Indusskrif
| Indusskrif | ||||
| ||||
| ’n Seëlafdruk met ’n tipiese inskripsie van vyf karakters. | ||||
| Soort skryfstelsel | Onontsyfer | |||
| Tyd gebruik | Bronstydperk 3500-1900 v.C.[1][2][3] | |||
| Rigting | Regs na links | |||
| Tale | Onbekend | |||
| Stelsels | ||||
| ISO 15924 | Inds, 610 | |||
| ||||
Die Indusskrif, ook bekend as die Harappaskrif, is ’n korpus simbole van die Kot Diji- en die Ontwikkelde Harappa-tydperk van die Indusvalleibeskawing, tussen 3500 en 1900 v.C. Die meeste inskripsies wat hierdie simbole bevat, is baie kort en dit maak dit uiters moeilik om te bepaal of hulle deel van ’n skryfstelsel was om ’n taal op skrif te stel of selfs net ’n skryfstelsel simboliseer.[4]
Ondanks vele pogings[5] is die "skrif" nog nie ontsyfer nie, maar daar word steeds probeer. Daar is geen bekende tweetalige inskripsie wat sal kan help om dit verstaanbaar te maak nie, en dit lyk nie of die skrif mettertyd baie verander het nie. Die sintaks (as dit so genoem kan word) verskil egter van plek tot plek.[4]
Die eerste seël met Harappa-simbole is in 1875 gepubliseer, in ’n tekening deur Alexander Cunningham.[6] Sedertdien is meer as 4 000 voorwerpe met die simbole ontdek, sommige so ver weg as in Mesopotamië. In die vroeë 1970's het Iravatham Mahadevan ’n korpus en konkordansie van Indus-inskripsies gepubliseer met 3 700 seëls en 417 afsonderlike tekens in spesifieke patrone. Hy het ook gevind die gemiddelde inskripsie bevat vyf simbole, en die langste inskripsie in ’n enkele reël het uit net 14 simbole bestaan.[7] Hy het ook vasgestel daar is van regs na links geskryf.[8]
Sommige geleerdes soos G.R. Hunter,[9] S.R. Rao, John Newberry,[10] Krishna Rao,[11] en Subhash Kak[12] meen die Brahmi-skrif het die een of ander verbintenis met die Indusstelsel, terwyl ander soos Iravatham Mahadevan, Kamil Zvelebil en Asko Parpola reken dit hou verband met die Drawidiese tale.[13][14]
Verwysings
[wysig | wysig bron]- ↑ "'Earliest writing' found" (in Engels). Geargiveer vanaf die oorspronklike op 11 November 2019. Besoek op 2 September 2014.
- ↑ "Evidence for Indus script dated to ca. 3500 BCE". Besoek op 2 September 2014.
- ↑ Edwin Bryant. The Quest for the Origins of Vedic Culture: The Indo-Aryan Migration Debate. Oxford University. p. 178.
- ↑ 4,0 4,1 Locklear, Mallory (25 Januarie 2017). "Science: Machine learning could finally crack the 4,000-year-old Indus script". The Verge (in Engels). Manhattan, New York, NY: Vox Media. Geargiveer vanaf die oorspronklike op 19 April 2020. Besoek op 25 Januarie 2017.
After a century of failing to crack an ancient script, linguists turn to machines.
- ↑ (Possehl, 1996)
- ↑ Cunningham, Alexander (1875). "Harappa". Archaeological Survey of India: Report for the Years 1872-3. 5: 105–108.
- ↑ Ancient civilization_ Cracking the Indus script _ Nature News & Comment
- ↑ "Write signs for Indus script?" (in Engels). Nature India. 31 Mei 2009. Geargiveer vanaf die oorspronklike op 29 Maart 2013. Besoek op 1 Junie 2009.
- ↑ Hunter, G.R. (1934), The Script of Harappa and Mohenjodaro and Its Connection with Other Scripts, Studies in the history of culture, Londen: K. Paul, Trench, Trubner, http://ufdc.ufl.edu/AA00013642/
- ↑ "Indus script monographs - Volumes 1-7", p.10-20, 1980, John Newberry
- ↑ "An Encyclopaedia of Indian Archaeology", Amalananda Ghosh, p.362, 1990
- ↑ Patel, P.G., Pandey, P., Rajgor, D. (2007) The Indic Scripts: Palaeographic and Linguistic Perspectives. D.K. Printworld.
- ↑ Rahman, Tariq. "Peoples and languages in pre-islamic Indus valley". Geargiveer vanaf die oorspronklike op 9 Mei 2008. Besoek op 20 November 2008.
- ↑ The Indus Script
Eksterne skakels
[wysig | wysig bron]
Wikimedia Commons het meer media in die kategorie Indusskrif.
Hierdie artikel is vertaal uit die Engelse Wikipedia
