Casa do Consulado
| Casa do Consulado | |
|---|---|
.jpeg) Fachada da Casa do Consulado. | |
| Edificio | |
| Localización | Pª Pintor Álvarez Sotomayor, 1, 15001, A Coruña |
| Coordenadas | 43°22′20″N 8°23′59″O / 43.372305555556, -8.3996666666667 |
  Casa do Consulado Localización da Casa do Consulado en Galicia. | |
| Uso(s) | Biblioteca e sede de varias academias galegas |
| Remate | 1779 |
| Dimensións | |
| Plantas | 3 e ático |
| Equipo | |
| Arquitecto(s) | Pedro Martín Cermeño |
| [ editar datos en Wikidata ] | |
A Casa de Ramos,[1] posteriormente chamada Casa Real do Consulado e, abreviadamente, Casa do Consulado, é un edificio de estilo neoclásico[2] da cidade da Coruña construído no século XVIII.
Descrición
[editar | editar a fonte]A fachada do edificio é de perpiaños de granito con almofadado no baixo que continúa polas esquinas, e conta con tres andares e ático.[3] Na primeira planta destaca un gran balcón corrido de forxa ó que dan as súas cinco fiestras. Na segunda planta ten tamén outras cinco fiestras, neste caso cuns pequenos balcóns individuais. Na parte superior da fachada posúe un reloxo.
O edificio ten un patio interior, cunha grande escaleira, sobre o que se estruturan as plantas do edificio.
Historia
[editar | editar a fonte]O edificio foi construído en 1779 como vivenda para o comerciante José Ramos e dirixidas as súas obras polo arquitecto Pedro Martín Cermeño. Cando o 29 de novembro de 1785 se creou o Real Consulado Marítimo e Terrestre da Coruña, a nova institución alugou o edificio, que finalmente comprou en 1793.[4]
A primeira modificación do edificio chegou en 1794 cando se substituíu a terraza por un teito de tella e se engadiu o reloxo.[3] En 1806 o cóengo Pedro Antonio Sánchez Vaamonde fundou a Biblioteca do Consulado, primeira biblioteca pública da cidade.[5]
O Real Consulado foi substituído por outras institucións ata a creación da Cámara Oficial de Comercio, Industria e Navegación da Coruña en 1886, manténdose na mesma sede ata 1926.[4]
O 4 de setembro de 1905 celebrouse no Salón de Actos deste edificio a constitución da Academia Galega da Lingua sendo elixidos Manuel Murguía, presidente, Uxío Carré Aldao, secretario e Xosé Pérez Ballesteros, tesoureiro.[6]
Entre 1942 e 1946 levouse a cabo un proceso de reforma interior segundo o proxecto de Antonio Tenreiro para establecer no edificio o Museo de Belas Artes, aumentándose tamén a súa altura. O museo mantivo esta sede entre 1947 e 1995.[3]
O edificio foi cedido ao concello da Coruña en 2014.[7]
Uso
[editar | editar a fonte]A Casa do Consulado é a sede da Biblioteca do Consulado[8] e de catro academias galegas: as de Belas Artes (desde 1898),[9] Xurisprudencia (desde 1966),[10][11] Audiovisual (desde 2002)[12] e Gastronomía (desde 2008).[13][14]
Notas
[editar | editar a fonte]- ↑ Vigo Trasancos, Alfredo (2007) A Coruña y el siglo de las luces: la construcción de una ciudad de comercio (1700-1808) USC e UDC.
- ↑ "Arquitectura de los Museos Estatales". Arquivado dende o orixinal o 25 de novembro de 2015. Consultado o 24 de novembro de 2015.
- ↑ 3,0 3,1 3,2 "Casa do Consulado". Turgalicia. Consultado o 24 de novembro de 2015.
- ↑ 4,0 4,1 Fernández Fernández, Xosé. El Museo de Bellas Artes de La Coruña (en castelán). Colección: Recortables de La Coruña.
- ↑ «Una calle recuerda al inspirador de las bibliotecas locales...» El Ideal Gallego.
- ↑ Sede Arquivado 25 de novembro de 2015 en Wayback Machine., no sitio web da Academia Galega da Lingua
- ↑ "El Ayuntamiento consigue que Hacienda le ceda la Casa del Consulado de forma definitiva". El Ideal Gallego (en castelán). 5 de febreiro de 2014. Consultado o 24 de novembro de 2015.
- ↑ Biblioteca da Casa Consulado
- ↑ "Real Academia Galega de Belas Artes "Nosa Señora do Rosario". Historia do edificio". Arquivado dende o orixinal o 16 de marzo de 2016. Consultado o 24 de novembro de 2015.
- ↑ Academia Gallega de Jurisprudencia y Legislación (en castelán)
- ↑ Real Academia Galega de Xurisprudencia e Lexislación
- ↑ Academia Galega do Audiovisual. Coñece a Academia
- ↑ Resolución ... de 2008 ... pola que se lle dá publicidade ao acordo ... polo que se crea a Academia Galega de Gastronomía DOG.
- ↑ Academia Galega de Gastronomía
Véxase tamén
[editar | editar a fonte]Outros artigos
[editar | editar a fonte]Ligazóns externas
[editar | editar a fonte]- Páxina sobre o edificio na web da Real Academia Galega de Belas Artes Arquivado 16 de marzo de 2016 en Wayback Machine.
- Malvido, Gemma (8 de decembo de 2009). "La casa de los saberes". La Opinión de A Coruña (en castelán). Consultado o 24 de novembro de 2015.