Blog

Sunday, May 12, 2019

THALAITE LEH KOHHRANA RAWNGBAWLNA

THALAITE LEH KOHHRANA RAWNGBAWLNA

- Vanramlawma

Isua Krista kan rinna leh amah kan hmangaihzia kan lantir theih dan kawng pawimawh tak pakhat chu A
rawng kan bawlna hi a ni awm e. “Rawngbawlna” kan tih hian a sawifiah dan tam taka a awm thei ang a,
a tawi zawngin “Lal Isua ropuina tur leh a ram a lo zauh zelna tura hna kan thawh hi rawngbawlna chu a
ni” tiin hrilhfiah ta ila a pawmawm viau awm e. Pathianin mihringte hi khawngaihna avangin a rawng
bawl ve min phalsak a, chu a rawng chu a Kohhrante kaltlangin kan bawl \hin a ni. Kohhran lu chu Krista
a nih miau avangin miin Kohhrana rinawm taka rawng a bawl chuan Pathian rawng a bawl tihna a lo ni \
hin.

Pathian leh a Kohhran rawng kan bawlnaah hian \halaite hi engtiang takin nge kan pawimawh? Kan
tunlai khawvel hi “|halaite Khawvel” tih a ni \hin a, \halaite hawina leh awnna lam apiang hi khawvelin a
ngaihven ve mai \hin a ni, ti ila kan sawi sual awm love. Hetiang chiah hian Kohhranah pawh \halaite hi
kan pawimawhin, kan awnna lamah Kohhran pawh awn ve in, kan hawina lam apiang chu Kohhran
hawina lam a ni ti ila kan sawi sualin a rinawm loh. |halaite hi heti taka kan pawimawh avang leh chet a
ngaih huna che mai thei tur kan nih avang hian Kohhran kutke ber kan ni kan ti lo thei lovang. Kan kut
leh kan ke te tel lo va kan che hleithei lo leh hma kan sawn thei lo ang bawk hian Kohhrana rawngbawlna
pawh hi \halaite tel lo chuan a kal sawt thei tak tak \hin lo. “Rawngbawl tura chhandam” Kristian \
halaite hi Kohhran innghahna leh a kutke ber kan ni tih inhre thar ila, Kohhran tan \hahnemngai takin
hna i thawk \hin ang u.

Kohhrana rawngbawlna reng rengah thawktu an awm a ngai a, thawktu tel lo chuan rawngbawlna hi a
famkim thei \hin lo. Chutiang bawkin \halaite pawhin rawngbawlna kan neih loh chuan Pathian lak ata
kan kal sawn a kan kal bo mai a hlauhawm \hin a, chuvangin, \halaite leh Kohhrana rawngbawlna hi thil
kalkawp tlat leh inrem tak, lak hran rem miah lo a ni. Mizoram Presbyterian Kohhran hnuaia \halaite
chuan Kristian |halai Pawl angin a huhovin rawng kan bawl \hin a, he pawl thiltum hi ilo thlir teh ang:

1) Isua Krista rinna leh amah anna kawnga \halaite hruai.

3) Kohhran hnathawh tihpuitlin.

4) Krista Chanchin |ha puandarh.

Kristian |halai Pawl thiltumte hi uluk taka kan thlir chuan Kohhran kaltlanga Pathian rawngbawlna lam a
kawk deuh vek a, Kohhran huang pawn leh mahni phurna leh tuina lam hawia kal fawrna lam a kawk lem
lo. Thuhriltu lar tak DL Moody-a chuan, “Miin Kohhran hi Nu anga an en theih loh chuan Pathian hi Pa
angin an en thei lovang” tiin a sawi a, Kohhran leh Pathian inlaichinna a rawn phawrh chhuak \ha hle.
Kristian \halaite chuan rawng kan bawlnaah Kohhran hi kan dah pawimawh hle tur a ni a, Kohhran hi
Krista taksa a ni tih hriain, an mitmei kan vengin, an mit timim zawngin kan che tur a ni lo.

