GABAY NG GURO SA BAITANG 7

PLANO SA PAGKATUTO (LEARNING PLAN)

UNANG MARKAHAN

LINGGO 21

UNANG ARAW

Petsa: ______________________________

I. Mga Tunguhin:
Nakapagtataya sa mga iskemang taglay
ng mga mag-aaral patungkol sa komiks
Naipakikilala at nababasa ang akdang
tatalakayin at ang talambuhay ng
manunulat nito

II. Mga Kagamitan
a) Kopya ng mga sumusunod na bahagi
ng komiks na isinulat ni Pol Medina Jr
na pinamagatang Pugad Baboy 6
Pimple (pahina 1)
Braces (pahina 3)
The Gwapings (pahina 30)
III. Paksang Aralin
Trese Isyu 5 ni Budjette Tan

IV. Pamamaraan

A. Panimulang Pagtataya (10 minuto)
(1/4 na papel)

TALAAN NG ISPISIPIKASYON
(Dayagnostikong Pagsusulit)

MGA KASANAYAN

# NG
AYTEM
KINALALAGYAN
NG AYTEM
%
1. Nakikilala ang mga kakaibang nilalang
mula sa mitolohiyang katatakutan ng
Panitikang Pilipino

3

1,2,4

30
2. Natutukoy ang mga katawagang
nabuo mula sa mga paniniwala ng
mga sinaunang Pilipino

2

3 at 5

20
3. Natutukoy ang pagkakaiba ng
pagsulat ng balitang makatotohanan
at di-makatotohanan

5

6-10

50

_______1) Sila ang mga kakaibang nilalang na
pinaniniwalaan ng mga Pilipino na
nakatira sa isang punso.
_______2) Sila naman ay kumakain ng mga
sanggol at tumitigil sa mga bubong ng
mga bahay ng buntis.
_______3) Ito ang tawag sa paraan ng
panggagamot ng mga albularyo gamit
ang kandila, plangganang maliit na may
tubig.
_______4) Pinaniniwalaang sila ang mga
kaluluwang ligaw na hindi nabasbasan
nang mamatay.
_______5) Ito ang katawagan sa mga paniniwala
ng mga matatandang Pilipino.


(6-10) Isulat ang M kung ang
sumusunod na balita ay
makatotohanan at DM naman kung
hindi.
____6) P-noy, tatakbo sa susunod na
eleksyon.
____7) Isang buntis, nawalan ng anak.
Kinain ng isang manananggal.
____8) KC nagkasakit, dinalaw ng
manliligaw na tikbalang.
____9) Dalagang artista, nanganak ng
duwende.
___10) Bus papuntang Mindanao,
nahulog sa bangin ng Bundok
Panganib.

B. Pagganyak (10 minuto)
Magbigay ng mga sikat na artistang
nababalita sa ngayon na sangkot
sa ibat ibang isyu.
Ipakinig sa kanila ang isang
showbiz balita
Mga gabay na tanong patungkol sa
sa pinakinggang balita:
- paano naiba ang showbiz balita
sa balitang napakinggan natin
noong nakaraang linggo/
- ano ang pinagkaiba sa
paglalahad at sa impormasyong
ibinigay? makatotohanan ba o
hindi?
- bakit kaya nabigyang halaga sa
ating lipunan na maging paksa
ang mga personal na buhay ng
mga artista?
- ano kaya ang epekto nito sa
mga taong nakakaalam ng mga
ganitong balita? sa taong paksa
ng balita?
Pahapyaw na pagtalakay sa mga
batayan kung paano malalaman
ang makatotohanan sa mga di-
makatotohanang balita

C. Presentasyon (25 minuto)
Pagpapakilala ng Panitikang Pilipino
mula sa mga pamahiin at kwentong
bayan na bumuo sa akdang Trese
Pagtalakay sa nakamit na karangalan
ng nasabing akda sa industriya ng
panitikan, ang pagkukuwento ng
synopsis at pagkakakilanlan ng mga
tauhan sa kwento kaugnay ang
kaligirang pangkasaysayn ng awtor at
ng akda
Pagbibigay ng mga gabay na tanong
na sasagutan pagkatapos ng
pagbabasa ng teksto
(Pagpapayaman #1)
Pagpapabasa ng teksto sa paraang
Imaginative reading



D. Pagpapayaman (10 minuto)
Pagtalakay ng mga mahahalagang
pangyayari sa kwento gamit ang mga
sumusunod na gabay na mga tanong:
1) Sino-sino ang mga tauhan ng
akda? Ilarawan sila.
2) Ano ang pangunahing tension na
nabuo sa pagitan ng mga tauhan?
Paano ito nalutas o naresolba?
3) Ano-ano ang mga kakaibang
nilalang na binanggit sa akda?
Paano naiba ang mga nilalang na
ito sa atin?
4) Sa reyalidad, may Trese ba na
gumaganap ng tungkulin sa
pagsugpo sa mga kakaibang
nilalang na ito? Ano ang tawag
natin sa mga ito?

