2

Edukasyon sa
Pagpapakatao
Unang Markahan – Modyul 7:
Tahanan Ko, Paglilingkuran Ko
Edukasyon sa Pagpapakatao – Ikalawang Baitang
Alternative Delivery Mode
Unang Markahan – Modyul 7: Tahanan Ko, Paglilingkuran Ko
Unang Edisyon, 2020

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan
muna ang pahintulot ng ahensiya o tanggapan ng pamahalaan na naghanda ng akda kung
ito ay pagkakakitaan. Kabilang sa mga maaaring gawin ng nasabing ahensiya o tanggapan
ay ang pagtakda ng kaukulang bayad.

Ang mga akda (kuwento, seleksiyon, tula, awit, larawan, ngalan ng produkto o brand
name, tatak o trademark, palabas sa telebisiyon, pelikula, atbp.) na ginamit sa modyul na ito
ay nagtataglay ng karapatang-ari ng mga iyon. Pinagsumikapang matunton ang mga ito
upang makuha ang pahintulot sa paggamit ng materyales. Hindi inaangkin ng mga
tagapaglathala at mga may-akda ang karapatang-aring iyon. Ang anomang gamit maliban
sa modyul na ito ay kinakailangan ng pahintulot mula sa mga orihinal na may-akda ng mga
ito.

Walang anomang parte ng materyales na ito ang maaaring kopyahin o ilimbag sa

anomang paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

Bumuo sa Pagsusulat ng Modyul

Manunulat: AL JOHN U. FEBRERO
Patnugot: BENNEDICK T. VIOLA
MARIE ANN C. LIGSAY, PhD
Tagasuri: AUGUSTO A. MATEO
ROSALINDA S. IBARRA, PhD
Tagaguhit: JINKY H. MARTIN
IMLEDA B. SICAT
Tagalapat: AIZA G. DINGLE
Tagapamahala:

NICOLAS T. CAPULONG PhD, CESO V

LIBRADA M. RUBIO, PhD
MA. EDITHA R. CAPARAS, EdD
NESTOR P. NUESCA, EdD
LARRY B. ESPIRITU, PhD
RODOLFO A. DIZON, PhD
MERCEDITA D. SALDERO

Inilimbag sa Republika ng Pilipinas ng _______________________________

Kagawaran ng Edukasyon – Rehiyon III

Office Address: Matalino St. Government Center, Maimpis, City of San Fernando (P)
Telefax: (045) 598-8580 to 89
E-mail Address: [email protected]
 2

Edukasyon sa
Pagpapakatao
Unang Markahan – Modyul 7:
Tahanan Ko, Paglilingkuran Ko
Paunang Salita
Para sa tagapagdaloy:
Malugod na pagtanggap sa asignaturang Edukasyon sa
Pagpapakatao 2 ng Alternative Delivery Mode (ADM) Modyul
para sa araling Tahanan Ko, Paglilingkuran Ko.
Ang modyul na ito ay pinagtulungang dinisenyo, nilinang at
sinuri ng mga edukador mula sa pambuliko at pampribadong
institusyon upang gabayan ka, ang gurong tagapagdaloy upang
matulungang makamit ng mag-aaral ang pamantayang itinakda
ng Kurikulum ng K to 12 habang kanilang pinanagumpayan ang
pansarili, panlipunan at pang-ekonomikong hamon sa pag-aaral.
Ang tulong-aral na ito ay umaasang makauugnay ang mag-
aaral sa mapatnubay at malayang pagkatuto na mga gawain
ayon sa kanilang kakayahan, bilis at oras. Naglalayon din itong
matulungan ang mag-aaral upang makamit ang mga
kasanayang pang-21 siglo habang isinasaalang-alang ang
kanilang mga pangangailangan at kalagayan.
Bilang karagdagan sa materyal ng pangunahing teksto,
makikita ninyo ang kahong ito sa pinakakatawan ng modyul:

Mga Tala para sa Guro

Ito'y naglalaman ng mga paalala, panulong o
estratehiyang magagamit sa paggabay sa mag-
aaral.

