Катастарска парцела 3730 (Струмица)

„Катастарска парцела 3.730“
Местоположба	41°26′09.1″N 22°38′14.7″E
Основни податоци
Место	Струмица
Општина	Струмица
Тип	некропола
Период	доцноантичко време
Портал „Археологија“

Катастарска парцела 3.730 — археолошко наоѓалиште во Струмица, Општина Струмица.

Претставува некропола од доцноантичко време. Во централното градско јадро, во парцелата сопственост на Трајко Атанасов, што се наоѓа на аголот од улиците „Боро Џони“ и „Херој Карпош“, со машинското копање за темели на станбен објект биле откриени и делумно уништени неколку гробни конструкции. Во 1989 година Заводот и музеј во Струмица извршил заштитно ископување со што е откриен дел од некропола, а во југозападниот крај на просторот нејасни остатоци од архитектонски објект.

Биле отворени повеќе гробови, вкопани во длабочина од 1,25 до 1,95 м, со конструкции од тегули и имбрекси (тип „на две води“), во основата опкружени со венец од нафрлени камења и сите со инхумирани покојници. Со оглед на близината до старата пошта, каде што при нејзината изградба е откриена некропола со исти конструкции на гробови (Градско паркче), веројатно и гробовите од оваа парцела се дел од истата доцноантичка некропола

Поврзано

• Список на археолошки наоѓалишта во Струмичко;
• Марково Кале
• Мачук
• Градско паркче
• Орта џамија
• Самарница
• Црква “Св. Петнаесет тивериополски маченици“
• Тивериопол
• Струмичко Кале