Richard J. Roberts

Richard J. Roberts
Irudi gehiago
Bizitza
Jaiotzako izen-deiturak	Richard John Roberts
Jaiotza	Derby, 1943ko irailaren 6a (81 urte)
Herrialdea	Erresuma Batua
Lehen hizkuntza	ingelesa
Hezkuntza
Heziketa	Sheffieldeko Unibertsitatea Beechen Cliff School (en)
Hizkuntzak	ingelesa
Irakaslea(k)	James Dewey Watson
Jarduerak
Jarduerak	biologoa, biokimikaria eta unibertsitateko irakaslea
Enplegatzailea(k)	New England Biolabs (en) Harvard Unibertsitatea Cold Spring Harbor Laboratory (en) Harvard Unibertsitatea  (1969ko urtarrilaren 1a -  1972ko abuztuaren 31) Cold Spring Harbor Laboratory (en)  (1972 -  1986) Cold Spring Harbor Laboratory (en)  (1986 -  1992)
Jasotako sariak	ikusi John Simon Guggenheim Memorial Foundation beka  (1978) Royal Societyko kidea Medikuntzako Nobel Saria  (1993) EMBO Membership Sir Hans Krebs Medal  (2013) honorary doctor of the University of Uppsala honorary doctor of the Chinese University of Hong Kong honorary doctor of the University of Bath Knight Bachelor Gabor Medal  (2007)
Kidetza	European Molecular Biology Organization (en) Arteen eta Zientzien Ameriketako Estatu Batuetako Akademia Royal Society

Richard John Roberts (Derby, Ingalaterra, 1943ko irailaren 6a) biokimikaria eta biologo molekularra da.

Bizitza

Sheffieldeko Unibertsitatean egin zituen kimikako ikasketak. Kimika organikoko doktoregoa eskuratu ondoren Harvardeko eta Cambridgeko unibertsitateetan aritu zen 1972. urte arte irakasle. Urte hartan, eta James D. Watson Nobel saridunak gonbidaturik, New Yorkeko Cold Spring Harbor Laboratoryko ikertaldean sartu zen, eta ikerketa-zuzendariaren laguntzaile izendatu zuten. 1992an laborategi hura utzi zuen, eta Beverly Hillsko New England Biolabs laborategietako zelula nukleodunen inguruko ikerketen zuzendari izendatu zuten.

1993an Medikuntzako Nobel Saria eskuratu zuen Phillip Sharpekin batera, geneak etenak izan daitezkeela aurkitu zutelako zeinek bere aldetik. Ordu arte zientzialariek uste izan zutenez, DNAren molekula luzearen barruan segmentu jarraitu bat zen genea, baina 1977an ikertzaile horiek ateratako ondorioei esker jakin ahal izan zen gene bakoitzak DNA zati bereiziak edo etenak izan zitzakeela bere baitan. Geneek ezer kodetzen ez duen material genetikoz osaturiko etenak edo atal luzeak izan ditzaketela eta badirela era horretako gene etenak goi-mailako izakietan aurkitu zuten. Genearen baitako atal bereiziei exon izena eman zitzaien, eta beren arteko etenari intron. Aurkikuntza hori garrantzi handikoa izan zen, batez ere material genetikoaren bilakaeraren ikerketan; herentziazko hainbat eritasun gene etenen bategite-prozesuan gertaturiko akatsen ondorioz sortuak izan daitezkeela uste dute medikuntzako adituek.

Kanpo estekak

Egile honen argitalpenei buruzko informazioa lortu dezakezu Scholian

• Datuak: Q309816
• Multimedia: Richard John Roberts / Q309816