茶

茶係嘢飲一種，係由茶樹嘅葉或芽，再經制作而成。通常係用呢啲經過加工嘅葉，浸落熱水度幾分鐘，水就變成茶。

茶嘅味道來自氧化（發酵），加熱，整乾，又或係加入其他草本、香料同生菓。就算同一樖茶，唔同部份，口芽定葉，唔同季節，唔同加工，都可以得出唔同茶種，味道各異。茶天生有咖啡因同茶鹼，有清涼，少苦之味。

今時今日，茶係世界上除咗水之外最多人飲嘅嘢飲。2004年啲人就飲咗3,200,000公噸嘅茶啦。生產量嘅頭四位係印度、中國、斯里蘭卡同埋肯雅。

草本茶（Herbal tea）可以係一啲茶都無，用生果或草本來做。不過呢篇係講茶樹來嘅茶。

中國等地產嘅，叫唐茶；而印度等地產嘅，通常叫西茶。

文

茶古寫係荼。

「茶」廣東話有時叫「嗲」，嚟自潮州話，通常用嚟形容講嘢，慣用語包括「搭嗲」、「收嗲」、「咪咁多嗲」、「口水多過嗲」（通「口水多過茶」）。

中國種茶做飲品，有過千年史。十九世紀，茶係大清國最貴，最重要嘅出口貨。因而廣泛種於中國、韓國、日本、印度等地。

唐茶廣種於中國，黃河以南都有種，當中以華東最出名。北緯二十八度，有一帶山，福建西北有武夷山，盛產黑茶。