Պրիլեպ

Պրիլեպ
Քաղաք
	Պրիլեպ
	մակեդոներեն՝ Прилеп
Դրոշ	Զինանշան
Երկիր	Հյուսիսային Մակեդոնիա
Շրջան	Պալագոնիայի շրջան
Համայնք	Պրիլեպի համայնք
Մակերես	1194,44 կմ²
ԲԾՄ	620 մ
Խոսվող լեզուներ	մակեդոներեն
Բնակչություն	66 246 մարդ (2002)
Ժամային գոտի	UTC+1, ամառը UTC+2
Հեռախոսային կոդ	+389 48
Փոստային ինդեքս	7500
Փոստային դասիչ	7500
Ավտոմոբիլային կոդ	PR
Պաշտոնական կայք	prilep.gov.mk
	Պրիլեպ (Հյուսիսային Մակեդոնիա)
	Պրիլեպ (Հյուսիսային Մակեդոնիա)
	Պրիլեպ Վիքիպահեստում

Պրիլեպ (մակեդոներեն՝ Прилеп, թուրքերեն՝ Pirlepe, հուն․՝ Πριλέπια), քաղաք Հյուսիսային Մակեդոնիայի Հանրապետության հարավում։ Բնակչությունը կազմում է 66 246 մարդ։ Քաղաքը տեղակայված է Պալագոնիա հարթավայրի հյուսիսային մասում՝ մայրաքաղաք Սկոպյեից 128 կմ հեռավորության վրա։

Քաղաքի մոտ է գտնվում սերբ իշխան Մարկո Կրալևիչի ամրոցը, ով հայտնի է որպես թուրքերի դեմ պայքարի մարտիկ և իմաստուն ղեկավար։

Բնակչություն

Պրիլեպի բնակչության մեծ մասը կազմում են մակեդոնացիները (93 %), սակայն քաղաքում կա նաև գնչուների փոքրաթիվ համայնք։

2002 թվականի մարդահամարի տվյալներով՝ Պրիլեպում բնակվում է 66 246 մարդ^[1]։

Ազգություն	Թվաքանակ
Մակեդոնացիներ	61 320
Ալբանացիներ	21
թուրքեր	123
Գնչուներ	4 372
Առումիններ	16
Սերբեր	151
Բոսնիացիներ	17
Այլ	226

Պատմություն

Պրիլեպը հիմնադրվել է նախկինում Հռոմեական կայսրության մաս կազմած Ստիբերրա հնագույն քաղաքի ավերակների վրա։ Չնայած այն հանգամանքին, որ քաղաքը գոթերի կողմից ամայացվեց 268 թվականին, այն մնում էր մասամբ բնակեցված։ Պրիլեպ անվամբ քաղաքն առաջին անգամ հիշատակվել է 1014 թվականին որպես վայր, որտեղ Բուլղարիայի թագավոր Սամուիլը մահացել է սրտի պայթյունից, երբ տեսել է, թե ինչպես են բյուզանդացիները կուրացնում իր հազարավոր զինվորների, ովքեր գերի էին ընկել Բելասիցայի ճակատամարտից հետո։ Քաղաքն ընկել է բյուզանդական տիրապետության տակ։

Ավելի ուշ քաղաքը նվաճվում է Բուլղարիայի երկրորդ թագավորության ու Սերբիայի կողմից։

XIV դարում Պիլեպ քաղաքը գրավվում է օսմանյան զորքերի կողմից, որոնց առաջնորդում էր Էվրենոսը։ Օսմանյան կայսրության տիրապետության տակ քաղաքը մնաց վեց դար։

XX դարի սկզբում Պրիլեպ քաղաքն ընդգրկված էր Սերբիայի ու Հարավսլավիայի կազմում, որի փլուզումից հետո էլ անցավ Մակեդոնիային։

Տեսարժան վայրեր

Մարկովի Կուլի, միջնադարյան ամրոց
Տրեսկավեց, վանք

Քույր քաղաքներ

Ասենովգրադ, Բուլղարիա

Հայտնի բնակիչներ

Գրիգորի Ակինդին (հուն․՝ Γρηγοριος Ακινδυνος, ծնվել է 1300 թվականին), հույն աստվածաբան բյուզանդական դարաշրջանում,
Գյորչե Պետրով, բուլղարացի հեղափոխական,
Տոշե Պրոեսկի (1981-2007), մակեդոնացի երգիչ,
Դիմիտր Տելև (1898-1966), բուլղարացի գրող, Բուլղարիայի մշակույթի վաստակավոր գործիչ։