BAB 1

SERAT WEDHATAMA PUPUH SINOM

Kompetensi Dasar:
3.1 Menelaah teks Serat Wedhatama pupuh Sinom
4.1 Menanggapi isi Serat Wedhatama pupuh Sinom dan menulis, serta menyajikan syair
tembang Sinom dengan bahasa sendiri

Indikator:
1. Membaca contoh teks Serat Wedhatama pupuh Sinom
2. Mencermati uraian yang berkaitan dengan guru lagu, guru wilangan, guru gatra, Serat
Wedhatama pupuh Sinom
3. Mempertanyakan unsur-unsur pembangun Serat Wedhatama pupuh Sinom
4. Membuat pertanyaan yang berhubungan dengan isi teks Serat Wedhatama pupuh Sinom
5. Menemukan nilai-nilai yang terkandung di dalam Serat Wedhatama pupuh Sinom
6. Menulis syair tembang Sinom dengan bahasa sendiri
7. Menyunting kesalahan syair tembang Sinom tulisan teman
8. Menganalisis unsur-unsur pembangun
9. Menyajikan secara lisan atau tulisan tembang Sinom yang ditulis
10. Memberi tanggapan isi dengan bahasa sendiri Serat Wedhatama pupuh Sinom

MATERI AJAR

Wacanen pethilan ing ngisor iki!

Samangsane pasamuwan
memangun marta martani
sinambi ing saben
mongsa kala-kalaning
asepi lelana teki-teki
gayuh geyonganing
kayun kayungyun
eninging tyas sanityasa
pinrihatin
pungguh-panggah cegah dhahar lawan nendra

BAHASA JAWA 1 1
Saben mendra saking
wisma Lelana laladan sepi
Ngingsep sepuhing sopana
Mrih pana pranaweng kapti
Tistising tyas marsudi
Mardawaning budya tulus
Mesu reh kasudarman
Neng tepining jalanidri
Sruning brata kataman wahyu dyatmika
(Wedhatama, Mangkunegara IV)

“Ing pasrawungan bebrayan agung, kudu bisa mangun sikep tepa slira. Rikala wektu
kang longgar, lan nalika lelana ngambara tapa brata, nggayuh kanugrahan, dumunung ing
papan sepi, kudu didhasari ati kang bening, ora duwe kekarepan ala, lan tansah njaga ati
kanggo prihatin kanthi nyuda mangan lan turu. Saben metu saka ngomah, tumuju ing papan
sepi adoh saka hawa nepsu, mersudi ngelmu luhur, supaya cetha kang dadi gegayuhaning
urip. Ati kudu duwe tekad tansah ngupadi kanthi tekun, marsudi akal pikiran lan ngendhaleni
rasa tresna asih, mapan ing tepining samodra ngajab entuk kanugrahan saka Gusti.”
Kanggo ngadepi jaman kang wis owah jluntrunge iki, wong Jawa kudu duwe lan
nindakake watak kang utama, berbudi bawa leksana, netepi pangandika, sarta dikantheni rasa
ikhlas, lila legawa, nindakake jumbuhing patrap lan pangucap.
Sejatine, umpama manungsa iku panguripane tansah netepi lan nggunakake unggah-
ungguh basa utawa tata pranataning basa miturut lungguhing tata krama ing pangucape,
tartamtu bisa gawe urip guyup rukun, ora ana congkrah, lan pasulayan. Sikep manungsa kang
kalebu nggambarake paugeraning urip becik, yaiku kang bisa nuwuhake rasa lan pangrasa
sejatining urip, lan bisa nuduhake jati dhiri marang wong liya jumbuh karo kalungguhane.
Manungsa tansah mersudi lan tanggung jawab, urmat marang wong liya, sarta andhap asor.
Sikep adigang, adigung, adiguna aja nganti tansah digatekake lan diugemi. Aja nganti
rumangsa luwih kuwat, luwih kuwasa, luwih pinter, kepara kudu sing bisa rumangsa, lan aja
rumangsa bisa.
Menawa dirasakake, dadi wong aja nganti sakepenake dhewe, dupeh bisa ngomong
banjur ora mawas wektu lan panggonan, ora ngatekake karo sapa rembugan, kudu eling yen
ajining dhiri gumantung kedaling lathi. Malah kepara, sejatine unen-unen aja dumeh iku bisa
digandhengake karo bab apa wae. Aja dumeh sugih banjur sumugih, aja dumeh pinter banjur
keminter, dumeh kuwasa banjur kumalungkung. Nulad saka pangerten sempalan tembang ing
Serat Wedhatama yasan KGPAA Mangkunegara IV kasebut, nyata lamun manungsa urip ing
ngalam donyo iki kudu bisa njaga guyub rukun lan katentreman ing bebrayan agung, tansah
gawe seneng marang wong liya. Mula tansah dadi pengeling-eling lan rasa syukur yen ing
papan dununge awake dhewe tansah urip rukun, ayem, tentrem karo tangga teparo.
Andharan minangka tuladha saka sakehing kasusastran Jawa kang rinakit dening para
pujangga-pujangga agung ing tlatah Nuswantara, mligine ing tanah Jawa. Kasusastran
kasebut awujud tembang macapat Sinom. Mula ing wulangan iki putra siswa bakal nyinau
babagan tembang sinom. Kang bakal disinau yaiku babagan pathokan tembang, watak
tembang, makna tembang, lan pungkasane iso ngonceki wos surasane tembang lan gawe
tembang sinom kanthi tema tinamtu. Saliyane iku, putra siswa uga dijaluk isa mangun rasa
syukur marang Gusti lan ora gawe kapitunaning bebrayan agung.
A. TEMBANG SINOM

1. Pangertene Tembang Sinom

Sinom iku ateges anom, taruna, srinata, roning kamal, pangrawit, weni, logondhang, lan
sapiturute. Sinom duwe karep pucuke godhong kang isih kecut. Anggitane Kanjeng
Sunan Giri Kadaton. Iki cocok kanggo pambuka crita nanging uga kudu nulad papan
panggonan.
2. Pathokan Tembang Sinom
SINOM
Guru Guru lagu Guru gatra
wilangan
8 a
8 i
8 a
8 i
7 i 9
8 u
7 a
8 i
12 a
3. Watak tembang Sinom
Watake tembang Sinom iku tresna asih, canthas, trengginas. Cocok kanggo bab-bab kang
sarwa lincah, nggambarake sipat kang cukat trengginas, lan sapiturute.

4. Makna tembang Sinom

Sinom iku maksude enom. Tembang iki nggambarake wayah enom, watake golek
pangalembana utawa grapyak, luwes, gampang srawung. Pancen nom-noman biyasane
seneng sesambungan/kekancan, pinter ngomong utawa srawung kang golek kanca/kadang
lan narik kawigatene liyan. Nglambangake wayah isih jejaka/prawan.

5. Tuladha tembang Sinom

5 6 6 6 6 6 6 6
nu- la- dha la- ku- u- ta- ma
5 6 6 4 5 6 65 5
tu- mrap- e wong ta- nah Ja- wi
5 6 6 6 5 3 3 21
Wong A- gung ing Ngèk- si- gan- da
1 2 3 2 1 6 5 6
Pa- nêm- bah- an Se- na- pa- ti
1 2 2 2 2 1 23
ka- pa- ti a- mar- su- di
1 1 1 2 1 6 1 2
su- da- ning ha- wa lan- nêp- su
6 1 1 1 1 1 1
pi- nê- su ta- pa bra- ta
1 2 3 2 1 6 5 6
ta- na- pi ing si- yang ra- tri
6 1 2 3 2 2 2 2 3 21 6 12
a- mê- ma- ngun kar- ye- nak tyas- ing sa- sa- ma
6. Wos kang kamot ing tembang sinom (Wedhatama)
a. Serat Wedhatama aweh pangalembana marang wong kang seneng ing sikep luruh
(wus sengsem reh ngasamun), asipat aweh pangapura lan sabar. Sajroning sepi, ati
kang wengis bisa sirna amarga tresna asih (karana karoban ing sih).
b. Serat Wedhatama uga nengenake kadewasaning akal, pikiran,rasionalitas utawa
intelektual. Bab iku kawujud ing pamawase manungsa dene ngelmu iku kudu
lumaku kanthi nalar (logika) (ngelmu iku mupakate lan panemu) lan iku kabeh bisa
digayuh kanthi tapa prihatin (pasahe lan tapa).
c. Babagan karakter lan prilaku kang becik (laku utama), Serat Wedhatama menehi
tuladha Panembahan Senopati. Piyambake temen-temen anggone meper hawa
nepsu (kapati amarsudi sudaning hawa lan nepsu) kang dilakoni kanthi tapa (pinesu
tapa brata). Piyambake ngupadi tansah gawe seneng atining liyan lan ing saben
pasamuan tansah gawe tentrem. Nalika ngumbara ngupadi nugraha (kala kalaninga
sepi lelana teki-teki), nggayuh pangarep-arep (nggayuh geyonganing kayun), kang
kesengsem tentreming ati (kayungyun enining tyas), tansah nglakoni prihatin, bisa
ngendhaleni mangan lan turu (puguh panggah cegah dhahar lawan nendra). Saben
mendra saka kraton, piyambake ngumbara ing papan sepi supaya entuk ngelmu
kasampurnan lan cetha apa kang tinuju (lelana laladan sepi). Ancase supaya alus
budine (budya tulus) lan kabisan kang murwat (mesu reh kasudarman). Ing pinggir
samodra piyambake mahami kekuwatane samodra kang kaya-kaya bisa digegem.
d. Serat Wedhatama ngajarake babagan telung nilai kang bisa ngangkat drajate
manungsa, yaiku pangkat, bandha, lan kapinteran. Yen manungsa ora duwe salah
sijine, mula ora ana gunane dadi manungsa, malah isih kajen godhong jati, tundhane
dadi wong kabur kanginan/ora duwe papan dunung.
e. Serat Wedhatama ngajarake babagan telung perkara kang dadi cagaking
panguripan yaiku lila yen kelangan, sabar nalika entuk pacoban, lan nrima ing
pandum pasrah sumarah mring Gusti.
f. Serat Wedhatama ngedohi sipat angkara murka yaiku nesu kang tanpa alesan
nutupi kaluputane dhewe, milara mring liyan, pengin dianggep pinter sanajan bodho
lan tansah duwe pamrih.
 g. Manungsa kang luhur bebudene iku seneng ing papan sepi, reresik jiwa, nanging
tansah nglakoni kuwajibane, asipat ruruh lan gawe seneng atining liyan.

LEMBAR KEGIATAN SISWA

Coba wacanen ukara-ukara ing perangan pratelan, banjur sebutna guru wilangan lan guru
lagune!
No Pratelan Guru wilangan lan
guru lagu
1 Kapari amarsudi
Tumrape wong tanah Jawi
Sudaning hawa lan nepsu
Panembahan Senapati
Nuladha laku utama
Wong agung ing Ngeksigonda
Pinesu tapa brata
Amemangun karyenak tyasing sasama
Tanapi ing siyang ratri
2 Mangayut ayat winasis
Kang wus waspada ing patrap
Melok tanpa aling-aling
Wusana wosing jiwangga
Wenganing rasa tumlawung
Kang ngalingi kalingking
Angalangut tanpa sepi
Keksi saliring jaman
Yeku aran tapa tapaking Hyang Suksma
 UJI KOMPETENSI

I. Wangsulana pitakon-pitakon ing ngisor kanthi milih a,b,c,d,utawa e kang koanggep

bener!
1. Pathokan sajroning tembang macapat kang ngemot pathokan cacahe larik saben sapada
yaiku ….
a. guru sastra
b. guru basa
c. guru lagu
d. guru wilangan
e. guru gatra
2. Dene kang ngemot pathokan tibaning swara pungkasan (dhong dhing) saben sagatra
yaiku ....
a. guru sastra
b. guru wilangan
c. guru basa
d. guru gatra
e. guru lagu
3. Pathokan cacahe wanda saben sagatra yaiku ....
a. guru sastra
b. guru basa
c. guru lagu
d. guru wilangan
e. guru gatra
4. Pathokan tembang Sinom yaiku …
a. gatra : 6, wilangan : 8, 8, 8, 8, 8, 8, lagu : u, i, a, i, a, i,
b. gatra : 4, wilangan : 12, 6, 8, 8, lagu : i, a, i, a
c. gatra : 7, wilangan : 8, 8, 8, 8, 7, 8, 8, lagu : i, a, e, a, a, a, u
d. gatra : 5, wilangan : 12, 8, 8, 8, 8, lagu : u, i, u, i, o
e. gatra : 9, wilangan : 8, 8, 8, 8, 7, 8,7,8,12 lagu :a, i, a, i, i,u, a, i, a

5. Tembang macapat kang asale saka tembung ateges anom, taruna, srinata, roning kamal,
pangrawit, weni, logondhang diarani ....
 a. Dhandhanggula
b. Sinom
c. Gambuh
d. Maskumambang
e. Mijil

6. Nulada laku utama

Tumrape wong tanah Jawi
Wong agung ing
Ngeksigonda Panembahan
Senopati
Kapati amarsudi
Sudaning hawa lan nepsu
Pinesu tapa brata
Tanapi ing siyang ratri
Amemangun karyenak tyasing sasama

Werdine Nulada laku utama yaiku ....

a. Tansah prihatin
b. Nyonto tumindak kang becik
c. Tansah gawe senenge wong liya
d. Urip kudu bisa meper hawa lan nepsu
e. Kalakone panggayuh iku seneng tapa brata
7. Tembung amarsudi iku tegese ....
a. Ngupadi
b. Prihatin
c. Seneng
d. Kawruh
e. Awan
8. Dene pratelan kang nuduhake prihatin iku kudu ditindakake sawayah-wayah sanajan awan
lan bengi yaiku ....
a. Nulada laku utama
b. Kapati amarsudi
c. Sudaning hawa lan nepsu
 d. Tanapi ing siyang ratri
e. Amemangun karyenak tyasing sasama
9. Panulise tembung ing ngisor iki kang bener yaiku ....
a. Panandhang
b. Celatu
c. Pratanda
d. Patuladan
e. Patokan
10.Tembung suta tegese ....
a. Kewan
b. Pakaryan
c. Awak
d. Sedulur
e. Anak
11.Watake tembang sinom yaiku ....
a. Galak, nantang, nesu
b. Tresna asih, canthas, trengginas
c. Serem, kejem,nantang
d. Melas, getun, prihatin
e. Wani, waruh, rumaket
12.Serat Wedhatama ngajarake babagan telung nilai kang bisa ngangkat drajate manungsa,
yaiku wirya harta tri winasis. Tembung winasis ateges....
a. pangkat
b. banda
c. kapinteran
d. kekuwatan
e. kasugihan
13.Serat wedhatama ngajarake babagan perkara kang dadi cagaking panguripan, kajaba ....
a. lila yen kelangan
b. sabar nalika entuk pacoban
c. nrima ing pandum
d. pasrah sumarah mring gusti
e. adigang adigung adiguna
14.Amemangun karyenak tyasing sasama.
Guru wilangane pethilan tembang ing nduwur yaiku ....
a. 13
b. 12
c. 11
d. 10
e. 9
15. Tembung tyasing ing pethilan tembang nduwur tegese ....
a. awan
b. bengi
c. ati
d. sirah
e. sikil
16. Pratelan ing ngisor iki kang ora bener babagan tembang sinom yaiku ...
a. tembang sinom iku nduweni guru gatra cacahe 9 larik
b. guru wilangane tembang sinom saben gatrane nduweni swara kang beda-beda
c. gatra kapisan nduweni guru wilangan cacah 8 wanda
d. guru lagune saben gatrane nduweni swara kang pada
e. guru wilangane tembang sinom sing cacah 8 yaiku gatra kapisan, kapindo,
katelu,kapapat, kaenen, lan kawolu.
17.Guru wilangan paling akeh ana ing tembang sinom cacahe ....
a. 12
b. 11
c. 10
d. 9
e. 8
18. Tembang sinom paling sithik nduweni guru wilangan cacahe ....
a. 5
b. 6
c. 7
d. 8
e. 9
19.Ana ing tembang sinom sing diarani Wong Agung Ngeksiganda yaiku ....
 a. Mangkunegara IV
b. Pakubuwana X
c. Panembahan Senopati
d. Sunan Kalijaga
e. Haryo Penangsang
20. Wikan wengkoning samodra.
Tegese tembung wikan ana ing gatra ing nduwur yaiku ....
a. segara
b. dumadi
c. daerah
d. weruh
e. mabur

II. Wangsulana pitakon-pitakon ing ngisor iki kanthi premati!

Kang wus waspada ing
patrap Mangayut ayat winasis
Wusana wosing jiwangga
Melok tanpa aling-aling
Kang ngalingi
kalingking Wenganing
rasa tumlawu Keksi
saliring jaman
Angalangut tanpa tepi
Yeku aran tapa tapaking Hyang Suksma
1.Sebutna jinising tembang ing nduwur!
Wangsulan:
2.Sebutna guru lagu, guru wilangan, lan guru gatrane!
Wangsulan:
3. Jlentrehna wos surasane tembang ing
dhuwur! Wangsulan:
4. Pitutur apa kang kamot sajroning tembang ing
nduwur! Wangsulan:
5. Sebutna tembung garba ana ing nduwur (3)!
Wangsulan:
PERBAIKAN
1. Coba tembangna tembang sinom ana ing ngarep kelas!
Wangsulan:
2. Gawea tuladha tembang sinom kanthi paugeran guru lagu, guru gatra, lan
guru wilangan!
Wangsulan:
3. Golekana guru lagu lan guru wilangane tembang
mau! Wangsulan:
4. Apa tegese tembang sinom sing kogawe mau?
Wangsulan:
5. Pitutur opo kang bisa kapething lumantar tembang
kasebut? Wangsulan:

PENGAYAAN

Gawenen gancaran tembang ing ngisor iki!

