Ria Ellaine C.

Lachica

Grade 11-Galilelo

Reaksyong Papel

Titulo: Depresyon: Huwag Balewalahin

Salin sa Filipino ni Christian George C. Fransisco

Halaw sa aklat na pagbasa at Pagsusuri ng Iba’t ibang Teksto tungo sa Pananaliksik ng Vibal Publishing
Inc.

Maraming iba't ibang gawain ang ibinabato ng mundong ating ginagalawan ngayon na nakapagdudulot
ng iba’t ibang problema na nagiging sanhi ng iba't ibang mental disorder,isa na ang depresyon. Dahil sa
pagsasabay-sabay ng mga problemang ibinabato sa ating buhay ay napapagod rin ang mga tao na
harapin ang mga ito. Gayunpaman, ayon sa tekstong pinamagatang "Depresyon: Huwag Balewalahin" na
isinalin sa filipino ni Christian George C. Fransisco ay nailahad ang iba't ibang senyales ng depresyon na
nararanasan ng mga taong mayroon nito,ang mga taong kadalasang nakakaranas mito at kung ano ang
mga dapat gawin kung may kakilala tayong nakakaranas nito.

Ang akdang pinamagatang "Depresyon: Huwag Balewalahin" ay naglalayong makapagbigay ng

impormasyon upang makatulong sa kung papaano ito makontrol at maiwasan. Ang mga ibinigay na
palatandaan mula sa akda ay malaking tulong upang malaman kung ang iyong sarili, pamilya, o kakilala
ang nakararanas nito. Isa pinaka-importanteng palatandaan na dapat isaalang-alang at maiwasan ay ang
pagpapatiwakal o pag-iisip na magpakamatay ng taong nakararanas ng depresyon dahil ang buhay ng
tao ay isang sagrado at walang sinumang tao ang maaaring kumitil ng buhay para lamang sa pansarili at
hindi katanggap-tanggap na rason.

Maraming nagsasabi na ang usaping ito ay gawa-gawa lamang ng isip ng tao ngunit napatunayan ng
akdang ito na ang depresyon ay may kinalaman sa Siyensya. Kaya nakararanas ang tao ng mental
disorder ay dahil sa kakulangan ng serotonim' at 'norepinephrine',nagdudulot ng pagkatakot sa kaniyang
paligid, pagiging magagalitin at fatigue. Ang akala nating 'wala lang' na mga pagbabago sa ating mood, sa
ating galaw,at sa ating pananaw ay malaking aspekto pala ng pagkakaroon ng Depresyon.

Totoong mas nakakararanas ng depresyon ang mga taong may edad na 24 hanggang 55 taong gulang,
maging kabataan dahil ito ang mga edad na nakapaloob sa yugto ng 'maturity'. Ang mga taong nasa
yugtong ito ay may kani-kaniya ng ganap o responsibilidad sa buhay, sarili,pamilya, komunidad, at sa
bansa. At kadalasan,ang pagpupuno sa mga responsibilidad na ito nagkakaroon ng problema. Hindi ligtas
ang mga kabataan sa mental disorder na ito,dahil nakararanas din sila ng depresyon lalong higit sa pag-
aaral at sa Pamilya. Ako,bilang isang mag-aaral at anak ay may mga karanasan na muntik na magdulot sa
akin sa depresyon. Ang iba sa mga salik na aking naranasan ay ang kawalan ng oras sa pagtulog na kung
saan ay nakapaloob din sa ibinigay na palatandaan ni Fransisco sa akdang ito. Nawawalan ako ng oras sa
pagtulog dahil sa sakit kong 'insomnia' at kaugnay na din ang paggawa ko ng mga takdang aralin at
pagrerebyu sa gabi. Isa pa salik ang aking pagiging magagalitin,ito rin ay nakapaloob sa palatandaan ni
Fransisco sa akdang ito. Napansin ako ang aking pagiging magagalitin epekto ng wala kong
tulog,nawawalan na ako ng interes sa paligid ko at lagi nalang 'big deal' sa akin ang lahat ng bagay,lagi
akong nagagalit kapag hindi nasunod ang gusto kong mangyari sa isang partikular na gawain. Buti na
lamang at nariyan ang aking mga kaibigan na silang tumulong sa akin para hindi magpatuloy ang mental
na disorder na ito. Pinagkatiwalaan ko silang malaman ang aking personal na problema at nakatulong
sila sa para gumaan ang aking pakiramdam. Nakapagbigay din sila ng kanilang mga suhestiyon at mga
personal na karanasan,at naging malaking tulong ito sa akin. Kaya, laking pasasalamat ko sa kanila na
hindi ako nagpatuloy na magkaroon nito. Alam ko na marami pang bagay na dadating sa ating buhay
kaya hindi pa ako ligtas sa pagkakaroon ng depresyon kaya inihahanda ko na ang aking sarili para
maiwasan ito.

