კარლ ერნსტ ფონ ბერი
| კარლ ერნსტ ფონ ბერი | |
| გერმ. Karl Ernst von Baer | |
 | |
| დაბადებაშ თარიღი: |
28 ფურთუთა, 1792 [ჯვ.სტ. 17 ფურთუთა] |
|---|---|
| დაბადებაშ აბანი: |
პიიბე, ესტონეთიშ გუბერნია, რუსეთიშ იმპერია (ასეიან პიიბე, ლიაენე-ვირუმაა, ესტონეთი) |
| ღურაშ თარიღი: |
გერგობათუთა 28, 1876 (84 წანერი) [ჯვ.სტ. 16 გერგობათუთა] |
| ღურაშ აბანი: |
დორპატი, ლივონიაშ გუბერნია, რუსეთიშ იმპერია (ასეიან ტარტუ, ესტონეთი) |
| მენოღალობა: | |
| ომენცარე სფერო: | |
| სამუშაშ აბანი : |
დორპატიშ იმპერიული უნივერსიტეტი |
| ალმა-მატერი: | |
| ჯილდოეფი დო პრემიეფი: |
კოპლიშ მენდალი (1867) |
კარლ ერნსტ რიტერ ფონ ბერ ედლერ ფონ ჰუთჰორნი (გერმ. Karl Ernst Ritter von Baer Edler von Huthorn; დ. 28 ფურთუთა [ჯვ.სტ. 17 ფურთუთა], 1792, პიიბე, ესტონეთიშ გუბერნია, რუსეთიშ იმპერია (ასეიან პიიბე, ლიაენე-ვირუმაა, ესტონეთი) — ღ. 28 გერგობათუთა [ჯვ.სტ. 16 გერგობათუთა], 1876, დორპატი, ლივონიაშ გუბერნია, რუსეთიშ იმპერია (ასეიან ტარტუ, ესტონეთი)) — ბალტიარი-გერმანალი მენცარი დო მარკვიალი. მოღალენდჷ ბიოლოგიას, გეოლოგიას, მეტეოროლოგიას, გეოგრაფიას დო მენცარობაშ შხვა დარგეფს. მერჩქინელი რე ემბრიოლოგიაშ მუმათ. რდჷ რუსეთიშ მენცარობეფიშ აკადემიაშ მაკათური, რუსეთიშ ენტომოლოგიური ჯარალუაშ მაართა პრეზიდენტი დო რუსეთიშ გეოგრაფიული ჯარალუაშ ართ-ართი დუმარსხუაფალი.
კარლ ერნსტ ფონ ბერიქ დებადჷ ბალტიარი-გერმანალეფიშ ფანიას. გურაფულენდჷ დორპატიშ იმპერიულ უნივერსიტეტის (ასეიან ტარტუშ უნივერსიტეტი). გურაფაშ თებაშ უკული მუშენდჷ კენიგსბერგიშ უნივერსიტეტის დო რუსეთიშ მენცარობეფიშ აკადემიას. კარლ ბერიქ გიმირკვიუ ბჟაშუმუეფიშ კვერცხუჯრედეფი, წიწილეფიშ ემბრიოგენეზი, ჩხომეფიშ, ამფიბიეფიშ, ქვერქვენწეფიშ დო ბჟაშუმუეფიშ ემბრიონული გოვითარაფა. გიმირიკვიუ ბლასტულაშ სტადია. კარლ ბერიქ დადგინჷ ნამდა ჩხოლარეფიშ ადრეიან ემბრიონული სტადიეფი ართიანს მოგენს დო უკულ რჩქინდუ ტიპიშ, კლასიშ, გვარობაშ დო ფანიაშ შანეფი. კარლ ბერიქ დიგურუ გაგაჩამეფიშ ორგანოეფიშ გოვითარაფაშ სტადიეფი. კარლ ბერი მონაწილენდჷ ექსპედიციეფს ახალი დიხას დო კასპიაშ ზუღას.
რუსეთიშ მენცარობეფიშ აკადემიაშ გარდა, კარლ ბერი 1849 წანაშე რდჷ ამერიკაშ მენცარობეფიშ დო ხელუანობეფიშ აკადემიაშ მაკათური, 1850 წანაშე შვედეთიშ მენცარობეფიშ ომაფე აკადემიაშ მაკათური დო 1879 წანაშე ნიდერლანდეფიშ მენცარობეფიშ დო ხელუანობეფიშ აკადემიაშ მაკათური. 1869–1876 წანეფს კარლ ბერი რდჷ ესტონეთიშ ნატურალისტეფიშ ჯარალუაშ პრეზიდენტი. 1867 წანას ლონდონიშ ომაფე ჯარალუაქ კარლ ბერის გინოჩჷ პრესტიჟული ჯილდო კოპლიშ მენდალი.
რესურსეფი ინტერნეტის
[რედაქტირაფა | წყუშ რედაქტირაფა]