Міжрэчча (горад)

	Міжрэчча; лац. Mižrečča
	польск. Międzyrzec Podlaski
	; Рынак і палац Чартарыйскіх
Герб Міжрэчча	Сьцяг Міжрэчча
Першыя згадкі:	1177
Краіна:	Польшча
Ваяводзтва:	Люблінскае
Плошча:	19,75 км²
Вышыня:	148 м н. у. м.
Насельніцтва
колькасьць:	17 238 чал.
шчыльнасьць:	872,81 чал./км²
Часавы пас:	UTC+1
летні час:	UTC+2
Тэлефонны код:	+(48) 83
Паштовы індэкс:	21-560
Нумарны знак:	LBI
Геаграфічныя каардынаты:	51°58′59.99″ пн. ш. 22°48′0.00″ у. д. / 51.9833306° пн. ш. 22.8° у. д.Каардынаты: 51°58′59.99″ пн. ш. 22°48′0.00″ у. д. / 51.9833306° пн. ш. 22.8° у. д.
	Міжрэчча на мапе Польшчы Міжрэчча
	Галерэя здымкаў у Вікісховішчы
	http://www.miedzyrzec.pl

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Міжрэчча.

Міжрэчча (польск. Międzyrzec Podlaski) — места ў Польшчы, на рацэ Кросьне. Цэнтар сельскай гміны Бельскага павету Люблінскага ваяводзтва. Насельніцтва на 2016 год — 16 993 чалавек. Знаходзіцца за 99 км на поўнач ад Любліна.

Міжрэчча — магдэбурскае места гістарычнай Берасьцейшчыны, побач зь якім праходзіць паўднёва-заходняя мяжа этнічнай тэрыторыі беларусаў. Да нашага часу тут захаваліся цэрквы Сьвятога Мікалая на Рынку і Сьвятых Апосталаў Пятра і Паўла ў Новым Месьце, а таксама касьцёл Сьвятога Юзэфа, палацы Патоцкіх і Чартарыйскіх, помнікі архітэктуры XV—XIX стагодзьдзяў.

Гісторыя

Вялікае Княства Літоўскае

Першы пісьмовы ўпамін пра Міжрэчча датуецца 1368 годам. У 1434—1438 гадох места атрымала Магдэбурскае права. У 1477 годзе тут збудавалі касьцёл Сьвятога Мікалая, а ў 1564 годзе — царкву Сьвятога Мікаля.

У выніку складаньня Люблінскай уніі (1569 год) Міжрэчча перайшло ў склад Каралеўства Польскага, аднак у 1574 годзе Стэфан Збараскі далучыў яго да Берасьцейскага павету Берасьцейскага ваяводзтва Вялікага Княства Літоўскага. У 1648 годзе места разрабавалі казакі, у 1655 і 1660 гадох — швэдзкае і маскоўскае войскі адпаведна.

У XVIII ст. Міжрэчча атрымала вядомасьць цэнтру броварства. У 1772 годзе Аўгуст Аляксандар Чартарыйскі фундаваў тут новую мураваную царкву Сьвятых Апосталаў Пятра і Паўла на месцы папярэдняй драўлянай.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Міжрэчча апынулася ў складзе Аўстрыі, з 1809 году — у складзе Расейскай імпэрыі, у Радзінскім павеце Люблінскай губэрні. На 1827 год у месьце было 443 будынкі, на 1862 год — 535, у тым ліку 173 мураваныя.

За часамі Першай сусьветнай вайны ў 1915 годзе Міжрэчча занялі войскі Нямецкай імпэрыі.

Найноўшы час

Згодна з Рыскай мірнай дамовай 1921 году Міжрэчча апынулася ў складзе міжваеннай Польскай Рэспублікі. З пачаткам Другой сусьветнай вайны ў 1939 годзе места занялі войскі Трэцяга Райху.

23 ліпеня 1944 году Міжрэчча занялі савецкія войскі, па чым яго зноў перадалі Польшчы.

Места на старых здымках
Рынак, 1915—1918 гг.
Мікольская царква па маскоўскай перабудове, 1915 г.
Касьцёл, 1915 г.
Рака Кросна, 1915 г.

Насельніцтва

XIX стагодзьдзе: 1827 год — 4340 чал.; 1862 год — 8219 чал., у тым ліку 6636 юдэяў^[1]
XXI стагодзьдзе: 2016 год — 16 993 чал.

Турыстычная інфармацыя

Славутасьці

Касьцёл Сьвятога Мікалая (1477, 1741)
Могілкі: каталіцкія з капліцай Сьвятога Роха, юдэйскія
Палац Патоцкіх (XVIII ст.)
Палац Чартарыйскіх (XIX ст.)
Царква Сьвятога Мікалая (1782—1784, цяпер касьцёл Сьвятога Юзэфа)
Царква Сьвятых Апосталаў Пятра і Паўла (1772—1774, цяпер касьцёл Сьвятых Апосталаў Пятра і Паўла)