Motto : Zir la. Tanpui la.

Humhim rawh

Theme :Pathian zarah huaitakin kan ti ang - Sam 108:13

ZIRLAITE KHAWNVAR
Vol. VIII Issue No.12 An official organ of the Mizo Students` Association, Bangalore Sunday February 17. 2013

ZIRLAITE TUKVERH
#. KLE College-a Pharmacy zirlaite chuan tun thla ni 23 - 25 chhung hian Internal exam an nei dawn. #. Kristu Jayanti College zirlaite pawhin tun thla vek, ni 22 - 25 inkar chhung hian Semester exam an nei dawn bawk a ni. #. Hetihlai hian Mt. Carmel College-a Post Graduate zirlai te chuan nimin, ni 16 February (Sat) atang khan Internal exam an nei tan a. Tun thla vek ni 21 hian an zofel ang. #. Tun thla ni 22 hian Florence Nursing College zirlaite chuan Lamp lightning function an nei dawn a. Hemi hunah hian Mizo zirlai awm ten Cheraw an kan dawn bawk. #. Tunlai hian UVCE zirlaite chuan semester chawlh an hmang mek a. Thenkhat Goa lamah te chawlh an hman laiin Zoram lama haw an awm nual bawk a. Amaherawhchu, kan Vice President Tv. Laldintluanga erawh chu a haw ve lem lo. #. Nimin khan St. Joseph College ah North East & Tibetan fest ropui tak neih a ni a. Hemi hunah hian Mizo zirlaiten Sarlamkai mawi tak an lantir bakah Hla do hmang ngeiin bul an tan a. Kalkhawm mipuiten an hlut hle niin thu kan dawng. #. Tunlai hi Bangalore Mizo Zirlaite kan awm kim hun lai ber niin a lang a. Hetianga zirlai awm kim rual hun hi a thleng zen zen lo a ni.

M.S.A. BASKETBALL TOURNAMNET NEIH MEK A NI

M.S.A.. Bangalore chuan kum danga kan lo neih thin tawh angin MSA Basketball Tournament chu nimin, 16th. February 2013 (Sat) atang khan Indranagar Basketball Court-ah neih tan a ni a. Karleh inrinni, 23rd February 2013 hian zawhfel hman beisei a ni. Kumin Tournament atan hian Team 6 an inlan a. Chu zingah chuan MSA Executive Committee Basketball Team te pawh an tel a ni. Zing dar 10 ah Tournament hawnna neih a ni a. Hemi hunah hian MSA Vice President leh Sport Sub-Committee Chairman ni bawk, Tv. Laldintluanga`n kaihhruaiin, MSAAdviser hlui leh BMA President ni bawk Pi Lalrinpui`in a hawng a. Tin, MSA Basketball Tournament Player senior Tv. Siama Sailo`in Oath taking kaihruaiin Team captain tinte thutiam a lak tir a. Chumi zawhah The Khuaizz leh MSA Executive Basketball Team ten Tournament game hmasa ber an tan nghal a ni. Group A 1. The Khuaizz 2. MSA Executive Committee Member 3. Dr. AIT Match result: Ist Match 2nd Match 3rd Match 4th Match 5th Match 6th Match : : : : : : Khuaiz Huzz & Photz Dr AIT Huzz & Photz Khuaiz Mandya v. MSA Team v. Krupanidhi v. MSA Team v. Mandya v. Dr AIT v. Krupanidhi - (48) (22) - (41) (38) - (21) (12) - (41) (25) - (44) (35) - (35) (32) Group B 1. Huzz & Phawtzz 2. Krupanidhi 3. Mandya Mizo

Semi Final (Ni 23 February 2013 ah khelh a ni ang): 1. The Khuaiz 2. Huzz & Phawtzz v. v. Mandya Mizo Dr. AIT

Hmeichhe Final (Ni 23 February 2013 ah khelh a ni ang): 1. KLE Girls v. Grace Home Girls

ZIRLAITE KHAWNVAR, MSA, BANGALORE SUNDAY, FEBRUARY 17, 2013. Editor in Chief : K. Remruatfela Mob. : 9036515569 Editor : John Vanlalruata Sailo Mob. : 8884952151 Jt. Editor : K. Zohmingmawii Mob. : 8884952153 Cir. Manager :R.K. Lalrinsangi K. Lalrinhlua M.S.A. News:

KAN HRUAITUTE I BELCHIANG ANG AW...