Aking napagbulay-bulayan na ang akdang ito ay may kredibilidad dahil nagsasabi ito ng totoong mga
impormasyon. Nasabi ko ito dahil ang mga ibinigay na impormasyon ng akdang ito ay tiyak at tumpak
batay sa aking personal na karansan. Ang mga palatandaan na aking nakita at ang mga dapat gawin para
maiwasan ito ay magkapareho.

Masasabi ko na ang pananaw ng sumulat ng akda ay makatuwiran at mabuti. Nakita niya na ang mental
disorder na ito ay isang seryosong usapin dahil may mga salik na nakakaepekto sa pananaw ng tao at
ang pagkitil ng buhay. Naisakatuparan ng may akda na makapagbigay ng eksaktong palatandaan upang
masuri ang pagkakaroon nito at kung paano ito ‘ihandle’. Ang ganitong uri ng pananaw ay malaki
napakangbuti para sa komunidad upang makatulong sa bawat isa na wala pang kaalaman tungkol dito.
Masasabi ko ring buo ang artikulo dahil kumpleto kong naintindihan ang nais ipahiwatig ng may akda, sa
pagbibigay nito ng malawakang impormasyon tungkol sa depresyon,mga palatandaan, dapat gawin, at
paano ito maiiwasan. Sagayon,masasabi kong ito ay may maayos na organisasyon at may katuturan dahil
nagbigay ito ng mga importanteng kaalaman patungkol sa paksa.

Bilang pangkalahatang reaksyon tungkol sa tekstong ito batay sa kabuluhan at kahalagahan,masasabi

kong naisakatuparan ng may-akda ang kaniyang layunin.

Napakanghalaga nito sa:

 Sarili. Dahil matapos kong mabasa ang tekstong ito ay nalaman ko ang mga bagay na dapat kong
isaalang-alang sa pagkakaroon ng depresyon. Una, pansinin kahit ang mga simpleng pagbabago
sa aking pananaw, sa aking ‘mood’, at sa ating ‘routine’ dahil ito ay iba sa mga palatandaan ng
pagkakaroon ng Depresyon. Maaari ko na itong baguhin at ibahin upang hindi na ito
magpatuloy. Pangalawa, iwasan ang mga bagay na maaaring makapagpalala ng depresyon,ang
pag-iwas sa mga bagay na nakaka-istress ay malaking bahagi, halimbawa na lamang ng kawalan
 ng tulog, problema, pagsasabay-sabay sa paggawa ng mga gawain,atbp. Pangatlo,nalalaman ko
na din kung paano mmahgiging kapaki-pakinabang ng nalalaman ko sa iba’t ibang sitwasyon.

 Pamilya. Dahil nalalaman ko na din kung paano ko magagamit ang kaalaman na aking natutunan
sa paghahandle nito sa aking pamilya Maaari ko na itong maiwasan at makapaglalaaan na ako ng
mas maraming oras para sa kanila.

 Komunidad, Bansa, at Daigdig. Dahil ang kaalaman na nagmumula sa akda na ito ay maaaring
magamit ng mga nasa katungkulan at mga tao para gumawa ng implementasyon o programa
upang maiwasan,kung paano ‘ihandle’,at kung ano ang mga dapat gawin. Sagayon ay masuyod
ang buong mundo para ang mga taong wala pang kaalaman at nasa laylayan ng ekonomiya
tungkol dito ay magkaroon ng kaalaman.

Bilang isang simpleng tao na nakakasalamuha ng iba’t ibang tao araw-araw. Maaari kong magamit ang
kaalaman na ito para sa magandang layunin para ang salitang ‘deprsyon’ sa ating buhay.