1st Quarter Filipino sa Piling Larangan(Akademik)

Week 2
Aralin: AKADEMIKONG PAGSULAT

I. Panimulang Nilalaman

I. Layunin:

A. Pamantayang Nilalaman
Nauunawaan ang kalikasan, layunin at paraan ng pagsulat ng ibat-ibang anyo
ng sulating ginagamit sa pag-aaral sa ibat-ibang larangan.

B. Pamantayang Pagaganap
Nasusuri ang kahulugan at kalikasan ng pagsulat ng iba’t-ibang anyo ng sulatin.

C. Pinakamahalagang Kasanayan sa Pagkatuto

• Nabibigyang kahulugan ang akademikong pagsulat.

• Nakikilala ang iba’t ibang akademikong sulatin ayon sa:

(a) Layunin
(b) Gamit
(c) Katangian
(d) Anyo

II. Nilalaman:
AKADEMIKONG PAGSULAT
 1st Quarter Filipino sa Piling Larangan(Akademik)
Week 2
Aralin: AKADEMIKONG PAGSULAT

Konsepto ng Aralin
.

TALAKAYIN NATIN:

Ang pagbibigay-kahulugan sa terminong "akademikong pagsulat" ay tulad ng

pagtatanong sa isang tao kung ano ang "mansanas.” Ang pinakakaraniwang reaksyong
makukuha sa isang taong tatanungin, kung hindi man "Ahh..." o "Hmm.., ay malamang
isang paglalarawan sa mansanas o kaya'y ang simpleng pagbibigay- kahulugan sa
mansanas bilang “isang prutas.” Ang huli, sa halip na magbigay ng kalinawan ay tila
magiging sanhi pa ng kalabuan.
Kung kaya hindi sapat ang maglahad ng isa o ilang depinisyon para sa
akademikong pagsulat. Kailangan, para sa layunin ng kalinawan, ang mailarawan nang
sapat ang kalikasan, katangian, layunin at tungkulin nito.

A. KAHULUGAN AT KALIKASAN NG AKADEMIKONG PAGSULAT

Mahirap lapatan ng isang simpleng depinisyon ang terminong "akademikong
pagsulat" dahil tumutukoy ito sa pagsulat na isinasagawa para sa maraming kadahilanan.
Mayroon ding iba-ibang anyo ang akademikong pagsulat, at bawat isa sa mga iyon ay
may kalikasang ikinaiiba sa iba. Ang isang pangmalawakang depinisyon na maibibigay
para sa akademikong pagsulat ay ano mang pagsulat na isinasagawa upang makatupad
sa isang pangangailangan sa pag-aaral. Sa madaling sabi, kinapapalooban ito ng ano
mang itinatakdang gawaing pasulat sa isang setting na akademiko. Ginagamit din ang
akademikong pagsulat para sa mga publikasyong binabasa ng studentwritingmale.jpg
mga guro at mananaliksik o inilalahad sa mga komperensya. Mabibigyang-kahulugan din
ang akademikong pagsulat bilang ano mang akdang tuluyan o prosa na nasa uring
ekspositori o argumentatibo at ginagawa ng mga mag-aaral, guro o mananaliksik upang
magpahayag ng mga impormasyon tungkol sa isang paksa. Sa pangkalahatan,
inaasahang ang pagsulat na ito ay tumpak, pormal, impersonal at obhetibo. Kung gayon,
sa pagsusulat ng mga akademikong papel, kailangang tandaan ng sino mang mag-aaral
ang kinalalagyang akademikong komunidad na may malinaw na inaasahan o
ekspektasyon kung paano ginagawa ang akademikong pagsulat. Iba-iba man ang
ekspektasyon ng iba-ibang komunidad, may ilang kalikasan ng akademikong pagsulat na
sinusunod ng nakararami. Tatlo sa mga ito, ayon kina Fulwiler at Hayakawa (2003),
ay ang sumusunod:
1. Katotohanan. Ang isang mahusay na akademikong papel ay nagpapakita na ang
manunulat ay nakagagamit ng kaalaman at metodo ng disiplinang makatotohanan.
2. Ebidensya. Ang mga iskolar sa lahat ng disiplina ay gumagamit ng mga
mapagkakatiwalaang ebidensya upang suportahan ang katotohanang kanilang
inilalahad.
 3. Balanse. Nagkakasumdo ang halos lahat ng akademya na sa paglalahad ng mga
haka, opinyon at argumento ay kailangang gumamit ng wikang walang pagkiling, seryoso
at di-emosyonal nang maging makatwiran sa mga nagsasalungatang pananaw.