E. Pagpapalawig (10 minuto)
(Ball rolling)
Bahala ang guro kung kaninong mag-aaral niya
unang ipapasa ang bola. Ipapasa naman ito ng
nauna sa susunod sa kanya at ganun ang
gagawin ng mga susunod pa. Tuloy-tuloy lang
ang pasahan habang umaawit ng pamilyar na
awit para sa kanila. Kung kanino titigil ang bola,
siya ang unang magbabahagi sa kanyang mga
karanasan ukol sa mga kwentong kababalaghan.
Saka uulitin ang ginawa kanina.

F. Sintesis
Dugtungan ang mga sumusunod na pahayag.
(Recitation)
Inaasahan ko noong una na
_________________. Ngunit nalaman ko pong
__________________________________. Kaya
ngayon, akoy
____________________________.

IV. Kasunduan
Magdala ng mga sumusunod na kagamitan:
Komiks
5 short bond paper
lapis
pentel pen/marker
krayola
sign pen
ruler

IKALAWANG ARAW

Petsa: ______________________________

I. Mga Tunguhin:
Naisasakomiks ang akdang tinalakay
Napahahalagahan ang pagbabasa ng
komiks at ang malaking kontribusyon nito
sa pag-unlad ng ating panitikan
Nakapagbibigay ng tamang paghatol sa
mga gawa ng kaklase gamit ang ibinigay
na pamantayan



II. Mga Kagamitan:
a. Kopya ng Trese Isyu 5
b. Mga pangguhit
c. 5 bond paper
III. Pamamaraan

A. Panimulang Pagtataya (15 minuto)

MGA KASANAYAN

# NG
AYTEM
KINALALAGYAN
NG AYTEM
%
1. Natutukoy ang pamagat at ang may-
akda ng akdang tinalakay

2

1,2

20
2. Naiisa-isa ang mga ginawa ng mga
tauhan ng kwento

3

3,4,5

30
3. Nakapagsusunod-sunod ng mga
pangyayari sa kwento/Nailalahad ang
banghay ng kwento

3

6,7,8

30
4. Naibibigay ang aral na matututunan sa
akda
2 9-10 20

_______1)Ano ang pamagat ng akdang
tinalakay kahapon?
_______2)Sino ang sumulat ng akdang ito?
_______3)Sino ang madalas pakontakin
Guerrero kay Tapia sa oras na may di
maipaliwanag na kaso?
_______4)Anong kakaibang nilalang ang
nakausap nila Trese na nakatulong sa kaso?
_______5)Sinong ang itinuturo ng kanilang pag-
iimbestiga na may kinalaman at suspek sa
kaso?
_______6)Ano ang nangyari sa simula ng
kwento?
_______7)Sa kalagitnaan ng kwento?
_______8)Sa katapusan ng kwento?
_______9) - 10) Anong mga aral ang iyong
napulot matapos basahin ang akda?

B. Pagganyak (10 minuto)
Minsan ka na bang nakapagbasa ng
komiks? Ano-ano na ang mga komiks na iyo nang
nabasa? Pahulaan ang mga ibibigay na
halimbawa ng mga sumikat na palabas o pelikula
na nagsimula sa komiks.

C. Presentasyon
Pagtalakay patungkol sa Komiks at ang
kontribusyon nito sa pag-unlad ng
panitikang Pilipino

D. Pagtalakay sa Lunsaran
Pagbalik-tanaw sa kwentong tinalakay
Pagsasakomiks ng tinalakay na akda
Pagtalakay ng mga hakbang sa pagbuo
ng isang komiks

E. Pangkatang-gawain

Pangkatin ang klase sa apat na grupo
Bigyan ng komite ang bawat grupo para sa
Komiks Convention
Pag-uusapan ang gagawing Komiks
convention sa klase kung saan ididisplay
ang mga nagawang komiks ng lahat ng
grupo upang mabuo ang kwento ng Trese
Gamitin ang mga sumusunod na gabay sa
brainstorming:

1) Ano-ano ang mga parangal na igagawad
sa convention? Ano ang sistema sa
pagpaparangal?
2) Paano ang magiging sistema ng
pagbabasa at pagtatanghal ng mga
komiks?

F. Sintesis
Ang komiks ay _____________________
________________. Nalaman kong
_____________________________. Kailangan
nating tangkilikin ang pagbabasa ng mga komiks
dahil __________________________________.

