Զվարթ գիտություն
Զվարթ գիտություն գերմ.՝ Die fröhliche Wissenschaft | |
|---|---|
 | |
| Հեղինակ | Ֆրիդրիխ Նիցշե |
| Տեսակ | գրական ստեղծագործություն |
| Ժանր | փիլիսոփայություն |
| Թեմա | Աստված մահացել է |
| Բնօրինակ լեզու | գերմաներեն |
| Ստեղծման տարեթիվ | 1881 |
| Նախորդ | The Dawn of Day? |
| Հաջորդ | Այսպես խոսեց Զրադաշտը |
| Երկիր | .svg){kind=small} Գերմանիա |
| Հրատարակման տարեթիվ | 1882 |
| Թվային տարբերակ | projekt-gutenberg.org/nietzsch/wissensc/wissensc.html |
 The Gay Science Վիքիպահեստում | |
«Զվարթ գիտություն» (գերմ.՝ Die fröhliche Wissenschaft), Ֆրիդրիխ Նիցշեի ստեղծագործությունը։
Ստեղծման հանգամանքները և անվանումը
[խմբագրել | խմբագրել կոդը]«Զվարթ գիտության» գաղափարը մտահղացվել է Նիցշեի մոտ 1881 թ. ամռանը շվեյցարական Զիլս իմ Էնգադինե կոմունայում Սպինոզայի աշխատություններին ծանոթանալուց հետո։ Անմիջապես գիրքը գրվել է 1881-1882 թթ. Ջենովայում։ Հունվարի 28-ին Նիցշեն ուղարկում է տեքստի սկզբնական տարբերակը երգահան Պետեր Գաստին որպես «Արշալույսի» շարունակությունը։
Նիցշեն երկար ժամանակ մտածում էր անվանման շուրջ և ի վերջո ընտրեց «Զվարթ գիտության» տարբերակը։ Այդ եզրը պրովանսալյան տրուբադուրները կիրառում էին իրենց բանաստեղծական արվեստը նշելու համար։
Հունիսին Նիցշեն գիրքը տպագրության է հանձնում, իսկ օգոստոսին այն արդեն հայտնվում է գրախանութներում։ Երկրորդ հրատարակությունը լույս է տեսել 1887 թ.։
Կառուցվածքը և խնդրո առարկան
[խմբագրել | խմբագրել կոդը]Գրքին նախորդում է 63 էպիգրամաներից կազմված նախերգանքը։ Հիմնական մասը կազմված է տարբեր երկարությամբ հինգ գրքից, որոնք ընդգրկում են ընդհանուր առմամբ 383 հատված։ Գիրքն ավարտվում է 14 բանաստեղծությամբ («Ֆոգելֆրայ արքայազնի երգերը»)։ Հինգերորդ գիրքը և բանաստեղծությունները ի հայտ են եկել միայն երկրորդ հրատարակությունում։
Տվյալ ստեղծագործությունում Նիցշեն անդրադառնում է, մասնավորապես, այնպիսին հարցերին, ինչպիսիք են չարիքի էությունը (առաջին գիրքը), արվեստի և բնության կապը (երկրորդ գիրքը), «Աստծո ստվերը», այսինքն աշխարհի կարգավորվածությունը ըստ տրամաբանության օրենքների (երրորդ գիրքը) և այլն։ Հենց այդտեղ է լույս տեսնում «Աստված մեռած է» հայտնի արտահայտությունը։
Գրականություն
[խմբագրել | խմբագրել կոդը]- Kaufmann, Walter, Nietzsche: Philosopher, Psychologist, Antichrist, Princeton University Press, 1974.
- The Gay Science: With a Prelude in Rhymes and an Appendix of Songs by Friedrich Nietzsche; translated, with commentary, by Walter Kaufmann (Vintage Books, March 1974, ISBN 0-394-71985-9)
- Pérez, Rolando. Towards a Genealogy of the Gay Science: From Toulouse and Barcelona to Nietzsche and Beyond Արխիվացված 2014-09-24 Wayback Machine. eHumanista/IVITRA. Volume 5, 2014.
 | Վիքիպահեստն ունի նյութեր, որոնք վերաբերում են «Զվարթ գիտություն» հոդվածին։ |
| ||||||
