Rainier III.a Monakokoa

Rainier III.a Monakokoa
Irudi gehiago
Monakoko printzea 1949ko maiatzaren 9a - 2005eko apirilaren 6a ← Luis II.a Monakokoa - Alberto II.a Monakokoa →
Bizitza
Jaiotzako izen-deiturak	Rainier Louis Henri Maxence Bertrand Grimaldi
Jaiotza	Monako, 1923ko maiatzaren 31
Herrialdea	Monako
Bizilekua	Prince's Palace of Monaco (en)
Lehen hizkuntza	frantsesa
Heriotza	Monako, 2005eko apirilaren 6a (81 urte)
Hobiratze lekua	Cathedral of Our Lady Immaculate (en)
Heriotza modua	berezko heriotza: giltzurruneko gutxiegitasuna
Familia
Aita	Prince Pierre de Polignac
Ama	Princess Charlotte, Duchess of Valentinois
Ezkontidea(k)	Grace Kelly  (1956ko apirilaren 18a -  1982ko irailaren 14a)
Seme-alabak	ikusi Karolina Monakokoa Alberto II.a Monakokoa Estefania Monakokoa
Haurrideak	ikusi Princess Antoinette, Baroness of Massy (en)
Leinua	House of Grimaldi (en)
Hezkuntza
Heziketa	Parisko Ikasketa Politikoetako Institutua Stowe School (en) Cours Hattemer (en)
Hizkuntzak	frantsesa ingelesa
Jarduerak
Jarduerak	monarka, politikaria eta aristokrata
Jasotako sariak	ikusi Ohorezko Legioko gurutze handia Croix de guerre 1939–1945 Bronze Star Medal Gold Olympic Order  (1988) Order of the Golden Spur Knight Grand Cross with Collar of the Order of Merit of the Italian Republic  (1953ko maiatzaren 30a) Order of Manuel Amador Guerrero anniversary medal at the occasion of the 2500th anniversary of the founding of the Iranian Empire  (1971ko urriaren 14a) Order of the Redeemer
Kidetza	Nazioarteko Olinpiar Batzordea
Zerbitzu militarra
Gradua	koronel
Parte hartutako gatazkak	Bigarren Mundu Gerra
Sinesmenak eta ideologia
Erlijioa	Erromatar Eliza Katolikoa

Rainier III.a Monakokoa, jaiotzez Rainier Louis Henri Maxence Bertrand Grimaldi, (1923ko maiatzaren 31 – 2005eko apirilaren 6a) Monakoko printzea izan zen. Aitona Luis II.aren erregealdian erregeorde izan zen eta, 1950eko apirilaren 12an, printzerriaren tronua bereganatu zuen. Grace Kellyren senarra izan zen.

Biografia

Rainier Monakon jaio zen 1923ko maiatzaren 31n. Gurasoak Pierre de Polignac (1895-1964) eta Charlotte Monakokoa (1898-1977) izan ziren.

1949an, Rainier igo zen tronura, 26 urte zituenean, aitona Luis II.ak hil zuelako eta, 1950eko apirilaren 12an, koroatu zuten (27 urte).

Rainierek, Ingalaterra eta Suitzako ikastetxeetan egon ondoren, Zientzia Politikoak ikasi zituen Parisen.

Bigarren Mundu Gerran Frantziako armadan sartu zen eta Alsaziako kanpainan borrokatu. Gerra Gurutzea jaso zuen eta Brontzezko Izarra ere bai. Berlinen ere izan zuen misio bat eta gero eta lorpen gehiago izan zituen koronel izatera iritsi arte.

Ezkontza eta familia

Grace Kelly, 1956an

Rainieren hilobia

Grace Kelly Monakon zegoen High Society grabatzen eta hantxe ezagutu zuen Rainierek emaztea izango zuena. AEBetara joan zen haren gurasoen baimena lortzearren eta horrelaxe erakarri zuen betirako izar eder hura Monakora.

1956ko apirilaren 18an ezkondu ziren eta artistak Gracia Patricia Grimaldi izena hartu zuen. Ondorengo urteetan, printzerriak garapen ekonomiko izugarria ezagutu zuen, ipuineko bikote hark aberats eta inbertsore ugari erakarri baitzuen bertara, eta finantzak eta negozioak nagusitzen joan ziren.

Bikoteak hiru seme-alaba izan zituen:

1. Carolina de Hannover Printzesa (1957ko urtarrilaren 23an)
2. Albert Printzea (1958ko martxoaren 14an)
3. Estefania Printzesa (1965eko otsailaren 1ean)

Alberten kasua ez bada ere, alaben nerabezaroak egonezina ekarri zion bizitza dotore eta aberats hari eta paparazzi eta prentsaren jazarpenera ohitzen joan beharra izan zuten.

1982ko irailaren 14an, Grace printzesak eta Estefaniak, bere alabak, izugarrizko istripua izan zuten Monakon. Horren ondorioz, Grace larri zaurituta geratu zen eta, hurrengo egunean, hil zen. Estefaniak, berriz, ez zuen minik hartu, baina etorkizun iluna zetorkion Grimaldi familiari handik aurrera. Rainiero gero eta isolatuagoa geratu zen jauregian eta Albertok egin behar izan zituen bere lanak.

Printzeari iloba ugari etorri zitzaizkion gero:

• Carolinaren partetik lau: Andrea Casiraghi (1984), Carlota Casiraghi (1986), Pedro Estefano (1987) eta Alexandra Hannoverkoa (1999).
• Estefaniak, berriz, hurrengoak eman zizkion: Luis Roberto Pablo (1992), Paulina (1994) eta Camila Maria Kelly (1998).

Monakoko Printzerria eta etorkizuna

1910 arte, Monako monarkia absolutoa zen. 1911n, Albert I.ak aldarrikatu zuen lehen konstituzioa eta 1917an aldatu egingo zuten. 1933an, Luis II.ak berretsi zuen eta Rainier III.ak erreforma egingo zion 1962ko abenduaren 17an.

Konstituzioaren lehen kapituluak Printze subiranoa da agintearen jabea. 1962an, oinordekotza era zuzenean egingo dela zehaztu zen eta seme zaharrenak izango du lehentasuna alaben aurrean. Ondorengo zuzenik ez balego, adoptatutako ume bat ere tronura irits daiteke. Hori bai, agintearen jabe egiteko, printzea adinez nagusi izan behar du eta 21 urtera ez balitz iritsiko, erregeorde baten beharra izango zen.

Rainier ia 82 urtekin hil zen Monakon 2005eko apirilaren 6an. 4 egun lehenago, hil zen Joan Paulo II.a aita santua. Albert II.a Monakokoa izan zen ondorengoa.

Kanpo estekak

• Datuak: Q185025
• Multimedia: Rainier III, Prince of Monaco / Q185025