IV. Kasunduan
Magdala ng mga materyales para sa gagawing
komiks convention. Gumawa ng sariling kwento
na isasakomiks at ididsplay sa komiks
convention.

IKATLONG ARAW

Petsa: ______________________________

I. Mga Tunguhin
Nalalaman ang mga batayan sa tamang
paghatol sa ginawang komiks ng mga
kaklase
Naisasakatuparan ang mga napagplanuhan
at napaghandaan para sa komiks
convention
Napahahalagahan ang pagbabasa ng mga
komiks para sa lubos na pagkaunawa ng
mga akdang pampanitikan

II. Mga Kagamitan
a. Maliliit na mga parangal para sa mga
natatanging komiks
b. Pandikit, gunting, pandisenyo, cartolina,
manila paper

III. Pamamaraan

A. Panimulang Gawain
Pagpapahula sa nakarambol na salitang:

SKIOKM NNECTIVONO

B. Lunsaran
Pagpapaliwanag kung ano ang
KOMIKS CONVENTION
Pagpapadisplay ng lahat ng
nagawang komiks ng akdang
Trese Isyu 5

C. Pagpapayaman
Ipapabasa sa mga mag-aaral ang mga komiks na
nabuo ng klase. Pabobotohin sa pamamagitan ng
paglalagay ng chips na may pangalan ng mag-
aaral at ididikit sa komiks na kanyang binoboto.
Ang may pinakamaraming boto ang mga
gagawaran ng mga parangal.

D. Sintesis
Ang Komiks Convention ay nakatutulong upang
_________________________________
_______________________________________.

E. Pangwakas na Pagtataya
Panuto: Pagsunud-sunurin ang mga
pangyayari sa akdang Trese.
_______1) Ipinakilala ng duwende ang
kanyang sarili kay Nova nung gabing itoy
manalo.
_______2) Sa Korte, habang dinidinig ang
kanyang kaso, muli niyang napaluha ang
mga manonood.
_______3) Na-stroke si Nova.
_______4) Ipinatawag ni Cap. Guerrero kay
Tapia si Alexandra Trese.
_______5) Nagustuhan ng duwende si
Heather at tinulungan itong sumikat
_______6) Nagalit si Nova at piata si
Heather.
_______7) Muling naging Star of the Season
si Nova.
_______8) Lumuha si Nova at pumatak ito sa
tsokolateng binibigay niya sa duwende.
_______9) Pumunta si Trese sa
pinangyarihan ng krimen.
_______10) Pinapapunta ni Cap si Trese sa
ABS-ZNN Studio 4.

IV. Takdang-aralin
Maghanda sa mahabang pagsusulit
patungkol sa mga tinalakay na lingguhang
aralin.

IKAAPAT NA ARAW

Petsa: ______________________________

I. Mga Tunguhin
Naibubuod ang mga aralin sa pagbabalik-
aral ng mga tinalakay
Nakapagbibigay-mungkahi kung paanong
mapapaunlad ang industriya ng komiks sa
pag-aaral ng panitikan
Nakasasagot sa mahabang pagsusulit sa
Linggo 16 na aralin at nalalaman ang mga
tamang sagot matapos ang pagsusulit.

II. Mga Kagamitan:
Mga papel sa pagsusulit
cartolina strips

III. Pamamaraan:

A. Panimulang Gawain
(Flashback activity)
Kumpletuhin ang tsart sa ibaba. Punan ang mga
naging gawain sa Linggo 16. Ano-ano ang iyong
mga natutunan?


LINGGO 16
Mga Paksa
Mga
Natutunan
Unang Araw Akdang Trese
Ikalawang Araw Komiks
Ikatlong Araw Komiks
Convention


B. Balik-aral
Pagtalakay sa mga sagot ng nabuo sa tsart.

C. Pangkatang-Gawain
Bumuo ng pangkat sa klase. Pag-usapan
kung anong mga paraan ang maaaring imungkahi
upang mapaunlad ang paggawa at pagtangkilik
ng mga komiks bilang mabisang paraan sa pag-
aaral ng literatura.

D. Pagtataya sa Pagtatasa
Pagsagot sa mahabang pagsusulit sa mga
naging paksa sa buong linggo.

E. Sintesis
Pagsulat ng isang journal tungkol sa mga
sariling karanasan sa mga kababalaghan. Ano
ang solusyon upang mawala ang takot na
nagpapalala ng mga siwasyon ng Pilipino?

IV. Takdang-Aralin:
A. Magsaliksik tungkol sa akdang Alamat ng
Waling-waling ni Gaudencio Aquino.
B. Gumupit o gumuhit ng larawan ng Waling-
waling sa isang short bond paper. Kulayan ito at
magbigay ng mga pang-uring naglalarawan sa
nasabing bulaklak.