B. KATANGIAN NG AKADEMIKONG PAGSULAT

Natalakay na na ang akademikong pagsulat ay nagtataglay ng kalikasang
katotohanan, katibayan at balanse. Sa isa namang kahulugang nauna ring tinalakay,
binanggit na ang ilan sa mga katangian ng akademikong pagsulat ay ang pagiging
tumpak, pormal, impersonal at obhetibo nito. Hindi mahirap unawain kung bakit
kinakailangan ng mga nabanggit na katangian sa akademikong pagsulat, bagamat ang
ikatlo ay masasabing hindi aplikable sa mga anyo ng akademikong pagsulat na
tatalakayin sa ikatlong yunit ng aklat na ito. Ayon sa http://www.uefap.com ang
akademikong pagsulat sa wikang Ingles ay linear. Walang dahilan upang hindi mailapat
ang gayong obserbasyon sa wikang Filipino o sa iba pang wika. Ibig sabihin, ang
akademikong pagsulat sa ano mang wika ay may tinutumbok na isang sentral na ideya o
tema at ang bawat bahagi ay nag- aambag sa pangunahing linya ng argumento nang
walang digresyon o repetisyon. Ang layunin nito'y magbigay ng impormasyon, sa halip
na umaliw. Gumagamit din ito ng istandard na porma ng pasulat na wika.
Ayon muli sa http://www.uefap.com ang iba pang katangian ng akademikong
pagsulat ay ang sumusunod:
1. Kompleks. Ang pasulat na wika ay mas kompleks kaysa pasalitang wika. Ang
pasulat na wika ay may higit na mahahabang salita, mas mayaman sa leksikon at
bokabularyo. Maidaragdag pa rito ang kompleksidad ng gramatika na higit na kapansin-
pansin sa ano mang pasulat na gawain.
2. Pormal. Higit na pormal ang akademikong pagsulat kaysa iba pang sangay ng
pagsulat. Hindi angkop dito ang mga kolokyal at balbal na salita ay ekspresyon.
3. Tumpak. Sa akademikong pagsulat, ang mga datos tulad ng facts and figures
ay inalalahad nang tumpak o walang labis at walang kulang.
4. Obhetibo. Maliban sa mga anyo ng akademikong pagsulat na tatalakayin sa
Yunit 3 ng aklat na ito, ang akademikong pagsulat, sa pangkalahatan ay obhetibo, sa
halip na personal. Ang pokus kasi nito kadalasan ay ang impormasyong nais ibigay at
ang mga argumentong nais gawin, sa halip na ang manunulat mismo o ang kanyang
mambabasa.
5. Eksplisit. Ang akademikong pagsulat ay eksplisit sa ugnayan sa loob ng
teksto. Responsibilidad ng manunulat nito na gawing malinaw sa mambabasa kung
paano ang iba't ibang bahagi ng teksto ay nauugnay sa isa't isa. Ang ugnayang ito ay
nagagawang eksplisit sa pamamagitan ng paggamit ng iba't ibang salitang signaling
words sa teksto.
6. Wasto. Ang akademikong ay gumagamit nang wasto ng mga bokabularyo o
mga salita. Maingat dapat ang manunulat nito sa paggamit ng mga salitang madalas
katisuran o pagkamalian ng mga karaniwang manunulat.
7. Responsable. Sa akademikong pagsulat, ang manunulat ay kailangang
maging responsable lalong-lalo na sa paglalahad ng mga ebidensya, patunay o ano
mang nagpapatibay sa kanyang argumento. Kailangan din niyang maging responsable
sa pagkilala sa ano mang hanguan ng impormasyong kanyang ginamit kung ayaw niyang
maparatangan na isang plagyarista.
Sa mga katangiang natalakay ay maidaragdag ang sumusunod na mula naman
sa http://www.vsm.sk

