பேறையூர் தேவநாதசுவாமி கோயில்

பேறையூர் தேவநாதசுவாமி கோயில் புதுக்கோட்டை மாவட்டத்தில் உள்ள தேவார வைப்புத்தலமாகும்.

அமைவிடம்

புதுக்கோட்டைக்கு அருகில் உள்ளது. பெருமாநல்லூர் என்றும், தேவமலை என்றும் இவ்வூர் அழைக்கப்படுகிறது. உயரமான மலைப்பகுதியில் கோயில் தனியாக உள்ளது.

இறைவன்,இறைவி

குன்றைக் குடைந்து அமைந்துள்ள இக்கோயிலில் உள்ள இறைவன் தேவநாதர் ஆவார். இறைவி தேவநாயகி ஆவார்.

பிற சன்னதிகள்

பெருமிழலைக் குறும்ப நாயனார் சன்னதி உள்ளது. பெரிய குடவரைப் பிள்ளையார் காணப்படுகிறார். மண்டபத்தில் இறைவி சன்னதி உள்ளது.

மற்றொரு கோயில்

இவ்வூரிலுள்ள மற்றொரு சிவன் கோயில் நாகநாத சுவாமி கோயில் ஆகும். எண்ணற்ற நாக உருவங்கள் அங்கு காணப்படுகின்றன.