Ing jaman mengko pan ora,

Arahe para turami,

Yen antuk tuduh kang

nyata, Nora pisan den

lakoni, Banjur njujurken

kapti, Kakekne arsa

winuruk, Ngandelke

gurunira, Pandhitane praja

sidik,

Tur wus manggon pamucunge mring makrifat,

Gancaran:
......................................................................................................................................................

......................................................................................................................................................
 BAB 2 CERITA WAYANG

Kompetensi Dasar:

3.2 Memahami isi teks cerita Mahabharata (Bima Bungkus).

4.2 Menulis sinopsis teks cerita teks Mahabharata (Bima Bungkus) dan menyajikannya.

Indikator:

1. Membaca pethikan teks cerita wayang

2. Memahami isi teks crita Mahabharata (Bima Bungkus)

3. Mempertanyakan unsur-unsur pembangun cerita wayang yang terdapat pada pethikan

teks cerita wayang

4. Membuat pertanyaan yang berhubungan dengan cerita wayang

5. Menemukan nilai-nilai yang terkandung di dalam petikan teks cerita wayang

6. Menemukan unsur pembangun cerita wayang yang terdapat pada petikan teks
cerita wayang.

7. Menceritakan kembali isi pethikan teks cerita wayang dengan bahasa sendiri.

8. Menanggapi penceritaan kembali isi petikan teks crita wayang dengan bahasa sendiri

MATERI AJAR

A. CERITA WAYANG

Wayang iku minangka budaya luhur tumrap bangsa Jawa, anane wiwit taun 939
nalika sri Jayabaya jumeneng Nata ing Kedhiri, kang yasa wayang Purwa saka Rontal, banjur
katutugake Raden Panji ing Jenggala. Wayang iki sejatine mujudake gegambaran watak
wantu, sarta solah bawane wong urip ing alam donya. Cerita wayang iku satemene mung ana
rong epos yaiku Mahabarata lan Ramayana. Sing akeh dimangerteni lan kerep diparagakake
jroning pentas pakeliran yaiku epos Mahabarata mligine thek kliwere Pandhawa lan Kurawa
kang isih kapernah sedulur.
Wayang yaiku sawijining wujud seni pertunjukan kang awujud drama kang khas.
Seni kang kamot sajroning pertunjukan iki yaiku : seni swara, seni sastra, seni musik, seni
tutur, seni lukis, lan sapanunggalane. Dene ana sawetara pihak kang duwe panganggep
menawa pertunjukan wayang ora mung kesenian, nanging ngemot pralambang. Saora-orane
wiwit abad kaping 19 nganti saiki, wayang wis dadi sasaran kajian lan dideskripsekake
dening para ahli.
Wayang akeh banget jenise minangka kesenian rakyat utawa kraton, ana wayang
golek kang kagawe saka kayu, ana wayang kulit kagawe saka kulit, wayang klithik kagawe
saka kayu, wayang beber digambar ana ing kertas utawa kulit lan sapiturute.Sumbere crita
saka Ramayana lan Mahabarata, crita-crita Menak, crita-crita Panji, syair-syair kepahlawanan
utawa kreasi anyar kang nyritakake prastawa-prastawa anyar.
Saliyane kuwi werna-wernaning wayang iku uga ana kang sinebut wayang wong,
kang dipragakake dening uwong, lan wis ana wiwit abad kaping 18. Wayang iki entuk
sambutan kang apik saka masyarakat, mula ing jaman sateruse ketok akeh perkumpulan
wayang wong. Ing pungkasaning jaman saiki wis akeh museum wayang antarane ing Jakarta
lan Ngayogyakarta. Sawetara panaliten nyimpulake, wayang minangka sarana nggambarake
alam pikirane piyayi Jawa kang dualistik. Ana rong prekara, pihak utawa klompok kang ora
cocok, beda, antarane apik lan ala, babagan lair lan batin, alus lan kasar, Pandawa lan
Kurawa. Kalorone nyawiji ana sajrone manungsa kanggo nggoleki keseimbangan. Wayang
uga dadi sarana ngendhaleni sosial, umpamane kanthi kritik sosial kang diwujudake lumantar
banyolan.
Crita wayang iku duwe struktur formal. Struktur kuwi kedadeyan saka unsur-unsur
kang padha gayut antarane siji lan sijine. Unsur-unsure yaiku tokoh, watak,alur, tema, latar,
lakon, pesen kang kamot, pitutur (pesan moral) kang kakandhut sajroning crita wayang.

1. Jenis – jenis Wayang

Jenis wayang ing antarane:
a. Wayang wong, yaiku wayang kang paragane wong, dene critane padha karo wayang
purwa.
b. Wayang beber yaiku wayang kang ditontonake kanthi migunakake mori sing digambari
banjur dibeber, yen wis rampung banjur digulung maneh. Wayang iki nyritakake
lelakone Jaka Kembang Kuning karo Dewi Sekartaji.
c. Wayang klithik utawa wayang krucil yaiku wayang kang dienggo ing kraton nyritakake
lelakone Sri Gatayu tekan Panji Kudalaleyan.
d. Wayang wasana, yaiku wayang sing digawe saka kayu gepeng. Wayang iki nyritakake
lakon Damarwulan lan Minak Jingga.
 e. Wayang madya, yaiku wayang sing njupuk lelakone Parikesit tan turunane kajupuk saka
crita babad Tanah Jawa.
f. Wayang gedhog, yaiku wayang sing digawe saka kayu nyritakake lelakone Panji
Asmarabangun karo garwane Dewi Sekartaji utawa Candrakirana.
g. Wayang golek utawa Thengul, yaiku wayang kang wujude golekan. Nyritakake lakon
Amir Hambyah lan Umarmaya, babone njupuk saka layang Menak.
h. Wayang sadat, yaiku wayang kang nyritakake lakon agama Islam.
i. Wayang suluh, yaiku wayang anggitane Jawatan Penerangan RI kanggo menehi sesuluh
(penerangan) marang rakyat.
j. Wayang potehi, yaiku wayang kang nyritakake lelakon Cina.

2. Ubarampe/peralatan Pagelaran Wayang

a. Pluntur yaiku tali/tampar dianggo nggantung rericikaning gamelan.
b. Janget yaiku tali lulang kanggo nyencang kelir.
c. Kelir yaiku lawon/ mori putih kanggo nampani wayanganing (bayangan) wayang
lulang/ kulit.
d. Blencong yaiku diyan/ lampu nganggo tedheng dianggo madhangi wayang.
e. Klanthe yaiku tali gong.
f. Jala-jala yaiku tali lulang dianggo mbedheng kelir.
g. Wayang
h. Debog
i. Cempala
j. Kothak
k. Keprak

3. Pralambang ing Pagelaran Wayang

Ubarampe kang digunakake ing pagelaran wayang nduweni perlambang dhewe-
dhewe. Dene perlambang mau, yaiku wayang mralambangake manungsa. Kelir
nglambangake langit. Debog nglambangake bumi. Blencong nglambangake srengenge,
bulan, lintang. Gamelan nglambangake kebutuhane manungsa (sandhang, pangan, papan).
Kothak nglambangake sangkan paran. Gunungan nglambangake urip. Cempala
nglambangake jantung. Kepyak nglambangake lakuning getih.
4.Urut-urutaning Pagelaran Wayang Kulit Sawengi Natas
1. Jejer
2. Kedhaton
3. Paseban Jaba
4. Bodholan
5. Jejer Sabrang
6. Perang gagal
7. Gara-gara
8. Perang Kembang
9. Perang Brubuh
10. Tancep Kayon
B. Unsur Crita Wayang
Unsur-unsur pembangun crita wayang iku padha karo unsur-unsur crita liyane, yaiku
tema, latar/setting, penokohan, alur, pesen, punjering crita/sudut pandang, lan konflik, wos
surasane crita, lan gawe ringkesan.
Tuladha crita wayang
BIMA BUNGKUS

Jejer Ngastina. Duhkitaning Prabu Pandu lan Dewi Kunti jalaran lahire ponang
jabang bayi kang awujud bungkus. Tan ana sanjata kang tumawa kanggo mbedah bungkus.
Kurawa uga melu cawe-cawe arsa mecah bungkus, sanadyan amung lelamisan, bakune arsa
nyirnaake si bungkus. Wisiking dewa sang bungkus den bucal ing alas Krendawahana.
Ing pertapan Wukir Retawu Bagawan Abiyasa kasowanan Raden Permadi kang
kaderekaken repat punakawan.
“Kanjeng Eyang, kadi pundi nasibipun Kakang Bungkus, sampun sawetawis warsa
mboten wonten suraos ingkang sae, bab menika Eyaang, andadosaken duhkitaning Kanjeng
Ibu Kunti…”
Tartamtu Sang Winasis kang pancen luber ing pambudi sampun pirsa apa kang dadi
lakon.
“Putuku nggeeer, Permadi, mangertiya jer kakangmu nembe nglakoni karmane, ing
tembe kakangmu Si Bungkus bakal dadi satriya utama, lan bakal oleh apa kang sinebut
wahyu jati…”
 Ing Suralaya, Batara Guru nimbali Gajahsena, putra sang batara kang awujud gajah,
kinen mecah si bungkus saengga dadi sejatining manungsa. Sang Guru ugi angutus Dewi
Umayi kinen nggladhi kawruh babagan kautaman marang si bungkus.
Purna anggennya peparing ajaran marang si bungkus, Dewi Umayi aparing busana
arupa cawat bang bintulu abrit, ireng, kuning, putih, pupuk, sumping, gelang, porong, lan
kuku Pancanaka.
Salajengipun, Gajahsena mbuka bungkus. Pecahing bungkus dados sapatemon
kekalihipun, kagyat dados lan perangipun. Binanting sang Gajahsena. Sirna jasad sang gajah.
Roh lan daya kekiyatanipun manjing jroning angga sang bungkus.
Praptene Betara Narada.
Si Bungkus tumakon marang Sang Kabayandewa, “Heemmm, aku iki sopoh?”
“Perkencong, perkencong waru doyong, ngger, sira kuwi sejatine putra kapindho
ratu ing Amarta Prabu Pandudewanata. Sira lahir awujud bungkus, lan kersaning dewa sira
kudu dadi satriya utama…, lan sira tak paringi tetenger Bratasena ya ngger…”
Rawuhipun Ratu saking Tasikmadu kang nyuwun senjata pitulungan marang
Bratasena kinen nyirnakaken raja raseksa aran Kala Dahana, Patih Kala Bantala, Kala Maruta
lan Kala Ranu. Para raseksa sirna. Sekakawan kekiatan saking raseksi wau nyawiji marang
Raden Bratasena, inggih punika kekiatan Geni, Lemah, Angin lan Banyu.

