Քաջ սիրտը (ֆիլմ)
.jpg)
Քաջ սիրտը (անգլ.՝ Braveheart), 1995 նկարահանված պատմական դրամա է, որի ռեժիսորը և գլխավոր դերակատարը Մել Գիբսոնն է։ Ֆիլմը նկարագրում է 13-րդ դարի Շոտլանդիայի ազատագրական պայքարը ընդդեմ անգլիական տիրապետության։
«Braveheart» ֆիլմը առաջադրվել է 10 «Օսկարի» և հաղթել է դրանցից 5-ում՝ այդ թվում «լավագույն ֆիլմ» անվանակարգում։
Սյուժե
[խմբագրել | խմբագրել կոդը]Անգլիայի թագավոր Էդուարդ I-ը գրավել է Շոտլանդիայի զգալի մասը և արգելել շոտլանդացիներին զենք կրել։ Անգլիացիների դեմ պայքարում զոհվում են տասամյա Ուիլիամի հայրը և եղբայրը։ Ուիլլիամին իր խնամակալության տակ է վերցնում նրա հորեղբայր Արգայլը։
Տարիներ անց Ուիլիամ Ուոլլեսը վերադառնում է հարազատ գյուղ։ Նա ցանկանում է ընտանիք կազմել և ապրել խաղաղ կյանքով։ Ուոլլեսը սկսում է հանդիպել իր մանկության ընկերուհու՝ Մարրոնի հետ։ Որպեսզի խուսափեն Էդուարդ I–ի կողմից հաստատված «առաջին գիշերվա իրավունքից», Ուոլլեսը և Մարրոնը ամուսնանում են գաղտնի։ Գյուղ վերադառնալուց հետո Մարրոնին փորձում են բռնաբարել անգլիացի զինվորները։ Ուոլլեսը կռվի մեջ է մտնում նրանց հետ և փրկում Մարրոնին։ Սակայն Մարրոնին չի հաջողվում փախչել և տեղական շերիֆը սպանում է նրան։ Ուոլլեսը հետ է վերադառնում, սակայն հանձնվելու փոխարեն սկսում կռվել անգլիացիների հետ։ Բնակիչները ապստամբում են, իսկ Ուոլլեսը սպանում է այդ շերիֆին։
Ապստամբությունը գնալով աճում է։ Ուոլլեսը շոտլանդացիների աճող բանակի հետ մի քանի անգամ հաղթում է անգլիացիներին՝ այդ թվում Ստերլինգյան կամրջի մոտ տեղի ունեցած ճակատամարտում։ Այնուամենայնիվ, Ֆոլկերկյան ճակատամարտի ժամանակ շոտլանդական ազնվականությունը մատնում է Ուոլլեսին, և նա պարտություն է կրում։
Այնուհանդերձ, հույս ունենալով օժանդակություն ստանալ ազնվականության կողմից, նա հանդիպում է Ռոբերտ Բրյուսի (Շոտլանդիայի ապագա թագավոր Ռոբերտ I) հետ, սակայն Ռոբերտի հայրը, որդուց գաղտնի դավադրություն էր կազմակերպել։ Ուոլլեսին ձերբակալում են անգլիացի զինվորները;
Լոնդոնում Ուոլլեսին դատում են թագավորին դավաճանելու համար, սակայն նա ասում է, որ երբեք չի ճանաչել էդուարդին որպես իր թագավոր։ Նրան դատապարտում են «ցավի միջոցով մաքրման»։ Լոնդոնյան հրապարակում նրան տանջում են։ Հավաքելով վերջին ուժերը՝ Ուոլլեսը բղավում է «Ազատություն»։ Նայելով հրապարակում հավաքված ամբոխին՝, նա տեսնում է Մարրոնին և ժպտում նրան։ Այդ պահին նրան գլխատում են։
Որոշ ժամանակ անց Ռոբերտ Բրյուսը, շոտլանդական բանակի հետ հանդիպում է անգլիացիներին Բանոկբերնի մոտ։ Բացականչելով Ուոլլեսի անունը, Ռոբերտ Բրյուսը, շոտլանդացիների հետ նետվում է գրոհի՝ անգլացիների դեմ։
Դերակատարներ
[խմբագրել | խմբագրել կոդը]| Դերասան | Դեր |
| Մել Գիբսոն | Ուիլլիամ Ուոլլես |
| Պատրիկ ՄակԳոհան | Էդուարդ Երկարաոտ |
| Անգուս Մակֆայդեն | Ռոբերտ Բրյուս կրտսեր |
| Բրենդան Գլիսոն | Համիշ Կեմբլ |
| Սոֆի Մարսո | Իզաբելլա |
| Պիտեր Հանլի | արքայազն Էդուարդ |
| Իան Բաննեն | Ռոբորտ Բրյուս ավագ |
| Կետրին ՄակԿորմակ | Մարրոն |
Մրցանակներ