A nih leh engtinnge \halaite’n Kohhranah rawng kan bawl ang? Pathianin mihringte hi a mal te tea
danglam (unique) vekin min din a, kan thil thiam leh theih zawng pawh a inang lo hlawm hle. Kan
theihna leh thiamnate a inang loh ang bawk hian rawng kan bawl theih leh thiam dan pawh a inang lo
va. |halaite’n Pathian leh a Kohhran rawng kan bawl theihna kawng tlemte lo tarlang ila:

1. Thuhrila rawngbawlna: Lal Isua vana a lawn dawn khan a zirtirte hnena a thuchah hnuhnungber chu
hei hi a ni, “Tichuan, kal ula, hnam zawng zawng zirtîrah siam rawh u; Pa leh Fapa leh Thlarau Thianghlim
hmingah chuan baptis ula, thu ka pêk zawng zawng che u pawm tûrin zirtîr rawh u” (Mt. 28:19). Lal Isua
thuchah hnuhnungber “Chanchin |ha puandarh” hi \halaite kan rawngbawlna pawimawh ber leh kan
tum (motto) bulpui ber tur a ni. Tun dinhmunah pawh \halai eng emaw zat chu Missionary-ah inpein
ram thimah rawng an bawl mek a, Lal Isua Chanchin |ha la hre ngailote hnenah Chanchin |ha thlenin,
thuhrila rawngbawlna hna ropui tak an thawk mek a ni. Heng kan \halaite rawngbawlna hian Pathian leh
a Kohhrante lung a dum ngei a rinawm a, an hnathawh mek ropui tak mai hi chona min petu nise a
duhawm hle.

2. Thilpeka rawngbawlna: Mi \henkhatin Pathian thu hrila rawng an bawl lai hian \henkhat chuan thilpek
hmangin rawng an bawl thung \hin. Thilpek rawngbawlna hi rawngbawlna pawimawh tak a nih avangin
kan hnualsuat tur a ni lo va, \hahnem kan ngai hle zawk tur a ni. Thilpek kan remchan ang ang kan
thawhkhawm \hin avangte hian Lal Isua chanchin la hre ngailote’n an hriat theih phah \hin a,
inkhawmna tur biak in la nei ngai lote’n biak in an neih phah bawk a, hei lo pawh thilpek rawngbawlnain
a hrinchhuah thil \ha tam tak a awm awm e. |halaite’n thilpek rawngbawlnaah hian \an la sauh sauhin,
lak aiin pekin lukhawng a nei tih hre thar ila a va’n duhawm em.
A chunga kan tarlan bakah hian Pathian rawng kan bawl theihna kawng pawimawh tak: Pathian faka zaia
rawngbawlna te, midangte tana \awng\aia rawngbawlna te pawh a awm a, heng kan han tarlan bak
pawh hi rawngbawlna kawng pawimawh tak tak a la awm thei bawk ang. Pathian rawng kan bawlnaah
hian a t> bik emaw a ropui bik emaw awm hauh lo va, heng rawngbawlna chi hrang hrangte hi a
pawimawhin a \angkai tlang em em vek a ni.

Kan hriat reng tur chu Pathian leh a Kohhran rawng kan bawlnaah hian mahni inpekna a ngai hle a ni.
Mahni inpekna chuan taimakna a hring chhuak a, taima taka rawng kan bawl chuan kan rawngbawlnate
a lo hlawhtling thei \hin a ni. |halaite’n Kohhrana kan rawngbawlna a lo sawt zawk theihna leh a lo
hlawhtlin theihna turin heng a hnuaia thupui kan tarlanah te hian hma sawn thei ila a duhawm hle:

1. Pathian thu hriatna kawngah: |halaite’n hmasawn kan ngaihna ber pakhat chu Pathian thu kan
hriatna kawngah hian a ni awm e. Information technology lama hma kan sawn nasat avangin lehkha
chhiar kan thlahthlam a, Bible taima taka chhiar \hin pawh kan awm ta meuh lo niin a lang. Pathian
thute hi kan hmanrua ber a nih avangin kan hmanrua hi kan hriat chian a pawimawh a, Bible chhung
thute hi a hun taka min pui theitu tur a nih avangin kan hre belin kan chhiar tam hle tur a ni. Bible chhiar
chauh lo pawh, Pathian fakna hla kan sak tam te, thuhriltute thusawi kan ngaithlak tamte hian Pathian
thu kan hriatna kawngah nasa takin hma min sawntir thei a ni.

2. Inkhawm kawngah: Ringtute kan inpawl tawnna leh kan intih chak tawnna hmanrua pawimawh tak
chu inkhawm hi a ni a, \halaite pawhin inkhawm hi kan rawngbawlna peng pakhat a ni tih hriaa \hahnem
kan ngaih a duhawm hle. Mi \henkhat, Kohhran \halai pawla inhmang em em, \halai inkhawm pawh
ngaipawimawh tak, mahse Kohhran inkhawm a awm nikhuaa inkhawm nachang hre miah lo an awm \
hin a, hei hi \halaite’n kan tih loh tawp tur a ni. Kohhran inkhawmte hi kan ngaipawimawhin a tam thei
ang ber inkhawm kan tum zawk \hin tur a ni.