DEWA RUCI

Madeg kraton Astinapura. Prabu Dhestarasta kaadhep dening putra mbarebe,

Duryudana, Patih Sengkuni lan Pandhita Krepo. Surasane rerembugan ana gandheng cenenge
karo peprentahan Astina ing tembe mburine marang para Kurawa, ngengeti para Pandawa
wis wiwit dewasa. Duryudana ngesuk bapake, kapan dheweke bakal winisuda dadi Ratu
Anom ing Astina. Sawetara Sengkuni mbudidaya mbujuk Prabu Dhestarasta, supaya hak
tumrap keprabon lan kraton Astina tetep dadi duweke Kurawa. Sebab yen keprabon lan
kraton dibalekake marang Pandawa, kepiye nasibe para Kurawa kang cacahe ana satus
bocah? Sawijining cara yaiku ngelongi kuwatane Pandawa. Amarga kekuwatane Pandawa
dumunung marang Bima, mula Bima kudu disingkirake.
Dene ing keputren Astina. Dewi Gendari mahargya tekane Prabu Dhestarasta. Dewi
Gendari nakokake babagan rantaman wisudane Duryudana dadi Ratu Anom Astina. Prabu
Dhestarasta ngendika lagi digolekake wektu lan wayah kang trep supaya ora nuwuhake
congkrah karo Pandawa. Dewi Gendari aweh panemu Pandawa kudu disingkirake supaya
keprabon Astina tetep dadi duweke Duryudana. Prabu Dhetarasta nerangake lamun panemue
Dewi Gendari wis kamot ana rancangane Sengkuni kang bakal ngelongi kekuwatane
Pandawa.
Sabanjure Duryudana lan Patih Sengkuni nganakake pasatemon karo Dursasana,
Kartamarma, Citryuda, Durmagati, Citraksi, lan saperangan Kurawa liyane. Patih Sengkuni
nyaranake supaya Duryudana njaluk pambiyantune Pandhita Durna kanggo nyingkirake
Bima. Carane manut marang Pandhita Durna, kang baku ora ngelok-ngelokake langsung para
Kurawa. Sengkuni uga mrentah Kartamarma supaya ngerahake Kurawa menyang Sokalima.
Menawa Pandhita Durna gagal ngojok-ojoki Bima, Kurawa kudu tumindak cekat-ceket.
Kroyok lan pateni Bima ing Sokalima. Duryudana lan Sengkuni banjur budhal, banjur disusul
dening Kurawa liyane.
Lagya kang ana ing pertapan Sokalima. Pandhita Durna kaadhep dening anak siji-
sijine, Aswatama. Ora let suwe Duryudana lan Sengkuni teka. Sawise ngabarake keslametan,
Duryudana ngandhakake niyate njaluk pambiyantune Begawan Durna supaya nyingkirake
Bima. Iki kanggo waluyaning keprabon Astina marang para Kurawa. Wiwitane Begawan
Durna kabotan. Nanging Sengkuni lan Duryudana ngesuk kanthi cara ngundhamana
dedununge Resi Durna ing Astina kang ora ucul saka lelabuhan lan lomane Prabu
Dhestarasta. Kasurung saka utang budi, Resi Durna tundhone saguh mujudi panjaluke
Duryudana.
Sawise Sengkuni lan Duryudana lunga, Resi Durna banjur nyeluk Bima. Kanthi
alesan kanggo ngluhurake Pandawa, Bima dikongkon golek banyu panguripan Tirtapawitra
menyang gunung Candradimuka. Bima sanggup banjur enggal-enggal budhal.
Nalika semana kang ana ing pinggire gunung Candradimuka. Ing perenge gunung
Candradimuka nalika Bima lagi ngembrukake wit-wit gedhe lan njegol watu-watu gedhe
nggoleki Tirtapawitra, njedhul buta loro cacahe, Rukmuka lan Rukmakala. Kalorone buta
mau nglarang ngrusak tatanan panguripan ing gunung Candradimuka lan Tirtapawitra ora ana
ing gunung kuwi. Dumadi gesehe panemu, banjur dadi bandayuda. Amarga saka ampuhe
kuku Pancanaka, Bima kasil mateni Rukmuka lan Rukmakala, sawise mati jasade badhar dadi
Bathara Indra lan Bathara Bayu.
Bathara Indra nerangake, lamun Tirtapawitra ora ana ing gunung Candradimuka.
Bima didhawuhi bali ngadhep marang Resi Durna njaluk katrangan kang cetha dununge
Tirtapawitra. Bima manut. Dheweke bali menyang Sokalima nemoni Resi Durna. Dene
Bathara Indra lan Bathara Bayu bali menyang kahyangan.
Gumelar ing ereng-erenge gunung Cadradimuka. Arjuna lan Yamawidura ketemu
karo rombongan Kurawa. Dumadi bedaning panemu kang ndadekake pasulayan. Arjuna lan
Yamawidura dikroyok dening Kurawa. Bejane nalika Arjuna lan Yamawidura kadhesek,
Bima teka langsung mbiyantu dheweke ngoyak Kurawa. Bima ngomong marang Arjuna lan
Yamawidura yen Tirtapawitra ora ana ing gunung Candradimuka. Dheweke saiki arep bali
menyang Sokalima arep njaluk kapesthen Resi Durna, ana ngendi mapane Tirtapawitra.
Katelune banjur pisah lakune. Bima menyang Sokalima, dene Arjuna lan Yamawidura bali
menyang kaputren Astina arep nemoni Dewi Kunti lan kluwarga Pandawa liyane.
Bali ing Pertapan Sokalima. Resi Durna nampa tekane Bima. Kanthi ringkes Bima
ngandhakake lamun Tirtapawitra ora ana ing gunung Candradimuka. Dheweke uga ketemu
karo buta loro panjalmane Bathara Indra lan Bathara Bayu. Dewe kalorone ngendika ing
gunung Candradimuka ora ana sing jenenge Tirtapawitra. Resi Durna ngandhakake, dheweke
ndhawuhi Bima menyang gunung Candradimuka mung kanggo nguji kesabarane Bima.
Amarga Bima pancen santosa lan kuwat kekarepane, mula saiki dheweke nuduhake
panggonan mapane Tirtapawitra, yaiku ing dhasare samodra. Bima langsung pamit arep
tumuju menyang segara kidul.
Gelare kaputren Astina. Dewi Kunti lan Puntadewa nampa tekane Arjuna lan
Yamawidura. Yamawidura ngandhakake kabar ketemu karo Bima ing gunung
Candradimuka. Bima durung kasil nemokake Tirtapawitra, mulane dheweke bali menyang
Sokalima nemoni Resi Durna. Ora let suwe Bima teka. Bima nyuwun donga pangestune ibu
kan sedulure arep nggoleki Tirtapawitra ing dhasare samudra cundhuk karo dhawuhe Resi
Durna. Dewi Kunti, Puntadewe, Yamawidura, lan Arjuna mbudidaya ngalang-ngalangi Bima
supaya murungake niyate golek banyu suci Tirtapawitra. Dewi Kunti ngandhakake yen
barang kuwi ora ana. Kabeh mau mung rekadayane Resi Durna kang arep nyilakani Bima.
Nanging Bima tetep mantep marang kapercayane, lamun minangka guru, Resi Durna ora
bakal nyilakani muride dhewe. Dhawuhe guru kudu ditindakake dening murid. Tundhone
Bima budhal nggoleki Tirtapawitra ing dhasaring samodra. Dewi Kunti dhawuh marang
Yamawidura lan Arjuna ngawat-awati lakune Bima.
Ing dhasare samodra ana ula ngadhang lakune Bima. Pasulayan rame dumadi.
Kalorone mbudidaya nyilakani siji lan sijine. Tundhoning pasulayan, Bima mateni ula kuwi,
nanging dheweke uga semaput kena gitikane buntut ula mau. Bima klelep tekan dhasare
samodra.
Katon Dewa Ruci lagi pasatemon karo Bima. Dewa Ruci takon apa kekarepane
Bima njegur nganti ing dhasaring samodra. Bima njlentrehake, yen dheweke nindakake
dhawuhe gurune, Resi Durna supaya nggoleki banyu panguripan Tirtapawitra. Dewa Ruci
nerangake, dene Tirtapawitra ora mapan ana ing gunung Cadradimuka, apa dene ing dhasare
samodra. Tirtapawitra sejatine mapan ana ing dhiri pribadine Bima dhewe, kang wujude inti
niyat kanggo tumindak jujur lan berbudi luhur, sarta ngenggonake rasa kurmat marang
sapadhane. Nindakake kabecikan tanpa pamrih, tresna marang sapadhane kaya dene tresna
marang awake dhewe. Saka Dewa Ruci, Bima antuk ajaran / wejangan babagan ilmu
kasampurnan, ing antarane njlentrehake babagan asaling dumadi, sangkan paraning dumadi,
lan tataraning dumadi.Bima banjur didhawuhi bali menyang Astina nglumpuk karo ibune lan
sedulure, amarga isih akeh kewajiban kang kudu ditindakake.
Ana kedadeyan ing gisiking samodra. Arjuna lan Yamawidura geseh panemu maneh
karo Kurawa kang dipandhegani dening Sengkuni kang lagi gawe pager betis ing pinggire
samodra. Pasulayan ora isa diendhani maneh. Kurawa ngroyok Arjuna lan Yamawidura.
Bejane nalika kalorone kepepet, Bima jumedhul saka njeroning samodra. Ngreteni Arjuna lan
Yamawidura dikroyok Kurawa, Bima banjur cekat-ceket mbiyantu. Kurawa ora bisa
nandhingi kridhane Bima, banjur kabeh padha mlayu salang tunjang. Banjur Bima, Arjuna,
lan Yamawidura bali menyang Astina.
Nalika semana madeg kaputren Astina. Dewi Kunti kaadhep dening para putrane,
Puntadewa, Bima, Arjuna, Nakula, lan Sadewa, sarta Yamawidura. Bima nyritakake
pasatemone karo Dewa Ruci ing dhasare samodra, lan entuk wejangan babagan sarining
panguripan. Dewi Kunti syukur banget, dene Bima kasil slamet lan lulus saka pacoban kang
abot. Dewi Kunti banjur ngajak putra-putrane supaya ngaturake donga marang Gusti Kang
Maha Tunggal, supaya kluwarga Pandawa tansah antuk kawilujengan, rahmat lan hidayah-
He.
LEMBAR KEGIATAN SISWA
1. Andharna wos surasa crita ing nduwur!
2. Golekana unsur-unsur instrinsike kayata:

Unsur-unsur cerita wayang Andharan

Tema

Latar/setting

Penokohan

Alur

Pesen/amanat

3. Gaweya pitakon kang jumbuh karo crita wayang ing ndhuwur!

C. Nilai kang kamot sajroning cerita wayang

a. Tanggap ing sasmita/empati

Tegese saben titah kang urip ing jagad iki kudu duwe sikep empati marang
pepadhane,marang pepadhane manungsa, tanduran, lan sato kewan. Amarga sikep
empati bakal ndadekake manungsa dadi tanggap ing sasmita marang panguripane lan
wong liya lan supaya mangun urip kang tentrem lan ayem. Bab iki kawujud akeh gugon
tuhon kang ndadekake sawijining papan utawa tetuwuhan iku dadi sakral. Upamane ora
entuk mbebuwang regedan ing sangisore wit ringin, mengko bisa marai meriang. Jan-
jane piyayi kuna biyen aweh piweling supaya ora ngregeti tetanduran supaya ora
nuwuhake rereget lan penyakit.
b. Jujur

Bakal elok uriping manungsa lamun bisa nuwuhake rasa jujur mring dhiri pribadi.
Kala mangsane jujur iku gampang diucapke nanging angel dilakoni “gedhang wohing
pakel, ngomong gampang nglakoni angel”. Ana wae sikep ora jujur iku dumunung ing
 ati sanubarine manungsa, sanajan akeh becike nanging uga mesthi ana alane. Iki
nuduhake dene manungsa iku titah kang ora sampurna. Iki kawujud ing paraga
Yudhistira kang kondhang getih putih amarga saking duwe sipat jujur kang luwih saka
titah liyane.

c. Mad sinamadan/ saling menghargai

Panguripan iki bakal krasa tentrem yen titanem rasa mad sinamadan, kang enom
ngajeni piyayi sepuh lan kosok balene. Sikep iki kang ndadekake panguripan ing
masarakat bisa rukun, ora nengenake rumangsa bisa nanging bisa rumangsa, mula
lumakuning bebrayan bisa kekanthenan lan gotong royong. Tuladhane nalika Pandhita
Durna maju ing Bharatayuda, ora ana Pandhawa kang wani ngadepi, amarga ngurmati
yen piyambake iku gurune Pandhawa.
d. Tanggung jawab
Ing babagan iki ateges yen manungsa iku urip ing ngalam donya duwe tanggung
jawab kang gedhe. Nalika nglakoni tanggung jawab kasebut aja nganti nyenggol
marang titah liyane. Kanthi sikep bisa njaga tanggung jawab iki, manungsaora bakal
wedi nalika sesrawungan. Wong kang duwe tanggung jawab orabakal tumindak kang
sakarepe dhewe, anggone tumindak tansah dirasa kanthi temenan. Saliyane iku wong
kang tanggung jawab bakal bisa ngrampungake pagaweyane kanthi tenan. Bab iki
kawujud saka lelakone Bima nalika ngupadi Kayu Gung Susuhing Angin kang
tundhone ora cetha papan dununge. Nanging amarga rasa tanggung jawab apa kang
dumadi bakal dilakoni.
e. Keadilan
Ngrembug babagan keadilan, ing wayang akeh banget kang diandharake. Adil iku
kaya dene jantraning geni ing Hastha Brata. Sikep kasebut bakal mbrastha apa wae
kang dadi pepalange lan mbela kang bener sanajan kang diadhepi iku ana sesambungan
sedulur utawa waris utawa wong kang duwe pangkat.
f. Ngabdi mring negara/Loyal pada Negara
Awake dhewe kudu duwe sikep kang loyal marang negara amarga kanthi
mangkono bisa mangun lan ningkatake drajat panguripan, ngleluri, nglastarekake alam
sakiwa tengene. Amarga sapa kang tumindak migunani marang liyan iku bakal gawe
kabecikan tumrap dhiri pribadi lan lingkungane. Ing crita wayang ana sawijining crita
kang nuduhake sikep loyal marang negarane, yaiku critane Raden Kumbakarna kang
gugur mbelani negara lan ora mbelani sedulure.
 UJI KOMPETENSI

1. Pilihen salah siji wangsulan a,b,c,d, utawa e kang koanggep paling bener !
1. Wayang iku sejatine mujudake gegambaran ....
a. Watak wantu sawijining kewan
b. Watak wantu, sarta solah bawane wong urip ing alam donya
c. Kedadeyan sing wis kedadean ing wektu kepungkur
d. Pengalamane sawijiing wong
e. Dumadine panggonan
2. Wayang kang dienggo ing kraton lan nyritakake lelakone Sri Gatayu tekan Panji
Kudalaleyan diarani ....
a. Wayang wong
b. Wayang beber
c. Wayang krucil
d. Wayang kulit
e. Wayang suket
3. Wayang gedhog yaiku wayang sing digawe saka kayu nyritakake lelakone ....
a. Rama lan Shinta
b. Sri Gatayu lan Panji Kudalaleyan
c. Jaka Kembang Kuning karo Dewi Sekartaji
d. Damar wulan lan Minakjingga
e. Panji Asmarabangun karo Dewi Sekartaji utawa Candrakirana
4. Wayang anggitane Jawatan Penerangan RI kanggo menehi sesuluh (penerangan)
marang rakyat diarani ....
a. Wayang potehi
b. Wayang suluh
c. Wayang thengul
d. Wayang sadat
e. Wayang wong
5. Lawon/ mori putih kanggo nampani wayanganing (bayangan) wayang lulang/ kulit
diarani ....
a. Blencong
b. Pluntur
c. Debog
 d. Janget
e. Jala-jala
6. Diyan/ lampu nganggo tedheng dianggo madhangi wayang diarani ...
a. Kelir
b. Cempala
c. Blencong
d. Keprak
e. Pluntur
7. Ubarampe kang digunakake ing pagelaran wayang nduweni perlambang dhewe-dhewe.
Dene perlambang kang nglambangake bumi yaiku ....
a. Wayang
b. Kothak
c. Kelir
d. Blencong
e. Gunungan
8. Gamelan nglambangake....
a. Manungsa
b. Urip
c. Lakuning getih
d. Papan,sandhang,pangan
e. Srengenge
9. Urut-urutaning pagelaran wayang kulit sawengi natas diwiwiti saka ....
a. Jejer
b. Kedhaton
c. Bodholan
d. Paseban
e. Sabrang
10. Sing diarani perang Kembang yaiku perange ....
a. Pandhawa lan Kurawa
b. Satriyo lan Buta
c. Rama lan Dasamuka
d. Arjuna lan Karna
e. Gatutkaca lan Duryudana
11. Ing pewayangan paraga (tokoh) kang cacahe sedulur lima yaiku ...
a. Limbuk Cangkrik
b. Punakawan
c. Pandhawa
d. Kurawa
e. Togog
12. Bima iku putrane Prabu Pandu Dewanata kalawan ...
a. Dewi Kunthi
b. Dewi Madrim
c. Dewi Shinta
d. Dewi Maerah
e. Dewi Sukesi
13. Manut cerita Bima laire ora kaya bayi salumrahe jalaran awujud ...
a. Bungkus
b. Ari-ari
c. Kawah
d. Raseksa
e. Banyu
14. Bima duwe sadulur cacah papat sing kaprenah mbarep asmane ....
a. Nakula
b. Sadewa
c. Rahwana
d. Janaka
e. Puntadewa
15. Amarga Bima iku anak nomer loro mula oleh sebutan putra ....
a. Pambarep
b. Pembayun
c. Panenggak
d. Pandhadha
e. Wuragil
16. Widadari sing kajibah nggulawentah si jabang Bungkus yaiku ....
a. Dewi Irim-irim
b. Dewi Tunjung Biru
 c. Dewi Gagar Mayang
d. Dewi Saraswati
e. Dewi Umayi
17. Nalika isih wujud Bungkus, Bima dibuwang ana ing satengahing alas ....
a. Wanamarta
b. Krendhawahana
c. Kurusetra Gandamayit
d. Mentaok
e. Eri bebondhotan

18. Nalika ngrungokake crita wayang kulit ing radhio, saben arep ganti adegan mesthi
kawiwitan suluk lan janturan kang nyritakake papan panggonan. Mula saka iku
pamireng isa ngreteni babagan ....
a. Paraga
b. Watak paraga
c. Latar
d. Alur
e. Pesen/amanat
19. Ing crita Dewa Ruci, Bima mituhu kabeh dhawuhe Durna minangka gurune sanajan
anggone dhawuh iku ngetohake nyawa, nanging Bima ora nggresula. Saka crita kasebut
pamireng ngreti yen karep saka crita iku supaya murid bekti karo gurune. Perangan iku
mapan ana ing crita kang diarani ....
a. Paraga
b. Watak paraga
c. Latar
d. Alur
e. Pesen

20.Kang sinebut satriya iku nduweni watak kaya ing ngisor iki, yaiku ....

a. Jirih ngadepi musuh

b. Ing mburi anjegali
c. Sepi ing pamrih rame ing gawe
d. Adigang adigung adiguna
e. Rumangsa bisa
Wangsulana pitakon-pitakon ing ngisor iki!

