1

EDUKASYON SA PAGPAPAKATAO GRADE 9

Activity Sheet No. 7.2
First Edition, 2020

Published in the Philippines

By the Department of Education
Region 6 – Western Visayas

Republic Act 8293, section 176 states that: No copyright shall subsist in any work
of the Government of the Philippines. However, prior approval of the government agency or
office wherein the work is created shall be necessary for exploitation of such work for profit.
Such agency or office may, among other things, impose as a condition the payment of
royalties.

This Learning Activity Sheet is developed by DepEd Region 6 – Western Visayas.

ALL RIGHTS RESERVED. No part of this learning resource may be reproduced or
transmitted in any form or by any means electronic or mechanical without written permission
from the DepEd Regional Office 6 – Western Visayas.

Development Team of EsP Activity Sheet

Writer/s: Amor L. Avila

Illustrator/s: Eldiardo E. de la Peña

Layout Artist/s: Antonio O. Rebutada

Schools Division Quality Assurance Team:

Claudia T. Villaran
Gethel A. De Guzman
Jona S. Demaraye
Marineth I. Villena
Division of Escalante City Management Team:
Clarissa G. Zamora, CESO VI
Ermi V. Miranda, PhD
Ivy Joy A. Torres, PhD
Jason R. Alpay
Alma C. Sinining
Regional Management Team
Ma. Gemma M. Ledesma,
Dr. Josilyn S. Solana,
Dr. Elena P. Gonzaga,
Mr. Donald T. Genine
Mirriam T. Lima

2
Introductory Message

MABUHAY!

Ang EsP 9 Learning Acivity Sheets na ito ay nabuo sa pamamagitan ng

sama-samang pagtutulungan ng Sangay ng Lungsod ng Bacolod sa
pakikipagtulungan ng Kagawaran ng Edukasyon, Rehiyon 6- Kanlurang Visayas at sa
pakikipag-ugnayan ng Curriculum and Learning Management Division. Inihanda ito
upang maging gabay ng learning facilitator, na matulungan ang ating mga mag-aaral
na makamtan ang mga inaasahang kompetensi na inilaan ng Kurikulum ng K to 12.

Layunin ng LAS na ito na gabayan ang mga mag-aaral na mapagtagumpayan

nilang masagot ang mga nakahanay na mga gawain ayon sa kani-kanilang kakayahan
at laang oras. Ito ay naglalayon ding makalinang ng isang buo at ganap na Filipino na
may kapaki-pakinabang na literasi habang isinasaalang-alang ang kani-kanilang
pangangailangan at sitwasyon.

Para sa mga learning Facilitator:

Ang EsP 9 Learning Acivity Sheet na ito ay binuo upang matugunan ang
pangangailangan ng ating mga mag-aaral sa larang ng edukasyon, na patuloy ang
kanilang pagkatuto kahit na sila ay nasa kani-kanilang mga tahanan o saan mang
bahagi ng learning center sa kanilang komunidad.

Para sa mga mag-aaral:

Ang EsP 9 Learning Acitivity Sheet na ito ay binuo upang matulungan ka, na
mapatuloy ang iyong pagkatuto kahit wala ka ngayon sa iyong paaralan, pangunahing
layunin ng LAS na ito na mabigyan ka ng makahulugan at makabuluhang mga gawain.
Bilang aktibong mag-aaral, unawain nang mabuti ang mga panuto nga bawat gawain.

3
 Learning Activity Sheets
Pangalan ng Mag-aaral:
Grado at Pangkat:
Petsa:

GAWAING PAMPAGKATUTO SA EDUKASYON SA PAGPAPAKATAO - 9

Ang Paggawa Bilang Paglilingkod at

Pagtaguyod ng Dignidad ng Tao

KASANAYANG PAMPAGKATUTO AT KODA

B. Nakapagsusuri kung ang paggawang nasasaksihan sa pamilya, paaralan o

baranggay/pamayanan ay nagtataguyod ng dignidad ng tao at paglilingkod. (Week
5b/EsP9TT-IIe-7.2)

Sa lahat ng mga nilikhang may buhay, tanging ang tao lamang ang inaatasan
ng mga gawaing ginagamitan ng talino. Hindi katulad ng hayop na gumagawa lamang
kapag ginagabayan o inaatasan ng tao o maaaring gumagawa lamang sila
sa dikta ng kanilang instinct upang matugunan ang kanilang pangangailangan.
Sa pamamagitan ng paggawa, napatutunayan ang isang pang dahilan ng pag-iral
ng tao - ang pagiging bahagi ng isang komunidad, ang gumawa hindi lamang para
sa kaniyang sarili kundi para sa kaniyang kapuwa at sa pag-unlad nito.
Ang Mga Layunin ng Paggawa ay:

1. Upang kitain ng tao ang salapi na kaniyang kailangan upang matugunan ang
kaniyang mga pangunahing pangangailangan.

Hindi mabubuhay nang maginhawa ang tao kung hindi siya magtatrabaho. Sa
kasalukuyang panahon, mahalaga ang pera dahil sa papel nito sa pagbili ng mga
produkto at serbisyong kailangan ng tao. Kailangan ng taong gumawa para mabuhay.
Hindi maaaring maging katulad siya ng isang parasite na laging inaaasa sa iba ang
kaniyang ikabubuhay. Sa pamamagitan ng paggawa, napagyayaman ang kaniyang
dignidad. Ito ang dahilan kung bakit ninanais ng mga magulang na makapagtapos ng
pag-aaral ang kanilang mga anak: upang makakuha ng disenteng trabaho ang mga
ito at hindi makaranas ng kaparehong kahirapan.