President - K.Remruatfela:
Kan President ding lai, Tv. Fela Ayala hi Serchhip khaw mi a ni a. Thu leh hla lama tui tak niin lehkhabu pawh pawl 11 a nih laiin a lo . tichhuak tawh a. Tunah hian bu 3 lai a khawrpum tawh a ni. Zirlaite Khawnvar Editor kumhlun niin nikum hmasa lam atang tawha MSA hruai hna lo thawk tawh thin a ni. Kohhran lamah pawh inhmang tak niin tunah hian KTP - Bangalore Branch Asst. Leader nihna chelh mekin, KLE Law College ah VIII. Sem. B.A.,LL.B a zir mek a ni. Vice President - Laldintluanga Kan Vice President Tv. Dintluanga hi mi ngawichawi leh zakzum tak, mahni thua thil ti ve thawr thawr ngai lo; amaherawhchu a hna chanpual an tuk tawh zo taka hlen duh mi a ni a. MSA term hmasa lamah MSA Executive Committee niin tunah hian UVCE College ah VI Sem. Sem of Civil Engineering a zir mek a ni. Tin, amah hi talent ngah tak niin Football pet leh Guiter perh a thiam hle bawk. Secretary - K. Malsawmthanga Tv. Sawmtea ti-a hriatlar, kan Secretary hi Lunglei khawchhuak niin, kan Vice President te anga tawngtam vak lo, ngawichawi angreng tak a ni a. Amaherawhchu, a ngawichawina hi tluknana hmanga lova a hunah chuan ri phat thei mai zel chi a ni. Krupanidhi College-a MCA Final yr zirlai a ni a. Kuminah hian Bangalore min chhuahsan tawh dawn a ni. Bangalore Mizo mipuiten kan uiin kan ngai dawn hle mai. MSA lamah hi chuan kumdangah hnuhma a la nei ngai lem lo. Asst. Secretary - Benjamin Vanlalruata Darshan College tlangval, kan Asst. Secretary ni bawk Tv. Benjamina hi pa chimlim tak, thil a nihna ang taka tih khip khep duh mi a ni. Amah hi pa fiamthu duh leh kawm nuam tak a ni a. A pumraw len ang aiin infiam lam a timi zekin Basketball phei chu thiam tak a ni. Tunah Darshan College ah BBM 2nd yr a zir mek. Treasurer - R.K. Lalrinsangi Gawahati lam atanga zirlai pawla lo inhmang sil tawh kan Treasurer ni lai mek Nl. Rki hi mi inpe zo tak, thinlung leh tihtakzeta a zirlaipuite hmangaihtu a ni a. Bangalore hi engtin nge Finna Khurpui ah kan chhuah theih ang tih hi a lungkham lian ber a ni. Tin, amah hi mi duh kherkhiap leh strict tak a ni a. MSA-a a thawhpuite pawh hian nu ang kan en an ti hial thin. Tunah hian KLE Law College ah IV Sem LL.B a zir mek. Fin. Secretary - Vanhmingliani Hnamte Kan Fin. Secretary, lamthiam, pian thiam bawk, zuanzang tha bawk si, engkima si hlir ni Nl. Hmingpuii hi naupang thangduang tak e ti lo chuan thu phuhchhuah ril thei taka ni a. Thuawih thei tak niin thil engkimah hian a phur em em thei vek mai a ni. A nu lenna hmang tangkai thiam takin niin infiamna, a bik takin Basketball lamah a tui em em a. Tunah hian an College Hmeichhe Basketball team Vice Captain ni mekin, Captain puiting la ni thuai tura beisei leh rinkai a ni. Jyoti Nivas College ah BA 2nd yr a exam mek...