1. Apa kang diarani cerita wayang iku?

Wangsulan:

2. Sebutna jenise wayang 5 wae!

Wangsulan:

3. Sapa wae kang diarani Pandhawa iku?

Wangsulan:

4. Apa kang diarani perang brubuh iku?

Wangsulan:

5. Sebutna peralatan kanggo pagelaran wayang!

Wangsulan:

PERBAIKAN

Coba critakna maneh crita wayang ing ngisor iki nganggo basamu dhewe!

Pandu Jumeneng Nata ing Hastinapura

Negara Hastinapura kagungan putra calon gumanti Nata, yaiku kang pambareb
Dhestrarastra, panengahe Pandu, lan warujune Widura. Dhestrarastra, Pandu Dewanata, lan
Widura digulawentah lan digladhi dening Resi Bisma. Katelune iku kang bakal mbacutake
keprabone dharah Kuru.Drestharastra duwe kaluwihan prigel olah jaya kawijayan. Pandu
prigel babagan olah kridhaning jemparing, dene Wisura prigel babagan olah weliding
pedhang lan sanjata.
Nanging kang jumeneng nata ing Hastina iku Pandu, jalaran Dhestarastra cacat
netra, dene Widura duwe cacat sukune dawa sesisih.Saka sarasehan agung netepake kang
dijenengake nata Pandu. Dhestarastra lila yen sing kawisudha dadi ratu iku Pandu, amarga
dheweke nglenggana duwe kekurangan kang ginaris dening Gusti Kang Murbeng Jagad.
Miturut pemanggihe, nagara kang dipangarsani titah kang cacat bakal nuwuhake swasana
kang ora becik.
Dhestarastra krama karo Dewi Gendari (sedulure Sengkuni) putri ratu Basubala
(Suwala) ing nagara Gandara duwe putra cacah satus kang diwastani Kurawa. Pandu krama
karo putri loro, yaiku Dewi Kunti (Dewi Patra) putrine Prabu Kuntiboja peputra telu
Yudhistira, Bima, lan Arjuna. Nanging sadurunge karo Prabu Pandu, Dewi Kunti wis
kagungan putra kang arane Karna. Dene garwa Pandu sijine asesilih Dewi Madrim, putri
Ratu Mandrapati ing Nagara Mandrawisaya (Mandaraka), peputra loro kembar Nakula lan
Sadewa. Widura krama karo Dewi Parasari, putra Maharaja Dewaka sarta kagungan putra
kekasih Wiyansampana (Sunjaya).
1. Paraga utama ing crita kasebut yaiku ....
a. Prabu Pandu
b. Prabu Matswapati
c. Prabu Dhestarasta
d. Prabu Salya
e. Widura
2. Latar crita iku yaiku ....
a. Mandaraka
b. Gandara
c. Suwala
d. Dewaka
e. Hastinapura
3. Putrane Prabu Pandu karo Dewi Kunti yaiku ....
a. Kurawa
b. Pandawa
c. Sunjaya lan Wiyansampana
d. Yudhistira, Bima, lan Arjuna
 e. Nakula lan Sadewa
4. Undherane crita kang jumeneng nata Hastinapura yaiku ....
a. Prabu Pandu
b. Prabu Matswapati
c. Prabu Dhestarasta
d. Prabu Salya
e. Widura
5. Saka crita iku, miturut tata aturan ing sajroning karaton kang gumanti nata kudune putra
jaler mbarep sang nata. Nanging Dhestarastra ora gelem gumanti nata amarga
ngrumangsani marang kekurangane. Lelakon iku ngemot pitutur kang becik yaiku ....
a. aja rebutan panguwasa
b. nglengana marang kekurangane
c. negara kang adiluhung
d. ngalah dhuwur wekasane
e. nandur bakal ngundhuh

PENGAYAAN
Wacanen crita wayang ing ngisor iki!

PANDAWA LAN KURAWA MEGURU DURNA

Sawise Pandawa lan Kurawa meguru marang Begawam Krepa, sabanjure meguru
marang Begawan Durna, ipenipun Krepa. Caritane mangkene.Begawan Durna iku putrane
Resi Baratwaja.Sawijining wektu Durna karo putrane kang namane Aswatama tumuju
menyang nagara Pancala bakal nemoni kadang sumitrane Sucitra, kang saiki jumeneng nata
ing Pancala.Durna ora ditampa malah kapulasara (dianiaya) dening Patih Gandamana nganti
rusak sarirane. Kanthi nggawa lara atine, Durna mbacutake laku bakal nemoni ipene Krepa
Gajahoya. Ing samadyaning laku kepanggih karo Pandawa lan Kurawa kang lagi dolanan yen
jaman saiki bal-balan. Ndilalah bal sing dingo dolanan kecegur sumur, lan ora ana kang wani
njupuk. Kanthi pitulange Durna, bal isa dijupuk kanthi jemparing saka alang-alang. Para
Pandawa lan Kurawa padha kaget lan ngalembana kasektene Durna. Bab iku diaturake
marang Bisma. Miring atur iku Bisma seneng banget jalaran pancen lagi golek guru kang
linangkung, mula Durna ditimbali sarta kadhawuhan anggladhi Pandawa lan Kurawa supaya
mundhak kaprigelan jurit lan wawasane.
Durna saguh paring piwucal, nanging kanthi bebena suk yen wisp inter ora kena
nulak kabeh pamundhute Sang Durna. Pandawa lan Kurawa ora wangsulan, mung Arjuna
dhewe kang nyaguhi.
Bareng wis sawetara wektu, kabeh padha prigel olah kanuragan lan kawruh apa wae,
semono uga bab kang sinandi. Bima lan Duryudana pinter . Bima lan Duryudana prigel
ngginakaken gada, Nakula lan Sadewa prigel nggunakake pedhang. Yudhistira prigel perang
kanthi numpak kreta, Aswatama prigel ing gunabeksi (obat-obatan), Arjuna prigel
jemparing.Ana ing pandadaran siswa Sokalima, Bima tandhing yuda karo Duryudana,
semono uga Arjuna tandhing Karna, sanyatane kabeh padha digdayane.
Sawijining dina Durna kepengin males lara atine marang Drupada kang rikala
semana gawe serik atine. Kabeh satriya diklumpukake, supaya ngrangket Drupada minangka
tandha bektine marang Guru.Para Kurawa ndhisiki nyerang, nanging isa dikalahake.Genti
para Pandawa kang nyerang, wusanane Drupada isa dirangket urip dening Arjuna, kang
sabanjure dipasrahake marang Durna.Gandheng Drupada kalah, Nagara Pancala separo sisih
lor dijaluk Durna, dene sisih kidul diprenah Drupada.
Bareng perang wis paripurna, Pandawa lan Kurawa bali menyang Hastinapura.
Prabu Drestharastra seneng banget marang Yudhistira kang awatak adil lan utama, mula
bakal dijumenengake nata nggantekake Pandu.
Wangsulana pitakon-pitakon ing ngisor iki!
1. Sebutna paraga-paraga ing crita wayang
iku! Wangsulan:
2. Jlentrehna watak-watake para paraga ing crita iku!
Wangsulan:
3. Andharna wosing crita wayang ing
ndhuwur! Wangsulan:
4. Wedharna pitutur luhur apa kang bisa kapethik saka crita wayang
iku! Wangsulan:
5. Apa kang diarani sinopsis iku?
Wangsulan:
 ULANGAN HARIAN 1

1. Pilihen salah siji wangsulan a,b,c,d, utawa e kang koanggep paling bener !
1. Tembang Macapat uga diarani tembang cilik yaiku tembang kang duweni paugeran ing
ngisor iki, kajaba ...
a. Pupuh
b. Guru gatra
c. Guru wilangan
d. Guru lagu
e. Guru basa
2. Pathokan sajroning tembang macapat kang ngemot pathokan cacahe larik saben sapadha
yaiku ....
a. Guru sastra
b. Guru basa
c. Gurur lagu
d. Guru wilangan
e. Guru Gatra
3. Dene kang ngemot pathokan tibaningswara pungkasan (dhong dhing) saben sagatra
yaiku ...
a. Guru sastra
b. Guru basa
c. Guru lagu
d. Guru wilangan
e. Guru Gatra
4. Pathokan tembang megatruh yaiku....
a. Gatra:6,wilangan: 8,8,8,8,8,8,lagu: u,i,a,i,a,i
b. Gatra:4,wilangan:12,6,8,8, lagu: i,a,i,a
c. Gatra:7,wilangan:8,8,8,8,7,8,8, lagu: i,a,e,a,a,a,u
d. Gatra 5,wilangan:12,8,8,8,8,lagu: u,i,u,i,o
e. Gatra 6,wilangan:10,6,10,10,6,6,lagu: i,o,e,i,i,u
5. Tembang Macapat kang duweni watak sedhih kanggo medharake rasa memelas, getun,
lan prihatin yaiku ....
a. Mijil
b. Pocung
 c. Megatruh
d. Durma
e. Gambuh
6. Tetembungan kang dienggo ing tembang yaiku ....
a. Cakepan
b. Cengkok
c. Laras
d. Titi laras
e. Pathet
7. Slendro lan pelog iku ing tembang diarani ....
a. Cakepan
b. Cengkok
c. Laras
d. Titilaras
e. Pathet
8. Wayang yaiku sawijining wujud tontonan kang awujud....khas kang ngemot seni swara,
seni sastra, seni musik, seni tutur, lan seni lukis.
a. Tarian
b. Drama
c. Lagu
d. Dongeng
e. Gambar
9. Wayang kang digawe saka kayu diarani wayang ....
a. Kulit
b. Golek
c. Beber
d. Suket
e. Kertas
10. Ing pagelaran wayang iku ana gamelan kayata demung, saron, kendhang, gong,
lsp. Gamelan iku minangka wujud ....
a. Seni swara
b. Seni sastra
c. Seni musik
 d. Seni tutur
e. Seni lukis
11. Ing pagelaran wayang uga ana kang diarani waranggana/swarawati/sindhen
langerong/wiraswara. Kalorone kalebu ing ....
a. Seni swara
b. Seni sastra
c. Seni musik
d. Seni tutur
e. Seni lukis
12. Ing ngisor iki kang ora kalebu sumber cerita wayang yaiku ....
a. Ramayana lan Mahabharata
b. Crita-crita Menak
c. Crita-crita Panji
d. Crita rakyat
e. Crita kreasi anyar
13. Nalika ngrungokake crita wayang kulit ing radhio, saben arep ganti adegan mesthi
kawiwitan suluk lan janturan kang nyritakake papan panggonan. Mula saka iku pamireng
bisa ngreteni latar.
a. Paraga
b. Wataking paraga
c. Alur
d. Latar
e. Amanat
14. Ing crita Dewa Ruci, Bima mituhu kabeh dhawuhe Durna minangka gurune sanajan
anggone dhawuh iku ngetohake nyawa, nanging Bima ora nggresula. Saka crita kasebut
pamireng ngreti yen karepesaka crita iku supaya murid bekti karo gurune. Perangan iku
mapan ana ing crita kang diarani ....
a. Paraga
b. Wataking paraga
c. Latar
d. Alur
e. Amanat
15. Sanajan Punakawan (Semar, Gareng, Petruk, lan Bagong) iku dadi batur lan drajate
mung cendhek, nanging disenengi dening para satriya kang duwe tindak laku utama.
Kabeh mau kagawa saka tindak tanduk lan pakarti kang ditindakake Punakawan sing
jujur, prasaja, lan ora neka-neka. Pratelan kasebut nuduhahe unsur crita wayang sing
diarani ....
a. Paraga
b. Wataking paraga
c. Latar
d. Alur
e. Gaya bahasa
16. Bima ing negara Amarta nindakake jejeging pengadilan kanthi adhedhasar ....
a. Angkara murka
b. Sapa salah bakal seleh
c. Adigang adigung adiguna
d. Mban cinde mban ciladan
e. Adil, jujur, lan wicaksana
17. Ing ngisor iki jenenge Arjuna, kajaba ....
a. Permadi
b. Palguna
c. Janaka
d. Indratanaya
e. Arya Sena
18. Wrekudara, Jodhipati, Jayalaga, Kusumayuda, Kusumadilaga iku arane ....
a. Nakula
b. Sadewa
c. Yudhistira
d. Bima
e. Janaka
19. Dewi Arimbi iku garwane Bratasena kang bisa nurunake satriya kang aran ....
a. Antasena
b. Antareja
c. Abimanyu
d. Wisanggeni
 e. Gatutkaca
20. Aji-ajine Bratasena manawa diwateg mlakune kaya angin yaiku ....
a. Blabag Pangantol-antol
b. Wungkal Bener
c. Bandung Bandawasa
d. Kuku Pancanaka
e. Gada Rujak Polo

II. Wangsulana pitakon-pitakon ing ngisor iki kanthi pratitis!

1. Sebutna jenise tembang (3) lan tuladhane!

Wangsulan:

2. Sebutna guru lagu, guru wilangane tembang Sinom!

Wangsulan:

3. Sebutna watake tembang Sinom!

Wangsulan:

4. Aranana piranthi kang ana ing pagelaran wayang (5)!

Wangsulan:

5. Sebutna paraga-paraga ana ing cerita Mahabharata!

Wangsulan:

PERBAIKAN

Goleka cerita wayang ana ing internet banjur jlentrehna nilai-nilai kang kaamot ana ing
sajroning crita!

PENGAYAAN

Tuduhna andharan ing crita nduwur kang nuduhake sikep adil,tanggung jawab lan mad
silamadan!
 BAB 3

PRANATACARA

Kompetensi Dasar:

3.3 Menelaah teks panatacara

4.3 Menanggapi isi Serat Wedhatama pupuh Sinom dan menulis serta menyajikan syair
tembang Sinom dengan bahasa sendiri.
Indikator:
1. Membaca contoh tewks panatacara
2. Mencermati uraian yang berkaitan dengan struktur dan kaidah panatacara
3. Mempertanyakan kawruh kagunan basa: yogyaswara, tembung entar, rurabasa,
panyandra, atau pepindhan
4. Membuat pertanyaan yang berhubungan dengan isi teks panatacara
5. Menemukan pokok-pokok isi yang terkandung di dalam panatacara
6. Menganalisis struktur dan kaidah
7. Mendiskusikan penggunaan kawruh kagunan basa: yogyaswara, tembung entar, rurabasa,
panyandra, atau pepindhan
8. Membacakan teks panatacara sesuai dengan kaidah

