მაგთიკომი
 |
თე სტატია ვარდა სექცია რეკლამაშ ტიპიში რე. ქორთხინთ, ქემმეხვარით დო გეგშათინით სტატია უმკურძეობაშ თოლწონუაშ თხილუათ. არგამათ ორეკლამე ხასიათიშ ტექსტიშ უდუჸონებელი ლასუაშო მერჩქინა შილებე თანგით: {{ოლასარი|ზ9}}. |
| მაგთიკომი | |
|---|---|
| |
| ტიპი: | გოხურგელი გამამინჯალაშ ჯარალუა |
| დირსხუ: | 1996 წანაშ 12 ფურთუთა |
| დჷმარსხუაფალი: | დოქტორი გიორგი (გია) ჯოხთაბერიძე |
| ორენი: |  ქართი, საქორთუო
|
| მინჯე: | ITC LLC (USA) დო Telcell Wireless LLC (USA) |
| დარგი: | ტელეკომუნიკაცია |
| პროდუქცია: | მობილური ტელეფონია, მობილური ინტერნეტი, ოპტიკურ-ინჭკამი ინტერნეტი, სატელიტური ტელევიზია, ინტერნეტ ტელევიზია (IPTV) ულინე ფიქსირაფილი ტელეფონია, ლინამი ფიქსირაფილი ტელეფონია (VoIP) |
| ფილიალი: | 53 აბონენტეფიშ ნინალაშ ოფისი; 76 ნინალაშ პუნქტი ჯარალობურ ცენტრეფს |
| ვებ-ხასჷლა: | magticom.ge |
„მაგთიკომი“ (ინგლ. MagtiCom) — ქორთული ოტელეკომუნიკაციე კომპანია, ნამუთ 1996 წანაშ 12 ფურთუთას დარსხჷ გიორგი (გია) ჯოხთაბერიძექ. კომპანიაქ მაართა კომერციული ზარი მობილური რშვილშე 1997 წანაშ 22 ეკენიას არსულჷ.
„მაგთიკომიშ“ სერვისეფი იკათუანს: მობილურ ტელეფონიას; მობილურ ინტერნეტის (იკათუანს მობილური რშვილშ გოვითარაფაშ არძა ტექნოლოგიას: 2G, 2.5G, 3G, 3.5G, 4G, 4.5G); ულინე ფიქსირაფილ ტელეფონიას (ბრენდი „მაგთიფიქსი“, 2008 წანაშე); ლინამი ფიქსირაფილ ტელეფონიას (VoIP); სატელიტურ ტელევიზიას (ბრენდი „მაგთისატი“, 2012 წანაშე; საქორთუოშ დო ობჟათე კავკაციაშ მაართა ოპერატორი); ინტერნეტ ტელევიზიას (IPTV) (2016 წანაშე) დო ოპტიკურ-ინჭკამი ინტერნეტის (2016 წანაშე).
2020 წანაშო „მაგთიკომიშ“ მობილურ რშვილს გოართოიანაფილი რე არა გამნარყიშ მობილური ტექნოლოგია: GSM (2G დო 2.5G. რშვილი მუშენს 900 დო 1800 მეგაჰერც სიშხირას), UMTS დო HSPA+ (3G დო 3.5G რშვილი მუშენს 900 დო 2100 მეგაჰერც სიშხირას დო LTE (4G დო 4.5G რშვილი მუშენს 800 დო 1800 მეგაჰერც სიშხირას). კომპანია, რანწკი სერვისეფიშ მიოჭრინაფალო, თაშნეშე CDMA 450 მეგაჰერც სიშხირას გჷმირინუანს.
„მაგთიკომი“ არძაშე ფიჩა ფორუაშ არანით რე წჷმორინაფილი (7058 საბაზე დგჷმილი) დო საქორთუოშ დოხორელი, კონტროლირებაფონი ტერიტორიაშ 98%-ის ფორჷნს. „მაგთიკომი“ მობილურ ბაზარს ლიდერი რე (ბაზარიშ თია: 40.0%; 2020 წანაშ ფურთუთა). ნინალაშ ფართო რშვილით - 53 ოფისით დო 76 ჯარალობური ცენტრით - მაგთიკომი 3 მილიონშახ აბონენტის ოინალჷ. 2020 წანაშ მელახიშ მუნაჩემეფით, „მაგთიკომიშ“ თია ქორთული ეკონომიკაშ გოვითარაფას წჷმარინაუნს - 1.949.908.376 ლარს.[1]
2016 წანაშე, „მაგთიკომი“ ISP ოპერატორი დო შედეგო, ედომუშამი ოკომუნიკაციე სერვისიშ მიმაჭირინაფალი რე.[2]
2017 წანაშ გერგობათუთაშე „მაგთიკომქ“ ოპტიკურ-ინჭკამი ინტერნეტიშ ბაზარს ლიდერალა მიპალჷ დო პოზიციას სტაბილურო ალმიტენს.
მინჯე
[რედაქტირაფა | წყუშ რედაქტირაფა]გგჯ „მაგთიკომი“ 1996 წანაშ 12 ფურთუთას დოქტორი გიორგი (გია) ჯოხთაბერიძექ დარსხჷ, ნამუსჷთ კომპანიაშ 54% უღუ დო თიშა ედომუშამი კონტროლი უღუ.
რესურსები ინტერნეტში
[რედაქტირაფა | წყუშ რედაქტირაფა]- ოფიციალური ვებ-გვერდი Archived 2020-04-29 ვებ-ხასჷლას Wayback Machine.
სქოლიო
[რედაქტირაფა | წყუშ რედაქტირაფა]
|
თე სტატია ორგანიზაციაშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |