ANG PAGTUTURO NG FILIPINO BATAY SA DEPED KURIKULUM SA FILIPINO

 Sa ipinatupad na kurikulum ng DepEd para sa pagtuturo ng Filipino may mga pananaw at

simulain sa pagkatuto ng wika na binibigyang pansin. Una ay ang pagkakaroon ng interaksyon
sa pagitan ng mga mag-aaral, ng guro at ng teksto.
 Mas mabisa ang pagkatuto kung nabibigyan ng pagkakataon ang mga mag-aaral na mag-isip,
magpalitang-kuro at tumanggap ng ideya mula sa iba. Ikalawa, ang pagkakaroon ng
integrasyon sa mga kasanayan at gawain sa pagtuturo ng wika. Ang apat na makrong
kasanayan sa wika ay nakikita o naituturo sa isang kabuuan at hindi na hiwa-hiwalay na tulad
ng ginagawa dati (Whole Language Approach and Integrative Approach).
 Ikatlo, mahalaga ang konteksto sa pag-aaral ng wika. Dito ginagamit ang nilalaman ng ibang
aralin o disiplina sa pagtuturo ng wika (Content-based Instruction / Literature-based
Instruction)
KOMUNIKATIBONG PAGTUTURO NA NAKAPALOOB ANG MGA ESTRATEHIYA SA FILIPINO
Komunikatibong Pagtuturo ng Wika
(Communicative Language Teaching)
 Inilarawan nina Richards at Rodgers (1986) ang CLT bilang isang lapit (approach) sa halip na
isang pamaraan sa dahilang ito ay nagrerepresenta sa isang pilosopiya ng pagtuturo na batay
sa komunikatibong gamit ng wika. Nagsimula ang lapit na ito sa mga naisulat nang literatura
na nauukol sa konseptong nosyonal-functional at paglinang ng kasanayang komunikatibo sa
halip na sa gramar o istruktura ng wika nakatuon ang pagtuturo.
Ano ang komunikatibong pagtuturo?
 Ang estratehiyang komunikatibo ay mga paraan na ginagamit sa paglilipat ng konsepto, ideya,
katotohanan, kasanayan at saloobin sa pagiisip at mga Gawain ng mga magaaral mula sa pakilala lang
sa gramatika tungo sa pagpapalawig, paguugnay at paggamit sa aktwal ng sitwasyon sa tunay na
buhay , pasalita man o pasulat.

Mga inaasahang bunga

1. Naipaliliwanag ang mga batayang konsepto sa komunikatibong pagtuturo ng wika;
2. Nalalaman ang iba’t ibang katangian ng isang mabuting estratehiya sa pagtuturo ng wika at
ang iba pang makabagong paraan sa pagtuturo nito; at
3. Nabibigyang-halaga ang iba’t ibang estratehiya sa pagtuturo ng wika at ang pamaraang
komunikatib para sa makabuluhang pagtuturo

Sa lapit na ito binibigyang pansin ang sumusunod na pananaw o simulain:

 Pagbibigay diin sa gamit ng wika sa komunikasyon sa halip na sa pag-aaral ng kayarian
ng wika.
 Pagkakaroon ng katatasan sa pagsasalita sa halip na sa pagiging tama o wasto sa
kayarian o gramar ng wika.
 Pagbibigay pansin sa mga gawaing aktwal na ginagamit ang wika sa halip na
pagsasanay o drill sa mga bahagi ng wika.
  Pagkakaroon ng kamalayan sa iba’t ibang gamit o tungkulin ng wika ayon sa
pagkakataon sa halip na pagbibigay pansin lamang sa wika.
Sa komunikatibong lapit sa pagtuturo ng wika, nililinang ang mga kasanayang kognitibo tulad ng
kaalaman sa gramar ng wika, pagpili ng angkop na bokabularyo at kasanayang sosyolinggwistika o
angkop na paggamit ng wika sa iba’t ibang sitwasyon. Gayundin nililinang ang makagawi o
behavioral na aspekto ng mga mag-aaral sa paggamit ng wika sa aktwal na sitwasyon (Littewood
1984).

