პექტუსანი
| ||
|
კოორდინატეფი: / | ||
| ორენი |  ჩინეთი ოორუე კორეა |
|
| სიმაღალა | 2744 | |
| ქჷნდჷრი | ჩანბაიშანი | |
| ტიპი | სტრატოვულკანი | |
| ბოლო ეშაგორგოთი | 1903 | |
|
 |
||
|
|
||
პექტუსანი, ბაითოუშანი (კორ. 백두산); ჩინ. 长白山) — პოტენციურო მოქიმინე ვულკანი ჩანბაიშანიშ ქჷნდჷრს. იდვალუაფჷ ჩინეთიშ დო კორეაშ ოკათე დემოკრატიულ რესპუბლიკაშ შქას. მანჯურია-კორეაშ გვალეფიშ, მანჯურიაშ დო კორეაშ ჩქონიშ უმაღალაში ჭურჭული რე. სიმაღალა - 2744 მ. უმენტაშო აკოგაფილი რე ჩე პემზათ, სოიშე მოურს ჯოხოდვსლათ. კრატერს იდვალუაფჷ ტიანჩიშ ტობა. პექტუსანს რე წყარმალუეფი სუნგარიშ, ტუმინძიანიშ დო იალუძიანიშ ოდუდეეფი. 1959 წანას, ვულკანიძ კორეულ ნორთის გიჭყჷ კორეაშ უდიდაში ტყაჩირქ, ჩინეთიშ განშე - ქჷდირსხჷ ორთაშობურ რეზერვატიქ. 1979 წანას თინეფქ აკიართიანეს ოერეფოშქაშე ბიოსფერულ ტყაჩირო. ვულკანიშ არძაშე მაღალი ნორთი წანმოწანას 8 თუთათ ფორილი რე თირით. 1800 მ-შახ კართეფი გერთელი რე. ჩინებული რე ვულკანიშ 1597, 1668 დო 1702 წანეფს მოხვალამირი ეშაგორგოთუეფი. ეკონია ეშაგორგოთუაქ 1903 წანას მოხვადჷ, ნამუსჷთ წორო გეჸუნდჷ აფეთქაფა ეშაჸოთამილ ქუალეფი დო აირეფწკჷმა ართო. პექტუსანი შანენს „ჩედუდამ გვალას“. ჩინეთის დო ოორუე კორეას წიმინდე გვალათ რე მერჩქინელი.
რესურსეფი ინტერნეტის
[რედაქტირაფა | წყუშ რედაქტირაფა]- Volcano live
- Небесное озеро в горах Чанбайшань. დოარქივაფილი რე ორიგინალშე 2009-06-07-ს. კითხირიშ თარიღი: 2008-08-06.