FIL 211 : Komunikasyon sa Akademikong Filipino

I. PAKIKINIG: Kahulugan, Proseso At UrI

Lahat ay sasang-ayon sa katotohanang malaki ang maitutulong ng pakinig sa buhay ng tao. Sa

pamamagitan ng pakikinig ay nadaragdagan ang ating kaalaman na magagamit at makatutulong nang malaki
sa ating pag-aaral, gawain at pamumuhay sa araw-araw. Nagiging daan din ito upang mauunawaan ang
damdamin at kaisipan ng isang tao upang mabigyang-katwiran ang kanyang mga gawi, kilos at paniniwala.
Ang mabuting kasanayan sa pakikinig ay itinuturo at hindi nakukuha lamang. Sapagkat mahalaga sa
mabilisang pagkatuto, sa pagpapanayam ng pansariling buhay at sa pakikilahok sa mga pangyayaring
panlipunan at pansibiko sa makabagong panahon, kailangang linangin ang kasanayamg ito.

Paglalahad
Ang kahulugan ng pakikinig ay ang pag-uunawa sa kahulugan ng mga tunog na napakinggan.
Nangangahulugan ito ng pagdinig nang may layunin – ang pag-uunawa sa kahulugan ng mga salita at
pangungusap na naririnig. Ito ay hindi pasibo kundi aktibong paraan ng pagtanggap at pagbuo ng mensahe mula
sa pinanggalingang tunog. Inuunawa ang mga katotohanan at ideya na nakapaloob sa mga salitang napakinggan.
Ipinoproseso ng isipan ng tao ang mga bagay na kanyang napakinggan hanggang sa maunawaan niya ang
kahulugan ng mga ito.
Bagamat magkaugnay ang pagdinig (hearing) at pakikinig (listening) ito ay may pagkakaiba. Sa level na
pisikal ang pagdinig sapagkat isang kapasidad ito para matukoy ang tunog na bumubuo sa isang salita. Tumutukoy
ito sa ating kakayahang marinig ang anumang tunog sa pamamagitan ng ating mga tainga. Samantala, isang
proseso ng pag iisip na may layuning unawain ang kahulugang nakapaloob sa mga tunog na pinakikinggan ang
pakikinig. Preliminaryong hakbang sa pakikinig ang pagdinig.

Ang Proseso ng Pakikinig

Sinabi ni Kline (2006) na ang pakikinig ay isang kompleks na proseso. Ito ay dumadaan sa tatlong
magkakasunod na hakbangin:

1. Pagdinig – tumutukoy sa pagtanggap ng tunog (salita, parirala o pangungusap) na nagdadala ng

mensahe.
2. Atensyon – sa puntong ito, hindi sa lahat ng tunog (salita) nakafokus ang ating atensyon sa halip
pinipili natin ang mga mahahalagang katotohanan o ideya na bumubuo sa mensahe o paksang
tinatalakay. Ito ay tinatawag ni Kline (2006) na selektibong atensyon.
Ito rin ay tinatawag na rekognisyon na pagkilala sa tunog.
3. Pag-unawa/Pagbibigay Kahulugan – ang pinakahuli subalit pinakamahalagang proseso ng pakikinig.

Mga Uri ng Pakikinig

1. Pakikinig na May Layunin (Purposeful Listening)

➢ nangangailangan ng layunin at kamalayan sa layunin ng guro at mga mag-aaral.
2. Wastong Pakikinig (Accurate Listening)

3. Mapanuring Pakikinig (Critical Listening)

➢ kaakibat ng uring ito ang pagiging analitikal, evalwativ at apresyativ.
 4. Pakikinig Upang Maaliw (Appreciation)
➢ Ito ang pinakamadaling uri ng pakikinig dahil hindi ito nangangailangan ng
masusing atensyon

II. PRODUKTIBONG TEKNIK SA PAKIKINIG

Itinakdang Bunga ng Pagkatuto

Sa katapusan ng paksa, ikaw ay inaasahang:

➢ nakapagbabahagi ng kaalaman sa pagtatamo ng kasanayan sa pakikinig
➢ nakapagsusulat ng isang reaksyong papel kaugnay sa isang papakinggang awitin/talumpati/balita

Lahat ng tao ay kailangang mapakinggan, kung paanong lahat din ng tao ay kailangang makapagpahayag
ng sarili. Ang epektibo/produktibong pakikinig ay hindi likas sa tao. Ito ay isang gawain, isang kasanayang
nalilinang. Kailangang linangin ng bawat tao ay kanyang kasanayan sa pakikinig upang ang lahat ay magkaroon
ng epektibo/produktibong komunikasyon.

Tingnan ninyo ang mga larawan sa ibaba. Makikita natin ang iba’t ibang uri ng tagapakinig.

1. Eager Beaver – siya ang tagapakinig na ngiti nang ngiti o tango nang tango habang may nagsasalita
sa kanyang harapan. Makikita sa kanyang mga mata ang kawalan ng fokus.
2. Sleeper – siya ang tipo ng tagapakinig na nauupo sa isang tahimik na sulok ng silid. Wala siyang
tunay na intensyon makinig.

3. Tiger - siya ang tagapakinig na laging handang magreak sa anumang sasabihin ng nagsasalita

4. Bewildered – siya ang tagapakinig na kahit anong pilit ay walang maintindihan sa naririnig.
Kapansin-pansin sa pagkunot ng kanyang noo, pagsimangot at anyong pagtataka o pagtatanong
ang kawalan niya ng malay sa kanyang mga naririnig.

5. Relaxed – kitang-kita sa kanya ang kawalan ng interes sa pakikinig

6. Frowner – siya ang tipo ng tagapakinig na wari bang lagi na lang may tanong at pagdududa

7. Busy Bee – hindi lamang siya hindi nakikinig, abala rin siya sa ibang gawain tulad ng pagsusulat,
pakikipagtsismisan sa katabi, pagbaba- sa ng libro o magasin at ibang walang kabuluhang gawain

8. Two-eared Listener – siya ang pinakaepektibong tagapakinig, nakikinig siya gamit hindi lamang ang
kanyang tainga kundi maging ang kanyang utak

Mga Tanong:
1. Alin sa mga uri ng tagapakinig ang iyong ginagawa o nararanasan? Pumili ng dalawa lamang at ipaliwanag.
( 20 PTS. )
A.__________________________________________________________________________________
____________________________________________________________________________________
___________________________ ___

B.__________________________________________________________________________________
____________________________________________________________________________________
____________________________________________________________________________________

2. Sinong tagapakinig ang matatawag na epektibo/produktibo ang nagawang pakikinig? Bakit? ( 10 PTS. )
_____________________________________________________________________________
_____________________________________________________________________________
_____________________________________________________________________________
_____________________________________________________________________________
 Mga Epektibong/Produktibong Teknik sa Pakikinig:

1. Magpakita ng interes sa paksa at tagapagsalita.

2. Pakinggan hindi lamang ang mga salita kundi maging ang mga kahulugan.
3. Mag-adap sa deliveri ng tagapagsalita.
4. Mag-adjust sa distraction
5. Makinig nang mabuti sa konsepto/mensahe at limiin amg pangunahing ideya.
6. Umiwas sa pagpapakita ng pekeng intensyon.
7. Kunin ang buong mensahe at saka maghusga.
8. Iinterpret ang mahihirap na konsepto.
9. Patapusin ang kausap.

III. MENTAL ATITYUD NG MAHUSAY NA TAGAPAKINIG

Ang komunikasyon ay itinuturing na isang sining, at ang pagpapahusay nito ay nakasalalay sa kakayahan
ng indibidwal na makapagproseso ng mga kaalaman batay sa limang makrong kasanayang pangwika.Ang mga ito
ay ang pakikinig, pagsasalita , pagbasa , pagsulat , at panonood. PAKIKINIG ang pinakapundasyon sa lahat, na
kinakailangang pagtutuunan ng pansin at lubos ng aalamin upang maging eksperto at magaling.

Narito ang mahahalagang bagay na dapat alamin upang maging tama ang atityud sa pakikinig at lubos
na maging mahusay na Tagapakinig.

MGA URI NG PAKIKINIG:

• Pasiv (Passive Listening) – tinagurian itong “ tila pakikinig “ sapagkat ang tagapakinig ay patuloy
sa kanyang ginagawa habang nakikinig.
• Aktibong Pakikinig ( active Listening ) – nakikilahok ang nakikinig.Makikita ang ganap ng pag –
kaunawa sa paksang tinatalakay.
• Kritikal at Mapanuring Pakikinig ( Critical Listening) – kasangkot sa pakikinig na naturang
pagsusuri, pagbubulay sa detalye, at paghuhusga sa taglay na kawastuan o pagtutuwid sa ilang
detalye sa mensahe. Kaugnay rin ditto ang pagsusuri ng pangkaisipan upang matukoy ang
katotohanan, kaisipang hakahaka at nilikha lamang.
• May Pagpapahalagang pakikinig (Appreciative Listening ) – nakadarama ng kawilihan at galak sa
pakikinig ng awit, tula, dula o iba pang anyo ng panitikan.

KOMPONENT NG PRODUKTIBONG PAKIKINIG:

• Ugali o atityud ng tagapakinig kabilang ang :
Pangkalahatang kaanyuan
Bukas na isipan
Kakayahang iwasto ang mga pagkakamali
Pagkakaroon ng respeto sa mga limitasyon ng kapwa at sarili
• Kakayahang Makita ang katumpakan ng mga kaisipan.
• Pagkakaroon ng abilidad na maisalin ang ibat ibang kaisipan at tanong.

MGA HAKBANG UPANG MAGING MAHUSAY NA TAGAPAKINIG

• Matutong maglaan ng panahon upang ganap na making.
• Igalang ang panahon ng tagapagsalita,huwag putulin o sumingit habang siya’ynagsasalita.
• Iwasang pangunahan ang nagsasalita, huwag agad bumuo ng konklusyon o
interpretasyon.
 • Maging bukas ang isipan sa pagtukoy ng mga klu.
• Huwag matakot magtanong kung may malabong pahayag o pag – aalinlangan.
• Ipokus ang atensyon sa tagapagsalita
• Maging handa sa pag –unawa sa laisipang sinasabi ng nagsaalita, taliwas man ito o hindi sa iyong
pananaw.
• Ihanda ang sarili sa paglalagom, pagtatanong o interpretasyon
• Kagyat na magbigay ng tugon.

ANG ISANG MABUTING TAGAPAKINIG AY …

• Nagtatala ng mahalagang detalyeng naririnig.
• Magalang sa pagtatanong tungkol sa may kalabuang pahayag ng nagsasalita sa tamang panahon.
• May kawilihan at sapat na atensyon
• Naglalaan ng respeto sa tagapagsalita
• Bukas ang isipan sa lahat ng punto at paniniwala
• Matiyaga
• Matimpi at may pagpipigil
• Kakayahang maisalin ang iba’t ibang kaisipan at katanungan sa paraang maunawaan ng
Lahat.

KARAGDAGANG KAALAMAN : Ang tagapakinig ay kailangang may positibong mental atityud, bukas na isipan ,
atensyon, pag –unawa o( adjustment) at makatarungang paninindigan sa pakikinig.

GAWAIN:
Pakinggan ang awiting : “ Natutulog ba ang Diyos “ ni Gary Valenciano.
https://www.youtube.com/watch?v=b9lZ6tywEmk

Panuto : Isulat ang mga katangian na nabanggit sa awit upang matugunan ang mga hinihingi. (20 pts.)

Pangunahing kaisipan Mga pantulong na

kaisipan

Natutulog ba ang Diyos

Larawang nabuo sa
isipan Nararamdaman