Միքայել Պողոսյան (դերասան)

Վիքիպեդիայում կան հոդվածներ Պողոսյան ազգանունով այլ մարդկանց մասին։

Միքայել Պողոսյան
Ծնվել է	մայիսի 31, 1956(1956-05-31) (68 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և  Հայաստան
Մասնագիտություն	դերասան, կաբարե արտիստ, կինոպրոդյուսեր, երգիչ, սցենարիստ, կինոդերասան, կինոսցենարիստ, գործադիր պրոդյուսեր և հնչյունավորող
Պարգևներ և մրցանակներ	Կլաուս արքայազնի մրցանակ Հայաստանի ժողովրդական արտիստ և Հայաստանի մշակույթի նախարարության ոսկե մեդալ

Անվան այլ կիրառումների համար տե՛ս՝ Միքայել Պողոսյան (այլ կիրառումներ)

Միքայել Մովսեսի Պողոսյան (մայիսի 31, 1956(1956-05-31), Երևան, Հայկական ԽՍՀ, ԽՍՀՄ), դերասան, սցենարիստ, ռեժիսոր, երգիչ, պրոդյուսեր, ՀՀ ժողովրդական արտիստ (2015)։

Կենսագրություն

Ծնվել է 1954 թվականին Երևանում։ 1971 թվականին ընդունվել է Երևանի գեղարվեստի ուսումնարանի կերամիկայի բաժինը։ 1979 թվականին ավարտել է Երևանի գեղարվեստա-թատերական ինստիտուտի երաժշտական թատրոնի դերասանական ֆակուլտետը։ 1976-1991 թվականներին աշխատել է Երևանի Կամերային թատրոնում, 1978-1992 թվականներին եղել է «Հայֆիլմ» կինոստուդիայի դերասան, 1982-1994 թվականներին խաղացել է Համազգային թատրոնում։ Հանդես է եկել «Պարոնայք, ամեն ինչ կործանվում է, բայց դեռ կարելի է ապրել և զվարճանալ», «Արալեզ», «Կամո», «Երևան - Լոս Անջելես - Երևան», «Խաթաբալադա», «Բարի գալուստ» և այլ ներկայացումներում։ Այժմ անկախ ստեղծագործող է։

Մրցանակներ

2002 թվականին Մինսկի «Լիստոպադ» միջազգային կինոփառատոնում ճանաչվել է լավագույն դերասան, 2004 թվականին արժանացել է Armenian Music Awards-ի մրցանակին՝ լավագույն սկավառակի համար, 2005 թվականին՝ Արքայազն Քլաուսի մրցանակին (Նիդերլանդներ)՝ երգիծանքի միջոցով ժողովրդավարության զարգացմանը նպաստելու համար, 2012 թվականին որպես լավագույն դերասան («Երևան ջան»)՝ «Հայակ» մրցանակի։ Պարգևատրվել է ՀՀ մշակույթի նախարարության ոսկե մեդալով (2009), Թեքեյան մշակութային միության մրցանակով՝ լավագույն երգիծական դերակատարումների համար (2011)։ «Եթե բոլորը…» ֆիլմին շնորհվել է Երևանի «Ոսկե ծիրան» ՄԿՓ-ի «Հայկական համայնապատկեր» ծրագրի գլխավոր մրցանակը (2012)։ Այդ ֆիլմի գլխավոր դերակատարման համար Պողոսյանն արժանացել է նաև Բուխարեստի ՄԿՓ-ի մրցանակին (2012)։

Ֆիլմացանկ

• Խոնարհվիր գալիք օրվան (1979, դեր., ռեժ.՝ Վ. Զաքարյան), (1980, կ/մ, դեր., ռեժ.՝ Գ. Մելքոնյան),
• Ձնծաղիկներ և էդելվեյսներ (1982, դեր., ռեժ.՝ Լ. Գրիգորյան),
• Վերջին կիրակին (1985, դեր., ռեժ.՝ Գ. Մելքոնյան),
• Ծովափնյա արձակուրդ (1987, դեր., ռեժ.՝ Հ. Իսկուդարյան, Մ. Փանոսյան),
• Օդապարուկի օրը (1987, դեր., ռեժ.՝ Գ. Մելքոնյան),
• Մեզանից երեքը («Խոսք» նովելը, 1988, դեր., ռեժ.՝ Գ. Մելքոնյան),
• Գաղտնի խորհրդականը (1989, դեր., ռեժ.՝ Ա. Այվազյան),
• Քամին ունայնության (1990, դեր., ռեժ.՝ Հ. Խաչատրյան),
• Ձայն բարբառոյ... (1991, դեր., ռեժ.՝ Վ. Չալդրանյան),
• Ժամկետը՝ յոթ օր (1991, դեր., ռեժ.՝ Ա. Երնջակյան),
• Երևան - Լոս Անջելես (1993, դեր., ռեժ.),
• Պետք է հեռանալ (1993, դեր.),
• Հարսնացուն Ջերմուկից (1997, դեր., ռեժ.՝ Ս. Բաբայան),
• Խաթաբալադա (1997, դեր., ռեժ.՝ Ա. Սահակյան, Վ. Խաչատրյան),
• Մեծապատիվ մուրացկաններ (1998, դեր., ռեժ.՝ Տ. Լևոնյան),
• Երևան բլյուզ (1998, դեր., սց. հեղ., ռեժ.՝ Վ. Խաչատրյան),
• Ուրախ ավտոբուս (2000, դեր., ռեժ.՝ Ա. Մկրտչյան),
• Խենթ հրեշտակը (2001, դեր., ռեժ.՝ Ս. Բաբայան),
• Լռության սիմֆոնիա (2000, ռեժ.՝ Վ. Չալդրանյան),
• Երևան ջան (2002, պրոդ., դեր., ռեժ.՝ Գ. Մաշկարյանի հետ, սց. հեղ.՝ Ա. Ճգնավորյանի, Վ. Ստեփանյանի հետ),
• Մեկ քայլ առաջ դեպի ետ (2003, դեր.),
• Պարան (2007, կ/մ, դեր., ռեժ.՝ Ա. Սևադա, Հայաստան - ԱՄՆ),
• Երեքը և փաթիլը (2007, դեր., ռեժ.՝ Պ. Բարդին, Մ. Մկրտչյան, Ռուսաստան), («Կապյուշոն» նովելը, դեր., 2008, ռեժ.՝ Վ, Խաչատրյան),
• Welcome Papa (2009, դեր., ռեժ.՝ Վ. Խաչատրյան, Հայաստան - ԱՄՆ)
• Տաքսի «Էլի լավ ա» (2008, դեր.),
• Մաեստրո (2009, դեր., ռեժ.՝ Վիգեն Չալդրանյան),
• Եթե բոլորը... (2012, դեր., պրոդ., սց. հեղ.՝ Թերեզա Վարժապետյանի հետ, ռեժ.՝ Նատալյա Բելյաուսկենե),
• Կորած մոլորվածը Հայաստանում (2012, դեր., ռեժ.՝ Գ. Կիրակոսյան),
• Անունս Վիոլա է (2012, դեր., ռեժ.՝ Ռուբեն Քոչար)։
• Երկրաշարժ (2016)

Արտաքին հղումներ

• Միքայել Պողոսյանի մասին imdb.com կայքում