May mga mungkahing hakbang na magagamit ng guro sa pagtuturo ng wika na sinusunod ang mga
simulain ng pagdulog na komunikatibo. Narito ang mga hakbang at ang paliwanag sa bawat isa.
1. Pagtiyak sa Layunin - Isa sa mga simulain ng pagdulog na komunikatibo ay ang
pagkakaroon ng kamalayan ng mga mag-aaral sa ginagawa nila sa klase at sa
kahalagahan nito sa kanilang pang-araw-araw na buhay. Magiging makahulugan ang aralin
kung malinaw sa bawat mag-aaral ang layunin nito. Sa hakbang na ito ipinaaalam sa mga
mag-aaral kung ano ang nilalayon ng aralin. Halimbawa: Ang tatalakayin nating aralin ay
tungkol sa paghingi at pagbibigay ng payo. Maaari ring ipakita ang mga larawan na
nauukol sa mga sitwasyon na nagpapakita ng mga gawaing pangwika o kaya naman ay
dayalogo na maglalaman ng aktwal na nangyayari sa pag-uusap.
2. Paglalahad - Dito ipinakikita o ilalahad ang mga kayarian ng wika na gagamitin sa isang
sitwasyon o konteksto na ang tuon ay sa gamit o tungkulin ng wika. Pag-uusapan dito ang
layunin ng nag-uusap, mga paraan na ginagamit upang magkaunawaan tulad ng kilos o
mga pahiwatig na salita.
3. Pagsasanay - Pagkatapos na matutuhan ng mga mag-aaral ang mga kayarian na angkop
gamitin sa sitwasyon, bibigyang laya ang mga mag-aaral na gamitin ang mga ito sa iba’t
ibang sitwasyon. Dito, iba’t ibang gawain ang ibibigay ng guro tulad ng pag-uusap tungkol
sa napapanahong paksa, paglutas ng suliranin, mga role-play na isasakilos o mga larong
pangwika.
4. Paglilipat - Paggamit ng mga natutuhang kayarian at kasanayan sa makatotohanang
sitwasyon. Ang mga mag-aaral ay iisip o pipili ng mga sitwasyon sa tunay na buhay na
ipinakikita ang aktwal na paggamit ng wika. Halimbawa: Pagdedebate tungkol sa isang
paksa, paghingi ng payo, at pagpapaturo sa pagsasagawa ng isang bagay.

SANGKAP SA KAKAYAHANG PANGKOMUNIKATIBO

a. Kakayahang lingguwistiko o gramatikal

- Ito ay tumutukoy sa kakayahan sa pagunawa at paggamit sa kasanayan sa ponolohiya,
morpolohiya, sintaks, semantika, gayundin ang mga tuntuning pang-ortograpiya.
- Ito ang magbibigay kakayahan sa taong nagsasalita upang magamit ang kaalaman at
kasanayan sa pagunawa at pagpapahayag sa literal na kahulugan ng mga salita
-
b. Kakayahang sosyolingguwistiko
- Ito ay tumutukoy sa pagsaalang-alang ng isang tao sa ugnayan niya sa mga kausap, ang
impormasyon ng pinaguusapan at lugar ng kanilang paguusapan. Kabilang rin dito ang
kontekstong sosyal ng isang wika
MGA DAPAT ISAALANG ALANG UPANG MAGKAROON NG MABISANG PAKIKIPAGTALASTALASAN
S- SETTING (POOK O LUGAR NG PAGUUSAPAN)
P- PARTICIPANT (MGA TAONG KASANGKOT)
E- ENDS (PAKAY O LAYUNIN)
A- ACT SEQUENCE (TAKBO NG USAPAN)
K- EYS (TONO NG PAKIKIPAGUSAP)
I- INSTRUMENTALITIES (MEDIYUM NA GINAMIT)
N- NORMS (PAKSA NG USAPAN)
G- GENRE (URI NG PAGPAPAHAYAG)

c. Kakayahang Diskorsal
- Saklaw nito ang pagkakaugnay ng serye ng mga salita o mga pangungusap na bumubuo
ng isang makabuluhang teksto

d. Kakayahang istratedyik
- ito ay ang kakayahang magamit ang berbal at di-berbal na mga hudyat upang maibatid
nang mas malinaw ang mensahe at maiwasan o maisaayos ang hindi pagkakaunawaan o
mga puwang sa komunikasyon.

