Chmelík

Chmelík
germane Hopfendorf
municipo
Municipa ofico en Chmelík
Flago Blazono
Oficiala nomo: Chmelík
Ŝtato	Ĉeĥio
Regiono	Regiono Pardubice
Distrikto	Distrikto Svitavy
Administra municipo	Litomyšl
Historia regiono	Bohemio
Montaro	Svitava montetaro
Rivero	Loučná
Situo	Chmelík
- alteco	450 m s. m.
- koordinatoj	49° 45′ 53″ N 16° 19′ 30″ O (mapo)
Katastro	9,54 km² (954 ha) Chmelík
Loĝantaro	204 (2024)
Denseco	21,38 loĝ./km²
Unua skribmencio	1314
Horzono	MET (UTC+1)
- somera tempo	MET (UTC+2)
Poŝtkodo	569 57
NUTS 3	CZ053
NUTS 4	CZ0533
NUTS 5	CZ0533 572730
Katastraj teritorioj	1
Partoj de municipo	1
Bazaj setlejunuoj	1
Situo enkadre de Ĉeĥio Situo enkadre de Ĉeĥio
Vikimedia Komunejo: Chmelík
Retpaĝo: chmelik
Portalo pri Ĉeĥio

Municipo Chmelík situas en Ĉeĥio, regiono Pardubice, distrikto Svitavy, en valo de rivero Loučná, 13 km okcidente de urbo Svitavy kaj 14 km sude de urbo Litomyšl. Vivas ĉi tie 204 loĝantoj (2024).

La najbaraj municipoj de la setlejo estas Trstěnice, Sebranice, Karle, Polička kaj Květná.

Historio

La unua raporto en historia dokumento pri Chmelík estas el la jaro 1314. Tiam ĝi estis havaĵo de abato Konrád, kiu en nomita jaro vendis liberan vilaĝestrejon al sinjoro Jirza. En la jaro 1550 la vilaĝo apartenis al sinjorejo de Litomyšl. Loĝantaro de Chmelík, germane Hopfendorf, ĝis la jaro 1945 estis plejparte germanoj.

Loĝantaro

Evoluo de nombro de loĝantoj

La datoj devenas el datumbazo de Vikidatumoj

Jaro	Loĝantoj
1869	472
1880	493
1890	481
1900	525
1910	495
1921	478

Jaro	Loĝantoj
1930	471
1950	239
1961	240
1970	231
1980	213
1991	194

Jaro	Loĝantoj
2001	211
2014	181
2016	184
2017	185
2018	189
2019	192

Jaro	Loĝantoj
2020	192
2021	172
2022	181
2023	188
2024	204

Memorindaĵoj

Preĝejo

Sur monteto en supra sudorienta parto de la vilaĝo troviĝas malfrubaroka preĝejo de Sankta Johano Nepomuka, konstruita en la jaroj 1780 - 1782. Ĝi estas ununava kun duoncirkle fermita presbiterejo, en okcidenta fronto kun prisma turo ornamita sur ambaŭ flankoj per pinjonoj kun volutaj aloj. Sakristio troviĝas sur norda flanko. Eksteraj muroj estas membrigitaj per lizenaj kadroj, internaj per lizenoj. La presbiterejo estas volbita per konĥo, la navo barele kun segmentoj, ĥorejon portas du lignaj kolonoj, la sakristio estas volbita per plataĵo.

La ekipaĵo el la dua duono de 18-a jarcento ne estas memorinde aparte signifa. La ĉefaltaron ornamas statuoj de Sankta Maria kaj Sankta Jozefo kaj bildo de Neumann el la jaro 1911. La predikejo kun rokoka dekoraĵo estas metiista laboro, bildo de "Murdo de Sankta Adalberto" el la 1-a duono de 18-a jarcento kaj bildo de "Murdo de Sankta Venceslao" de Langr el la jaro 1907. Kalvaria vojo estas el la 40-aj jaroj de la 19-a jarcento.

Statuo

Originala statuo de sidanta dolorplena Kristo el la jaro 1713, kiu troviĝis ĉe vojkruciĝo antaŭ la preĝejo, estas nun en la preĝejo kaj sur la origina loko estas kopio.

Popola arĥitekturo

N-ro 21 estas du teretaĝaj domoj el la jaro 1853, ligitaj per pordego kun ornamaj pinjonoj, dekstre en niĉo estas popoldevena statuo de Sankta Johano Nepomuka. Frontalan formon de du domoj ligitaj per pordego havas plejparto da bienoj en la vilaĝo.

Naturaj memorindaĵoj

En katastra distrikto de la vilaĝo troviĝas du naturaj memorindaĵoj "Sněženky ve Vysokém lese" (Galantoj en Alta arbaro) kaj "V bukách" (En fagoj).

Ceteraj memorindaĵoj

En la vilaĝo troviĝas malnova nuntempe neuzata tombejo, kapeleto de t.n."Rozaria gefrataro", unika gotika humilejo kaj kelkaj krucoj.

Literaturo

• Marek Podhorský: Pardubický kraj. Eldonis freytag & berndt, eldonejo en Prago en j. 2004.
• Dr. E. Poche, DrSc. a kol. – Umělecké památky Čech. Eldonis Akademia en Prago en j. 1978.

Pluaj fotoj

• 
  Preĝejo de sankta Johano Nepomuka
• 
  Domoj ĉe ludejo
• 
  Domo n-ro 50

Eksteraj ligiloj

• Oficiala paĝaro de mikroregiono Litomyšlsko Arkivigite je 2010-11-16 per la retarkivo Wayback Machine ĉeĥe