Ćećikata nalika
_Dianthus_armeria_-_Plant_habit.jpg)
| |
| Ćećikata nalika (Dianthus armeria) | |
| systematika | |
|---|---|
| Domena | Eukaryoty |
| Swět | Rostlinstwo |
| rjad: | (Caryophyllales) |
| swójba: | Nalikowe rostliny (Caryophyllaceae) |
| podswójba: | Caryophylloideae |
| tribus: | Caryophylleae |
| ród: | Nalika[1][2] (Dianthus) |
| družina: | Ćećikata nalika |
| wědomostne mjeno | |
| Dianthus armeria | |
| L. | |
Ćećikata nalika (Dianthus armeria) je rostlina ze swójby nalikowych rostlinow (Caryophyllaceae).
Wopisanje
[wobdźěłać | žórłowy tekst wobdźěłać]Ćećikata nalika je jednolětna abo dwulětna rostlina, kotraž docpěwa wysokosć wot 30 hač 60 cm. Rostlina je krótko kosmata.
Wšě stołpiki njesu kćenja, při čimž stołpikowe suki su tróšku stołstnjene.
Łopjena docpěwaja dolhosć wot 10 cm a steja w spódnjej rozetu a přećiwostejnje na stołpiku. Wone su wusko lancetojte.
Kćěje wot junija hač awgusta. Purpurowe abo čerwjene, běle blakate kćenja docpěwaja šěrokosć wot něhdźe 1 cm a steja po dwěmaj hač po dźesaćoch (dwacećoch) w promjenjach. Wone su wot zelenych wysokich łopješkow wobdate. Keluškowe šupizny su kosmate, zelene a nimale tak dołhe kaž keluch. Krónowe łopješka su prědku zubate.
Stejnišćo
[wobdźěłać | žórłowy tekst wobdźěłać]Rosće na suchich trawnikach, w kerčinach, na lěsnych kromach, pućach, pěskowcowych skłoninach a nadróžnych kromach. Preferuje zwjetša małowapnite pódy.
Rozšěrjenje
[wobdźěłać | žórłowy tekst wobdźěłać]Rostlina je w srjedźnej a južnej Europje rozšěrjena.
Noty
[wobdźěłać | žórłowy tekst wobdźěłać]- ↑ Prawopisny słownik, Hornjoserbski słownik, ISBN 3-7420-1920-1, strona 283
- ↑ W internetowym słowniku: Nelke
Žórła
[wobdźěłać | žórłowy tekst wobdźěłać]- Schauer - Caspari: Pflanzenführer für unterwegs, ISBN 978-3-8354-0354-3, 2. nakład, 2008, strona 206 (němsce)
- Spohn, Aichele, Golte-Bechtle, Spohn: Was blüht denn da? Kosmos Naturführer (2008), ISBN 978-3-440-11379-0, strona 34 (němsce)
- Brankačk, Jurij: Wobrazowy słownik hornjoserbskich rostlinskich mjenow na CD ROM. Rěčny centrum WITAJ, wudaće za serbske šule. Budyšin 2005.
- Kubát, K. (Hlavní editor): Klíč ke květeně České republiky. Academia, Praha (2002)
- Lajnert, Jan: Rostlinske mjena. Serbske. Němske. Łaćanske. Rjadowane po přirodnym systemje. Volk und Wissen Volkseigener Verlag Berlin (1954)
- Rězak, Filip: Němsko-serbski wšowědny słownik hornjołužiskeje rěče. Donnerhak, Budyšin (1920)