M.S.A. PARTING SOCIAL cum ELECTION

Ni 23 March 2013 (Sat) hian MSA member kalchhuak turte thlahna leh kum 2013-2014 chhunga hruaitu thar thlanna, Parting Social cum Election neih tum a ni a. Ruahmanna chak taka kalpui mek niin Zirlaite Khawnvar issue chhuak leh hmasaah berah Programme kimchang rawn tarlan a ni ang. He hun hi Zirlai tam thei ang ber hip thei tura hot deuh taka hman tum a ni a. Chuvangin, Zirlaite pawhin kal theuh turin rilru i lo siam lawk ang u.

ZIRLAI TI THA CHAWIMAWINA

MSA chuan kum danga a lo tih thin tawh angin MSA Parting Social cum Election neih ni-ah Bangalore leh Karnataka chhunga Mizo Zirlai ti thate chawimawina a nei leh dawn a. Chuvangin, Semester exam hnuhnung ber (Even Semester) a 70% & above hmu apiang chuan kan Academy Covener Nl. Lallianmawii (8050083257) hnenah March ni 10 aia hmain kan in report theuh dawn nia. College Representatives theute pawh khan bengvar i lo chhuah ang u. Kum dang aia lawmpuina tha zawk hlan tum a ni.

Kan Chanchinbu hi tun session chhung kan Adviser Pu Lalhriatrenga`n min sponsor sak dawn a. A chungah kan lawm em em a ni.

ZIRLAITE KHAWNVAR, MSA, BANGALORE SUNDAY, FEBRUARY 17, 2013. LIVE - IN - RELATIONSHIP MSA BASKETBALL TOURNAMENT

PROGRAMME & NEPNAWI

Boys: 1st Price 2nd Pricee 3rd Price : Rs 7000 + Trophy + Certificate + Medal : Rs 5000 + Trophy + Certificaet + Medal : Rs 3000 + Trophy + Certificate + Medal Khawpuia awm Zofaten kan buaipui leh kan sawi ngun ber chu Live-in-Relationship Living together chungchang hi a ni ngai ang le. Hemi chungchang hi Zofate chauh pawh ni lovin hnam tin hian an lo buaipui ni awm a ni a. India rama Court rorelna sang ber Supreme Court pawhin Live-In-Relationship chungchangah tun hnai lawk khan kaihhruaina leh khuahkhirhna thar a siam ta rup mai. India ram Legal system kalphungah hian inneihna chungchangah te leh ro inchuh, thuam chhawm, chhungkaw inlaichinna chi hrang hrangah hian inkaihhruaina dan mumal tak a awm a. Chu chu Indian Marriage Act te, Indian Sucession Act te, Indian Divorce Act etc. tih te a ni a. Chung dan huang hrang hrangah chuan inneihna puitling nei thei tur chin bithliahna ulul tak siam a ni bawk a. Chu chu Indian Majority Act tih a ni a. A chunga kan sawi dan bung hrang chi hrang hrangin kaihhruaina leh ruahmanna a siam ang khian sawrkarin mi puitling chin ni-a a ngaihte chu inneih phalna (valid marriage) a pe thin a. Chung dan ang thlapa inneite chuan an inneihna kawngah harsatna an tawh chuan India rama Court bung hrang pakhat, Family Court an tihah dan ang thlapa chinfel thin a ni a. Amaherawhchu, tun hnaiah dan ang thlapa innei ni lo, nupa ang chiah chiaha khawsa ho va cheng dun si, nupa anga chhiar theih si loh tam tak an awm ta nuk mai a. Chutiang a nih avang chuan Supreme Court meuh pawhin mut hmawh hnar mawhah a nei ta a ni. Heng Live-In-Relationship chungchanga Supreme Court in ruahmanna a siam danah chuan heng inngaizawng, mipa leh hmeichhia inkhata hun rei tak cheng ho tawhte chu nupa dik tak anga ngaih ni lo mah se, Cr.P.C. Sec 125 in a phut angin mipa-in a chhuahsan hnuah hmeichhia chhawmdawlna (Maintenance) a pe tur a ni a. Hmeichhiain a mamawh anga mipain a pe duh lo a nih chuan Court in a chungthu a relsak thei ang. Chutiang anga Court sang berin thutlukna a siam rup takah chuan inngaizawng, mipa leh hmeichhiate pawh kan fimkhur lehzual a ngai hle niin a lang a. Live-InRelationship hrim hrim hi sawrkar duh loh a nih bakah Pathian huat zawng ber thil a ni a. Chuvangin, min siamtu Pathian zah vang tal pawhin keini MSA member te chuan i ching ve lo hram ang u...

MVP : Rs 1000 + Trophy + Zoram Khawthlir Book + Thamral Theilo Nunhlui Book Fair play award: Trophy Girls: 1st Price 2nd Price : Rs 1000 + Medal + Certificate : Rs 700 + Medal + Certificate

Common: Tournament Award: Rs 500 Opening Ceremony: : Ni 16th. March 2013; Dar 9:00 A.M. : Indranagar Basketball Court (IBBA),Indranagar 1st Stage,5th main Chairman : Tv. Laldintluanga, Chairman (Organizing Committee) & Vice President Oath taking : Tv Lalthansiama (Siama Sailo) Tournament Hawngtu: Pi Lalrinpuii, BMA President Final Day Programme: Chairman : Tv PC Lalnunpuia, i/c Secretary Chief Guest : Tv. K.Remruatfela, President, MSA Short Speech : Chief Quest Vote of Thanks : Tv. Laldintluanga, Chairman (Organizing Committee) & Vice President Note: 1. Final kheh ni hian Tribal Beatz group ten Half Time Show an nei ang. 2. Final khelh zawhah hian Prize Distribution a awm ang a. Chu chu President in a kaihruai ang. A hun A hmun

MSA BASKETBALL TOURNAMENT

Mimal points score tam te : 1. Fpa (Dr AIT) 2. Nauba (HUZZ & PHOTZ) 3. Puia (KHUAIZ) 4. Hriatkima (HUZZ & PHOTZ) 5. Benjamin (Dr AIT) 6. Maitea (KHRUPS) 7. Sangzuala (KHRUPS) 8. Ricky (MANDYA)

: 27 points : 19 points : 16 points : 14 points : 14 points : 14 points : 14 points : 12 points

ZIRLAITE KHAWNVAR, MSA, BANGALORE SUNDAY, FEBRUARY 17, 2013.

M.S.A. REPORT (2012)