:
 8. Malinaw na Layunin. Ang layunin ng akadamikong pagsulat ay matugunan
ang mga tanong kaugnay ng isang paksa. Ang mga tanong na ito ang nagbibigay ng
layunin. Ang mga layuning ito ay tatalakayin sa kasunod na bahagi ng kabanatang ito.
9. Malinaw na Pananaw. Ang akademikong pagsulat ay hindi lamang listahan ng
mga katotohanan o facts at paglalagom ng mga hanguan o sources. Samantalang ang
manunulat ay naglalahad ng mga ideya at saliksik ng iba, ang layunin ng kanyang papel
ay maipakita ang kanyang sariling pag-iisip hinggil sa paksa ng kanyang papel. Ito ay
tinatawag na sariling punto de bista ng manunulat
10. May Pokus. Bawat pangungusap at bawat talata ay kailangang sumusuporta
sa tesis na pahayag. Kailangang iwasan ang mga hindi kinakailangan, hindi nauugnay,
hindi mahalagan at taliwas na impormasyon.
11. Lohikal na Organisasyon. Ang akademikong pagsulat ay may sinusunod na
istandard na organisasyonal na hulwaran. Ang karamihan ng akademikong papel ay may
introduksyon, katawan at kongklusyon. Bawat talata ay lohikal na nauugnay sa kasunod
na talata.
12. Matibay na Suporta. Ang katawan ng talataan ay kailangang may sapat at
kaugnay na suporta para sa pamaksang pangungusap at tesis na pahayag.
Ang suportang ito ay maaaring kapalooban ng facts, figures, halimbawa,
deskripsyon, karanasan, opinyon ng mga eksperto at siniping pahayag o quotations.
13. Malinaw at kumpletong Eksplanasyon. Napakahalaga nito, dahil bilang
manunulat, kailangang matulungan ang mambabasa tungo sa ganap na pag-unawa ng
paksa ng papel at magiging posible lamang ito kung magiging malinaw at kumpleto ang
pagpapaliwanag sa bawat punto ng manunulat.
14. Epektibong Pananaliksik. Sa karamihan ng akademikong papel, kailangang
gumamit ng napapanahon, propesyonal at akademikong hanguan ng mga impormasyon.
Dahil dito, napakahalaga ng pananaliksik sa akademikong pagsulat. Kaugnay nito,
mahalagang maipamalas ang intelektwal na katapatan sa pamamagitan ng
dokumentasyon ng lahat ng hinangong imposmasyon o datos. Iminumungkahi naming
ang dokumentasyon sa estilong A.P.A. na tinalakay na sa inyong Filipino sa Baitang 11.
15. Iskolarling Estilo sa Pagsulat. Kakaiba ang estilo sa akademikong pagsulat,
kaysa ibang uri ng pagsulat, tulad halimbawa malikhaing pagsulat. Iskolarli ang estilo sa
pagsulat ng akademikong papel dahil sinisikap dito ang kalinawan at kaiiklian. Kailangan
ding maging madaling basahin ang akademikong papel, kung kaya't napakahalaga na
maiwasan ang mga pagkakamali sa gramar, ispeling, pagbabantas at bokabularyo sa
pagsulat nito. Ang mga gayong pagkakamali ay nagpapahiwatig ng kawalan ng pag-
iingat, kung hindi man ng kakulangan ng kaalaman sa wika.
 C. LAYUNIN NG AKADEMIKONG PAGSULAT
Sa Kabanata I ng aklat na ito, natalakay na na ang pagsulat sa pangkalahatan ay
maaaring may layuning impormatibo, mapanghikayat at/o malikhain. Maliban sa ikatlo,
halos gayon din ang maaaring maging layunin ng akademikong pagsulat.
Nabanggit na rin na ang akademikong pagsulat ay may malinaw na layunin.
Sadya, ang layunin ng akademikong pagsulat ay matugunan ang mga tanong kaugnay
ng isang paksa, at ang mga tanong na ito ang nagbibigay ng layunin ng isang
akademikong papel. Ang mga karaniwang layunin ng akademikong pagsulat ay
manghikayat, magsuri at/o magbigay-impormasyon (http://www.ysm.sk) na sa mga
kasunod na talataan ay ipinaliliwanag.
1. Mapanghikayat na Layunin. Sa akademikong pagsulat na ito, layunin ng
manunulat na mahikayat ang kanyang mambabasa na maniwala sa kanyang posisyon
hinggil sa isang paksa. Kung kaya upang maisakatuparan ang layunin na ito, pumipili siya
ng isang sagot sa kanyang tanong, sinusuportahan iyon gamit ang mga katwiran at
ebidensya, at tinatangka niyang baguhin ang pananaw ng mambabasa hinggil sa paksa.
Isang halimbawa nito ay ang pagsulat ng Posisyong Papel.
2. Mapanuring Layunin. Tinatawag din itong analitikal na pagsulat. Ang layunin
dito ay ipaliwanag at suriin ang mga posibleng sagot sa isang tanong at piliin ang
pinakamahusay na sagot batay sa ilang pamantayan. Sa mga ganitong pagsulat,
madalas iniimbestigahan ang mga sanhi, ineeksamen ang mga bunga o epekto, sinusuri
ang kabisaan, inaalam ang mga paraan ng paglutas ng suliranin, pinag-uugnay-ugnay
ang iba't ibang ideya at inaanalisa ang argumento ng iba. Kinapapalooban ito ng
bahaging sintesis kung saan pinagsasama-sama ang iba't ibang bahagi upang makabuo
sa sariling sagot sa tanong kaugnay ng paksa. Isang halimbawa nito ay ang pagsulat
Panukalang Proyekto.
3. Impormatibong Layunin. Sa impormatibong akademikong pagsulat,
ipinapaliwanag ang mga posibleng sagot sa isang tanong upang mabigyan ang
mambabasa ng bagong impormasyon o kaalaman hinggil sa isang paksa. Naiiba ito sa
sinundang layunin dahil hindi tinutulak o pinupwersa ng manunulat ang kanyang sariling
pananaw sa mambabasa, manapa'y kanyang pinalalawak lamang ang kanilang pananaw
hinggil sa paksa. Isang halimbawa nito ay ang pagsulat ng Abstrak. Dapat tandaan na
ang isang manunulat ay maaaring may isa lamang, o kaya ay dalawa, o kahit pa tatlong
layunin sa pagsulat ng isang akademikong papel.

