Name: DE VERA, KYLE C.

Date: July 21, 2021

Course Yr.&Sec.: BSA-3A Score:
MODULE 6
III. PANIMULANG GAWAIN
A. Balik-aral
1.Ano ang akademikong pagsulat?
- Ang Akademikong Pagsulat ay nangangailangan ng mas mataas na antas ng kasanayan. Ito ay
isang makabuluhang pagsasalaysay na sumasailalaim sa kultura, reaksyon at opinyon base sa
manunulat, gayundin ay tinatawag din na intelektwal na pagsusulat.
2. Ibigay ang mga Katangian ng Akademikong Pagsulat
Tulad ng iba pang uri ng pagsulat, ang akadernikong sulatin ay nagtataglay ng tiyak na hakbang o
proseso. Sa paraan ng paggawa ng isang akademikong sulatin, makikita ang taglay nitong mga
katangian. Ito ay ang mga sumusunod:
a) Komprehensibong Paksa
b) Angkop na Layunin
c) Gabay na Balangkas
d) Halaga ng Datos
e) Epektibong Pagsusuri
f) Tugon ng Konklusyon
3. Ibigay ang mga Layunin sa pagsasanay ng Akademikong Pagsulat

• Makapagsasagawa ng wastong pangangalap ng mga imporamasyon at malikhaing

pagsasagawa ng ulat.
• Nagagamit ang mga kasanayan sa pagbasa sa pagsusuri ng iba’t ibang uri ng teksto na
magagamit sa mga gawain ng akademikong pagsulat.
• Natatalakay ang mga paksa ng naisasagawang pag-aaral ayon sa pananaw ng may-akda
kasabay ang pag-unawa ng mag-aaral bilang mambabasa.
• Nakapagsusuri at nakabubuo ng wastong konsepto mula sa tinalakay na pagksa nga mga
naisagawang pag-aaral.
• Malinang ang kasanayan ng mga mag-aaral para makasulat ng iba’t ibang anyo ng
akademikong sulatin.
 • Matukoy na ang Akademikong Pagsulat ay isang kurso na lumilinang sa pagiging inobatibo
ng mag-aaral sa pagkakaroon ng mataas na pagkilala sa edukasyon.
• Napahahalagahan at naiingatan ang mga nagawang sulatin sa pamamagitan ng paggawa
ng portfolio.