4
2. Upang makabahagi sa patuloy na pag-angat at pagbabago ng agham at
teknolohiya.

Pinagkalooban ng Diyos ang tao ng talento upang gamitin ito sa pag-unlad niya
at ng pamayanan mahalagang taglayin ng lahat ng tao ang malalim na pagnanais na
maibahagi ang kaniyang kakayahan para sa ikauunlad ng lipunan. Nakakalikha ang
tao ng mga teknolohiya, bunga ng kaniyang patuloy na pag-aaral sa pangangailangan
ng tao, na nakapagpapadali at nakapagpapabilis sa kaniyang produksiyon. Nakikita
ang tulong na naibibigay ng agham at teknolohiya upang mapadali ang pamumuhay
ng tao at mapaunlad ang ekonomiya.

3. Upang maiangat ang kultura at moralidad ng lipunang kinabibilangan.

Hinaharap natin sa kasalukuyan ang reyalidad na maraming tao ang natutuon

na lamang ang pansin sa paggawa upang kumita ng salapi. Nakatuon na lamang ang
layunin sa pagsisikap sa paggawa para sa pansariling pag-unlad. Mahalagang
maunawaan na ang paggawa ay mayroong panlipunang aspekto at hindi kailangang
ihiwalay ang pananagutan natin para sa pag-angat ng kultura at moralidad ng lipunang
ating kinabibilangan. Mahalaga ring maunawaan na ang paggawa ay nararapat na
patuloy na napagyayaman sa kultura ng lipunan na kinabibilangan.

4. Upang tulungan ang mga nangangailangan.

Ang paggawa ay isang obligasyon, isang tungkulin ng isang tao. Kailangang

gumawa ang tao upang tumugon sa ninanais ng Diyos at sa pangangailangan na
panatilihin at pagyamanin o paunlarin ang sangkatauhan. Ang paggawa ay isang
moral na obligasyon para sa kapuwa, sa kaniyang pamilya, sa lipunan na kaniyang
kainabibilangan, at sa bansa. Kasama sa tungkulin ng tao bilang isang bahagi ng
lipunan na magbahagi ng anuman ang mayroon siya para sa kapuwang
nangangailangan.

5. Upang higit na magkaroon ng kabuluhan (meaning) ang pag-iral ng tao.

Ang buhay na walang patutunguhan ay walang katuturan at ang paggawa ang

nagbibigay ng katuturan dito. Sa pamamagitan ng paggawa nakakamit niya ang
kakayanan niyang suportahan ang kaniyang mga pangangailangan; napagyayaman
ang kaniyang pagkatao; napatataas ang tiwala sa sarili; nabibigyang-dangal ang
kaniyang pagkatao; nagkakaroon siya ng pagkakataon na makasama at
makasalamuha ang kaniyang kapuwa at ang mapaglingkuran ang mga ito;
nagkakaroon ng pagkakataon naisabuhay ang tuay na pagbibigay; nabibigyan siya ng
pagkakataon bilang indibidwal at kasapi ng lipunan na maipagpatuloy ang kaniyang
bokasyon at bigyang-katuparan ito; nagiging kabahagi siya sa paggawa tungo sa
kaganapan sa sarili at ng kapuwa; at nagagampanan niya ang kaniyang tungkulin sa
Diyos.

Ang pagbibigay ng iyong lahat ng panahon at pagod sa paggawa ay hindi

dapat nagwawaglit sa pag-aalay nito para sa kapurihan ng Diyos.

5
 MGA SANGGUNIAN

K-12 Learners Material sa Edukasyon sa Pagpapakatao 9, pahina 103 – 105.

MGA GAWAIN

A. Mga Panuto Batay sa Sanggunian

• Basahing mabuti ang bawat babasahin.

• Sundin ang lahat ng direksyon at panuto na nakasaad sa bawat pagsasanay
• Sagutan ang lahat ng pagsusulit at pagsasanay

B. Pagsasanay/Aktibidad

Gawain 1: Bakit kailangang maghanapbuhay ang tao?

Panuto: Magsagawa ng isang maliit na survey sa bawat myembro ng iyong pamilya.
Itanong kung bakit kailangang maghanapbuhay ang tao? Lagyan ng tsek ang kulom
ng bawat kasagutan.

Miyembro ng Dahilan
Pamilya
Para Para mapagyaman Para maabot ang
Kumita ang talento pangarap
Ama
Ina
Ate
Kuya

C. Mga Batayang Tanong

Sagutin ang mga tanong:

1. Ano ang iyong nabuong opinyon ukol sa lumalabas na pangunahing dahilan sa

ibinibigay ng myembro ng iyong pamilya sa paghahanapbuhay?

2. Tama ba ang kanilang katwiran o hindi? Pangatwiran..

3. Ano sa palagay mo ang layunin ng ibang sektor, tulad ng paaralan, at

pamayanan sa kanilang paggawa?

6
4. May kabuluhan ba ang paggawa sa lipunan?

REPLEKSIYON

Gumawa ng poster o slogan sa inyong kwaderno na ang tema ay paggawa at ang

kahalagahan nito sa inyo bilang grade 9. Pagkatapos, i-interpret sa ibaba ang inyong
ginawang poster o slogan
___________________________________________________________________
___________________________________________________________________
___________________________________________________________________
___________________________________________________________________
___________________________________________________________________
______________________________.

SUSI SA PAGWAWASTO

(Iba-Iba ang sagot ng mag-aaral)