3. |awng\ai kawngah: Lal Isua’n khawvela rawng a bawl dawn khan thlalerah ni 40 leh zan 40 chaw
ngheia \awng\aiin a thang tih Bible-ah kan hmu kha. keini \halaite pawh hian Pathian leh a Kohhran
rawng kan bawlnaah hian kan \awng\ai tam a duhawm hle. |awng\aina hi Pathian nena kan inbiakna leh
A hmaa kan inhlanna a ni a, hemi avang hian kan \awng\ai tam a, Pathian kan biak tama kan rawn tam
a \ha hle.

A tawp berah chuan keini Kristian \halai, Lal Isua Krista zuitute hian kan hmaa hna thawh tur awm
apiangte thawk zelin, Pathian leh a Kohhran tan rinawm tak leh taima takin rawng i bawl zel ang u.
Vra at 5:58 AM No comments:

Share

Thursday, May 2, 2019

Kristian Thalaite leh Taimakna

KRISTIAN THALAITE LEH TAIMAKNA

- Vanramlawma

Kristianna in Mizoram a rawn thlen hma leh Isua Krista hming pawh kan hriat hmaa Mizote nunphunga
bet tlat chu taimakna hi a ni. ‘Taimakna’ kan tih hian kan hmaa tihtur leh hna awm apiangte tha taka kan
tihhlawhtlin hi a kawk awm e. Kan pi leh pute khan thlawhhma neia ram lam hna thawkin, an nunkhaw
chhuah nan hah takin hna an thawk thin a, taimakna kha an nitin nunin a ken tel a ni thin. Thlahtute
atanga mi taima hnam kan nih hi kan hriat reng a tha a, min thlahtute hnungzuia taimakna lama
hmasawn zawnga ke kan pen hi a tha awm e.

Hnamdang leh ringlo mite an taimak thu leh hna thawk tura an rintlak thu kan sawi thin a. Engvangin
nge keini Kristian thalai, Pathian nung leh dik betute hi taima lo zawk kan nih fo thin? A chhan bulpui ber
chu kan teirei peih thin lo hi a ni. Mi taima ni tur chuan beidawng lova tih tang tang peih a ngai a, kawng
nuam leh awlsam zawk zawh lovin kawng harsa leh khirh zawk zawh a ngai fo thin. Chu kawng chu mi
tam takin kan zawh peih lova, mi thatchhia nih kan hlawh fo thin. Mi thatchhia chuan a thil tihah
hlawhtlinna a hmu ngai lo.

Tehfung kan hman leh a tehtu a zirin kan thil hmuh leh thlir dan a dang fo a, chutiang bawk chuan
taimakna pawh hi a tehtu a zirin a danglam thin. Mizo thawnthua thatchhe hmingthang Samdala kha,
theipui kunga a lawn peih loh avangin a hnuaiah a rah lo tlak nghakin a ka ang chungin nilengin a mu e,
an ti thin a. Thlir dan phung pangaiah chuan Samdala hi a thatchhe hle a ni, mahse thlirna dang atanga
kan thlir chuan nilenga ka ang chunga mu reng peih ta chu a taima hle a tih theih bawk. Chutiang zelin,
Mosolman pa leh Hindu pa thlirna atang chuan Kohhran hnatlan nikhuaa thawkchhuak taima deuhte leh
Kohhran tana a kul a taia thawk thinte hi mi taima an ni kher lo thei. A tehtu a pawimawh ber fo thin
avang hian Kristian thalaite chuan kan hmaa hna awmte kan thawhnaa min tehtu tur chu Pathian leh a
Kohhrante a ni tih kan hriat a, “An mitah hian kan taima tawk em?”, tih kan inzawhchian fo a tul a ni.
A nih leh Kristian thalaite hian engtin nge hma kan sawn theih ang? Kristian thalaite min khaikhawmtu
Kristian Thalai Pawl (K.T.P.) thiltumte hi han thlir ila:

1) Isua Krista rinna leh amah anna kawnga thalaite hruai.

2) Kohhran kutke ni tura thalaite buatsaih.

3) Kohhran hnathawh tihpuitlin.

4) Krista Chanchin Tha puandarh.