MSA, Bangalore chuan Pathian khawngaihna azarah Term chanve a hmang zo awrh tihah Bangalore Mizo Zirlaite tana thiltih sawi tur a nei ve nual tawh a. Tun term chhunga hmalakna kan neih tawhte a tlangpui thu a mal malin lo lawr zur zur ila: Hmalaktawhna te: (a) MSA website changtlung tak, MSA chungchang leh College information tarlannan siam a ni tawh a. Domain name atan www.msabangalore.org tih a ni. (b) MSA Official Newsletter Zirlaite Khawnvar chanchinbu chu copy 200, thlakhatah vawi 2 chhuah thin a ni a. Amaherawhchu min sponsor tu transfer-a a awm avangin thlakhatah vawi 1 chauh tihchhuah a ni ta a ni. (c) BMA in Summer Sport MSA kutah awm ve tawh se tia a ngenna chu pawm a ni a. June thla khan Aizawl a Summer Sport neih naa Bangalore hminga tel te, MSA in kan enkawl a ni. (d) Bangalore hmuna Admission lo ti thar tur te a theih ang anga tanpui leh kawng kawhhmuh thin a ni a. Help line te siam niin a then Airport ah te hmuakin a hmun thlengin Admission te tihpui thin a ni. (e) Nikum kum laihawl tawp lama Muslim leh India Hmarchhak mipui inrikrapna thuthang leng vel karah remna zawngah nasa takin a hmanhlel a. Mipuite pawhin an thlamuanpui hle niin kan hria. (e) Scholarship form awl sam baka Bangalore-a lei theih nan chahthlak leh zawrh a ni bawk. (f) MSA chuan Zirlai rethei harsa zual 3 Chhippui khua mite chu an lehkhazirna tur atan Rs 5000 theuhin a sponsor mek a ni. (g) Zirna Kutpui cum GB meeting, Sept 8th ah neih a ni a. Hemi ni hian Quiz-te, Debate-te, Extempore Speech-te, solo leh group item hrang hranga in elna neih tawh a ni a. Hemi ni hian Zirlai rual 400 dawn kalkhawmin ruai tui tak kilhho nghal bawk a ni. He Kutpui atan hian sum leh pai invole pawh a tam angreng hle. (h) Bangalore chhunga Mizo Zirlaite tamna college te tlawh a nih bakah Mysore leh Mandya zirlaite tlawh an ni bawk. (i) Ni 8th. Dec 2012 khan Pu Lalrokhuma Pachuau DG & IGP quarter ah MSA Day ropui taka lawm a ni.

FOOTPRINTS 6.0.
(St. Joseph North East & Tibetan Cultural Exchange) Melanie Hmar Mizoram State Representative St.Josephs Arts & Science College St.Josephs Arts and Science College-a North Eastern and Tibetan students forum chuan kum 5 kal ta atanga kan lo tih dan ziah in nimin, ni 16 February khan Bangalore a zirlai North East leh tibet atanga lo kal te tana in hmuh khawmna hun (fest) FOOTPRINTS 6.0 chu kan hmang a. Tlai dar 4 ah tanin, Bharat Dev Verma, Prince of Tripura chu kan Chief guest a nih piah lamah kan principal Father Daniel Fernendes-a birthday a lo ni bawk nen kan tan he ni hi a hlu zual hle. Programme hmasa lam chu musical session atan hman a ni a. Chumi zawhah formal function rei lo te neih a ni a. Chumi zawh dar 6:30 vel ah chuan State tin ten kan hnam lam leh zai threuh kan thiam ang tawk in kan entir a. Keini Mizo zirlai te pawn hla do leh silai kap nen ngei a tan-in Sarlamkai kan lam ve a. Kan rin ai leh kan phu rual lohin mipui in an lawm hle a. Tunlai tawngkam takin a hit top a ni mai!! Hemi lam leh zai hun a zawh hian he fest a lo kal ten an nghahlelh ber te zinga mi kan hnam kawr theuh kan entir na ramp walk chu kan nei a. Zirlai ten kan hnam inthuamna theuh te tunlai deuh hlek mila chei danglamin leh a nih ang tak a ha te pawn kan entir nual a. Mipui in an hlimpui hle. Amaherawhchu Bangalore Police in zan dar 9 thleng chauh phalna min pek avangin, kham lo chung chung in kan tin ta a ni. Kan college Mizo zirlai te aiawhin kan thiante leh Josephite pui Raphael-a leh Lalnunthara (duata) te chhungkua leh aizawl atanga North eastern consultancy services ten kan budget phak loh hlaua thahnem ngaiia min tranpuina avangin an chungah lawmthu ka sawi a. Tin, kan lam a min pui tu te, kan Mizo pui, college danga kal kan thiante Irene, Mami. Tabithyi leh Mapuii te - in chungah kan lawm tak zet e! Tin, kan college a ka Mizo zirlai pui te in thawhrim na leh in inpek na hi a namen lo a. Hruaitu nih tlin lo hle mah ila min hrethiam leh lungrual pui thei zelin dawhthei taka hna min thawhpui thin avangin ka lawm tak zet a ni.