Սերգեյ Շաքարյան

Սերգեյ Սլավիի Շաքարյան
45 տարեկան
Ծննդավայր	Այգեստան, Հադրութի շրջան, ԼՂԻՄ
Մահվան վայր	Մարտունի, Արցախի Հանրապետություն
Քաղաքացիություն	Արցախ և ԽՍՀՄ
Զորատեսակ	Տանկիստ
Կոչում	Գնդապետ
Պարգևներ	և Արցախի Հանրապետության «Ոսկե արծիվ» շքանշան

Վիքիպեդիայում կան հոդվածներ Շաքարյան ազգանունով այլ մարդկանց մասին։

Սերգեյ Սլավիկի Շաքարյան (դեկտեմբերի 9, 1974(1974-12-09), Այգեստան, Հադրութի շրջան, Արցախ - հոկտեմբերի 25, 2020(2020-10-25), Մարտունի, Մարտունու շրջան, Արցախ), հայ ռազմական գործիչ, Արցախի պաշտպանության բանակի գնդապետ, Արցախի հերոս^[1]։ Արցախյան առաջին և երկրորդ պատերազմների մասնակից։

Սերգեյ Շաքարյանը 17 տարեկանից մասնակցել է արցախյան առաջին պատերազմին, եղել է տանկի հրամանատար։

Կենսագրություն

Ծնվել է 1974 թվականի դեկտեմբերի 9-ին, Հադրութի շրջանի Այգեստան գյուղում, սովորել է Հադրութի Մ. Մանվելյանի անվան միջնակարգ դպրոցում, ապա ուսումը շարունակել Ստեփանակերտի գյուղատնտեսական ինստիտուտում։ Սակայն ուսումն անավարտ է թողել և վերադարձել Հադրութ՝ 17 տարեկանում կամավորագրվելով արցախյան ազատագրական պայքարին և միանալով հորը։ 1993 թվականին ականի պայթյունից զոհվում է հայրը։

Մասնակցությունը արցախյան երկրորդ պատերազմին

Մասնակցել է արցախյան երկրորդ պատերազմին^[2]։ Լինելով հմուտ հրամանատար, Սերգեյ Շաքարյանը կասեցրել է ադրբեջանական զինուժի բազմաթիվ տանկային և հետևակային գրոհներ՝ հակառակորդին պատճառելով մեծաթիվ կորուստներ^[3]։ Պաշտպանության բանակի՝ նոյեմբերի 2-ին հրապարակված զոհված զինծառայողների ցանկում^[4] կար նաև Սերգեյ Շաքարյանի անունը^[5]։

Պարգևներ և կոչումներ

2020 թվականի հոկտեմբերի 4-ին Արցախի նախագահ Արայիկ Հարությունյանի որոշմամբ՝ թշնամու բազմաթիվ տանկային և հետևակային գրոհները ճնշելու համար պարգևատրվել է Արցախի Հանրապետության «Ոսկե արծիվ» շքանշանով և արժանանացել «Արցախի հերոս» բարձրագույն կոչման^[6]^[7]։

Հարցին, թե հնարավո՞ր է հակամարտության խնդիրը բանակցությունների միջոցով լուծվի՝ գնդապետը պատասխանել էր, թե ինքը խոսքով թշնամուն ոչինչ ասել չի կարող, այլ միայն զենքով ու իր ստորաբաժանման գործողություններով^[8]։

Ընտանիք

Գնդապետ Սերգեյ Շաքարյանի հայրը զոհվել է արցախյան առաջին պատերազմի ժամանակ^[1]։ Տան միակ զավակն էր, ամուսնացած էր, ուներ 2 որդի և 1 դուստր^[1]։

Ծանոթագրություններ

↑ ^1,0 ^1,1 ^1,2 ««Արցախի հերոս» բարձրագույն կոչմանն է արժանացել գնդապետ Սերգեյ Սլավիկի Շաքարյանը».
↑ «Զոհվել է Արցախի հերոս, գնդապետ Սերգեյ Շաքարյանը». iravaban.net. 02․11․2020. Վերցված է 24․01․2021-ին.
↑ ««Արցախի հերոս» բարձրագույն կոչմանն է արժանացել գնդապետ Սերգեյ Շաքարյանը».
↑ «ՊԲ-ն հրապարակել է զոհված ևս 11 զինծառայողի անուն». factor.am. նոյեմբերի 2. Վերցված է 2021 թ․ մարտի 22-ին.
↑ «Զոհվել է «Արցախի հերոս», գնդապետ Սերգեյ Շաքարյանը». factor.am. նոյեմբերի 2. Վերցված է 2021 թ․ մարտի 22-ին.
↑ «Արցախի հերոս գնդապետ Շաքարյանի հայրը Արցախյան առաջին պատերազմի զոհերից է․ Վահրամ Պողոսյան».
↑ «Ոսկե արծիվ» շքանշանակիր Սերգեյ Շաքարյան
↑ «Զոհվել է «Արցախի հերոս», գնդապետ Սերգեյ Շաքարյանը». factor.am. 02․11․2020. Վերցված է 24․01․2021-ին.

Արտաքին հղումներ

Արցախի հերոս գնդապետ Շաքարյանը և նրա գործը շարունակող որդիները

[medialab-1] 1,0 ^1,1 ^1,2 ««Արցախի հերոս» բարձրագույն կոչմանն է արժանացել գնդապետ Սերգեյ Սլավիկի Շաքարյանը».

[2] «Զոհվել է Արցախի հերոս, գնդապետ Սերգեյ Շաքարյանը». iravaban.net. 02․11․2020. Վերցված է 24․01․2021-ին.

[3] ««Արցախի հերոս» բարձրագույն կոչմանն է արժանացել գնդապետ Սերգեյ Շաքարյանը».

[4] «ՊԲ-ն հրապարակել է զոհված ևս 11 զինծառայողի անուն». factor.am. նոյեմբերի 2. Վերցված է 2021 թ․ մարտի 22-ին.

[5] «Զոհվել է «Արցախի հերոս», գնդապետ Սերգեյ Շաքարյանը». factor.am. նոյեմբերի 2. Վերցված է 2021 թ․ մարտի 22-ին.

[6] «Արցախի հերոս գնդապետ Շաքարյանի հայրը Արցախյան առաջին պատերազմի զոհերից է․ Վահրամ Պողոսյան».

[7] «Ոսկե արծիվ» շքանշանակիր Սերգեյ Շաքարյան

[8] «Զոհվել է «Արցախի հերոս», գնդապետ Սերգեյ Շաքարյանը». factor.am. 02․11․2020. Վերցված է 24․01․2021-ին.

[1]

[2]

[3]

[4]

[5]

[6]

[7]

[8]