Баі за Алепа (2024)
 | Артыкул апісвае бягучыя падзеі. |
| Баі за Алепа | ||||
|---|---|---|---|---|
| Асноўны канфлікт: Аперацыя «Стрымліванне агрэсіі» | ||||
,_Aleppo.svg) | ||||
| Дата | з 29 лістапада 2024 года | |||
| Месца | горад Алепа, Сірыя | |||
| Праціўнікі | ||||
|
||||
.svg){kind=small}
Баі за Алепа 2024 года — эпізод грамадзянскай вайны ў Сірыі.
Напярэдадні
[правіць | правіць зыходнік]27 лістапада 2024 года атрады сірыйскай апазіцыі на чале з Хаят Тахрыр аш-Шам абвясцілі аперацыю «Стрымліванне агрэсіі» (араб. ردع العدوان) і пачалі наступленне на праўрадавыя войскі на паўночным захадзе Сірыі. Гэта першае буйное ваеннае сутыкненне пасля падпісання ідлібскага дагавора аб спыненні агню ў сакавіку 2020 года. Хуткае наступленне прывяло да захопу дзясяткаў вёсак сіламі апазіцыі. Ужо ў першыя дні наступлення баевікі захапілі 70 ваенных аб’ектаў у мухафазах Алепа і Ідліб, ваенную тэхніку, уключаючы танкі[1], БМП, САУ і РСЗА[2]. Каля 10 000 мірных жыхароў беглі ў Ідліб[3][4].
Ход падзей
[правіць | правіць зыходнік]
29 лістапада 2024 года сілы паўстанцаў падышлі да ўскраін горада. Было здзейснена два тэракты з выкарыстаннем аўтамабільных бомбаў. Днём паўстанцы ўвайшлі ў кварталы Хамданія і Новы Алепа[5]. Да другой паловы дня 5 раёнаў былі пад кантролем сіл апазіцыі. З’явіліся паведамленні аб сутыкненнях у іншых частках горада, уключаючы цэнтр[6]. Да паўночы было часткова захоплена яшчэ чатыры раёны, а таксама заяўлена аб захопе галоўнай плошчы[7][8][9].
Сірыйская арабская армія заявіла аб сутыкненнях з паўстанцамі ў сельскай мясцовасці Алепа і Ідліба, у выніку якіх былі знішчаныя беспілотнікі і цяжкае ўзбраенне. Урадавыя сілы пакляліся адбіць напад і абвінавацілі паўстанцаў у распаўсюдзе ілжывай інфармацыі аб сваім прасоўванні[10].
Мясцовыя жыхары пачалі пакідаць заходнія кварталы горада з-за перастрэлак[10]. Паўстанцкія сілы заклікалі да эвакуацыі жыхароў ва ўсходнія раёны горада[11]. Урадавыя сірыйскія медыя паведамілі пра трапленне ракеты паўстанцаў у інтэрнат Універсітэта Халеба, у выніку загінулі 4 чалавекі, уключаючы 2 студэнтаў[10].
Раніцай 30 лістапада баевікі захапілі Цытадэль Алепа і будынак урада. Пад кантролем апазіцыі знаходзілася большая частка горада[11][12]. Праўрадавыя войскі былі вымушаныя адступіць у бок Сафіры[13]. Тым часам курдскае апалчэнне «Дэмакратычныя сілы Сірыі» захапіла Міжнародны аэрапорт Алепа і раён Шэйх-Наджар. Увечары 30 лістапада курдскія сілы адступілі з аэрапорта без бою[14].
У выніку ўдару меркавана расійскай авіяцыі 16 чалавек загінула і 20 чалавек атрымалі раненні. Да вечара 30 лістапада ўрадавыя сілы прызналі захоп баевікамі апазіцыі вялікіх тэрыторый і страты да дзясяткаў салдат[15].
Гл. таксама
[правіць | правіць зыходнік]Крыніцы
[правіць | правіць зыходнік]- ↑ Sergio Cantone (2024-11-29). "Insurgents' attack on Assad-controlled Aleppo revives Syrian war after five-year truce". Euronews.
- ↑ OSINTdefender. Rebel and Opposition Forces in Northern Syria are claiming to have Captured a Massive amount of Military Equipment from the Syrian Arab Army (англ.).
- ↑ Sirwan Kajjo (2024-11-29). "Syrian rebels, allies capture parts of Aleppo". Voice of America.
- ↑ Efe Özkan. Armed groups opposed to Assad's regime in Syria enter Aleppo city center (англ.). AA (29 лістапада 2024). Праверана 30 лістапада 2024.
- ↑ بعد تفجير سيارتين مفخختين.. فصائل عملية “ردع العدوان” تدخل أجزاء من أحياء في مدينة حلب (ар.). Syria Human Rights (29 лістапада 2024).
- ↑ وسط انهيار قوات النظام.. “الهيئة” والفصائل تسيطران على 5 أحياء في مدينة حلب و20 بلدة وقرية في ريفي حلب وإدلب (ар.). Syria Human Rights (29 лістапада 2024).
- ↑ بعد السيطرة على 5 أحياء.. “الهيئة” والفصائل تدخلان شوارع عدد من الأحياء الأخرى في مدينة حلب (ар.). Syria Human Rights (29 лістапада 2024).
- ↑ ف.غ (2024-11-29). "الميليشيات تعلن سيطرتها على قلعة حلب". El Khabar.
- ↑ شيلان شيخ موسى. سيطرة المعارضة السورية على قلعة حلب وأحياء بوسط المدينة (ар.) (30 лістапада 2024).
- ↑ а б в Sarah El Deeb (2024-11-29). "In a shock offensive, insurgents breach Syria's largest city for the first time since 2016". Associated Press.
- ↑ а б Raja Abdulrahim (2024-11-29). "Syrian Rebels Breach City of Aleppo, in Biggest Advance in Years". The New York Times.
- ↑ "المعارضة السورية تدخل حلب وتسيطر على مقارها الحكومية وقلعتها". Al-Jazeera. 2024-11-29.
- ↑ بعد غياب لنحو 8 سنوات.. الطيران الحربي يستهدف أحياء حلب.. وقوات “ردع العدوان” تتوغل في غالبية أحياء مدينة حلب (ар.). Syria Human Rights (30 лістапада 2024).
- ↑ “الهيئة” تسيطر على مطار حلب الدولي والعديد من المدن والبلدات في ريف حماة الشمالي وسط انهيار كامل لقوات النظام (ар.). Syria Human Rights (30 лістапада 2024).
- ↑ Suleiman Al-Khalidi. Syrian rebels sweep into Aleppo, Russia conducts strikes in support of Assad (англ.). Reuters (30 лістапада 2024).
.svg){kind=small}