Ang modyul na ito ay inihanda upang matukoy ng mag-

aaral ang mga pamantayang itinakda sa loob ng tahanan.

Inaasahan ang pagpapatnubay sa mga mag-aaral habang

isinasagawa ang aktibidad na ito. Ang mga sagot sa bawat
gawain ay matatagpuan sa likod ng modyul na ito.

ii
Para sa Mag-aaral:
Sa modyul na ito ay inaasahang malalaman ang mga
pamantayang ititnakda sa loob ng tahanan at ang kahalagahan
ng pagtutulungan sa paggawa ng mga gawain sa loob ng
tahanan.

Ang modyul na ito ay magsisilbing gabay mo sa pansariling

pagkatuto. Gamitin ito bilang patnubay sa tulong ng mga
tuntunin. Upang maging wasto ang paggamit kailangang
malinaw sa iyo ang dapat gawin.
Malugod na pagtanggap sa Edukasyon sa Pagpapakato 2
ng Alternative Delivery Mode (ADM) Modyul ukol sa Tahanan Ko,
Paglilingkuran Ko.
Ang modyul na ito ay ginawa bilang tugon sa iyong
pangangailangan. Layunin nitong matulungan ka sa iyong pag-
aaral habang wala ka sa loob ng silid-aralan. Hangad din nitong
madulutan ka ng mga makabuluhang oportunidad sa pagkatuto.
Ang modyul na ito ay may mga bahagi at icon na dapat
mong maunawaan.

Sa bahaging ito, malalaman mo

Alamin
ang mga dapat mong matutuhan
sa modyul.

Sa pagsusulit na ito, makikita natin

Subukin kung ano na ang kaalaman mo sa
aralin ng modyul. Kung nakuha mo
ang lahat ng tamang sagot (100%),
maaari mong laktawan ang
bahaging ito ng modyul.

iii
 Ito ay maikling pagsasanay o balik-
Balikan
aral upang matulungan kang
maiugnay ang kasalukuyang aralin
sa naunang leksyon.

Sa bahaging ito, ang bagong aralin

Tuklasin
ay ipakikilala sa iyo sa maraming
paraan tulad ng isang kuwento,
awitin, tula, pambukas na suliranin,
gawain o isang sitwasyon.

Sa seksyong ito, bibigyan ka ng

Suriin
maikling pagtalakay sa aralin.
Layunin nitong matulungan kang
maunawaan ang bagong konsepto
at mga kasanayan.

Binubuo ito ng mga gawaing para

Pagyamanin sa mapatnubay at malayang
pagsasanay upang mapagtibay
ang iyong pang-unawa at mga
kasanayan sa paksa. Maaari mong
iwasto ang mga sagot mo sa
pagsasanay gamit ang susi sa
pagwawasto sa huling bahagi ng
modyul.

Naglalaman ito ng mga

Isaisip
katanungan o pupunan ang
patlang ng pangungusap o talata
upang maproseso kung anong
natutuhan mo mula sa aralin.

iv
 Ito ay naglalaman ng gawaing
Isagawa
makatutulong sa iyo upang maisalin
ang bagong kaalaman o
kasanayan sa tunay na sitwasyon o
realidad ng buhay.

Ito ay gawain na naglalayong

Tayahin
matasa o masukat ang antas ng
pagkatuto sa pagkamit ng
natutuhang kompetensi.

Karagdagang Sa bahaging ito, may ibibigay sa

Gawain iyong panibagong gawain upang
pagyamanin ang iyong kaalaman o
kasanayan sa natutuhang aralin.

Susi sa Naglalaman ito ng mga tamang

Pagwawasto sagot sa lahat ng mga gawain sa
modyul.

Sa katapusan ng modyul na ito, makikita mo rin ang:

Sanggunian Ito ang talaan ng lahat ng

pinagkuhanan sa paglikha o
paglinang ng modyul na ito.