D. TUNGKULIN O GAMIT NG AKADEMIKONG PAGSULAT

Ayon sa http://www.vsm.sk, academic papers are a specially-designed torture
instrument. Gustong-gusto umano itong gamitin ng mga guro dahil hindi sila direktang
sangkot sa torture. Ang mga estudyante mismo umano ang nagto- torture sa kanilang
sarili sa pamamagitan ng hindi pag-alam kung paano isusulat ang kanilang papel at sa
paghihintay ng pinakahuling sandali bago simulan ang pagsulat ng kanilang papel.
Ang metaporang naghahambing sa gawaing ito sa isang instrumento ng
pagpapahirap ay isang joke o biro lamang. Ang pagsulat ng akademikong papel ay hindi
naman dapat maging torture para sa mga estudyante. Ito ang dahilan sa pagsulat at
paglalathala ng aklat na ito. Inaasahang magsisilbing katuwang ng bawat mag-aaral ang
aklat na ito sa proseso ng pagsulat ng iba't ibang anyo ng akademikong papel. Kung
isasaalang-alang nang mataimtim ng bawat mag-aaral ang mga prinsipyo at konseptong
kaugnay ng bawat anyo ng bawat papel, susundin ang mga mungkahing hakbang sa
pagsulat ng bawat isa, at ilalalapat ang iba pang kaalaman at kasanayang linggwistik,
pragmatik, diskorsal at istratedyik sa bawat gawain, halos nakatitiyak ang mga may-akda
ng aklat na ito na ang akademikong akademikong pagsulat ay
tinitingnan bilang isang proseso, kaysa bilang mga posibleng dahilang iyon. pagsulat ay
hindi magiging torturous na karanasan para sa bawat mag-aaral, at kalaunan, ang
pagbabasa, pagwawasto at pagmamarka ng mga akademikong papel ng mga mag-aaral
ay hindi rin magiging torturous para sa mga guro sa Filipino.
Sa kabila ng mga pagsisikap ng maraming guro na gawing kawili-wili ang mga
gawaing pagsulat sa paaralan, higit na marami pa ring mag-aaral ang hindi kung hindi
man natatakot sa tuwing may gawaing pasulat sa klase. Maraming nakasusumpong ng
interes sa gawaing ito. Ang marami, sa katunayan, ay naiinis posibleng dahilan ito at hindi
na tatangkaing hakain at ipaliwanag sa aklat na ito ang mag-aaral. Mga kakayahan itong
humuhubog sa mga mag-aaral upang

Ang katotohanan ay ito: Ang akademikong pagsulat ay isang pangangailangan.

Sa ibang salita, sa ayaw man o gusto ng mga mag-aaral, ang akademikong pagsulat ay
hindi maiiwasan sa lahat ng antas ng pag-aaral. Walang nakakakumpleto ng bawat
baitang sa mga mataas na paaralan (junior at senior) nang hindi nagsusulat ng mga
akademikong papel. Sa kolehiyo ay wala ring nakatatapos ng kahit na anong kurso nang
hindi gumagawa ng akademikong pagsulat. Lalo na sa antas-gradwado.

