjavík Hvenær: Opnun 8. febrúar klukkan 2 eftir hádegi (14). Sýningin stendur til 8. mars Táknmálstúlkuð leiðsögn listafólks 8. febrúar kl.14.30 - 15.30 Sögur er samsýning á verkum listafólks. Í verkunum eru frásagnir af hinu stóra og smáa, sólargeisla á vínyldúk, gjörningi í Nepal, eilífðar smáblómi og ægifegurð náttúru og manna, táknmáls og skynjunar. Á opnun sýningarinnar mun listafólkið segja frá verkum sínum. Opnunin og leiðsögn listafólksins er tákmálstúlkuð. Sýnendur eru Arnþór Hreinsson, Brandur Bryndísarsson Karlsson, Erla Björk Sigmundsdóttir Guðlaug Elísabet Jónatansdóttir, Halla Ómarsdóttir, Jón Helgi Gíslason — Donni, Lilja Dögg Birgisdóttir, Óskar Theódórsson og Vilhjálmur Guðmundur Vilhjálmsson. Tungumál Íslenska og táknmálstúlkun Aðgengi Lýsing á aðgengi í Borgarbókasafn Gerðubergi Strætó 3, 4, 12 og 17 (stoppistöð: FB) Gjörningakvöld R.E.C. Arts Reykjavík - 8. febrúar Hvað: Sýning þar sem listafólk ætlar að sýna atriði Í lok sýningarinnar verður spiluð tónlist og gestir mega dansa Hvar: Þjóðleikhúskjallarinn, Hverfisgötu 19, 101 Reykjavík Hvenær: 8. febrúar klukkan 9 eftir hádegi (21). "House of Revolution", Vol 7: "LIGHTS ON/Ljósin Á!” - Er sýning sem sýnir gnægð fjölbreyttra atvinnulistamanna sem búa á Íslandi. Sýningarnar eru „gjörningaveislur“ og eru leiddar og fluttar af listamönnum sem tilheyra samfélögum jaðarsettra hópa, engin sýning er eins! Hverri sýningu lýkur svo annað hvort með lifandi hljómsveit eða DJ og dansveislu! "House of Revolution" var tilnefnt til Grímunnar árið 2024. Sýning 7.: "LJÓSIN Á!” Er þema sem snýst um að finna sviðsljósið okkar og varpa ljósi á það sem skiptir okkur máli, með því að taka pláss og vera stolt af því hver við erum. Flytjendur: Embla-burlesque Joy- uppistandsmynd Ieisha- syngur Cheryl Kara Ang- píanóundirleikari Mordí- frásögn & standup Ruby La Queen- burlesque Rose Noire & Nonni- burlesque dans & söngur Sigur Ray & Smokey Quartz- ópera & drag Jimi Gadson, Aron Daði Ichihashi, Eir & Cheryl- tónlistarflutningur Paragram- hljómsveit Táknmálstúlkar: Adda Rut & Magga Auður frá Hraðar Hendur Táknmálstúlkar Gestgjafar: Rebecca Hidalgo, Eva Yggdrasil & Chaiwe Sól Kynnt og framleitt af R.E.C Arts Reykjavík Viðburðurinn á facebook Tungumál Enska og íslenskt táknmál Aðgengi Lýsing á aðgengi í Þjóðleikhúsinu Strætó Strætó: 2, 6, 11, 12, 13, 14 og 103 (stoppistöð: Þjóðleikhúsið) Salt & Pepper - bíósýning - 9. febrúar Hvað: Bíómyndin Salt & Pepper verður sýnd Eftir sýninguna verður talað um myndina Hvar: Bíó Paradís, Hverfisgata 54, 101 Reykjavík Hvenær: 9. febrúar milli klukkan 7 og 8:30 eftir hádegi (19-20:30) Eftir sýningu klukkan 20:30 munu Con og Michel segja frá framleiðslunni á myndinni. Það kostar inn á myndina. Miðinn kostar 2500 krónur og það er hægt að kaupa hann á heimasíðu tix.is Félag heyrnarlausra í samstarfi við Døves Media kynna myndina „Salt & Pepper“. Skipuleggjendur: Félag heyrnalausra: www.deaf.is og Doves media: www.dovesmedia.no Um myndina: Eftir fjögur löng ár, sameinast þrír vinahópar, hver með von um að tíminn hafi staðið í stað. En heimsfaraldurinn og afleiðingar hans hafa gjörbreytt lífum þeirra, og falinn sannleikur kemur í ljós. Í þessum viðkvæmu endurfundum verða vinirnir að spyrja sig sjálf djúpstæðra spurninga: „Hver er ég, hvernig hugsa aðrir um það hver ég er?