George Herbert Hitchings

George Herbert Hitchings
Irudi gehiago
Bizitza
Jaiotza	Hoquiam, 1905eko apirilaren 18a
Herrialdea	Ameriketako Estatu Batuak
Lehen hizkuntza	ingelesa
Heriotza	Chapel Hill, 1998ko otsailaren 27a (92 urte)
Hezkuntza
Heziketa	Harvard Medical School (en) Washingtongo Unibertsitatea
Doktorego ikaslea(k)	Gertrude Belle Elion
Hizkuntzak	ingelesa
Jarduerak
Jarduerak	medikua, biokimikaria, farmakologoa, farmazialaria eta kimikaria
Enplegatzailea(k)	Duke Unibertsitatea Case Western Reserve University (en) Burroughs Wellcome & Company (en)
Jasotako sariak	ikusi Medikuntzako Nobel Saria  (1988) Canada Gairdner International Award  (1968) Alfred Burger Award  (1984) Foreign Member of the Royal Society  (1974ko apirilaren 25a) North Carolina Award for Science  (1980) Cameron Prize of the University of Edinburgh AACR-G.H.A. Clowes Award for Outstanding Basic Cancer Research  (1968)
Kidetza	Royal Society Arteen eta Zientzien Ameriketako Estatu Batuetako Akademia Phi Beta Kappa Elkartea Ameriketako Estatu Batuetako Zientzien Akademia Nazionala

George Herbert Hitchings (Hoquiam, Washington, 1905eko apirilaren 18a - Chapell Hill, Ipar Carolina, 1998ko otsailaren 27a) estatubatuar farmakologoa izan zen, 1988an Medikuntzako Nobel Saria jaso zuena.

Bizitza

Washington eta Harvarden egin zituen ikasketak. Biokimika Ikerkuntzako sailaren zuzendari izan zen Burroughs-Wellcomen (Ipar Carolina), 1968 eta 1984 bitartean, eta Farmakologiako irakasle Brown Unibertsitatean (1968-1980), Duken (1970) eta Chapen Hillen (1972). 1942an konposatu purinikoen taldearen farmakologia ikertzeko programa bat hasi zuen. Hitchingsek proposatu zuen purinak, zelulen metabolismoan hartzen duten lekuagatik, zenbait eritasun kontrolatzeko erabil zitezkeela. 1951n 6-merkaptopurina (6MP) sintetizatu eta esperimentatu zuen. Konposatu hori DNAren sintesiaren inhibitzailea da, eta zenbait minbizi tratatzeko aplikatzen hasi zen. Aurrerago frogatu ahal izan zen bezala, 6MPk antigorputzen sorrera inhibitzen zuen untxien organismoan. 1960an, aurrekoekin lotutako konposatu bat erabili zen, imurana, giltzurrun-iniplanteetan gorputzak errazago onar zezan organo berria. Aurrerago, alopurinola aurkitu zuen, azido urikoaren produkzioa eragozten duen konposatu bat; beraz, hezueria tratatzeko erabiltzen da. Hitchingsek prestatutako beste konposatu batzuen artean, aipagarria da, adibidez, daraprima, malariaren kontrakoa; eta trimetoprima, bakterioen aurkakoa. 1988an, Medikuntza eta Fisiologiako Nobel saria jaso zuen, James Whyte Black eta Gertrude B. Eliotekin batera.

Kanpo estekak

• Datuak: Q310487
• Multimedia: George H. Hitchings / Q310487