Миләүшә Таминдарова
| Миләүшә Таминдарова | |
|---|---|
.JPG) | |
| Туган телдә исем | Миләүшә Әмир кызы Таминдарова |
| Туган | 13 май 1960 (64 яшь) Казан |
| Яшәгән урын | Космонавтлар урамы[d], Казан[1] |
| Милләт | татар |
| Ватандашлыгы |  ССРБ→ Россия |
| Әлма-матер | Казан дәүләт консерваториясе |
| Һөнәре | җырчы, дирижёр, педагог |
| Эш бирүче | Казан дәүләт консерваториясе, Казан музыка көллияте һәм Татарстан дәүләт камера хоры |
| Бүләк һәм премияләре |    |
Миләүшә Таминдарова (Миләүшә Әмир кызы Таминдарова) — җырчы, хор җитәкчесе, Казан дәүләт консерваториясе доценты, Татарстанның атказанган сәнгать эшлеклесе (2007). Татарстан Республикасының Габдулла Тукай исемендәге дәүләт премиясе лауреаты (2024).
Тәрҗемәи хәле
[үзгәртү | вики-текстны үзгәртү]1960 елның 13 маенда Казанда туган. Казан дәүләт консерваториясен (1986), шул ук уку йортында ассистентура (1990) тәмамлаган.
Хезмәт юлы
[үзгәртү | вики-текстны үзгәртү]- 1990 елдан Казан дәүләт консерваториясендә хор дирижёрлыгы кафедрасында укыта.
- 1994 елдан Казан музыка укуханәсендә хор дирижёрлыгы бүлеге мөдире.
- 2007 елдан Татарстанның дәүләт камера хоры җитәкчесе.
Иҗаты
[үзгәртү | вики-текстны үзгәртү]Казан дәүләт консерваториясенең С. Казачков җитәкчелегендәге студентлар хорының хормейстеры булып 6 ел эшли. 1997 елдан опера студиясе хоры оештыра һәм аңа җитәкчелек итә. Әлеге хор башкаруында Россия Милли оркестры (җитәкчесе Михаил Плетнев) белән Г. Геттиның «Жанна һәм чаңнар» (Жанна и колокола) кантатасы, Россия саклану министрлыгы симфоник оркестры (дирижёр Виктор Афанасьев) белән П. Чайковскийның «1812 ел» (1812 год) тантаналы увертюрасы яңгырый. 2000 елда хор Софья Гобәйдуллинаның халыкара музыка фестивалендә катнаша һәм «Аллилуйя» әсәрен башкара. 2007 елда әлеге опера студиясе нигезендә Татарстанның дәүләт камера хорын оештыра һәм җитәкчелек итә.
Җырчы
[үзгәртү | вики-текстны үзгәртү]М. Таминдарова җырчы буларак та билгеле. Репертуарында В.- А. Моцартның «Реквием»ы һәм С-dur мессасы, И. Гайднның «Месса-Терезия»се һәм В-dur мессасы бар. Татар дәүләт опера һәм балет театры белән АКШ, Алмания, Швеция, Чехиядә гастрольләрдә була.
Бүләкләре, мактаулы исемнәре
[үзгәртү | вики-текстны үзгәртү]- «Күренекле дирижёр сәләте өчен» махсус приз (Праһа, Чехия).[2]
- Татарстанның атказанган сәнгать эшлеклесе (2007).
- 2024 ― Татарстан Республикасының Габдулла Тукай исемендәге дәүләт премиясе ― Татарстанның татар хор мәдәниятен үстергән, алга җибәргән һәм саклаган өчен, атап әйткәндә, «Татар хор музыкасы антологиясе» эше өчен[3].
Искәрмәләр
[үзгәртү | вики-текстны үзгәртү]- ↑ https://jytely.info/kazan
- ↑ «Чикләрсез татарлар» сайтында, archived from the original on 2016-03-04, retrieved 2015-04-12
- ↑ Стали известны лауреаты Тукаевской премии – 2024. Бизнес-Онлайн, 25.04.2024
Сылтамалар
[үзгәртү | вики-текстны үзгәртү]| Фото, видео һәм аудио |
|---|
- ТР камера хоры рәсми сайты 2015 елның 22 февраль көнендә архивланган.