“ „Salt & Pepper“ er skrifuð og leikstýrð af Con Mehlum. Stikla úr myndinni Tungumál Táknmál og íslenskur texti Aðgengi Aðgengi í Bíó Paradís Gleðin að vera og gera - 12. febrúar Hvar: Borgarbókasafn í Spöng, Spöngin 41, 112 Reykjavík Hvenær: Opnun 12. febrúar milli klukkan 2 og 4 eftir hádegi (14-16). Sýningin stendur til 1. mars. Sýndar verða svipmyndir úr fjölbreyttu starfi fatlaðs fólks hjá Virknimiðstöð Reykjavíkur og af verkum sem fatlað fólk á öllum aldri hefur unnið á síðustu árum. Tungumál Íslenska og íslenskt táknmál Aðgengi Fyrir hjólastólanotendur, jarðhæð. Aðgengilegt salerni á jarðhæð Strætó Strætó: 6, 15, 18 og 24 RVK Poetics #17 - 13. febrúar Hvað: Ljóðakvöld Jaðarsett ljóðskáld lesa ljóðin sín. Jaðarsettur þýðir að vera útundan í samfélaginu. Til dæmis vegna: fötlunar kyns Hvar: Mannréttindahúsið, Sigtúni 41, 105 Reykjavík Hvenær: 13. febrúar klukkan 7:30 eftir hádegi (19.30) Frá hjartarótum: skrif eftir fatlaðar konur og jaðarsett kyn. Í tilefni afmælishátíðarinnar standa ÖBÍ réttindasamtök í samstarfi við Reykjavík Poetics, Tabú, Neurodiverse Writers’ Space og Anfinnsverkefnið fyrir sýningu á ritlist fatlaðra kvenna og jaðarsettra kynja á Íslandi. Á viðburðinum verða ljóð og aðrir textar eftir Maríu Hreiðarsdóttur, Arndísi Lóu Magnúsdóttur, Freyju Haraldsdóttur, Sigríður Jónsdóttir, Þorberu Fjölnisdóttur, Kathy D'Arcy, Frida Adriana Martins, Sigrúnu Ósk, Benedikta Rostan og Elías Knörr. Mannréttindahús er aðgengilegt fyrir fólk í hjólastól. Viðburðurinn verður skynvinsamlegur, táknmáls- og rittúlkaður. Upplýsingar um aðgengi má finna með því að nota QR kóðann hér að neðan og er mælt með því að kíkja á upplýsingarnar þar. Fyrir frekari upplýsingar, vinsamlega hafið samband við [email protected] Gestgjafarnir Reykjavík Poetics er samfélagsmiðaður bókmenntaviðburður sem haldinn er á ensku. Tabú er feminísk fötlunarhreyfing sem vinnur að félagslegu réttlæti og gegn margþættri mismunun gagnvart fötluðum konum og kvárum. Anfinn er rannsóknarverkefni um sköpunarrými fyrir skynsegin fólk sem nú er unnið við Háskóla Íslands af Kathy D’Arcy. The Neurodiverse Writers’ Space er vettvangur eða öruggt rými til sköpunar sem er opið öllum skynsegin rithöfundum. ÖBÍ réttindasamtök eru mynduð af 40 hagsmunasamtökum ólíkra hópa. Markmið ÖBÍ er að íslenskt samfélag verði samfélag jafnréttis og réttlætis þar sem allir einstaklingar, óháð líkamlegri og andlegri getu, njóti mannsæmandi lífskjara og hafi jöfn tækifæri til sjálfstæðs lífs og virkrar félagslegrar þátttöku. Aðgangur er ókeypis og öll eru velkomin. Húsið opnar klukkan 19:30 og upplestur hefst klukkan 20:00. Boðið verður upp á drykki og veitingar. Við erum þakklát fyrir að fá stuðning frá Reykjavík Bókmenntaborg UNESCO. anfinn.hi.is Tungumál Íslenska Enska Rittúlkun Íslenskt táknmál Aðgengi Upphækkuð bílastæði fyrir hreyfihamlaða við gangstétt