Ang sumusunod ay mahahalagang paalala sa paggamit ng

modyul na ito:
1. Gamitin ang modyul nang may pag-iingat. Huwag lalagyan
ng anumang marka o sulat ang anumang bahagi ng
modyul. Gumamit ng hiwalay na papel sa pagsagot sa mga
pagsasanay.
2. Huwag kalimutang sagutin ang Subukin bago lumipat sa iba
pang gawaing napapaloob sa modyul.

v
 3. Basahing mabuti ang mga panuto bago gawin ang bawat
pagsasanay.
4. Obserbahan ang katapatan at integridad sa pagsasagawa
ng mga gawain at sa pagwawasto ng mga kasagutan.
5. Tapusin ang kasalukuyang gawain bago pumunta sa iba
pang pagsasanay.
6. Pakibalik ang modyul na ito sa iyong guro o tagapagdaloy
kung tapos nang sagutin lahat ng pagsasanay.
Kung sakaling ikaw ay mahirapang sagutin ang mga gawain
sa modyul na ito, huwag mag-aalinlangang konsultahin ang
inyong guro o tagapagdaloy. Maaari ka rin humingi ng tulong kay
nanay o tatay, o sa nakatatanda mong kapatid o sino man sa
iyong mga kasama sa bahay na mas nakatatanda sa iyo. Laging
itanim sa iyong isipang hindi ka nag-iisa.
Umaasa kami, sa pamamagitan ng modyul na ito,
makararanas ka ng makahulugang pagkatuto at makakakuha ka
ng malalim na pang-unawa sa kaugnay na mga kompetensi.
Kaya mo ito!

vi
 Alamin
Ang modyul na ito ay naghanda ng mga gawaing
makatutulong sa iyo upang makapagpapakita ng pagsunod sa
mga tuntunin at pamantayang itinakda sa loob ng tahanan.
(EsP2PKP-Id-e-12)
Pagkatapos ng modyul na ito ikaw ay inaasahan na:
1. Natutukoy ang mga tuntunin sa loob ng tahanan.
2. Natutukoy ang kahalagahan ng pagkakaroon ng malinis
na tahanan.
3. Naibibigay ang kahalagahan ng pagtutulungan sa
gawaing bahay.

Subukin
Panuto: Lagyan ng tsek (/) kung ang pahayag ay nagsasaad ng
pagtulong sa gawain sa tahanan at ekis (x) kung hindi.
Isulat sa patlang ang tamang sagot. Sagutin ito sa iyong
kuwaderno o sagutang papel.
_______1. Tinutulungan ni Ate Lea ang kaniyang nanay sa
paghahanda ng kanilang pagkain.
_______2. Tinataguan ni Jun ang kaniyang tatay kapag ito ay
may inuutos sa kaniya.
_______3. Pagkagising ni Lisa ay nililigpit niya ang kaniyang
pinaghigaan.
_______4. Naglalampaso ng sahig si Dino upang hindi
mahirapan ang kaniyang nanay sa paglilinis.
_______5. Nagagalit si Ate Isabela dahil inuutusan siya ng
kaniyang nanay na maglaba ng kanilang mga
damit.

1
 Aralin
Tahanan Ko,
1 Paglilingkuran Ko

Ang ating tahanan ay ating pinamamalagian pagkagaling

sa labas upang pumasok o isagawa ang iba’t ibang mga gawain.
Mahalagang panatilihin natin ang kalinisan at kaayusan nito.

Pangangalaga sa Tahanan
Ang pamilya Santos ay naninirahan sa Barangay
Mangandingay. Hati-hati ang kanilang tungkulin sa kanilang
munting tahanan. Si Nanay Anita ang nagwawalis at naglilinis sa
loob at labas ng bahay. Si Ate Ara ang naghuhugas ng pinggan
at nag-aayos ng higaan. Si Kuya Lino ang nagpapakintab ng
sahig at nagtatapon ng basura. Si Tatay Renato ang nagdidilig sa
mga halaman at nagpapaganda ng bakuran nila.
Dahil sa pagtutulungan at pagkakaisa napadadali ang
mga gawaing bahay kaya masaya at maayos ang
pagsasama ng pamilya Santos sa kanilang maayos at malinis
na tahanan nila.

Sa kuwentong “Pangangalaga sa Tahanan” ay tinalakay ang

pamamaraan upang mapanatili ang kalinisan at kaayusan ng
tahanan. Ang mga kaalamang iyong nakuha ay magagamit mo
upang masagutan ang susunod na gawain.

2
 Balikan
Panuto: Balikan natin ang kuwento ng Pangangalaga sa Tahanan
at sagutin ang mga sumusunod na tanong: Sagutin ito sa
iyong kuwaderno o sagutang papel.

1. Sa iyong palagay, paano mapadadali ang mga gawain sa

tahanan?

_______________________________________________

2. Paano ka makatutulong sa mga gawain sa inyong tahanan?

_______________________________________________

3. Paano mapananatili ang kaayusan at kagandahan ng

kapaligiran ng inyong tahanan?

_______________________________________________

4. Paano mapapanatili ni ate ang kalinisan sa kusina at silid?

_______________________________________________

5. Bakit kailangan mapanatili nila ang kalinisan at kaayusan ng

kanilang tahanan?

______________________________________________

3
 Mga Tala para sa Guro

Ang tahanan na laging malinis at maayos ay maaliwalas

sa paningin. Ngunit higit sa pisikal na kalinisan at kaayusan,
ang isang bahay ay nagiging tahanan kung maayos ang
samahan ng mga taong naninirahan dito. Upang
mapanatiling malinis at maayos ang tahanan, kailangang
magtulong-tulong ang mga miyembro ng pamilya sa mga
gawain.
Ang pagwawalis, paghuhugas ng pinggan, pag-aayos
ng higaan, pagpapakintab ng sahig ay ilan sa mga gawain sa
loob ng tahanan.

Tuklasin
Masarap tumira sa isang tahanan na laging malinis at maayos.
Upang mapanatili ang kalinisan at kaayusan nito kailangang
magtulong-tulong ang mga kasapi ng pamilya sa pagsasagawa
ng mga gawaing ito.

Mga Gawain Upang Mapangalagaan ang Tahanan

1. Pagwawalis
2. Paghuhugas ng pinggan
3. Pag-aayos ng higaan
4. Pagpapakintab ng sahig
5. Pagtatapon ng basura
6. Pagdidilig ng halaman
7. Pagsasaayos ng bakuran

4
 Suriin
Panuto: Tukuyin ang wastong gamit ng bawat kagamitan. Isulat
sa patlang ang titik ng iyong sagot. Sagutin ito sa iyong
kuwaderno o sagutang papel.

____ 1. Walis tambo a. pamunas sa mga

kagamitan

____ 2. Basahan b. lalagyan/ tapunan ng mga

kalat

____ 3. Basurahan c. panlinis ng pinggan

____ 4. Pang-urong/ d. panlinis ng alikabok

Dishwashing Liquid/ at iba pang kalat sa
Sabon loob ng tahanan

____ 5. Walis tingting e. panlinis ng mga tuyong

dahon at iba pang kalat sa
bakuran

5
 Pagyamanin
Panuto: Pagtambalin ang mga larawan sa hanay A sa mga
larawan ng mga gawaing dapat gawin sa hanay B.
Sagutin ito sa iyong kuwaderno o sagutang papel.
A B

____1. a.

____2. b.

____3. c.

____4. d.

____5. e.

6
 Isaisip
Mapapanatili ang _______________ at _______________ ng
tahanan sa pamamagitan ng pagtutulungan at paggawa ng
iba’t ibang gawaing bahay ng mga kasapi ng pamilya.
Maging responsable sa paggawa ng mga ito.

Isagawa
Panuto: Lagyan ng Tama ang patlang bago ang bilang kung
tama ang pahayag at Mali kung mali ito. Sagutin ito sa
iyong kuwaderno o sagutang papel.