Maraming dahilan kung bakit isang pangangailangan ang akademikong pagsulat

sa lahat ng antas ng pag-aaral. May mga tungkuling ginagampanan kasi ang gawaing ito
na lubhang mahalaga. Ilan sa mga ito ay ang sumusunod:

1. Ang akademikong pagsulat ay lumilinang ng kahusayan sa wika. Sa apat

na makrong kasanayang pangwika, Pagsulat ang pinakahuli. May dahilan ito. Pagsulat
kasi ang pinakahuling natututunan ng isang tao at siyang pinakamahirap linangin,
kumpara sa Pakikinig, Pagsasalita at Pagbasa, kaya nga gayon na lamang ang pagtutuon
ng pansin ng mga paaralan sa kasanayang ito.
Hindi sapat ang mataas na antas ng kasanayang pangwika sa Pakikinig at
Pagbasa. Kailangang matapatan ang mga ito ng mataas ding antas ng kasanayan sa
Pagbasa at Pagsulat, at nalilinang ang mga ito ng akademikong pagsulat.
Sa akademikong pagsulat, nalilinang ang kakayahang komunikatibo ng mga mag-
aaral. Sa pamamagitan kasi ng aplikasyon ng kaalaman sa gramatika at sintaktika sa
mga gawaing pasulat, nalilinang ang kakayahang linggwistik ng mga mag-aaral. Sa
pamamagitan naman ng paglalapat ng mga prinsipyong pangkomunikasyon sa mga
gawaing pasulat, nalilinang ang kakayahang pagmatik ng mga mag-aaral. Samantala, sa
pag-oorganisa ng mga akademikong papel, nalilinang ang kakayahang diskorsal ng mga
maging mabisang komyunikeytor.
2. Ang akademikong pagsulat ay lumilinang ng mapanuring pag-iisip. Ang
akademikong pagsulat ay tinitingnan bilang isang proseso, kaysa bilang isang awtput.
Ang prosesong ito ay maaaring kasangkutan ng pagbasa, pagsusuri, pagpapasya at iba
pang mental o pangkaisipang gawain.
Ang isang mahusay na manunulat ay isang mahusay na mambabasa. Halos
imposibleng makasulat ng isang mahusay na akademikong papel ang isang manunulat
nang hindi nagbabasa. Sa yugtong ito, ang manunulat ay nagsusuri rin ng kanyang
binasa. Hindi lahat ng kanyang binabasa kasi ay kanyang tinatanggap at ginagamit.
Pumapaloob din siya sa mga sub-proseso ng mapanuring pagbasa tulad ng
pagkaklasipay o pag-uuri, pag-uugnay ng mga konsepto, pagbuo ng lagom at
kongklusyon at iba pa. Bumubuo rin siya ng mga pasya kaugnay ng kanyang sulatin. Mga
gawain itong lumilinang ng kritikal na pag-iisip na kailangang kailangan upang ang isang
indibidwal ay maging matagumpay hindi lamang sa akademya, kundi lalo't higit sa iba't
ibang gawain at larangan sa labas ng paaralan.

3. Ang akademikong pagsulat ay lumilinang ng mga pagpapahalagang pantao.

Hindi lamang kaalaman at kasanayan ang nililinang sa paaralan. Higit na mahalaga sa
mga ito, tungkulin din ng edukasyon ang linangin ang mga kaaya-ayang pagpapahalaga
o values sa bawat mag-aaral.
Sa pamamagitan, kung gayon, ng akademikong pagsulat, inaasahang malilinang
ang katapatan sa bawat mag-aaral. Halimbawa, paulit-ulit ang pagbibigay-diin ng mga
may-akda nito ng mga guro sa intelectual honesty sa pagsulat ng ano mang akademikong
papel. Ang akademikong pagsulat ay inaasahan ding makapagtuturo sa mag-aaral ng
halaga ng kasipagan, pagtitiyaga, pagsisikap, responsibilidad, pangangatwiran at
pagpapanatili ng bukas na isipan. Samantala, may mga gawaing pasulat na kailangang
gawin nang pangkatan. Kung gayon, inaasahang malilinang sa mga mag-aaral ang
kooperasyon sa mga gawaing ito, maging ang paggalang sa individual, ethnic o racial
differences. Dahil sa pagsulat ng bawat akademikong papel ay may mga hakbang at
panuto na dapat sundin, nalilinang din sa pagsulat nito ang pagkamasunurin at disiplina.
Ang lahat ng nabanggit na mga pagpapahalagang ito ay lubhang mahalaga upang ang
isang indibidwal ay maging matagumpay sa loob at labas ng paaralan.

