ꦏꦸꦥꦠ꧀
 ꦏꦸꦥꦠ꧀ | |
| Panggonan asal | ꦆꦤ꧀ꦝꦺꦴꦤꦺꦱꦶꦪ |
|---|---|
| Tlatah utawa praja | ꦗꦮ |
| Woworan pokok | ꦧꦼꦫꦱ꧀ |
 Buku masakan: ꦏꦸꦥꦠ꧀  Médhia: ꦏꦸꦥꦠ꧀ | |
꧋ꦏꦸꦥꦠ꧀ꦲꦶꦠꦮꦏꦼꦠꦸꦥꦠ꧀ꦲꦶꦏꦸꦥꦔꦤꦤ꧀ꦏꦱ꧀ꦄꦱꦶꦪꦏꦶꦢꦸꦭ꧀ꦮꦺꦠꦤ꧀ꦩꦮꦧꦲꦤ꧀ꦢꦱꦂꦧꦼꦫꦱ꧀ꦏꦁꦢꦶꦧꦸꦁꦏꦸꦱ꧀ꦔꦁꦒꦺꦴꦱ꧀ꦭꦺꦴꦁꦱꦺꦴꦁꦱꦏꦤꦩ꧀ꦤꦩꦤ꧀ꦒꦺꦴꦝꦺꦴꦁꦏ꧀ꦭꦥ(ꦗꦤꦸꦂ)꧉ꦏꦸꦥꦠ꧀ꦥꦭꦶꦁꦲꦏꦺꦃꦠꦶꦤꦼꦩꦸꦤꦭꦶꦏꦢꦶꦤꦫꦶꦪꦪ꧈ꦪꦲꦶꦏꦸꦤꦭꦶꦏꦈꦩꦠ꧀ꦆꦱ꧀ꦭꦩ꧀ꦫꦩ꧀ꦥꦸꦁꦥꦱꦲꦶꦁꦱꦱꦶꦫꦩꦺꦭꦤ꧀꧉
꧋ꦥꦔꦤꦤ꧀ꦏꦱ꧀ꦏꦁꦩꦶꦒꦸꦤꦏꦏꦺꦏꦸꦥꦠ꧀ꦲꦤ꧀ꦠꦫꦤꦺ:ꦏꦸꦥꦠ꧀ꦠꦲꦸ(ꦒꦿꦧꦒ꧀ꦏꦧꦸꦥꦠꦺꦤ꧀ꦩꦒꦼꦭꦁ)꧈ꦭꦤ꧀ꦏꦸꦥꦠ꧀ꦒ꧀ꦭꦧꦺꦠ꧀(ꦏꦸꦛꦠꦺꦒꦭ꧀)꧉ꦏꦸꦥꦠ꧀ꦲꦸꦒꦏꦼꦉꦥ꧀ꦢꦶꦱꦸꦒꦸꦲꦏꦺꦔꦁꦒꦺꦴꦱꦠꦺꦲꦸꦠꦮꦎꦥꦺꦴꦂ꧉ꦱꦭꦶꦪꦤꦺꦲꦶꦁꦆꦤ꧀ꦝꦺꦴꦤꦺꦱꦶꦪ꧈ꦥꦔꦤꦤ꧀ꦏꦸꦥꦠ꧀ꦲꦸꦒꦠꦶꦤꦼꦩꦸꦲꦶꦁꦩꦭꦻꦱꦶꦪ꧈ꦧꦿꦸꦤꦺꦲꦶꦭꦤ꧀ꦱꦶꦔꦥꦸꦫ꧉
꧋ꦲꦤꦫꦺꦴꦁꦗꦶꦤꦶꦱ꧀ꦮꦔꦸꦤ꧀ꦏꦸꦥꦠ꧀ꦪꦲꦶꦏꦸꦏꦼꦥꦼꦭ꧀(ꦭꦸꦮꦶꦃꦲꦸꦩꦸꦩ꧀)ꦭꦤ꧀ꦗꦗꦫꦤ꧀ꦒꦺꦚ꧀ꦗꦁ꧉ꦱꦧꦼꦤ꧀ꦮꦔꦸꦤ꧀ꦢꦸꦮꦺꦲꦭꦸꦂꦤꦩ꧀ꦤꦩꦤ꧀ꦏꦁꦧꦺꦢ꧉ꦏꦁꦒꦺꦴꦒꦮꦺꦱꦼꦭꦺꦴꦁꦱꦺꦴꦁꦏꦸꦥꦠ꧀ꦥꦼꦂꦭꦸꦢꦶꦥꦶꦭꦶꦃꦗꦤꦸꦂꦏꦁꦏꦸꦮꦭꦶꦠꦱꦺꦲꦥꦶꦏ꧀꧈ꦪꦲꦶꦏꦸꦏꦁꦢꦮ꧈ꦲꦺꦴꦫꦏꦤꦺꦴꦩꦺꦤ꧀ꦭꦤ꧀ꦲꦺꦴꦫꦏꦼꦠꦸꦮꦤ꧀꧈
ꦥꦁꦒꦸꦤꦤ꧀ꦭꦶꦪ
[besut | besut sumber]꧋ꦲꦶꦁꦱꦮꦠꦫꦏꦭꦔꦤ꧀ꦲꦶꦁꦗꦮ꧈ꦏꦸꦥꦠ꧀ꦏꦼꦉꦥ꧀ꦢꦶꦒꦤ꧀ꦠꦸꦁꦲꦶꦁꦱꦤ꧀ꦢꦸꦮꦸꦫꦶꦁꦭꦮꦁꦲꦺꦴꦩꦃꦩꦶꦤꦁꦏꦗꦶꦩꦠ꧀꧉ꦩꦱꦫꦏꦠ꧀ꦲꦶꦁꦭꦭꦢꦤ꧀ꦩꦻꦴꦲꦶꦱꦶꦃꦔꦸꦒꦺꦩꦶꦠꦿꦝꦶꦱꦶꦱꦸꦥꦪꦲꦺꦴꦫꦒꦮꦺꦏꦸꦥꦠ꧀ꦲꦶꦁꦢꦶꦤꦢꦶꦤꦧꦶꦪꦱ꧈ꦱꦲꦺꦁꦒꦏꦸꦥꦠ꧀ꦲꦩꦸꦁꦢꦶꦱꦸꦒꦸꦲꦏꦺꦮꦼꦏ꧀ꦠꦸꦲꦫꦶꦪꦪꦭꦤ꧀ꦔꦤ꧀ꦠꦶꦱꦼꦥꦱꦂꦱꦮꦶꦱꦺꦲꦶꦏꦸ꧉ꦢꦺꦤꦺꦲꦶꦁꦧꦭꦶ꧈ꦏꦸꦥꦠ꧀ꦏꦼꦉꦥ꧀ꦢꦶꦲꦠꦸꦫꦏꦺꦩꦶꦤꦁꦏꦱꦼꦱꦗꦺꦤ꧀ꦲꦸꦥꦕꦫ꧉
ꦢꦼꦊꦁꦲꦸꦒ
[besut | besut sumber]