MATERI AJAR

1. Pangertene Pranatacara
Panatacara kerep uga diarani dening babrayan agung minanga panatacara
pambyawara, pranata adicara, pranata titilaksana, pranata laksitaning adicara utawi Master of
Ceremony (MC). Regeng, nges lan orane sawijining adicara iku sebagean gehde dadi
tanggungjawabe pranatacara. Pranatacara kuwi sawijining paraga(wong) sing duwe jejibahan
nglantarake titilaksana (lakune) sawijining upacra adat temanten, kesripahan, resmi/ formal,
pepanggihan (pertemuan), pajamuan (pesta), pangaosan utawa pentas (show) lan
sapanunggale. Kaya dene ing acara upacara adat temanten Jawa, pranatacara kajibah
nglantarke titilaksana (lakune) adicara ijab, pawiwahan lan pahargyan. Senadyan kaya
mengkono kadhangkala ijab (jab Kabul) madeg dhewe ora gandheng karo adicara pawiwahan
lan pahargyan (resepsi) temanten. Dene yen ing upacara kasripahan (kematian) juru
panitilaksana (pranatacara) nglantarake upacara mbudhalake layon saka omah menyan sarean
(kuburan).
2. Perangan teks panatacara
Minangka kanggo ancer-ancer yen kanggo gawe ngrengrengan teks panatacara
parasiswa kudu weruh pokok-pokok teks panatacara mau. Dene pokok (batang tubuhe) teks
pranata cara, yaikut:
a. Salam pambuka. Salam pambuka kanthi tembung, “Asalamualaikum Warahmatullah
wabarokatuh” (tumrap wong Islam), utawa tembung “nuwun kawula nuwun”.
b. Puji sykur konjuk marang Gusti ingkang Maha Kuwasa sarta ngaturake sholawat
salam konjuk marang kanjeng Nabi Muhammad
c. Sapa aruh. Sapa aru utawa aruh-aruh marang kabeh para tamu unddangan. Anggone
sapa aruh mau diwiwiti saka wong sing paling tua nganti marang sing enom, saka sing
pangkate luwih dhuwur nganti sing endhek.
d. Ancasing gati. Ancasing gati yaiku apa kang dadi tujuan saka adicara kang diadani
(dilaksanakan) ing wektu iku paraga pranatacara kudu weruh kanthi gamblang
ngenani adicacaaapa sing diangit dening panatacara kudu klop karo panyuwune sing
duwe gawe, sarta kudu klop karo swasanane serta cundhuk karo tatanan adat kang ana
ing bebrayan (masyarakat) kono.
e. Panutup. Ing perangan panutup iki prantacaara nggatur marang para rawuh mungguh
acara kang dirantam, sarta ngajak ngenut lakuning pahagyan kanthi kepenak
f. Salam penutup.
3. Unsur-unsur Pranatacara
Kanthi gladhen lan sarat laku pitung perkara. Dening Rama Sudi Yatmana (1989:1)
dijlenterhake kanthi aran Saptama Pangolahing Raga, yaiku:
a. Magatra, yaiku bleger wewujudane rupa, adining sastra lan nyandang penganggo
kang trep, pantes lan jangkep. Solah bawa sing luwes lan ora digawe-gawe
b. Malaksana, mlaku samlaku, sapecak sajangkah ditata runtut, luwes mrabawani, ora
ingah-ingih lan ora wigah wigih sarta ora ngisin-ngisini
c. Mawastha, ngadeg jejeg, ora kendo, ora dhoyong
d. Maraga: ora grogi, ora wedi, ora gmeeter, anteb lan anteng obahe wawak, sirah, gulu,
siku, asta lumrahe samadya ora katon ndhangak tangan kudu bisa nambahi cetha paa
kagn diucapake.
 e. Malaghawa, trampil kepara trengginas, cag ceg, lancar, gancar, sembada ing karya.
Ora ngleler nangin uga ora katon grusa grusu
f. Matanggap, tanggap ing sakabehe swasana, sarta bisa andayani regenge swasana.
Mula pranata cara uga bsa gawe gumrengsenge swasana prasat bisa aweh tetamba
tumrap wong kang nandhang susah/ sungkawa
g. Mawwat: anteb, mantebm ngentasi purwa, madya lan wasaning karya. Dadi pranata
cara kudu bisa ngedhaleni acara wiwit kawitan, tengahan, lan pungkasane acara
kanthi manteb lan sampurna. Aja nganti ana acara kagn kececer keliwatan uwal saka
rantaman

4. Teknik Maca Pranatacara

Sajroning macakake pranatacara mbutuhake kaprigelan supaya kang ngrungokake isa
rumangsa seneng lan pranatacarane gampang dingreteni. Kaprigelan kasebut kaya
andharan iki.
1) Nggunakake pangucap kang trep
2) Pamedhote ukara kang trep
3) Nggunakake intonasi, nada, lan tekanan kang trep
4) Ngreteni tandha wacan kanthi trep
5) Swara kang cetha
6) Ngatur alon lan cepete pamaca
7) Ngolah treping mlebu wetuning napas
8) Mahami wacan
9) Percaya marang dhiri pribadi
5. Tuladha Teks Pranatacara
PAHARGYAN PENGANTEN

Assalamu’alaikum Wr. Wb
Kasugengan, rahmat saha berkah dalem Gusti ingkang Maha Agung mugi tansah
kajiwa kasarira dening para tamu ingkang minulya.
Nuwun, para sesepuh, para pinisepuh ingkat dahat kinabekten. Para
pangembating praja ingkang tuhu sinudarsana.Bapak-bapak Ibu-ibu, para rawuh kakung
miwah putrid ingkang dahat kinurmatan.
 Inggih awit saking keparengipun Bapak….......sekaliyan, kula kapitados ndherekaken
lampahing adicara pahargyan prasaja ing kalenggahan punika.
Dene wigatosing sedya, Bapak…….sekaliyan kersa mahargya putra penganten
sarimbit, inggih punika……….., putra-putrinipun Bapak Ibu…….., saha nakmas................,
putra kakungipun Bapak……..sekaliyan ing pidalem ing…………..
Awit saking pangestunipun para rawuh sedaya, putra kekalih sampun kaleksanan
nindakaken akad nikah kanthi wilujeng, nalika wau wonten ing……..
Para rawuh ingkang minulya, keparenga kula ngaturaken reroncening adicara,
ingkang sampun rinancang dening sedaya keluwarga.
a. Adicara ingkang sepisan inggih menika pambuka.
b. Adicara ingkang kaping kalih, inggih menika atur pambagya saking keluwarga.
c. Ndhungkap adicara ingkang kaping tiga inggih menika paring sabda saking
keluwarga penganten kakung.
d. Kalajengaken adicara ingkang kaping sekawan inggih menika atur pangandikan
saking keluwarga pengantin putri.
e. Tataran adicara ingkang kaping gangsalinggih menika sabdatama utawi ular-ular.
f. Adicara ingkang pungkasan inggih menika panutup.
Para rawuh ingkang dahat kinurmatan, minangka pambukaning pahargyan
menika sumangga kula dherekaken sesarengan maos Basmallah. Dene para rawuh ingkang
ngrasuk agama sanes, kula sumanggakaken miturut kapitadosanipun piyambak. Sumangga
kula dherekaken.

Pranatacara ingkang asring disebat Master Of Ceremony (MC), pambiwara, pranata

adicara, pranata titilaksana, pambyawara, utawi pranata laksitaning adicara, inggih punika
paraga ingkang tinanggenah nata cara utawi acara, ingkang bakunipun, ayahanipun inggih
punika nglantaraken cak-cakanipun acara utawi adicara wonten ing pepanggihan, pasamuan
upacara ingkang sampun rinantam.

Pranatacara nyepeng peranan ingkang ageng, dados punjering kawigatosan, amargi

regeng, rancak, nges lan mbotenipun satunggaling adicara saperangan ageng dados tanggel
jawabipun pranatacara. Saksinteno kemawon para paraga ingkang magepokan kaliyan
lampahing adicara utawi pawiwahan mboten saged tumindak piyambak-piyambak menawi
dereng wonten atur saking pranatacara.
 Sakjatosipun, pakaryan pranatacara mekaten sanes satunggaling pakaryan ingkang awrat /
angel, awit saksintena mawon priyantun ingkang mboten nandhang tuna wicara utawi
ingkang kedaling lesan mboten cetho, tamtu saged ninda’aken pakaryan pranatacara kasebat.
Ananging ingkang kathah sami ajrih dhumateng tuna dungkaping basa.

Ananging babagan punika mboten ndadosaken pepalang, amargi basa mekaten kathah
sanget pacopanipun, pramila setunggal lan sanesipun priyantun saged ngginakaken basa
ingkang pundi kemawon, jer leres pikajengipun cak-cakanipun, saha gampil kasuraos dening
saksintena ingkang sami midhangetaken.

Amrih jejibahan saged kasil kanthi sae, pranatacara saha pamedhar sabda kedah saged
ngrengkuh sarat sarana ingkang baku, inggih punika :

1. Swara

Kedaling lathi kedah kagladhi, supados saged langkung cetha medaling suwanten,
pranatacara saha pamedhar sabda kedah saged mapanaken utawi ngginakaken swanten
ingkang awrat, cekapan, utawi inggil trep kaliyan swanten iringaning gendhing (menawi
wonten ).

Pangolahing swanten kedah wajar, cetha, tegas mboten ketawis sanget menawi kaolah
(dipun damel-damel). Ing babagan swanten meniko, pranatacara saha pamedhar sabda kedah
wigatos dhateng swaraning aksara swara ( ucapan), langkung-langkung beda-beda mingsad-
mingsudipun ing tembung lingga saha tembung andhahan.

Wirama (lagu) ugi kedah kagladhi kanthi saestu supados sekeca kamirengaken, kados
pundhi rindhik rikatipun, mandhap minggahipun, sampun ngantos kasesa, ananging ugi
sampun ngantos nglentrek sanget. Gladhi olah swara punika kedah pikantuk kawigatosan
ingkang mirungga, amargi punika dados satunggaling sarat baku kagem pranatacara saha
pamedhar sabda.

2. Busana (ageman)

Ajining raga gumantung busana, mila babagan busana punika ugi kedah pun gladhi
saengga jejibahan pranatacara saha pamedhar sabda saged kalaksanakaken kanthi
sae.Anggenipun ngadi busana kedah kajumbuhna kaliyan kaperluan wonten ing upacara
punapa ingkang badhe dipun ayahi.

Jejering pranatacar saha pamedhar sabda saged katingal ngrengreng menawi karengga
swanten, raga lan busana ingkang pantes.Pangudining busana saged ngetrepaken kaliyan rupi
utawin wernining busana kaliyan kulit, sareng make up, saengga katingal pantes kaliyan
papan panggenan, mboten nyolok tuwin samadya kemawon.

Wonten ing babagan mangagem busana (ageman) punika, saestu sae sabda pangandikan
kanjeng suhunan Pakowboewana IV ingkang sampun panjenenganipun kanjeng susuhunan
sabdaaken dhumateng para sentana saha karabat keratin kasunanan Surakarta Hadiningrat,
inggih punika :

“ Nyandhang menganggo iku dadiya sarana hamemangun manungsa njaba njero, marmane
pantesen panganggonira, trapna traping panganggon, chundukna marang kahananing
badanira, wujud lan wernane jumbuhna kalawan dedeg piadeg miwah pakulitan..”

( Menggunakan Pakaian itu harus jadi sarana membangun pribadi seseorang lahir dan bathin,
jadi harus sesuaikanlah pakianmu, serasikan dengan keadaan, sesuaikan dengan bentuk badan
waran pakaian, pilihlah yang sesuai dengan postur tubuh serta warna kulit )

Pramila babagan busana punika kedah pun gladhi ingkang sasae-saenipun dening
pranatacara saha pamedhar sabda, amrih sae kasilipun tumrap sadayanipun, langkung sae ugi
kagem para pranatacara saha pamedhar sabda ing sak derengipun ngayahi jejibahan dados
pranatacara saha pamedhar sabda, busana punika saenipun kedah dipun rembag kaliyan
panitya, amrih hasil ingkang dipun kajadaken sae wontenipun.

3. Subasita (Trapsila)

Trapsila (tata krami) kedah pun gladhi ingkang sae, amargi trapsila ingkang kirang, saged
ngirangi kawibawanipun pranatacara saha pamedhar sabda.Solah bawa sampun ngantos
kadamel-damel (katingal dening ing sanes utawi mboten) langkung sae bilih solah bawanipun
prasaja kemawon, anteng, manteb ananging mboten kaken ( kaku ).

Ewah-ewahanipun pasuryan ugi kedah kaudi ingkang sadaya wau sageda nggambaraken
isining penggalih, ingkang lajeng jumbuh kaliyan swasana, sapertos, bilih wonten ing
pawiwahan saha pahargyan, pasuryan binger sumringah lan ramah awit prastawa menika
ngemu suraos suka, kabagyan, saha kabingahan.

Wondene wonten ing sripah, pasuryan kedah mboten katingal binger sumringah, amargi
punika tamtu mboten jumbuh kaliyan swasana saha raos manah kulawarga ingkang nembe
nandang duka sungkawa.

4. Basa lan Sastra

Basa lan sastra ngawujudaken kabetahan ingkang baku tumrapipun priyantun ingkang
nembe ngayahi tugas dados pranatacara saha pamedhar sabda. Basa ingkang kaginakaken
kedah miturut tuntutaning sastra ingkang leres, pamilihing tembung ingkang lajeng dipun
ronce dados ukara kedah trep, luwes, sae, wusana sekeca kapireng ing asanes.Kanthi
pangertosan ingkang sae babagan basa tuwin sastra, pranatacara saha pamedhar sabda saged
ndapuk mocap, tembung , ukara saha wacana kanthi leres tuwin laras.

Laras : tegesipun pranatacara saha pamedhar sabda saged ngrantam saha mbabar titilaksana
trep kaliyan kawontenan saha swasana.

Leres : tegesipun pranatacara saha pamedhar sabda saged ngginakaken basa ingkang trep
kaliyan parasastranipun.

Ingkang menika pranatacara saha pamedhar sabda saged lumebet ing pawiyatan utawi
saged maos piyambak buku-buku ingkang ngemot kawruh paramasastra kasebat.

Ancer-ancer pakaryan pranatacara saha pamedhar sabda

Supados saged pikantuk kasil pakaryan ingkang sae, kedah kagungan pathokan-pathokan
kangge nindakaken pakaryan pranatacara saha pamedhar sabda punika.

Pathokan-pathokan wau inggih punika :

1. Ing babagan basa, mugi kaginakaken basa ingkang trapsila, wijang prasaja ananging
gampil katampi dening para tamu ( ingkang midangetaken ) sarta sekeca kapiarsa.
2. Tanggap ing kawontenan, supados pahargyan saged regeng.
3. Mangertosi rantaman-rantaman badhe tumapaking adicara kanthi permati, sarta kedah
tanggap ing kawontenan.
4. Mangertos asma-asma para paraga ing saklebeting pawiwahan kanthi jangkep sak
imbuhanipun.
5. Tansah sesambetan kaliyan kadang pranata pita swara, supados nyamektakaken
gendhing-gendhing ingkang jumbuh kaliyan lelampahaning adicara.
6. Tansah sesambetan kaliyan poranparaning pawiwahan ( ketua panitia ) supados enggal
mangertosi mbok bilih wonten ewah-ewahan adicara.
7. Trengginas mutusaken samukawis murih pawiwahan mboten katingal kisruh.

Tuladha Teks Pranatacara Tasyakuran Temanten

Assalamualaikum Wr. Wb

Nuwun, Para Pepundhen, Para Sesepuh, Para Pinisepuh ingkang kinabekten. Bapak-
bapak, ibu-ibu, Para rawuh kakung miwah putri ingkang dhahat kinurmatan.

Langkung rumiyin, mangga kula dhereaken muji syukur dhumateng ngarsanipun

Gusti Allah SWT, ingkang sampun kaparenga kanugrahan ingkang arupi kasarasan.
Sahengga, ngantos wekdal menika panjenengan sedaya saged ngrawuhi anggenipun gadhah
damel tasyakuran penganten menika.

Para rawuh ingkang kinabekten, Salajengipun, kaparenga kula ngaturaken

reroncening adicara ingkang sampun rinacik dening para kadang kaluarga, inggih menika:
1. Adicara kaping sepisan inggih menika pambuka.
2. Dene, adicara kaping kalih inggih menika maos kitab suci Al-Quran.
3. Adicara kaping tiga inggih menika upacara Ijab qabul.
4. Salajengipun, adicara kaping sekawan inggih menika upacara panggih penganten.
5. Adicara kaping gangsal inggih menika tanggap wacana lan atur pambagya.
6. Adicara kaping enem inggih menika manasuka.
7. Jangkep adicara kaping pitu, pungkasan inggih menika panutup.
 Bapak/Ibu,tamu undangan ingkang kinurmatan,
Mekaten wau urutaning adicara ingkang badhe kalampahan ing wekdal menika.
Saderengipun, mangga kula dhereaken maos basmallah. Dhumateng tamu ingkang ngrasuk
agami sanes, kula sumanggaaken miturut kapitadosan piyambak-piyambak. Dedonga
kawiwitan……dedonga cekap.

Adicara ingkang kaping kalih inggih menika maos kitab suci Al-Quran saking
Retnasih. Dhumateng sedherek Retnasih kula sumanggaken.