4. Angakademikong pagsulat ay isang paghahanda sa propesyon.

Hindilamang mga propesyonal na manunulat tulad ng mga mamamahayag at mga awtor
ang nagsusulat. Halos lahat ng maiisip na propesyon ay kinasasangkutan ng pagsulat.
Halimbawa, ang mga doktor ay gumagawa ng medical abstract at patient's medical
history. Ang mga abugado ay nagsusulat ng pleadings at position papers. Ang mga pulis
ay nagsusulat ng police report at blotter. Ang mga engineer at mga arkitekto ay kailangan
minsang gumawa ng project proposal. Ang mga guro ay regular na pinagagawa ng action
research. Karaniwan din sa negosyo ang pangangailangan ng feasibility study. Ang iba
pang propesyonal ay hinihingan ng kung ano-anong pasulat na report magkaminsan man
o palagian, sa pribado man o publikong sektor.
Kung gayon, ang akademikong pagsulat sa senior high school( SHS) sa Academic
track ay hindi lamang isang paghahanda sa mga mag-aaral sa mga higit na
mapaghamong gawain sa kolohiyo. Totoo namnag ang SHS ay nagsisilbing tulay upang
mapunan ang dating umiiral na gap sa pagitan ng hayskul at kolehiyo. Higit na
prospektibo ang layunin ng akademikong pagsulat sa SHS at ito ay ang paglinang ng
Global na kompetibnes sa mga Pilipinong Propesyonal.
 E. MGA ANYO NG AKADEMIKONG PAGSULAT
Maraming anyo ang akademikong pagsulat. Pinakapopular na marahil sa mga ito
ang reaction paper at term paper dahil sa dalas ng pagpapagawa ng mga ito sa mga
mag-aaral sa mataas na paaralan.
Sa aklat na ito, may labing-isang anyo ng akademikong papel na pagtutuunan ng
pansin. Sampu sa mga ito ay ayon sa Gabay sa Kurikulum na mula sa Departamento ng
Edukasyon. Ang isa ay idinagdag ng mga may-akda dahil sa nakita nilang
pangangailangan. Ang mga anyong ito ng akademikong papel ay hinati ng mga may-
akda sa tatlong kategorya.
Ang unang kategoryang tatalakayın sa Yunit 2 ng aklat na ito ay ang mga
karaniwang anyo ng akademikong papel. pindpalagay ng mga may-akda na karaniwan
ito dahil ang mga ito ang madalas na ipagawa sa mga mag-aaral sa iba't-ibang
asignatura. Nabibilang dito ang Sintesis, Buod, AbStrak, Talumpati at Rebyu.
Ang ikalawang kategoryang tatalakayin sa Yunit 3 ay naiiba sa iba pang anvo ng
akademikong papel. Personal kasi dng mga ito. Sa ibang salita ay pansarili. kaiba sa
ibang anyo ng akademikong Pdpel. ldilWas sa iba, nakatuon ang mga ito sa manunulat
mismo, sa kanyang iniisip dt ndadrdma kauBnay ng kanyang paksa, maging sa kanyang
mga personal na kdiddddi dt mdging Sa kanyang may-pagkiling o subjective na pananaw.
Nakapaloop o ang Kepleknbong Sanaysay, Posisyong t at ng Papel, Lakbay-Sanaysay
at Pictorial Essay.
Ang ikatlong kategoryang tatalakdyn naman sa Yunit 4 ay ang iba pang anyo
 DAPAT TANDAAN
Ang pagbibigay-kahulugan sa terminong "akademikong pagsulat" ay tulad ng
pagtatanong sa isang tao kung ano ang "mansanas.” Ang pinakakaraniwang reaksyong
makukuha sa isang taong tatanungin, kung hindi man "Ahh..." o "Hmm.., ay malamang
isang paglalarawan sa mansanas o kaya'y ang simpleng pagbibigay- kahulugan sa
mansanas bilang “isang prutas.” Ang huli, sa halip na magbigay ng kalinawan ay tila
magiging sanhi pa ng kalabuan.
Tatlo sa mga ito, ayon kina Fulwiler at Hayakawa (2003), ay ang sumusunod:
1. Katotohanan. Ang isang mahusay na akademikong papel ay nagpapakita na ang
manunulat ay nakagagamit ng kaalaman at metodo ng disiplinang makatotohanan.
2. Ebidensya. Ang mga iskolar sa lahat ng disiplina ay gumagamit ng mga
mapagkakatiwalaang ebidensya upang suportahan ang katotohanang kanilang
inilalahad.
3. Balanse. Nagkakasumdo ang halos lahat ng akademya na sa paglalahad ng mga
haka, opinyon at argumento ay kailangang gumamit ng wikang walang pagkiling, seryoso
at di-emosyonal nang maging makatwiran sa mga nagsasalungatang pananaw.

