拉丁文

拉丁文属于印欧语系。从古罗马到18世纪拉丁文侪是欧洲个通用闲话。

拉丁文本身是意大利一个喊拉蒂姆小地方个闲话。后首来，箇个地方发展起来，变成罗马帝国，拉丁文也变成功罗马帝国个官方语言。罗马帝国被人家灭脱仔，罗马天主教仍旧用拉丁文当官方语言，一直到14世纪末期欧洲方言文学兴起，拉丁文个地位才开始动摇。西方国家个科技名词交关侪用拉丁文，梵蒂冈到现在还勒用拉丁文当官方语言。印欧语系个重要分支——罗曼语族侪是从5世纪个俗拉丁文来个。