———————————————————

Menika wau waosan kitab suci Al-Quran saking sedherek Retnasih.

Dene, adicara ingkang kaping tiga inggih menika Upacara Ijab Qabul. Dhumateng Bapak
petugas ingkang sampun kajibah, sasana saha swasana kula aturaken.

———————————————————

Para rawuh sedaya, mekaten upacara ijab qabul ingkang sampun kalampahan kanthi
gancar. Salajengipun, adicara kaping sekawan inggih menika upacara panggih penganten.
Dhumateng Ibu perias wekdal saha papan kula aturaken.

———————————————————

Mekaten Upacara Panggih penganten sampun kalampahan kanthi gancar.

Dene, adicara kaping gangsal inggih menika tanggap wacana saking Bapak Agus.
Dhumateng Bapak Agus, kula sumanggaaken.

———————————————————

Matur nuwun, bapak Agus ingkang sampun ngaturaken tanggap wacana lan atur
pambagya. Adicara kaping enem inggih menika manasuka. Dhumateng grup campursari
“Bagas Waras”, kula sumanggaaken.

———————————————————

Mekaten wau canpursari “Bagas Waras” ingkang sampun ngregengaken acara

menika.Dungkap paripurnanipun adicara, monggo dipun tutup acara menika kanthi maos
hamdallah sesarengan. Menawi sadangunipun kula ngadeg wonten ing ngarsa panjenengan
sami nglantaraken reroncening adicara pawiwahan menika wiwit kanthi panutup. Kathah
babagan ingkang kirang ing trap sila saha subasita tumraping laku saha pacelathu, kula
nyuwun agunging pangaksami.
Cekap semanten atur kula.

Wassalamualaikum, Wr. Wb

2. PRANATACARA KESRIPAHAN

Assalamu’alaikum Wr. Wb
Innalillahi wa innaillaihi roji’un 3x.

Wonten pangarsanipun para sesepuh dalah pinisepuh ingkang tansah kawula

hormati. Para pangemban pangembating praja satrianing nagari ingkang tansah sinudarsana
saha pangersa wilayah dusun Sido Maju ingkang tansah kawula hormati, khususipun kunjuk
dhumateng ngersa Allah SWT ingkang sampun paring kasarasan saha kanikmatan
dhumateng kula lan panjenengan sedaya, saengga kula lan panjenengan sedaya saget kempal
manunggal wonten ing papan menika.

Para bapak, para ibu Mauziah Mauziin ingkang minulya, keparenga minangkani
pamundhuting kaluwarga panandang musibah, kinen hangaturaken rerantamaning acara
pametahing layon ing karenggan menika. Rehne handungkap titi wanci, tumunten badhe kula
aturaken menggah laksitaning acara pakurmatan layon.
1. Acara ingkang sepisan inggih menika pambuka

2. Atur panuwun saking kaluwarga panandang musibah

3. Atur bela sungkawa saking wakil para pelayat

4. Atur bela sungkawa saking mitra makarya

5. Atur panglipur
6. Kalajengaken pambidhaling layon kanthi adat idiwilana ingkang sampun lumampah
ing padesan saha katutup donga pambidhaling layon saking Bapak Sabdo.

Mekaten menggah reroncening acara pametahing layon wonten ing wekdal menika.
Sumangga kula lan panjenengan sedaya miwiti acara menika kanthi waosan
bassmallah sesarengan kawula dherekaken.

Matur nuwun, acara ingkang sepisan sampun kalampah. Dungkap acara ingkang
angka kalih inggih menika atur panuwun saking kaluwarga panandang musibah. Dhumateng
Ibu Hening sumangga.

…………..

Matur nuwun. Ngancik acara ingkang angka tiga inggih menika atur bela sungkawa
saking sesulihipun para pelayat. Wonten ing ngriki kawula suwunaken saking Ibu Monic.
Dhumateng Ibu Monic sumangga.

…………….

Matur nuwun. Menggah acara salajengipun inggih menika atur bela sungkawa saking
mitra makarya. Ingkang sepisan kawula suwuaken saking Ibu Anggun. Dhumateng Ibu
Anggun sumangga.

……..

Matur nuwun. Kalajengaken atur bela sungkawa ingkang angka kalih, wonten ing
ngriki kawula suwunaken saking Ibu Anis. Dhumateng Ibu Annis, sumangga.

………..

Cetha terwaca atur pambela sungkawa mugi dadosna kasobaran kaluwarga karana
Allah. Acara salajengipun inggih menika atur panglipur. Wonten ing ngriki badhe dipun
salirani dening Ibu Janti. Dhumateng Ibu Janti sumangga.
 Matur nuwun dhumateng Ibu Janti ingkang sampun paring atur panglipur.
Kalajengaken pamberangkating layon tumujweng sasana laya. Dhumateng para kadang dipun
mapanaken.

Mekaten menggah mauziah mauziin sedaya. Kula minangkani handerekaken

lumampahing acara pametahing layon wonten tumpang sih anggenipun kawula matur,
nyuwun lumunturing samodra pangaksami.

Wasana kawula akhiri,

Wassalamu’alaikum Wr.W
b Nuwun.

LEMBAR KERJA SISWA

Wangsulana pitakon-pitakon ing ngisor iki kanthi trep!

1. Punapa ingkang dipun wastani pranatacara menika?

Wangsulan:
2. Amrih jejibahan saged kasil kanthi sae, pranatacara saha pamedhar sabda kedah saged
ngrengkuh sarat sarana punapa kemawon?
Wangsulan:

3. Punapa kemawon ancer-ancer pakaryan pranatacara saha pamedhar sabda menika?

Wangsulan:

4. Punapa ingkang dipun wastani laras wonten pranatacara

menika? Wangsulan:
5. Punapa ingkang dipun wastani leres wonten pranatacara menika?
Wangsulan:
 UJI KOMPETENSI
I. Pilihen salah siji wangsulan a,b,c,d, utawa e kang koanggep paling bener !

1. Hamedhar pangandikan kang surasane macakake rut reroncening acara yaiku ….

a. wara-wara
b. pranatacara
c. pambagyaharja
d. pamiyarsa
e. narasumber
2. Nalika ngrungokake pasrah penganten ana pratelan :
Dhumateng para sesepuh pinisepuh ingkang pantes pinundhi-
pundhi. Para tamu kakung putri ingkang winantu ing pakurmatan.
Pratelan iku kalebu perangane tanggap wacana, kang diarani ….
a. pambuka
b. surasa
c. basa
d. panutup
e. ringkesan
3. Ngrungokake tanggap wacana pasrah penganten, kang makarya masrahake iku saka ….
a. penganten putri
b. panata cara
c. penganten lanang
d. pambyawara
e. sesulih kang duwe gawe
4. Sugeng siyang, Assalamu’alaikum, katentreman saha kawilujengan mugi
katumrapan dhumateng panjenengan sedaya. Tuladha iku diarani….
a. salam pambuka
b. panutup
c. pambuka
d. salam panutup
e. surasa
5. Dudutan, pangarep-arep, lan ngaturake luput anggone matur iku perangan tanggap
wacana kang diarani ….
a. salam pambuka
 b. surasa
c. salam panutup
d. pambuka
e. panutup
6. Pranatacara uga diarani ing ngisor iki, kajaba ...
a. Master of Ceremony
b. Pambiwara
c. Pranata adicara
d. Pambyawara
e. Pamiyarsa
7. Bab-bab kang digatekake nalika dadi pranatacara, kajaba ....
a. Swara
b. Busana
c. Trapsila
d. Penonton
e. Basa lan Sastra

8. Nuwun, Para Pepundhen, Para Sesepuh, Para Pinisepuh ingkang kinabekten.

Bapak- bapak, ibu-ibu, Para rawuh kakung miwah putri ingkang dhahat kinurmatan.

Pethikan ing dhuwur kalebu ....

a. Salam
b. Pambuka
c. Isi
d. Panutup
e. Salam panutup
9. Ngucapake puji syukur kalebu perangane ....
a. Salam
b. Pambuka
c. Surasa
d. Panutup
e. Salam panutup
10. Ing ngisor iki perangane pambuka, kajaba ....
a. Salam pambuka
b. Mbagekake para tamu
c. Ngucapake syukur
d. Ngaturake panuwun
e. Nyebutake masalah pribadine
11. Ngaturake pangarep-arep, mungkasi kanthi ngaturake dudutan/kesimpulan, ngaturake
kaluputan anggone matur, lan menehi salam kalebu perangane ....
a. Salam
b. Pambuka
c. Surasa
d. Isi
e. Panutup
12. Perangane pambagyaharja kang diandharake nalika mbuka pangandikan yaiku ....
a. Pangarep-arep
b. Ngaturake panuwun
c. Mungkasi kanthi ngaturake kesimpulan
d. Ngaturake kaluputan anggone matur
e. Salam panutup
13. Ing pahargyan apa wae, wong kang duwe gawe mesthi ora bisa tumandhang dhewe, mula
nalika pambagyaharja kang becik diandharake yaiku ....
a. Ngaturake panuwun
b. Pangarep-arep
c. Ngaturke kawilujengan
d. Mbagekake
e. Ngucapke syukur
14. Ngandarake pambagyaharja iku becike nggantekake tamu kang rawuh. Sebab status lan
kalungguhan tamu iku uga nyebabake pamilihe tembung lan basa. Perangan iki bab-bab
wigati amrih prayogane wedharan kang diarani ....
a. Ngreteni wawasan pamireng kang bakal ngrungokake tanggap wacana
b. Ngreteni wektu utawa durasi tanggap wacana kang diwenehake
c. Ngreti jenis tanggap wacana lan tema acara
d. Nyepakake bab-bab lan piranti kang dibutuhake
e. Busana kang jumbuh karo swasana
15. 1. Acara ingkang sepisan inggih menika pambuka

2. Atur panuwun saking kaluwarga panandang musibah

3. Atur bela sungkawa saking wakil para pelayat

4. Atur bela sungkawa saking mitra makarya

5. Atur panglipur

6. Kalajengaken pambidhaling layon kanthi adat idiwilana ingkang sampun

lumampah ing padesan saha katutup donga pambidhaling layon.

Adiacara ing nduwur minangka adiacara ....

a. kesripahan
b. ulangtahun
c. pengajian
d. ngundhuh mantu
e. tanggap wacana
16. Pranatacara saha pamedhar sabda saged ndapuk mocap, tembung, ukara saha wacana
kanthi leres tuwin laras. Leres tegesipun ....
a. saged ngginakaken basa ingkang trep kaliyan parasastranipun
b. saged ngrantam saha mbabar titilaksana trep kaliyan kawontenan saha swasana
c. saged maos aksara Jawa kanthi sae
d. saged ngagem busana piyambak
e. saged matur ngagem bahasa punapa kemawon
17. Ajining dhiri saka lathi, ajining raga saka....
a. Basa
b. Trapsila
c. Busana
d. Budaya
e. Tata krama
18. “Assalaamualaikum wr.wb. Kula nuwun, wilujeng siyang,” lan sapiturute iku kalebu
perangan ....
a. Salam pambuka
b. Pambuka
c. Surasa
d. Panutup
e. Salam panutup
 19. Hamedhar pangandikan kang asipat hiburan (lelipur) yaiku ....

a. Wara-wara
b. Pambagyaharja
c. Pasrah
d. Kampanye
e. Dhagelan
20. Pambiwara kudu bisa ajur –ajer lan njumbuhake swasana lan papan gelaring karya. Ajur
–ajer tegese ....
a. Ajur mumur
b. Ajur tenan
c. Ajur tanpa tilas
d. Ajur tanpa aran
e. Nyawiji marang sapa wae

II. Wangsulana pitakon-pitakon ing ngisor iki kanthi trep!

1. Sebutna jeneng liyane pranata

cara! Wangsulan:
2. Apa tugase pranata cara
iku? Wangsulan:
3. Sebutna perangane pambuka ana ing
pambagyaharja! Wangsulan:
4. Sebutna perangane surasa ana ing
pambagyaharja! Wangsulan:
5. Sebutna perangane panutup ana ing
pambagyaharja! Wangsulan:

PERBAIKAN
Gaweya rerantamane adiacara ulang tahune kancamu!

PENGAYAAN
Wacanen rerantamane adiacara ing ndhuwur kaya dadi pranata cara!
 BAB 4
PANGANAN TRADISIONAL JAWA

Kompetensi Dasar:
3.4 Memahami isi teks deskriptif tentang makanan tradisional Jawa

4.4 Menanggapi dan menceritakan kembali isi teks deskriptif tentang makanan tradisional
Jawa

Indikator:

1. Membaca contoh teks deskriptif tentang makanan tradisional Jawa

2. Mencermati uraian yang berkaitan dengan pilihan kata dalam teks
3. Mempertanyakan pokok-pokok isi teks deskriptif tentang makanan tradisional Jawa
4. Membuat pertanyaan yang berhubungan dengan isi teks deskriptif tentang
makanan tradisional Jawa
5. Mempertanyakan penggunaan kawruh kagunan basa misalnya yogyaswara, tembung
entar, rura basa, panyandra atau pepindhan
6. Mendiskusikan relevansi nilai-nilai yang terkandung di dalamnya dengan kondisi
masyarakat.
7. Memberi tanggapan terhadap isi dengan ragam sesuai konteks dan norma berbahasa.
8. Menceritakan kembali isi teks deskriptif tentang makanan tradisional Jawa menggunakan
ragam bahasa sesuai konteks dan norma berbahasa.
9. Menanggapi penceritaan kembali isi teks deskriptif tentang makanan tradisional Jawa
menggunakan ragam bahasa sesuai konteks dan norma berbahasa.

A. MATERI AJAR
Panganan tradisionil yaiku panganan kang minangka warisan budaya tetilarane para
leluhur lan isih lestari ana madyaning pabrayan agung. Panganan tradisionil Jawa yaiku
panganan lan minuman sing biasane dipangan lan diombe dening masyarakat Jawa, kanthi
citarasa khas sing ditampa dening masyarakat Jawa. Tumrape wong Jawa umume percaya
marang khasiat maneka panganan tradisionil kayadene tempe,tahu,bawang putih,madu, temu
lawak,gadho-gadho,kacang ijo lan sapanunggalane. Sebab kajaba saka khasiat, panganan
tradisionil Indonesia uga ngandhut nilai positif liyane kayata: bahan sing alami, gizine
dhuwur, sehat lan aman, murah lan gampang ditemokake, jumbuh karo rasa pangrasane
masyarakat satemah dipercaya nduweni potensi sing apik minangka panganan.
 Panganan tradisionil Jawa yakuwi kabeh jinis panganan olah-olahan asli lan khas
saka wewengkon Jawa, wiwit saka panganan kang pepeak, selingan lan minuman sing cukup
kandhutane gizi sarta biasa dipangan lan diombe dening masyarakat Jawa Tengah.
Panganan tradisionil Jawa Tengah diperbawani dening budaya mangan tumrap
masyarakat Jawa Tengah lan nyawiji sajroning adat-istiadat budaya Jawa. Panganan kasebut
disenengi amarga saka rasa, wujud lan ambune sing jumbuh karo rasa pangrasane. Kajaba
saka kuwi tatacara mangan ora gampang ngalami owah-owahan sanadyan papan dununge
wong Jawa kasebut ngalami owah-owahan ing beda panggonan.
Kanthi maneka warna bahan dhasare, mula bisa diasilake maneka warna jinis
panganan tradisionil sing dadi panganan sing enak lan nduweni gizi setimbang. Mangkono
uga carane ngolah ditindakake kanthi cara lan sarana kayata :kanthi dibakar/dipanggang,
diasep, dipepes, dikukus, digoreng lan ditumis.
Panganan tradisionil iku nduweni jeneng dhewe-dhewe. Saben jinis panganan
tradisional nduweni makna kang beda-beda sarta nduweni tuntunan kang maneka warna.