B. Panimulang Ebalwasyon

1. Katotohanan

2. Katotohanan

3. Katotohanan

4. Opinyon

5. Katotohanan

V. PAGSASANAY
A. Sagutin ang mga sumusunod na katanungan.
1. Sa iyong sariling panngungusap, ipaliwanag ang kahalagahan ng pananaliksik.
- Mahalaga ang pananaliksik dahil ito ay ang isa sa mga bagay na nagtutulak sa mga tao na
makatuklas ng bagong kaalaman at malinang ang iba pang kaalaman ukol sa mga partikular na
paksang sinasaliksik. Dahil dito, lalong umuunlad ang mga tao hindi lamang sa pag-iisip kundi pati
sa kanilang buhay pang-araw-araw. Isa pang kahalagahan ng pananaliksik ay ang pagsukat sa
kakayanan ng tao kung hanggang saan ba ang kanyang nalalaman at kung hanggang saan nya
kayang tumuklas ng mga bagay na hindi nito alam o kay kakaunting kaalaman lamang.
2. Ano ang pananaliksik batay sa iyong natutuhan sa aralin?
- Ang pananaliksik ay isang sistematikong paghahanap sa mga mahahalagang impormasyon
hinggil sa isang tiyak na paksa o suliranin. Nagaganap ito sa pamamagitan ng pasusuri at
pagsisiyasat sa mga partikular na paksa. Ang pananaliksik din ay hango sa salitang “saliksik” na
ang ibig sabihin ay masusing paghahanap. Ito ay makikita sa mga taong nagsasaliksik, masuring
binabasa ang mga akda na may kinalaman at nagsasagawa ng iba’t ibang sarbey, interbyu o
eksperimento para magkaroon ng datos nagagamitin sa pananaliksik at siyang oorganisahin,
susuriin at gagawa ng konklusyon ukol sa paksa na sinaliksik na syang magpapalawak sa kaalaman
ng tao.
B. Ibigay ang hinihinging kasagutan at ipaliwanag.
1. Magbigay ng 5 katangian ng isang mananaliksik at ipaliwanag.
a) Matiyaga – ang mga mananaliksik ay dapat matiyaga maghanap ng mga datos sa iba’t
ibang klase ng akda. Maaaring ito ay nalilimbag o mga sagot ng mga kinakapanayam.
b) Mapamaraan – ang mga mananaliksik dapat ay may kakayahang gumawa ng paraan kung
sakaling hindi makakalap ng isang partikular na datos sa mga nakalimbag na aralin. Maaari
silang mag sarbey o interbyu.
c) Sistematiko – ang mga mananaliksik dapat ay may sinusundang skedyul sa mga ginagawa
at mga hakbang na dapat sinusunod habang ginagawa ang pananaliksik.
d) Maingat – ang mga mananaliksik ay dapat nagbibigay lamang ng akademikong papel na
nakabatay sa pawang katotohanan lamang.
e) Matapat – ang mga mananaliksik dapat ay gumagamit lamang ng datos na talagang
kanilang nakalap at hindi binago nang aangkop sa nais nilang resulta.
2. Magbigay ng 3 tungkulin ng isang mananaliksik at ipaliwanag.
a) Iwasan ang short-cut – dapat ang mananaliksik ay lubusang sinusunod ang sistemakong
proseso ng pananaliksik at hindi lumalaktaw sa mga hakbang dahil lahat ng hakbang na
ito ay mahalaga upang makabuo ng isang tapat at magaling na pananaliksik.
b) Huwag manipulahin ang datos – dapat ang mga mananaliksik ay tapat sa paggamit ng
datos. Marapat lamang na gamitin nila ang mga datos na talagang kanilang nakuha at
huwag baguhin nang aangkop sa kanilang nais.
c) Bukas ang isipan sa mga puna at bagong ideya – dapat ang mananaliksik ay hindi
nasasaktan sa mga puna ng babasa bagkus ay magpasalamat at gamitin ang mga puna na
ito upang paunlarin lalo ang ginawang pananaliksik.

3. Magbigay ng 2 etika ng isang mananaliksik at ipaliwanag.

a) Ang mga datos ay confidential – isang etika ay dapat hindi nilalabas ng mga mananaliksik
ang mga tao na kasangkot sa pananaliksik na ginawa dahil ito ay maaaring maging umpisa
ng pag-aaway sa pagitan ng mga taong magkaiba ang pananaw sa paksa ng pananaliksik.
b) Pagiging obhetibo – dapat ang pananaliksik ay nakabatay sa paksa ng pananaliksik hindi
sa gusto o damdamin ng pananaliksik dahil maaaring ito’y makaapekto sa resulta ng
pananaliksik.
VI. PANGWAKAS NA EBALWASYON
1. Magbigay ng mga naging pahayag ng iba’t ibang may- akda tungkol sa ibinigay nilang kahulugan
at kahalaganan ng pananaliksik. Ipaliwang kung bakit sila ang napili mo at bakit mo sila lubos na
pinaniniwalaan.

• Ang pananaliksik ay pahayag sa mataas ng pagsulat dahil nangangailangan ito ng pangangalap

ng datos, pag-iimbestiga, pagsusuri, pagbibigay hinuha, at pagkatapos kongklusyon at
rekomendasyon. - Ordoñez, et. al. (2007)
• Ang pananaliksik ay isang sistematiko, kontrolado, empiriko, at kritikal na pag- imbestiga sa
haypotetikal na pahayag tungkol sa inaakalang relasyon o ugnayan ng mga natural na
penomenon. -Vizcarra (2003)

Ito ang mga napili kong pahayag dahil ito ay naglalaman ng maikling kahulugan ngunit ito naman
ay kumpleto pagbinasa at inunawa. Lubos akong naniniwala sa dalawang pahayag na ito dahil
dito parehas na pinapakita kung ano ba talaga ang pananaliksik at kung ano ang bumubuo rito.
Sinasabi rin sa mga pahayag kung gaano ka kumplikado ang pananaliksik at kung gaano kahaba
ito gawi kaya’t ito ay nagbibigay ng suwestyon na ang pananaliksik ay hindi madali at hindi dapat
gawing laro lamang.