B. KATANGIAN NG AKADEMIKONG PAGSULAT

Natalakay na na ang akademikong pagsulat ay nagtataglay ng kalikasang
katotohanan, katibayan at balanse. Sa isa namang kahulugang nauna ring tinalakay,
binanggit na ang ilan sa mga katangian ng akademikong pagsulat ay ang pagiging
tumpak, pormal, impersonal at obhetibo nito.
Ayon muli sa http://www.uefap.com ang iba pang katangian ng akademikong
pagsulat ay ang sumusunod:
1. Kompleks. Ang pasulat na wika ay mas kompleks kaysa pasalitang wika. Ang
pasulat na wika ay may higit na mahahabang salita, mas mayaman sa leksikon at
bokabularyo.
2. Pormal. Higit na pormal ang akademikong pagsulat kaysa iba pang sangay ng
pagsulat.
3. Tumpak. Sa akademikong pagsulat, ang mga datos tulad ng facts and figures
ay inalalahad nang tumpak o walang labis at walang kulang.
4. Obhetibo. Maliban sa mga anyo ng akademikong pagsulat na tatalakayin sa
Yunit 3 ng aklat na ito, ang akademikong pagsulat, sa pangkalahatan ay obhetibo, sa
halip na personal.
5. Eksplisit. Ang akademikong pagsulat ay eksplisit sa ugnayan sa loob ng
teksto. Responsibilidad ng manunulat nito na gawing malinaw sa mambabasa kung
paano ang iba't ibang bahagi ng teksto ay nauugnay sa isa't isa
6. Wasto. Ang akademikong ay gumagamit nang wasto ng mga bokabularyo o
mga salita. Maingat dapat ang manunulat nito sa paggamit ng mga salitang madalas
katisuran o pagkamalian ng mga karaniwang manunulat.
7. Responsable. Sa akademikong pagsulat, ang manunulat ay kailangang
maging responsable lalong-lalo na sa paglalahad ng mga ebidensya, patunay o ano
mang nagpapatibay sa kanyang argumento:
 8. Malinaw na Layunin. Ang layunin ng akadamikong pagsulat ay matugunan
ang mga tanong kaugnay ng isang paksa.
9. Malinaw na Pananaw. Ang akademikong pagsulat ay hindi lamang listahan ng
mga katotohanan o facts at paglalagom ng mga hanguan o sources. Samantalang ang
manunulat ay naglalahad ng mga ideya at saliksik ng iba, ang layunin ng kanyang papel
ay maipakita ang kanyang sariling pag -iisip hinggil sa paksa ng kanyang papel. Ito ay
tinatawag na sariling punto de bista ng manunulat
10. May Pokus. Bawat pangungusap at bawat talata ay kailangang sumusuporta
sa tesis na pahayag. Kailangang iwasan ang mga hindi kinakailangan, hindi nauugnay,
hindi mahalagan at taliwas na impormasyon.
11. Lohikal na Organisasyon. Ang akademikong pagsulat ay may sinusunod na
istandard na organisasyonal na hulwaran. Ang karamihan ng akademikong papel ay may
introduksyon, katawan at kongklusyon. Bawat talata ay lohikal na nauugnay sa kasunod
na talata.
12. Matibay na Suporta. Ang katawan ng talataan ay kailangang may sapat at
kaugnay na suporta para sa pamaksang pangungusap at tesis na pahayag.
Ang suportang ito ay maaaring kapalooban ng facts, figures, halimbawa,
deskripsyon, karanasan, opinyon ng mga eksperto at siniping pahayag o quotations.
13. Malinaw at kumpletong Eksplanasyon. Napakahalaga nito, dahil bilang
manunulat, kailangang matulungan ang mambabasa tungo sa ganap na pag-unawa ng
paksa ng papel at magiging posible lamang ito kung magiging malinaw at kumpleto ang
pagpapaliwanag sa bawat punto ng manunulat.
14. Epektibong Pananaliksik. Sa karamihan ng akademikong papel, kailangang
gumamit ng napapanahon, propesyonal at akademikong hanguan ng mga impormasyon.
15. Iskolarling Estilo sa Pagsulat. Kakaiba ang estilo sa akademikong
pagsulat, kaysa ibang uri ng pagsulat, tulad halimbawa malikhaing
pagsulat.
LAYUNIN NG AKADEMIKONG PAGSULAT