Anim na pamantayan sa pagtataya ng kakayahang komunikatibo

1. pakikibagay(adaptability) -ang isang taong may kakayahang pangkomunikatibo ay may

kakayahang mabago ang ugali at layunin upang maisakatuparan ang pakikipagugnayan.
MAKIKITA ANG KAKAYAHANG ITO SA MGA SUMUSUNOD:
 Pagsali sa iba’t ibang interaksyong sosyal
 Pagpapakita ng pagiging kalmado sa pakikisalamuha sa iba
 Kakayahang ipahayag ang kaalaman sa pamamagitan ng wika
 Kakayahang magpatawa habang nakikisalamuha sa iba

2. Paglahok sa usapan (conversational involvement) - May kakayahan ang isang taong

gamitin ang kaalaman tungkol sa anumang paksa sa pakikisalamuha sa iba.Makikita ito
kung taglay ng komyunikeytor ang sumusunod:
a. Kakayahang tumugon
b. Kakayahang makaramdam kung ano ang tingin sa kanya ng ibang tao
c. Kakayahang makinig at mag-pokus sa kausap
3. Pamamahala sa paguusap (conversational management) - tumutukoy ito sa kakayahan ng
isang taong pamahalaan ang pag-uusap. Nakokontrol nito ang daloy ng usapan at kung
paanong ang mga paksa ay nagpapatuloy at naiiba.
4. Pagpukaw ng damdamin (empathy) - Ito ay pagpapakita ng kakayahang mailagay ang
damdamin sa katauhan ng ibang tao at pag-iisip ng posibleng mangyari o maranasan kung
ikaw ay nasa kalagayan ng isang tao o samahan.
5. BISA (EFFECTIVENESS) - Tumutukoy ito sa isa sa dalawang mahahalagang pamantayan
upang mataya ang kakayahang pangkomunikatibo -- pagtitiyak kung epektibo ang
pakikipag-usap. Ang taong may kakayahang mag-isip kung ang kanyang pakikipag-usap
ay epektibo at nauunawaan.
 6. KAANGKUPAN (APPROPRIATENESS) - Kung ang isang tao ay may kakayahang
pangkomunikatibo naiaangkop niya ang kanyang wika sa sitwasyon, lugar na pinagyayarihan
ng pag-uusap, o sa taong kausap.

ESTRATEHIYA SA PAGTUTURO SA FILIPINO

A. Pagtuturong nakapokus sa mag-aaral (Learner-centered- teaching)

- binibigayang halaga ang pangangailangan, tunguhin at istilo ng pag-aaral ng mag-aaral.
hal ng istratehiya
 • Mga laro
• Mga larawan
• Pagguhit
• Pantomina
• Pag-uulat • Pagsasatao/ roll play
• Pagkukwento
• Pagtatalumpati
• Journals
B. Sama-samang Pagkatuto (Kooperativ o Kolaborativ na Pagkatuto)
- ang mga gawain sa loob ng klasrum ay nakatuon sa sama-sama at tulung-tulong na
pagsisikap ng guro at mag-aaral upang matamo ang itinakdang gawain. Layunin nito ang
mabawasan ang kompetisyon at maragdagan ang kooperasyon ng mga mag-aaral.
• Pangkatang gawain (maliit at malaking pangkat)
• Dayads / triyads
• Dugtungang pagsasalaysay
• Talakayang papanel
• Tableau
• Brainstorming
• Buzz session Technique
C. Pagkatutong Interactiv (Interactiv Learning) 
- Mahalaga ang interaksyon sa pagtuturo at pagkatuto ng wika. Hindi lamang pagpapahayag
ng sariling ideyal ang mahalaga kundi ang pag-unawa sa mensaheng ipinahahayag ng iba
pang kasangkot sa interaksyon.
- • Venn Diagram
• KWL
• Authors Chair
• Broadcasting
• Chamber Theater
• HOTS (PECS, LOV, PIN, SAG, P-solve, LAF, FOR, TAC SIP atbp)
D. Ang Pagkatutong Integrativ (Integrative Learning)
- Binibigyang diin dito ang integrasyon o pagsasanib ng paksang aralin sa pag- aaral ng
wika. Ang paglalahad ng wika ay hinahango sa nilalaman o ng paksa.
Simulasyon
• Graphs
• Journal
• Mind map
• Modeling
• Webbing
• diagrams

WILLJHAN M. DELA CRUZ BSE – FIL 2