2. Mula sa layuning nakatala sa ibaba ay magbigay ka 3 hanggang 5 sarili mong halimbawa na

susuporta dito. Iapaliwang mo ang bawat halimbawang maibibigay mo.
a. Makalutas ng partikular na isyu
▪ Pananaliksik ukol sa bakuna para sa COVID-19 – dito ay nananaliksik upang makatulong
upang makahanap ng bakuna para malunasan ang covid na siyang issue ngayon sa buong
mundo.
▪ Pananaliksik tungkol sa tagong yaman ng mga Marcos – dito ay nananaliksik upang
malaman kung totoo nga ba ang isyu ng tagong yaman ng mga Marcos.
▪ Pananaliksik tungkol sa mga pulis na kaalyado ng mga drug lords – dito ay sinasaliksik kung
may mga pulis ba na nakikipagsabwatan sa mga drug lords upang kumita ng malaking
pera.
b. Hamon sa katotohanann at pagiging makatuwiran ng isang tanggap o ipinanalalagay na
makatotohanang ideya.
▪ Pananaliksik ukol sa pinagmulan ng tao – dito ay hinahanap ng mananaliksik kung saan
nga ba nagsimula o nagmula ang tao, kung ito ba ay talagang gawa sa alabok o galing sa
mga homo sapiens sapiens.
 ▪ Pananaliksik ukol sa pinagmulan ng mundo – dito ay hinahanap kung ang mundo ba talaga
ay gawa ng Diyos o ang mundo nga ba ay resulta ng Big Bang.
▪ Pananaliksik ukol sa pinagmulan ng kalawakan – dito ay hinahanap kung ang kalawakan
ba talaga ay talagang nandyan na sa simula’t simula o galing ito sa string theory o wave
theory ng mga siyantipiko.
c. Nababatid ang lawak na kaalaman ng mga mag-aaral sa isang partikular na bagay.
▪ Pananaliksik ukol sa iba’t ibang larangan ng sining – dito ay inaalam kung alam ba ng mga
mag-aaral ang iba’t ibang anyo at klase ng sining sa bansa at kung alam nila kung tungkol
saan ang mga ito.
▪ Pananaliksik ukol sa Parte ng Katawan ng Palaka – dito ay sinusukat ang kaalaman ng mga
mag-aaral na doctor kung kabisado na nila ang parte ng katawan at alam nila kung para
saan ang mga ito.
▪ Pananaliksik ukol sa mga ginawa ng nagdaang Pangulo – dito ay sinusukat ang kaalaman
ng mga estudyante sa kasaysayan ng bansa partikular na sa mga pangulo ng bansa kung
ano ba ang mga iniambag nito sa bansa at kasaysayan.
d. Magbigay ng kasagutan sa mga katanungan.
▪ Pananaliksik ukol sa pagtulog sa tanghali – dito ay inaalam ang katotohanan sa likod ng
mga sabi-sabi ng matatanda kung totoo ba na nakakatangkad ang pagtulog sa tanghali.
▪ Pananaliksik ukol sa pagkain ng 3 beses sa isang araw o pag-fasting – dito sinasagot kung
ano ba talaga ang mas mainam na pagkain kung nasa tamang oras ba o ang pag diet sa
pagkain sa piling oras lamang.
▪ Pananaliksik ukol sa Mañana Habit ng Pilipino – dito inaalam ang sagot kung talaga bang
nasa lahi na ng Pilipino ang pagiging huli sa mga pagkikita o pag-uusap.
e. Makadiskubre ng bagong kaalaman
▪ Pananaliksik ukol sa bagong specie ng insekto – dito ay inaalam ang mga sikretong
nakatago sa bagong tuklas na insekto.
▪ Pananaliksik sa mga bagong Heroglipiko na natuklasan sa isang Pyramid – dito ay inaalam
ang mga kahulugan ng bagong simbolo na ginamit ng mga sinaunang tao sa disyerto.
▪ Pananaliksik ukol sa mga Planeta sa ibang kalawakan – dito ay inaalam kung may mga
planeto ba bukod sa mundo na may buhay o kayang sumuporta sa mga nabubuhay na
nilalang.