1. Tempe
Ora kaya panganan dhele tradisional liyane kang biyasane asale saka Cina lan Jepang,
tempe iku asli saka Indonesia. Ora cetha kapan panggawene tempe iku kawitan. Nanging
nyatane panganan tradisional iki wis dikenal wiwit pirang-pirang abad kawuri, utamane ing
tatanan budaya panganan masarakat Jawa. Ing bab 3 lan bab 12 manuskrip Serat Centhini
kanthi seting Jawa abad kaping 16, wis ditemokake tembung “tempe”, umpamane kanthi
nyebut jeneng nyamikan jae santen tempe (saemper masakan tempe nganggo santen) lan
dhele tempe srundengan.
Tembung dhele kang ditulis kadhele ing basa Jawa ditemokake ing Serat Sri Tanjung
(abad 12 utawa 13). Saliyane iku ing serat legenda kota Banyuwangi iku, tembung dhele uga
ditemokake ing Serat Centhini taun 1814. Ing jilid kapindho Serat Centhini digambarake
lelakone Cebolang saka Purbalingga tumuju menyang Mataram, banjur nginep ing omahe Ki
Amongtrustha, kang nyugata dhahar wengi kanthi lawuh bubuk dhele. Ing Mataram,
Cebolang diwenehi ngerti dene sesaji ing kacar-kucur, yaiku upacara arep nikahake anak, ana
kacang kawak lan dhele kawak, beras kuning, kembang, lan dhuwit cring. (wikipedia).
Tembung “tempe” dirasa saka basa Jawa kuna. Ing jaman Jawa kuna ana panganan kang
werna putih digawe saka glepung/tepung sagu kang diarani tumpi. Tempe seger kang awarna
putih katon saemper karo panganan tumpi kasebut. Saliyane iku ana rujukan ngenani tempe
saka taun 1875 ing sawijining kamus basa Jawa-Belanda.
 Andharan kasebut nyata nuduhake lamun panganan kang diarani tempe iku dikenal
dening wong Indonesia wis pirang-pirang abad kawuri. Mula sepira bungahe lamun awake
dhewe iku duwe sawijining panganan khas kang ora diduweni dening tlatah liya.

2. Sega megono
Wis kondhang kaloka yen sega megana (sering ditulis megono), idhentik karo
Pekalongan. Ana kang duwe panemu yen mrgono iku saka tembung mergo tegese sebab lan
ono kang tegese ana.
Saliyane iku uga ana kang ngandharake yen sego megono iku saka sego, mego ‘awan’,
lan gegono ‘angkasa’. Yen rinakit tembunge dadi ukara megono = mego ing gegono. Banjur
saka kahanan iki ndadekake sego megono iki kaya mega ing gegana. Nitik saka wernane
mega lan angkasa kang putih resik, peteng, jingga lan abang branang.
Ana maneh kang ngandharake yen sing nemokake resep megono iku ahli logistik saka
Kraton Mataram jenenge Bandoro Raden Haryo Tejokusumo, putra Sri Sultan
Hamengkubuwono II. Ing taun 1825, Pangeran Diponegoro ajak-ajak supaya kabeh gelem
perang mungsuh Kolonial Belanda. BPH Tejokusumo kang rikala semana wis yuswa 56 taun
gelem melu lan mutusake menyang Mataram kanggo nyengkuyung Pangeran Diponegoro.
Minangka sawijining pawongan kang ahli logistik, piyambake ngrasa prihatin nulad prajurite
Pangeran Diponegoro kang kerep kekurangan pangan, saka pambudidayane, piyambake
nemokake lawuh kang praktis lan gampang dimasak ing ngendi wae lan kapan wae, kanthi
bahan kang akeh dumunung ing saindhenging Jawa Tengah, piyambake milih nangka.
Nangka mau dicacah dadi cilik lan dibumboni saanane. Bumbu-bumbu mau banjur diulet
karo klapa parutan. Banjur klapa parutan kang wis dibumboni mau banjur dicampur karo
nangka, mula banjur diarani megono.
Saka andharan kasebut sega megono mung awujud prasaja jebul nyimpen sejarah
perjuwangan kamardikan Indonesia kang elok banget. Saliyane iku, awake dhewe kudu
bombong lamun pepundhen lan leluhure dhewe iki ahli ing babagan logistik.
3. Thiwul
Wektu iki thiwul dikenal minangka jajanan pasar kang merakyat. Panganan iki gampang
ditemokake ing sawenehe papan. Yen diturut saka sejarahe, thiwul iku mula bukane
minangka panganan pokok masarakat ing jaman biyen nalika penjajahan Jepang lan udakara
ing taun 1960-an. Thiwul digawe saka pohung (singkong) didadekake panganan pokok
kanggo ngganti beras nalika regane larang lan ora bisa ketuku. Ing jaman biyen thiwul
dipangan kaya dene sega, kanthi lawuh lan jangan/sayur.
Thiwul digawe saka pohung kang dipeme nganti garing, utawa kulina diarani gaplek.
Gaplek banjur didheplok nganti alus, banjur didang nganti mateng. Asil dang-dangan iki
kang diarani thiwul. Yen dipangan minangka panganan pokok, thiwul bisa dipangan nganggo
lawuh jangan lombok ijo, tempe gembus goreng, lan sambel.
Sega thiwul kulina digathukake karo kemelaratan, nanging kabeh mau ora bener satus
persen, sebab ing tlatah liya thiwul iku dadi pangan favorit. Tuladhane ing Madiun. Saliyane
dadi panganan kang disenengi, thiwul uga menyehatkan, mligine kanggo kang duwe lara
diabetes, darah tinggi, lan sapiturute. Thiwul uga dipercaya bisa nyegah lara maag.
Siji maneh panganan kang kawentar lan minangka sawijining perangan kang baku
tumrap perjuwangane para pahlawan kamardikan. Saliyane iku pejuwang biyen iku ora mikir
apa kang dipangan nanging kepiye bisane Indonesia iku mardika.

4. Lumpia Semarang
Panganan iki khas banget lan nikmat banget yen dimaem nalika anget. Luwih enak
maneh yen ditambah saos kental manis. Isine lumpia iku ing antarane bung (rebung), ayam,
endhog, lan urang. Isen-isen kuwi mau dibuntel nganggo kulit kang digawe saka adonan
gandum saemper karo kulit martabak. Yen wis dibuntel sakabehe.
5. Sega Gandul Pati
Sega gandul iki pancen khas banget amarga nggunakake bumbu kang mligi saka kutha
Pati. Sega iki diajangi nganggo piring kang dilambarigodhong gedhang, diwenehi duduh
kang rada gurih legi, lawuhe daging sapi iris ciik-cilik. Bisa ditambahi lawuh liyane,kayata
tempe goring, ayang bacem, endhog bacem,lan sapiturute.
6. Sega Liwet Solo
Sega liwet iku sega gurih kang dimasak nganggo santen klapa, lan disuguhake kanthi
sayur jipan (labu siam), daging pitik opor disuwir-suwir, endhog bacem. Rasane gurih lan
enak amarga saka sega lan sayure.
7. Mendoan Purwokerto
Mendoan iku panganan kang bahan dhasare saka tempe. Tempe sadurunge digoreng
dicelupake ana ing adhonan kang digawe saka gandum lan dicampuri irisan godhong
brambang.
8. Garang asem
Garang asem minangka sawijining panganan sehat amarga ora kakehan gajih (lemak).
Kena ngapa? Amarga garang asem anggone masak kanthi cara didang (dikukus). Jumbuh
karo jenenge, garang asem duwe rasa kang khas yaiku rasa asem lan gurih. Rasa asem iku
saka blimbing wuluh kang minangka bahan dhasar lan bumbu utama panganan iki. Anggone
ngedang dibuntel nganggo godhong gedhang nambahi rasa sedhep. Isen-isen garang asem iki
umume pitik.
9. Sambel Bajak
Yen miturut saka jenenge pancen kaya sambel-sambel umume. Sing mbedakake karo
sambel liyane yaiku, nalika nggawene dicampuri nganggo banyu asem. Mula saka iku ora
mung rasa pedhes sing dirasakake, nanging uga rasa seger saka banyu asem kuwi.
10. Utri
Utri yaiku panganan tradisional kang digawe saka gula jawa banjur dimasak lan
dikukus, rasane enak lan legi amarga gula jawa nanging menawa ditambah ager-ager bubuk
lan santen rasane dadi nduweni tekstur sing kanyal, manis uga gurih.

LEMBAR KERJA SISWA

1. Andharna jinise panganan kang digawe saka ketan lan beras ing
dhaerahmu! Wangsulan:
2. Sebutna jinise panganan khas kang dibuntel godhong gedhang lan
janur! Wangsulan:
3. Jlentrehna mbok menawa saka jeneng panganan khas iku ngemot crita utawa
sejarahe! Wangsulan:
4. Jlentrehna panganan kang digoreng, didang apa dene
digarang! Wangsulan:
5. Gaweya pitakon kang ana sesambungane karo wacan ing
ndhuwur! Wangsulan:
 UJI KOMPETENSI

I. Pilihen salah siji wangsulan a,b,c,d, utawa e ing ngsior iki kang koanggep sing paling
bener!

1. Panganan wujude bunder dawa digawe saka beras lan dibuntel godhong gedhang yaiku
….
a. lemper
b. kupat
c. lonthong
d. randha royal/tape goreng
e. karok/cengkarok
2. Panganan sing digawe saka beras dibuntel janur wujude pesagi yaiku ….
a. lemper
b. kupat
c. lonthong
d. randha royal/tape goreng
e. karok/cengkarok
3. Panganan sing digawe saka ketan, isine abon utawa srundeng, dibuntel godhong
gedhang, lan didang yaiku ….
a. lemper
b. kupat
c. lonthong
d. randha royal/tape goreng
e. karok/cengkarok
4. Panganan sing digawe saka tape pohung, dicelupke adonan gandum, lan digoreng yaiku
….
a. lemper
b. kupat
c. lonthong
d. randha royal/tape goreng
e. karok/cengkarok
5. Panganan sing digawe saka sega wayu dipeme nganti garing, banjur digoreng yaiku ….
a. lemper
b. kupat
 c. lonthong
d. randha royal/tape goreng
e. karok/cengkarok
6. Panganan tradisional kang asale saka Cilacap yaiku....
a. brem
b. thiwul
c. gaplek
d. emping mlinjo
e. sega gandhul
7. Thiwul lan gaplek minangka panganan kang asale saka Wonogiri digawe saka bahan ....
a. ketan
b. tepung beras
c. pohung
d. tela
e. gandum
8. Dawet Ayu iku panganan khas saka ....
a. Brebes
b. Banjarnegara
c. Kebumen
d. Cilacap
e. Kudus
9. Sate kelinci iku panganan khas saka ...
a. Pati
b. Purbalinga
c. Salatiga
d. Semarang
e. Karanganyar
11. Mendoan iku panganan khas saka Purwakerto kang digawe saka bahan dhasare ...
a. Tahu
b. Tempe
c. Tela
d. Pohung
e. Kacang
12. Tahu gecot yaiku panganan tradisionil saka daerah ....
a. Jepara
b. Banyumas
c. Wonogiri
d. Karanganyar
e. Solo
13. Panganan tradisionil randha royal asale saka ....
a. Kudus
b. Jepara
c. Semarang
d. Cilacap
e. Brebes
14. Panganan khas saka Semarang kang digawe saka rebung,ayam,endhog, lan urang kang
dibuntel nganggo adonan gandum jenenge ....
a. Lumpia
b. Martabak
c. Sosis
d. Resoles
e. Pastel
14.Panganan tradisionil iku sejatine minangka ....
a. Tinggalane bangsa Portugis
b. Tinggalane bangsa Walanda
c. Tinggalane bangsa Jepang
d. Tinggalane bangsa Arab
e. Tinggalane para leluhur bangsa Jawa
15.Panganan tradisionil saiki isih ana ing pabrayan Jawa mula saka kuwi perlu ....
a. Disirnakake
b. Disingkirake
c. Ditinggalake
d. Dimusnahake
e. Dilestarekake
16. Panganan tradisionil iku sejatine minangka salah sawijining panging ....
a. Wit-witan
b. Tetukulan
c. Tetuwuhan
d. Kawibawan
e. Kabudayan
17. Panganan tradisional sing asli saka kutha Sala yaiku ....
a. Sega pecel
b. Sega gudeg
c. Sega uleg
d. Sega gandhul
e. Sega liwet
18. Srabi yaiku panganan khas Sala kang digawe saka ....
a. Ketan
b. Pohung
c. Tela
d. Tepung beras
e. Gandum
19.Panganan iki uga nduweni makna nglakoni manawa manungsa mesti nduweni kaluputan
yaiku ....
a. Lontong
b. Kupat
c. Wajik
d. Jenang
e. Arem-arem
20.Gethuk goreng yaiku panganan khas daerah ....
a. Sala
b. Jepara
c. Banyumas
d. Brebes
e. Banjarnegara
II. Wangsulana pitakon ing ngisor iki kanti trep!
1. Sebutna panganan tradisionil kang digawe saka beras lan
ketan! Wangsulan:
2. Sebutna panganan tradisionil kang dibuntel godhong gedhang lan
janur! Wangsulan:
3. Sebutna panganan tradisional kang didang, digoreng, lan
digarang/dibakar! Wangsulan
4. Jlentrehna teks deskripsi panganan tradisional Jawa lan kekhasane ing desamu!
Wangsulan:
5. Sebutna panganan tradisional kang dibuntel nganggo adonan
gandum! Wangsulan

PERBAIKAN

Sebutna jinise panganan tradisioil lan asal daerahe!

No Jenenge panganan Asal daerah

PENGAYAAN

Goleka artikel utawa tulisan saka media cetak utawa elektronik ngenani panganan tradisionil
Jawa!
 ULANGAN HARIAN 2

I. Pilihen salah siji wangsulan a,b,c,d, utawa e ing ngisor iki kang koanggep paling
bener!

1. Ing ngisor iki sing ora kalebu istilahe pambyawara yaiku ....

a. Pranatacara
b. Pranata adicara
c. Pariwara
d. Protokol
e. Master of cermony

2. Ayahane pambyawara yaiku mbiwarakake laku-lakune tatacara lumantar ....

a. Wicara lugu
b. Ariwarti
c. Kalawarti
d. Layang kabar
e. Majalah

3. Supaya rancag anggone nglantarake lakune adicara ing sajroning tatacara mula
pambiwara kudu makarya bebarengan karo ....

a. Pamong praja
b. Hamong tamu
c. Pangarsaning pamong pahargyan
d. Punggawaning desa
e. Seniman pametri budaya

4. Acara kang dibiwarakake dening pambyawara iku jumbuh karo ....

a. Rancangane dhewe
b. Reka-rekane dhewe
c. Rencanane dhewe
d. Gagasane dhewe
e. Rancangan pamonging karya
5. Pambyawara jroning wicara ana sawijining karya kang lumrahe ....

a. Kudu sora
b. Lirih banget
c. Samadya jumbuh karo swasana
d. Sora banget
e. Klesak klesik bae

6. Pambyawara kudu bisa ajur- ajer lan njumbuhake swasana lan papan gelaring karya. Ajur
- ajer tegese ....

a. Ajur mumur
b. Ajur tenan
c. Ajur tanpa tilas
d. Ajur tanpa aran
e. Nyawiji marang sapa bae

7. Pambyawara anggone migunakake basa kadya nganggo basa kang leres. Basa kang leres
tegese ....

a. Basa sing dakik-dakik

b. Basa sing angel dimaknai
c. Basa sing angel dimangerteni
d. Basa kang jumbuh karu paugeraning paramasastra
e. Basa kang rucah

8. Pranatacara kuwi sawijining paraga sing duwe jejibahan nglantarake titilaksana sawijining
upacara ing ngisor iki, kajaba ...

a. Upacara adat temanten Jawa

b. Upacara resmi/formal
c. Upacara pajamuan
d. Upacara pengaosan
e. Upacara kerja bakti

