Asam Keueung
Asam Keueung inggih punika salah satunggal masakan olahan khas Aceh. Olah-olahan punika gadhah raos ingkang kecut/asem lan ugi pedhes. Wonten ing Basa Indonesia tembung Asam Keueung punika ateges sayur asem pedhes. Masakan punika namung wonten ing Acèh lan anggènipun nyawisaken ugi bènten. Wonten ing Acèh Besar, kalebet wewengkon ingkang sapérangan ageng padunungipun gadhah dhaharan ingkang asalipun saking ulam sagara. Ulam-ulam ingkang pikantuk saking sagara kasebat nalika dipunpilah saged dados Asam Keueung lan raosipun punika bènten sanget kaliyan sapérangan wewengkon sanèsipun. Saged dipunaturaken bilih wonten ing saben wewengkon Acèh punika gadhah bumbu Asam Keueung khas piyambak.