1. Mapanghikayat na Layunin.
2. Mapanuring Layunin.
3. Impormatibong Layunin.
TUNGKULIN O GAMIT NG AKADEMIKONG PAGSULAT

1. Ang akademikong pagsulat ay lumilinang ng kahusayan sa wika. Sa apat

2. Ang akademikong pagsulat ay lumilinang ng mapanuring pag-iisip.
3. Ang akademikong pagsulat ay lumilinang ng mga pagpapahalagang pantao.
4. Angakademikong pagsulat ay isang paghahanda sa propesyon .
 1st Quarter Filipino sa Piling Larangan(Akademik)
Week 2
Aralin: AKADEMIKONG PAGSULAT

Tala ng Gawain 2

Panuto: Magbigay ng sampung magandang naidudulot ang mga Akademikong Sulatin.

1. 2.

3. 4. 5.

6. 7. 8.

9. 10.
 1st Quarter Filipino sa Piling Larangan(Akademik)
Week 2
Aralin: AKADEMIKONG PAGSULAT

Tala ng Gawain 3

Panuto: Isulat ang tama kung wasto ang pahayag. At mali naman kung hindi.

__________________1.Ang pasulat na wika ay mas kompleks kaysa pasalitang wika.

__________________2.Higit na pormal ang akademikong pagsulat kaysa iba pang
sangay ng pagsulat.
__________________3.Sa akademikong pagsulat, ang mga datos tulad ng facts and
figures ay inalalahad nang tumpak o walang labis at walang kulang.
__________________4.Ang pokus kasi nito kadalasan ay ang impormasyong nais
ibigay at ang mga argumentong nais gawin, sa halip na ang manunulat mismo o ang
kanyang mambabasa.

__________________5.Ang akademikong pagsulat ay eksplisit sa ugnayan sa loob ng

teksto.
__________________6.Ang akademikong ay gumagamit nang wasto ng mga
bokabularyo o mga salita.
__________________7.Sa akademikong pagsulat, ang manunulat ay kailangang
maging responsable lalong-lalo na sa paglalahad ng mga ebidensya, patunay o ano
mang nagpapatibay sa kanyang argumento.
__________________8.Ang layunin ng akadamikong pagsulat ay matugunan ang mga
tanong kaugnay ng isang paksa.
__________________9.Ang akademikong pagsulat ay hindi lamang listahan ng mga
katotohanan o facts at paglalagom ng mga hanguan o sources.
__________________10.Bawat pangungusap at bawat talata ay kailangang
sumusuporta sa tesis na pahayag.
 1st Quarter Filipino sa Piling Larangan(Akademik)
Week 2
Aralin: AKADEMIKONG PAGSULAT

Pagsasanay 1
Panuto: Sa iyong pag-aaral sa k to 12, paano mo napag-iiba ang mga gawain sa bahay
eskwelahan, at komunidad? Maglista ng mga ginagawa mo bawat isa.

Gawain sa
Gawin sa bahay Gawain sa Komunidad
eskwelahan
 PAGSASANAY 2

Panuto: Batay sa paksang tinalakay. Bigyang interpretasyon ang layunin ng

akademkong pagsulat.

1. Mapanghikayat na Layunin-

______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
_____________________________________________________________________

2. Mapanuring Layunin-

______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
_____________________________________________________________________

3. Impormatibong Layunin-

______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
______________________________________________________________________
_____________________________________________________________________
\

1st Quarter Filipino sa Piling Larangan(Akademik)

Week 2
Aralin: AKADEMIKONG PAGSULAT

Gawain 3:

PAGPAPAHALAGA SA AKADEMIKONG PAGSULAT

Panuto: Ilahad sa grapikong pantulong kung paano mo mapangangalagaan

ang akademikong pagsulat sa makabagong panahon
AKADEMIKONG PAGSULAT