9. “Assalamualaikum Warahmatullahi wabarokatuh” utawa tembung “nuwun kawula

nuwun” kalebu perangan ...
 a. Titi mangsa
b. Salam pambuka
c. Sapa aruh
d. Wasana
e. panutup

10. Ing perangan panutup pranatacara ngaturake babagan ....

a. salam pambuka lan atur panuwun

b. puji syukur konjuk marang Gusti ingkang Maha Kuwasa
c. sapa aruh marang kabeh para tamu
d. ancasing gati utawa apa kang dadi maksude adicara
e. acara kang dirantam wis lumaku lan njaluk pangapura yen anggone
nindakake pagawean ana kaluputan

11. Ing ngisor iki arane panganan tradisional Jawa, kajaba ....

a. lemper
b. burger
c. lontong
d. thiwul
e. garang asem

12. Panganan ing ngisor iki kang digawe saka pohung yaiku ...

a. lemper
b. semarmendhem
c. thiwul
d. lonthong
e. srabi

13. Panganan tradisional khas saka kuta Solo yaiku ...

a. sego gandul
b. sego megono
c. sego liwet
d. sego jagung
e. sego jenang
14. Panganan ing ngisor iki dibuntel nganggo godhong gedhang, kajaba ....

a. lemper
b. nagasari
c. lonthong
d. lemet
e. kupat

15. Panganan kang dibungkus nganggo janur yaiku ...

a. lepet
b. lemet
c. lemper
d. kupat
e. lonthong

16. Legondho yaiku panganan kang digawe saka ....

a. beras
b. gandum
c. ketan
d. pohung
e. tela

17. Panganan khas asale saka Semarang digawe saka rebung dibuntel nganggo kulit
endog jenenge ....

a. srabi
b. lumpia
c. lemper
d. lonthong
e. mendoan

18. Tempe mendoan yaiku panganan tradisional khas daerah ....

a. Semarang
b. Purwakerta
c. Wonogiri
 d. Banyumas
e. Cilacap

19. Gaplek lan thiwul iku panganan khas daerah ....

a. Boyolali
b. Cilacap
c. Kebumen
d. Wonogiri
e. Klaten

20. Sate ambal, klanthing, lan sega penggel iku panganan khas daerah ....

a. Boyolali
b. Cilacap
c. Kebumen
d. Wonogiri
e. Klaten

II. Wangsulana pitakon-pitakon ing ngisor iki kanthi trep!

1. Apa kang diarani pranatacara
iku? Wangsulan:
2. Sebutna perangane teks pranatacara!
Wangsulan:
3. Sebutna teknik maca pranatacara!
Wangsulan:
4. Sebutna panganan tradisional daerah
Banyumas! Wangsulan:
5. Sebutna jenise panganan kang dibungkus nganggo godhong
gedhang! Wangsulan:

PERBAIKAN

Goleka artikel ing media massa utawa internet babagan panganan tradisional daerah!

PENGAYAAN

Gaweya teks pranatacara ulang taun kancamu!

 BAB 5
ANGKA JAWA
Kompetensi Dasar

3.5 Mengidentifikasi kaidah penulisan aksara Jawa dalam dua paragraf yang menggunakan
aksara angka.

4.5 Menulis dan menyajikan dua paragraf berhuruf jawa yang menggunakan aksara angka.

Indikator:
1. Membaca contoh teks dua paragraf aksara Jawa yang mengintegrasikan aksara
angka mencermati uraian yang berkaitan kaidah penulisn aksara Jawa.
2. Mempertanyakan kaidah penulisan aksara Jawa yang belum dipahami
3. Menemukan pokok-pokok isi yang terkandung di dalam dua paragraf aksara Jawa yang
mengintegrasikan aksara angka
4. Menulis teks dua paragraf aksara Jawa yang mengintegrasikan aksara angka dari
wacana berhuruf Latin.
5. Menyunting kesalahan aksara Jawa tulisan teman
6. Berdiskusi kaidah penulisan aksara Jawa yang mengintegrasikan aksara angka
7. Menyajikan secara lisan atau tulisan dua paragraf aksara Jawa yang
mengintegrasikan aksara angka yang ditulis.

A. MATERI

AJAR ANGKA

JAWA

0 5

1 6

2 7

3 8

4 9
 2013 :
Tuladha 1945 :
2012 :
 Taun 2014 aku bali.

LEMBAR KEGIATAN SISWA

Wacanen banjur tulisen latine!

a.

b.
 UJI KOMPETENSI

I. Pilihen salah siji wangsulan a,b,c,d, utawa e ing ngisor iki kang koanggep paling
bener !

1. 12345. Yen ditulis nganggo aksara Jawa yaiku .

… a.

b.

c.

d.

e.

2. 1781945. Yen ditulis nganggo aksara Jawa yaiku .

… a.

b.

c.

d.

e.

3. 2013. Yen ditulis nganggo aksara Jawa yaiku .

… a.

b.
 c.

d.

e.

4. 9876. Yen ditulis nganggo aksara Jawa yaiku .

… a.

b.

c.

d.

e.

5. 163592. Yen ditulis nganggo aksara Jawa yaiku .…

a.

b.

c.

d.

e.

6.

Aksara Jawa ing nduwur menawa katulis latin dadi ....

a. Bapak budhal kantor jam 7 esuk.

b. Bapak mangkat ngantor jam 8 esuk.

c. Bapak tindak kantor jam 8 esuk.

d. Bapak tindak kantor jam 7 esuk.

e. Bapak tindak kantor jam 9 esuk.

7. 125 layangan yen ditulis aksara Jawa

... a.

b.

c.

d.

e.

8. yen ditulis latin dadine...

a. Wani ngalah dawa walesane

b. Wani ngalah ora oleh upah
c. Wani lunga kudu wani bali
d. Wani ngalah dhuwur wekasane
e. Wani ngalah luhur wekasane

9. Serat wedhatama yen ditulis nganggo aksara jawa dadine…

a.

b.

c.

d.

e.

10. …

Sesanti kang sinerat jawi ing nginggil jangkepanipun …

 a.

b.

c.

d.

e.

II. Wangsulana pitakon-pitakon ing ngisor iki kanthi trep!

1. Tulisen nganggo aksara Jawa tanggal

lairmu! Wangsulan:

2. Tulisen nganggo aksara Jawa alamat omahmu kalebu rt lan rw ne!

Wangsulan:

3. Tulisen nganggo aksara Jawa tanggal kemerdekaan bangsa Indonesia!

Wangsulan:

4. Tulisen Identitasmu nganggo Aksara jawa!

Wangsulan:

5. Tulisen nganggo Aksara Jawa dina gedhe nasional!

Wangsulan:

PERBAIKAN

Tulisen jeneng lan tanggal laire kancamu sakelas!

PENGAYAAN

Gaweya crita 2 paragraf kang isine ngemot tanggal lan angka!

 Latihan Soal Ulangan Akhir Semester

Pilihen salah siji wangsulan a,b,c,d, utawa e kang koanggap paling bener!

1. Jinejer ing Wedhatama

Mrih tan kemba kembenganing
pambudi Mangka nadyan tuwa pikun
Yen tan mikani rasa
Yekti sepi sepa lir sepah
asamun Samasane pakumpulan
Gonyak- ganyuk nglelingsemi
Tembang ing ndhuwur kalebu ....
a. Pocung
b. Kinanthi
c. Pangkur
d. Megatruh
e. Durma
2. Tembang kang watake semangat, perwira tegese kanthi temen anggone ngedohi hawa
nepsu ing kadonyan supaya ora nganggu anggone urip yaiku ....
a. Megatruh
b. Maskumambang
c. Mijil
d. Dandhanggula
e. Pangkur
3. Guru wilangane tembang Pangkur baris kapisan ana ....
a. 10
b. 9
c. 8
d. 7
e. 6
4. Guru gatrane tembang pangkur cacahe ana ....
a. 5
b. 6
c. 7
d. 8
e. 9
5. Guru lagune tembang Pangkur yaiku ....
a. a,i,u,a,u,a,i
b. a,u,a,u,a,i,a
c. i,a,u,i,a,u,a
d. a,i,a,u,a,i,a
e. i,a,a,i,u,a,i
6. Serat Wedhatama pupuh pangkur iku kaanggit dening ....
a. Mangkunegara I
b. Mangkunegara IV
c. Ranggawarsita
d. Pakubuwana I
e. Hamengkubuwana IV
7. Sing dadi ageming aji ana ing tembang pangkur yaiku ....
a. Banda
b. Agama
c. Kepinteran
d. Kaluwihan
e. Omah
8. Ing ngisor iki pratelan kang ora bener babagan serat Wedhatama yaiku ....
a. Serat wedhatama ngajarake tuntunan moral ing babagan etika pribadi
b. Serat wedhatama ngajarake tuntunan moral minangka perangan saka pendhidhikan
karakter ing babagan etika sosial
c. Serat wedhatama ngajarake supaya aja tumindak kaya dene tumindake wong bodho
kang omongane ora karuan lan ora tinemu.
d. Serat wedhatama ngajarake tuntunan moral ing babagan nembah mring Kang Maha
Kuwasa
e. Serat wedhatama ngajarake supaya ngendel-ngendelake kekuatan, kaluwihan,lan
kapinteran
9. Ing ngisor iki kalebu unsur instrinsik cekak, kajaba ....
a. Tema
b. Amanat
c. Latar
d. Paraga
e. Latar belakang pengarang
10. Nilai kang ana sesambungane karo pamikir,pakulinan, lan asil karya cipta yaiku ....
a. Budaya
b. Sosial
c. Moral
d. Religius
e. Edukasi
11. Perkara kang dadi punjere crita diarani ....
a. Setting
b. Watak
c. Paraga
d. Konflik
e. Sudut pandang
12. Esuk iki langite katon isih peteng, pedhute kandhel banget lan hawane adhem banget.
Pratelan ing ndhuwur diarani ....
a. Tema
b. Amanat
c. Latar
d. Setting
e. Paraga
13. Andharan kang asipat nyata kang bisa kabuktekake lumantar gambar,photo,tabel, lan
grafik diarani ....
a. Sinopsis
b. Simpulan
c. Fakta
d. Opini
e. Konflik
14. Ing ngisor iki minangka ciri-ciri pawarta, kajaba ....
a. Tinemu ing akal
b. Informasi pepak jumbuh karo 5W + 1 H
c. Struktur basane trep
d. Diksine ambigu
e. Narik kawigaten
15. Mengeti hari Jadi kaping 25, Mahasiswa muslim pecinta alam (malimpa) UMS badhe
nggelar workshop nasional vulkanologi benjang tanggal 20-25 Mei 2016. Workshop
kanthi tema “Vulkanologi, Bencana, dan Potensi terhadap Sumber Daya Alam” punika
kagelar ing kalih panggenan, kampus UMS saha kawasan Gunung Merapi.
Pawarta kasebut bisa njawab pitakonan ing ngisor iki, kajaba ....
a. Apa
b. Sapa
c. Kapan
d. Ana ing ngendi
e. Geneya
16. Ing ngisor iki kalebu perangane omah Jawa, kajaba ....
a. Teras
b. Pringgitan
c. Dalem agung
d. Genthong
e. Gandhok
17. Perangan omah adat Jawa kang digunakake kanggo kulawarga lan asipat luwih tinutup,
kanggo ngrembag urusan kaluwarga kanthi bebarengan yaiku ....
a. Teras
b. Pringgitan
c. Dalem agung
d. Krobongan
e. Gandhok
18. Sawijining paragrap kang nggambarake objek kang sanyatane diarani paragrap ....
a. Deskripsi
b. Persuasi
c. Argumentasi
d. Eksposisi
e. Narasi
19. Tembung loro utawa luwih kang tegese padha lan digunakake bebarengan yaiku ....
a. Tembung saroja
b. Tembung Garba
c. Tembung plutan
 d. Tembung entar
e. Tembung aran
20. Tembung kang suda cacahe aksara utawa tembnge. Umume kang suda iku aksara kang
mapan ing satengahe tembung. Tembung dadeane uga ora duwe teges anyar diarani ....
a. Tembung saroja
b. Tembung garba
c. Tembung plutan
d. Tembung aran
e. Tembung entar
21. Nuladha laku utama
Tumrap e wong tanah Jawi
Wong Agung ing Ngeksi ganda
.....
Pethilan bait ing nduwur kalebu tembang ....
a. Pangkur
b. Sinom
c. Pocung
d. Kinanthi
e. Gambuh
22. Amemangun karyenak tyasing sasama.
Gatra ing ndhuwur nduweni guru wilangan cacah....
a. 8
b. 9
c. 10
d. 11
e. 12
23. Tanapi ing siyang ratri. Tembung ratri tegese ....
a. Awan
b. Bengi
c. Sore
d. Esuk
e. Magrib
24. Pratelan kang ateges ngendhaleni hawa lan nepsu yaiku ....
a. Nuladha laku utama
b. Kapati amarsudi
c. Sudaning hawa lan nepsu
d. Tanapi ing siyang ratri
e. Amemangun karyenak tyasing sasama
25. Wayang kang digambar ana ing kertas utawa kulit diarani ....
a. Wayang golek
b. Wayang beber
c. Wayang kulit
d. Wayang wong
e. Wayang klithik
26. Ing ngisor iki bisa dadi sumbere cerita wayang, kajaba ....
a. Cerita Mahabarata
b. Cerita Ramayana
c. Cerita Menak
d. Cerita Panji
e. Cerita telenovela
27. Nilai-nilai kang kamot ana ing sajroning crita wayang, kajaba ...
a. Tanggap sasmita/empati
b. Jujur
c. Blenjani janji
d. Tanggung jawab
e. Mad silamadan
28. Paraga wayang ana ing cerita mahabharata kang nduweni sipat seneng gawe masalah
utawa seneng pradul yaiku ...
a. Bisma
b. Durna
c. Sengkuni
d. Kresna
e. Yudhistira
29. Perang antarane Pandhawa lan Kurawa diarani ...
a. Perang Bubat
 b. Perang Kembang
c. Perang Dunia
d. Perang Barathayuda
e. Perang Bubrah
30. Bapake para Pandhawa ana ing cerita Mahabharaya yaiku ....
a. Bisma
b. Durna
c. Sengkuni
d. Kresna
e. Pandhu Dewanata
31. Raden Gathutkaca iku satriya ing ....
a. Ngastina
b. Pringgodani
c. Jodhipati
d. Bumi retawu
e. Madukara
32. Prabu Kresna ratu ing ...
a. Mandura
b. Cempala
c. Ngamarta
d. Dwarawati
e. Ngastina
33. Panganan tradisional sega thiwul iku kawentar saka kutha....
a. Sala
b. Sragen
c. Sukoharjo
d. Wonogiri
e. Karanganyar
34. Panganan tradisional kang digawe saka tepung ketan dibunderi lan njeroni diwenehi
gula jawa diarani ....
a. Kolak
b. Klepon
c. Tape
 d. Mendoan
e. Lemper
35. Gethuk goreng minangka panganan tradisional saka daerah ....
a. Banjarnegara
b. Banyumas
c. Brebes
d. Cilacap
e. Kudus
36. Panganan tradisional saka Surakarta kang digawe saka beras kang diliwet banjur
digaringke trus digoreng diarani ....
a. Sega liwet
b. Sega goreng
c. Intip goreng
d. Srabi
e. Klepon
37. Panganan tradisional kang bentuke bunder gepeng kang digawe saka bahan dasar
mlinjo diarani ....
a. Srabi
b. Emping
c. Empek-empek
d. Ampyang
e. Gethuk
38. Ampyang yaiku panganan tradisional kang digawe saka ....
a. Tepung
b. Ketan
c. Kacang
d. Wijen
e. Pohung
39. Panganan tradisional ing ngisor iki kang digawe saka bahan dhasar pohung, kajaba ....
a. Kluwa
b. Thiwul
c. Blanggreng
d. Tape
e. Klepon
40. Gudeg yaiku panganan khas asale saka ....
a. Semarang
b. Yogjakarta
c. Surakarta
d. Wonogiri
e. Banjarnegara