K.T.P thiltumte hi tihlawhtling tur chuan taimakna a ngai a, mi thatchhe tan chuan K.T.P. thil tumte hi
tihhlawhtlin theih a ni lo. Kristian thalaiten hmalam kan pan a, ringtu tha kan nih theihna tur chuan a
hnuaia kan tarlanah te hian hma kan sawn a, kan taimak lehzual a ngai a ni:

1. Pathian rawng kan bawlna kawngah: Kristian thalai, “Rawngbawla tura chhandam” tih thupuia
hmangtute hi Pathian rawng kan bawlna kawngah kan taimak a ngai hle. Kohhran hnatlanga kan kal te,
hla kan zir te, thawhlawm kan thawhte thleng hian Pathian rawng kan bawl a ni tih kan hriat a tha. Lal
Isua’n, “Heng ka unau te berte zinga mi pakhat chunga in tih chu ka chunga ti in ni” (Mathaia 25:40) a tih
angin, Pathian rawng kan bawlna kawngah hian kan mihring puite, Kristian an ni emaw ni lo emaw,
hnamdang an ni emaw ni lo emaw, kan mi huat zawng an ni emaw ni lo emaw pawh ni se, an chunga kan
tih apiang chu Lal Isua chunga ti kan ni tih kan hriat a pawimawh. Lal Isua’n thupek zawng zawng zinga
ropui ber a tih “Nangmah i in hmangaih angin i vengte i hmangaih tur a ni” tihte hi kan nun kaihruaituah
kan hmang thin tur a ni. Kan thenawm khawvengte leh kan mihring puite kan hmangaih tak tak dawn a,
an rawng kan bawlsak dawn a nih chuan Pathian kan biak tam a ngai a, tawngtai tam a ngai a, Bible kan
chhiar tam a ngai bawk. A bul berah chuan kan taimak a ngai tihna a nih chu.

2. Hnathawhna/ Zirna kawngah: John Calvin-a chuan, “Hnathawh hi Pathian biakna a ni” tiin a sawi a.
Kan Bible-ah pawh “Hnathawktu chu a ei tur hmu tlak a ni si a” (Mathaia 10:10) tiin a inziak bawk.
Hnathawka eizawng kan nih chuan eng hna pawh thawk ila rinawm tak leh taima takin, hlawh hmu tlak
ngeiin kan thawk mai tur a ni. Hna thawk chung pawh hian Pathian leh a kohhran tan thahnemngai takin
rawng a bawl theih tho tih hria ila, hun awl kan hman thiam a kan taimak deuh erawh a ngai. Thatchhe
tak leh midangte ring reng renga awm hi Kristian thalaite chuan kan tih loh tawp tur a ni. Chutiang
bawkin lehkha zirlai pawh ni ila, kan taimak phawt chuan kan zirlaite thulh chuang lo leh ti bahlah miah
lovin Pathian rawng a bawl theih tih kan hriat a tha.
3. Pathian thu hriatna kawngah: Rev. David Wilkerson-a’n New York khawpuia tleirawl hawk lak rual
(gang) zinga rawng a bawl khan ralthuam atan Bible bak neih a nei lem lova ( ‘The Cross and the
Switchblade’, 1962 ), amaherawhchu, a ralthuam hi Bible a nih miau avangin a rawngbawlna erawh a
hlawhtling hle a nih kha. Bible chuan, “Pathian thu hi a nung a, thil a ti thei a, khandaih hriam tawn eng
ang ai pawhin a hriam a, nunna leh thlarau, ruhtuah leh thling phel hrang khawp hialin a chhun thei a,
thinlunga ngaihtuah leh tumte hi a hre nghal thei a ni” (Hebrai 4:12) a ti a. Keini Kristian thalaite pawh
hian Bible hi kan ralthuam atan kan hmang tur a ni a, a chhunga thu awmte hi kan chhiar ngunin kan
zawm bawk tur a ni. Thil hahthlak tak angin lang lem lo mahse Bible chhiarte hi peih loh mai a awl a,
taimak a ngai hle. Bible chhiar chauh lo pawh, thuhriltute Pathian thu sawite, fakna hla kan ngaihthlak
leh sak thinte pawh hi Pathian thu min hriat tam tirtu a nih avangin kan ngaihthlak tam a, kan nitin nuna
kan seng luh thin a tha bawk.

A chunga kan tarlan tak ang khian, keini Kristian thalaite chu thil tha ti atana Krista Isuaa siama kan awm
miau avangin, Pathian rawng kan bawlna kawngah leh kan nitin nuna taimak kan chhuah hi kan
mawhphurhna leh kan tih ngei ngei tur a ni.

Vra at 3:08 AM No comments:

Share

Home

View web version

Vra

Vra

View my complete profile

Powered by Blogger.