Lawar
Lawar iku panganan tradhisional saka Bali. Sing racaké kanggo menu dhaharan ing karaméan - karaméan gedhé kaya ta acara othonan, kawinan, pasak, lan acara kaagamaan liyané. Lawar iku wujudé kaya urap nanging béda cara masaké.
Cara gawé lawar. Kacang panjang diiris cendhek-cendhek. Terus kacang kang wis diiris iku didang nganti mateng. Saliyané kacang panjang uga disiapna arès gedang kang paling jero saka gedebog gedhang, banjur diiris nganti lembut, banjur didang. Sawisé bahan-bahan iku didang banjur gawé sambel kang bahané iku kagawé saka klapa enom dibuka terus diparut kasar dibumboni lombok, empon-empon dicincang/ditumbuk, banjur diulet karo klapa kang wis diparut iku. Banjur bahan kacang lan arès gedhang diulet nganti rata karo parutan klapa kang wis diwènèhi bumbu, sabanjuré ditambahi getih babi, utawa getih bèbèk, utawa getih pitik kang isih seger banjur dicampur nganti rata. Sabanjuré lawar wis bisa disiapaké kanggo lawuh dhaharan ing sawijining acara adat ana ing Bali.
 | Artikel magepokan panganan iki minangka artikel rintisan. Kowé bisa ngéwangi Wikipédia ngembangaké. |