_____1. Magkalat sa loob ng tahanan.

_____2. Tumulong kay nanay sa pagluluto ng pagkain.
_____3. Huwag gagawa sa tahanan kung hindi naman inuutusan.
_____4. Magdabog kapag pinaglilinis ng tahanan.
_____5. Makipagtulungan sa pamilya sa paglilinis upang maging
malinis at maayos ang tahanan.

7
 Tayahin
Panuto: Basahin at tukuyin kung alin ang nagpapakita ng
wastong paraan nang pangangalaga sa tahanan. Isulat
ang titik ng tamang sagot sa iyong kuwaderno o
sagutang papel.
____1. Gumising nang maaga si Roda at nakita niyang
nakatambak ang hugasing pinggan. Ano ang dapat
niyang gawin?
a. Hayaan ang nakatambak na pinggan
b. Huhugasan ni Roda ang nakatambak na hugasin.
c. Tawagin ang nakababatang kapatid at utusan na
hugasan ito.

____2. Nakita ni Benjo na nag-aayos ng mga sirang upuan ang

kaniyang ama. Ano ang dapat niyang gawin?
a. Tulungan ang ama sa pag-aayos ng sirang upuan.
b. Umalis ng bahay at makipaglaro sa mga kaibigan.
c. Panoorin ang ama habang nag-aayos ito ng mga
sirang upuan.

____3. Naglalaba ang iyong nanay ng inyong mga damit.

Nakita mo na pagod na ito. Ano ang iyong dapat gawin?
a. Hindi ito papansinin
b. Sasabihin na bilisan niya ang paglalaba
c. Tutulungan ang nanay sa paglalaba ng aking mga
damit.

8
 ____4. Nakita mo na hindi niligpit ng iyong bunsong kapatid
ang kaniyang pinaghigaan. Ano ang dapat mong gawin?
a. Pagagalitan ang aking bunsong kapatid.
b. Hayaan na hindi maayos ang kaniyang higaan.
c. Pagtutulungan naming iligpit ang kaniyang
pinaghigaan.

____5. Ano ang mararamdaman mo kapag nagtutulong -

tulong ang inyong pamilya sa paglilinis ng tahanan?
a. Maiinis
b. Masaya
c. Malungkot

Karagdagang Gawain

Panuto: Tukuyin ang gawain na iyong isinasagawa sa inyong

tahanan. Ilagay ang iyong sagot sa patlang. Sagutin ito
sa iyong kuwaderno o sagutang papel.

Gawain: __________________________________________
__________________________________________
Kagamitan: _______________________________________
_______________________________________
Gaano kadalas ito dapat gawin? __________________
_______________________________________

9
Susi sa Pagwawasto

10
Sanggunian
 Victoria Guia-Biglete, Maria Carla Mabulay-Caraan, Rolan
Baldonado Catapang, Isabel Monterozo-Gonzales.
2013. Kagamitan ng Mag-aaral. Basura mo, Itapon ng
Wasto!; Luntiang paligid mo, Tuwa ng puso ko!;
Kalinisan at kaayusan sa pamayanan, pananagutan
ko. pp. 186-210.
 Victoria Guia-Biglete, Maria Carla Mabulay-Caraan, Rolan
Baldonado Catapang, Isabel Monterozo-Gonzales.
2013. Patnubay ng guro. Basura mo, Itapon ng Wasto!;
Luntiang paligid mo, Tuwa ng puso ko!; Kalinisan at
kaayusan sa pamayanan, pananagutan ko. pp. 80-86.

11
Para sa mga katanungan o puna, sumulat o tumawag sa:

Department of Education - Bureau of Learning Resources (DepEd-BLR)

Ground Floor, Bonifacio Bldg., DepEd Complex

Meralco Avenue, Pasig City, Philippines 1600

Telefax: (632) 8634-1072; 8634-1054; 8631-4985

Email Address: [email protected] * [email protected]