upp við bygginguna Engir þröskuldar Leiðarlínur og áherslusvæði fyrir blint og sjónskert fólk Navilens rötunarkerfi Lyfta Aðgengileg salerni Crip Camp - fötlunarbylting - 15. febrúar Hvað: Heimildamyndin ,,Crip Camp – Fötlunarbylting’’ verður sýnd. Eftir sýninguna verða umræður. REC arts og Freyja Haraldsdóttir leiða umræður. Hvar: Þjóðleikhúskjallarinn, Hverfisgötu 19, 101 Reykjavík Hvenær: Laugardagur 15. febrúar á milli klukkan 1 og 4 eftir hádegi (13-16) Það er ókeypis inn en fólk þarf að skrá að það komi. Það má skrá sig hér Eða senda tölvupóst á [email protected] og skrá sig. Léttar veitingar í boði Tungumál Enska og íslenska og íslenskt táknmál Aðgengi Lýsing á aðgengi í Þjóðleikhúsinu Strætó Strætó: 2, 6, 11, 12, 13, 14 og 103 (stoppistöð: Þjóðleikhúsið) Fyrirlestur um auðlesið mál - 17. febrúar Hvað: Fyrirlestur um auðlesið mál Snorri ætlar að tala um heimasíðuna audlesid.is Fyrirlesturinn fjallar líka um hvernig fatlað fólk tekur þátt í samfélaginu. Hvar: Borgarbókasafn í Spöng, Spöngin 41, Grafarvogi Hvenær: 17. febrúar milli klukkan 4:30 og 5:30 eftir hádegi (16.30-17.30) Snorri Rafn Hallsson, verkefnastjóri Miðstöðvar um auðlesið mál, segir frá verkefninu audlesid.is. Auðlesið mál nýtist þeim sem eiga erfitt með að lesa texta, t.d. fólki með þroskahömlun, fólki sem er lesblint eða þeim sem eru að læra íslensku. Texti á auðlesnu máli veitir líka fleirum möguleika á að njóta menningar af ýmsu tagi. Innan skamms kemur út ítarleg handbók með leiðbeiningum um þýðingu og ritun texta á auðlesnu máli. Tungumál Íslenska og íslenskt táknmál Aðgengi Fyrir hjólastólanotendur, jarðhæð. Aðgengilegt salerni á jarðhæð Strætó Strætó: 6, 15, 18 og 24 Sjónlýsing um Sjóminjasafnið - 20. febrúar Hvað: Heimsókn í Sjóminjasafnið Þar er sýning sem heitir Fiskur & fólk Sjónlýsing verður í boði fyrir þá sem vilja Hvar: Sjóminjasafnið í Reykjavík, Grandagarði 8, 101 Reykjavík Hvenær: 20. febrúar milli klukkan 1:30 og 3:30 eftir hádegi (13.30-14.30) Sjónlýsing er aðferð til að færa sjónræna upplifun í orð og lýsa fyrir þeim sem ekki geta séð með eigin augum. Í sjónlýsingunni verður fjallað um valda hluti á sýningu Sjóminjasafnsins Fiskur & fólk - sjósókn í 150 ár. Sýningin er bæði fræðandi og skemmtileg fyrir alla aldurshópa. Sérfræðingar Borgarsögusafns sjá um sjónlýsinguna en hópur starfsfólks safnsins hefur sótt námskeið og hlotið vottun sem sjónlýsendur hjá Audio Description Associates, LCC. Sjónlýsingin er ókeypis og blint og sjónskert fólk er boðið sérstaklega velkomið. Tungumál Íslenska Aðgengi Safnið er á tveimur hæðum og aðgengi er gott. Lyfta er á milli hæða og aðgengi salerni á staðnum. Strætó Strætó: 3 og 14 (stoppistöð: Grandagarður) Táknmálsleiðsögn um Sjóminjasafnið - 23. febrúar Hvað: Heimsókn í Sjóminjasafnið Þar er sýning sem heitir Fiskur & fólk Þau sem nota táknmál fá ferð um safnið á táknmáli Hvar: Sjóminjasafnið í Reykjavík, Grandagarður 8, 101 Reykjavík Hvenær: 23. febrúar milli klukkan 2 og 3 eftir hádegi (14-15) Sigurlín Margrét Sigurðardóttir, táknmálsleiðsögumaður, leiðir gesti um sýningu safnsins Fiskur & fólk - sjósókn í 150 ár. Sýningin er bæði fræðandi og skemmtileg fyrir alla aldurshópa. Leiðsögnin er ókeypis og öll þau sem tala táknmál eru boðin hjartanlega velkomin. Tungumál Íslenska Aðgengi Safnið er á tveimur hæðum og aðgengi er gott. Lyfta er á milli hæða og aðgengileg salerni á staðnum. Strætó Strætó: 3 og 14 (stoppistöð: Grandagarður) Sjónlýsing um sýninguna Sögur - 26. febrúar Hvað: Listasýning Á listasýningunni verða listaverk eftir fatlað listafólk Hvar: Menningamiðstöðin Gerðubergi 3-5, 111 Reykjavík Hvenær: 26. febrúar klukkan 6 til 7 eftir hádegi (18 - 19). Sýningin stendur til 8. mars Sjónlýsing um sýningunna 26. febrúar kl.18 - 19 Sögur er samsýning á verkum listafólks. Í verkunum eru frásagnir af hinu stóra og smáa, sólargeisla á vínyldúk, gjörningi í Nepal, eilífðar smáblómi og ægifegurð náttúru og manna, táknmáls og skynjunar. Á opnun sýningarinnar mun listafólkið segja frá verkum sínum. Opnunin og leiðsögn listafólksins er tákmálstúlkuð. Sýnendur eru Arnþór Hreinsson, Brandur Bryndísarsson Karlsson, Erla Björk Sigmundsdóttir Guðlaug Elísabet Jónatansdóttir, Halla Ómarsdóttir, Jón Helgi Gíslason — Donni, Lilja Dögg Birgisdóttir, Óskar Theódórsson og Vilhjálmur Guðmundur Vilhjálmsson. Tilboð verður á veitingastaðnum í Gerðubergi fyrir og eftir sjónlýsinguna. Tungumál Íslenska og táknmálstúlkun Aðgengi Lýsing á aðgengi í Borgarbókasafn Gerðubergi Strætó 3, 4, 12 og 17 (stoppistöð: FB) Málþing um bækur og Brjáluð fræði - 1. mars Hvað: Málþing um Brjáluð fræði, rannsóknir kynntar og rithöfundar lesa úr verkum sínum. Hvar: Norræna húsið, Sæmundargata 11, 102 Reykjavík Hvenær: 1. mars milli klukkan 4 og 5:30 eftir hádegi (16-17:30) Brjáluð fræði (e. Mad studies) er fræðasvið sem kom fyrst fram á sjónarsviðið í byrjun 21. aldarinnar. Fræðasviðið sprettur upp úr hreyfingunni „Mad movement“ sem er mun eldri og á sér rætur í aktivisma og mannréttindabaráttu áttunda áratugarins. Brjáluð fræði eiga sér alltaf stað í tengslum fræða og aktivisma. Dagskrá Brjáluð fræði og rannsókn um bækur Gunnhildur Una Jónsdóttir, meistaranemi í fötlunarfræði við HÍ og MFA í myndlist frá Carnegie Mellon-háskóla. Boðaföll: Nýjar nálganir í sjálfsvígsforvörnum Fanney Björk Ingólfsdóttir, BA í sálfræði frá Háskólanum á Akureyri og meistaranemi í ritlist við HÍ. Sjónarhorn gagnrýninnar kenningar á innleiðingu jafningjastuðnings og batamiðaðrar hugmyndafræði Nína Eck, félagsráðgjafi, teymisstjóri jafningja á LSH og jafningjaþjálfari. Úr hæstu hæðum niður í dýpstu djúp: Um uppsprettur Lífið er staður þar sem bannað er að lifa og Hreinsunareldur Steindór J Erlingsson, líffræðingur og vísindasagnfræðingur. Viðburður á Facebook Tungumál Íslenska og íslenskt táknmál Aðgengi Norræna húsið hefur ágætt aðgengi í flest rými hússins. Að húsinu liggur hjólastólarampur og inni í húsinu er lyfta sem fer niður í sýningarrýmið Hvelfingu. Stigi niður í barnabókasafnið frá bókasafninu sjálfu en fyrir hjólastóla er aðgengilegt inná barnabókasafnið frá Hvelfingu. Elissa (salur) hefur gott aðgengi. Aðgengileg salerni eru á aðalhæð hússins og eru öll