[խմբագրել | խմբագրել կոդը]Ընդհանուր թվով ֆիլմը ստացել է 17 կինոմրցանակ, ներկայացված է եղել ևս 25-ի, որոնց թվում՝
Օսկար
[խմբագրել | խմբագրել կոդը]Ներկայացվել է 10 «Օսկարի», ստացել 5-ը՝
- Լավագույն ֆիլմ
- Լավագույն ռեժիսոր - Մել Գիբսոն
- Լավագույն օպերատոր - Ջոն Թոլլ
- Լավագույն ձայնային էֆեկտներ - Լեն Բենդեր, Պեր Հալլբերգ
- Լավագույն դիմահարդարում - Պիտեր Ֆրեմպտոն, Պոլ Պետիսոն, Լուիս Բուրվելլ
Ոսկե Գլոբուս
[խմբագրել | խմբագրել կոդը]Ներկայացվել է 4 «Ոսկե Գլոբուսի», ստացել 1-ը
- Լավագույն ռեժիսոր - Մել Գիբսոն
BAFTA
[խմբագրել | խմբագրել կոդը]Ներկայացվել է 6 BAFTA-ի, ստացել 3-ը՝
- Լավագույն օպերատոր - Ջոն Թոլլ
- Լավագույն հանդերձանք - Չառլզ Կնոդ
- Լավագույն ձայն - Լեն Բենդեր, Պեր Հալլբերգ, Բրայան Սիմմոնս, Էնդի Նելսոն, Սքոթ Միլլան, Աննա Բելմեր
Ամերիկյան բոլոր ժամանակների 100 լավագույն ոգեշնչող ֆիլմերի ցանկում 62-րդն է։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 http://www.metacritic.com/movie/braveheart
- ↑ 2,0 2,1 2,2 2,3 2,4 2,5 2,6 2,7 http://www.imdb.com/title/tt0112573/
- ↑ 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 http://www.filmaffinity.com/en/film395715.html
- ↑ 4,0 4,1 Box Office Mojo — 1999.
- ↑ Internet Movie Database — 1990.
- ↑ http://www.sfi.se/sv/svensk-filmdatabas/Item/?itemid=21114&type=MOVIE&iv=Basic
- ↑ 7,0 7,1 7,2 http://www.sinemalar.com/film/595/cesur-yurek
- ↑ 8,0 8,1 8,2 8,3 8,4 http://www.adorocinema.com/filmes/filme-10080/
- ↑ 9,0 9,1 9,2 9,3 http://www.allocine.fr/film/fichefilm_gen_cfilm=10080.html
- ↑ 10,00 10,01 10,02 10,03 10,04 10,05 10,06 10,07 10,08 10,09 10,10 http://www.imdb.com/title/tt0112573/fullcredits
- ↑ 11,0 11,1 ČSFD (չեխերեն) — 2001.
Արտաքին հղումներ
[խմբագրել | խմբագրել կոդը]- Քաջ սիրտը(անգլ.) ֆիլմը Internet Movie Database կայքում
- «Քաջ սիրտը (ֆիլմ)»(ռուս.) ֆիլմը ԿինոՊոիսկ կայքում։
- Քաջ սիրտը Արխիվացված 2008-06-22 Wayback Machine Metacritic կայքում։
 | Վիքիպահեստն ունի նյութեր, որոնք վերաբերում են «Քաջ սիրտը (ֆիլմ)» հոդվածին։ |
| ||||||||||
| ||||||
- Ֆիլմեր այբբենական կարգով
- Օսկարակիր ֆիլմեր
- Ֆիլմեր, որոնց գործողությունները տեղի են ունենում 13-րդ դարում
- 1990-ականների ամերիկյան ֆիլմեր
- 1990-ականների անգլերեն ֆիլմեր
- 1995 դրամա ֆիլմեր
- 1995 ֆիլմեր
- 20th Century Fox ֆիլմեր
- BAFTA մրցանակի դափնեկիր ֆիլմեր
- Paramount Pictures ֆիլմեր
- Ամերիկյան դրամա ֆիլմեր
- Ամերիկյան կենսագրական դրամա ֆիլմեր
- Ամերիկյան կենսագրական ֆիլմեր
- Ամերիկյան կինոէպոպեաներ
- Ամերիկյան մարտաֆիլմեր
- Ամերիկյան պատմական ֆիլմեր
- Ամերիկյան ռազմական ֆիլմեր
- Իրական դեպքերի հիման վրա նկարահանված ֆիլմեր
- Իրական դեպքերի վրա հիմնված դրամա ֆիլմեր
- Մել Գիբսոնի ֆիլմեր
- Միջնադարի թեմատիկ ֆիլմեր
- Ֆիլմեր, որոնց գործողությունները տեղի են ունենում Անգլիայում
- Ֆիլմեր, որոնց գործողությունները տեղի են ունենում Լոնդոնում
- Ֆիլմեր, որոնց գործողությունները տեղի են ունենում 14-րդ դարում