Concarneau

Concarneau
	Frantziako udalerria
	Irudi gehiago
Administrazioa
Estatu burujabe	Frantzia
Frantziaren banaketa administratiboa	Metropolitar Frantzia
Defense and Security zone of France	Western defense and security zone
Eskualdea	Bretainia
Departamendua	Finistère
Alkatea	André Fidelin (en)
Izen ofiziala	Concarneau
Posta kodea	29900
Herriburua	Concarneau (en)
Geografia
Koordenatuak	47°52′31″N 3°55′08″W / 47.8753°N 3.9189°W
Azalera	41,08 km²
Altuera	6 m, 0 m eta 106 m
Mugakideak	Saint-Yvi, La Forêt-Fouesnant, Melgven eta Trégunc
Demografia
Biztanleria	20.607 (2021eko urtarrilaren 1a); 398 (2020)
Dentsitatea	502 bizt/km²
Informazio gehigarria
Ordu eremua	UTC+01:00 eta UTC+02:00
Hiri senidetuak	Bielefeld eta Penzance
	concarneau.fr…

Concarneau (bretainieraz: Konk-Kerne) Bretainiako kostaldean dagoen udalerria da, Finistere/Penn-ar-Bed departamenduan dagoena. Bro Kernev lurralde historikoko bigarren hiria da.

2008ko erroldaren arabera 20.604 biztanle ditu. Herri harresitua eta itsasportu garrantzitsuagatik da ezaguna.

Etimologia

Concarneau izenak bi atal ditu; Conc ("badia") eta Carneau ("Cornouaille"). Horrela beraz, "Cornouailleko badia" esan nahi du.

Historia

Concarneau Erdi Aroan sortu zen, badian dagoen uharte batean, gaur egun La Ville close (herri harresitua) dagoena. Uharte hau itsasaldien menpe dago, itsabeheran kontinentearekin lotzen baita. Toki estrategikoa eta babestua izanik garapen handia izan zuen eta Erdi Arotik hona guarnizio militarra izan da bertan. Vauban planari esker harresiak gotortu egin zituzten 1680 eta 1694 artean.

Industria Iraultzarekin batera hiria handitu egin zen eta uhartetik atera eta badiaren ertzak populatu ziren. Itsasportu garrantzitsua izanik XIX mendean kontserba lantegiak sortu ziren, sardina eta hegaluzetan espezializatu zirenak. 1900 urterako 30 kontserba lantegi baziren, hiriak zituen 7000 biztanletatik 2000 enplegatzen zutenak. XIX mendean turismoa ere iritsi zen, hasiera batean margolarien eskutik.

Ekonomia

Bizkaiko golkoan kokaturik, arrantza portu garrantzitsua dauka, Frantziako hirugarren garrantzitsuena Boulogne-sur-Mer eta Lorient/An Oriantekoen ondoren. Are gehiago, hegaluzearen harrapaketari dagokionez, kairik inportanteena da. 1925ean eraiki zuten.

Kultura

Abuzturo Fête des Filets Bleus jaialdia ("Sare urdinen jaia") ospatzen da. Izena Concarneauko sare tradizional urdinek ematen diote. Hiri turistikoa izanik kultura bretoi eta zeltiarra zabaltzea du helburu.

Hizkuntzari dagokionez lehen hezkuntzako haurren %2'16ak hezkuntza elebiduna jasotzen du, frantsesa eta bretoiera.