salerni kynhlutlaus. Skynvænt rými er í boði á meðan að á viðburðinum stendur. Það er staðsett nálægt viðburðarýminu og verður merkt sérstaklega Strætó Strætó: 15 (stoppistöð: íslensk erfðagreining) EÐA 1, 3 og 6 (stoppistöð: Háskóli Íslands) ARTIVISMI - 1. mars Hvað: Vinnustofa og samtal um list og réttindabaráttu Þátttakendur vinna að sinni list Á staðnum verður efni til að búa til listaverk Hvar: Norræna húsið, Sæmundargata 11, 102 Reykjavík Hvenær: 1. mars milli klukkan 1 og 3 eftir hádegi (13-15). Listvinnzlan í samstarfi við Norræna húsið, Átak og List án landamæra býður Artivistum á Íslandi til samveru í Norræna húsinu. Við munum eiga samtal um listsköpun og baráttumál og vinnum að verkum okkar. Fólk getur komið með sinn eigin efnivið sem það er vant að nota en á staðnum verður líka efniviður til þess að skapa með, meðal annars litir, blöð, garn og fleira. Samhliða viðburðinum verður safnað saman lista yfir fólk sem notar list, handverk og sköpun í réttindabaráttu. Tungumál Íslenska, enska og íslenskt táknmál Aðgengi Norræna húsið hefur ágætt aðgengi í flest rými hússins. Að húsinu liggur hjólastólarampur og inni í húsinu er lyfta sem fer niður í sýningarrýmið Hvelfingu. Stigi niður í barnabókasafnið frá bókasafninu sjálfu en fyrir hjólastóla er aðgengilegt inná barnabókasafnið frá Hvelfingu. Elissa (salur) hefur gott aðgengi. Aðgengileg salerni eru á aðalhæð hússins og eru öll salerni kynhlutlaus. Skynvænt rými er í boði á meðan að á viðburðinum stendur. Það er staðsett nálægt viðburðarýminu og verður merkt sérstaklega Strætó Strætó: 15 (stoppistöð: íslensk erfðagreining) EÐA 1, 3 og 6 (stoppistöð: Háskóli Íslands) Útgáfuhóf - Fötlun, sjálf og samfélag - 6. mars Hvað: Veisla þar sem fólk kemur saman og gleðst yfir útgáfu nýrrar bókar. Þar verða stutt ræðuhöld og gestum mun gefast tækifæri á að skoða bókina og ræða við höfunda. Hvar: Bóksala stúdenta, Háskólatorgi, Sæmundargata 4, 102 Reykjavík Hvenær: 6. mars á milli klukkan 3:45 og 5 eftir hádegi (15:45 - 17:00) Út er komin bókin Fötlun, sjálf og samfélag: Birtingarmyndir og úrlausnarefni í ritstjórn Snæfríðar Þóru Egilsson, prófessors í fötlunarfræði við HÍ. Bókinni er ætlað að varpa ljósi á líf og félagslegar aðstæður fatlaðs fólks hér á landi í ljósi gagnrýninna kenninga og íslenskra rannsókna á sviði fötlunarfræði. Athygli er beint að helstu viðfangs- og úrlausnarefnum ólíkra æviskeiða og að flóknu samspili félagslegra, efnislegra og stofnanabundinna hindrana sem skapa og viðhalda fötlun og torvelda fötluðu fólki að lifa góðu lífi. Kaflarnir tólf veita greinargóða innsýn í þróun fræðasviðsins síðustu ár og áratugi en höfundar efnis eru rannsakendur sem beint hafa sjónum að ólíkum sviðum innan fötlunarfræði. Háskólaútgáfan gaf bókina út. Tungumál Íslenska og íslenskt táknmál Aðgengi Háskólatorg er með salerni aðgengileg fólki sem notar hjólastóla. Fyrir utan eru bílastæði merkt fyrir fatlað fólk. Strætó Strætisvagnar sem stoppa í grennd við Háskóla Íslands eru nr. 1, 3, 6 (stoppistöð Háskóli Íslands) og 12 (Stoppistöð Þjóðminjasafnið). facebooklinkedintwitter
