Мрежичко

**Мрежичко**
	Мрежичко
	Поглед на селото;
	Мрежичко Местоположба на Мрежичко во Македонија Мрежичко на карта
	Координати 41°12′28″N 21°59′45″E / 41.20778° СГШ; 21.99583° ИГД
Регион	Вардарски
Општина	Кавадарци
Население	8 жит.; (поп. 2021)
Пошт. бр.	1437
Повик. бр.	043
Шифра на КО	11029
Надм. вис.	500 м
Слава	Митровден
	Мрежичко на општинската карта ; Атарот на Мрежичко во рамките на општината
	Мрежичко на Ризницата

Мрежичко — село во Општина Кавадарци, во околината на градот Кавадарци.

Географија и местоположба

Селото се наоѓа југозападниот дел од Општина Кавадарци, меѓу сливните подрачја на Црна Река и Бошавица, а чиј атар се издига високо и се допира со државната гранична линија со Грција.^[2] Селото е ридско, на надморска височина од 500 метри. Од градот Кавадарци, селото е оддалечено околу 34 километри.^[2]

Има мошне голем атар, што зафаќа простор од 57,7 км². На него преовладуваат шумите на површина од 4.251 хектар, на обработливото земјиште отпаѓаат 314 хектари, а на пасиштата 127 хектари.^[2]

Историја

Во XIX век, Мрежичко било село во нахијата Рожден во Тиквешката каза на Отоманското Царство.

Стопанство

Селото има полјоделско-шумарска функција.^[2]

Во самото село се наоѓаат погоните на фабриката за производство на вода Кожувчанка.

Население

Население во минатото

Година	Нас.	±%
1948	619	—
1953	605	−2.3%
1961	320	−47.1%
1971	253	−20.9%
1981	126	−50.2%

Година	Нас.	±%
1991	52	−58.7%
1994	57	+9.6%
2002	32	−43.9%
2021	8	−75.0%

Според податоците на Васил К’нчов („Македонија. Етнографија и статистика“) од 1900 година, во селото Мрежичко имало 431 жител, од кои 425 Македонци христијани и 6 Албанци муслимани.^[3] По податоците на секретарот на Бугарската егзархија, Димитар Мишев („La Macédoine et sa Population Chrétienne“) во 1905 година во Мрежичко имало 320 жители.^[4]

Според германска карта издадена во 1941 година, а заснована на пописот на Кралството Југославија од 1931 година, селото имало 550 Македонци.^[5]

Поради иселување на населението, Мрежичко преминало од средно во мало село. Така, селото во 1961 година имало 320 жители, од кои 304 биле Македонци, 8 Срби, 3 Хрвати и петмина жители муслимани, а во 1994 година 57 жители, македонско население.^[2]

Според пописот од 2002 година, во селото Мрежичко имало 32 жители, од кои 31 Македонец и 1 останат.^[6]

Според последниот попис од 2021 година, во селото живееле 8 жители, од кои 5 Македонци и 3 лица без податоци.^[7]

Во табелата во продолжение е направен преглед на населението во сите пописни години:

Година	1900	1905	1948	1953	1961	1971	1981	1991	1994	2002	2021
Население	431	320	619	605	320	253	126	52	57	32	8

Извор за 1900 г.: Македонија. Етнографија и статистика.^[8]; за 1905 г.: La Macédoine et sa Population Chrétienne.^[9]; за 1948-2002 г.: Државен завод за статистика на РМ.^[10]; за 2021 г.: Државен завод за статистика на РМ.^[11]

Самоуправа и политика

Селото влегува во рамките на Општина Кавадарци, која била променета со новата територијална поделба на Македонија во 2004 година, при што кон нејзе била придодадена поранешната општина, Конопиште. Во периодот од 1996-2004 година, селото било во рамките на некогашната Општина Конопиште.

Во периодот 1950-1952, селото било седиште на некогашната општина Мрежичко, во која селото Мрежичко било единствено.

Во периодот 1952-1955, селото било седиште на тогашната општина Мрежичко, во која покрај селото Мрежичко се наоѓале селата Бојанчиште, Клиново и Рожден.

Во периодот 1955-1965, селото било дел од тогашната општина Конопиште.

Во периодот 1965-1996 година, селото се наоѓало во рамките на големата Општина Кавадарци.

Избирачко место

Во селото постои избирачко место бр. 0711 според Државната изборна комисија, кое е сместено во зграда на општината, поранешни простории на месната заедница и младински дом во селото.^[12]

На локалните избори во 2017 година, на ова избирачко место биле запишани вкупно 29 гласачи.^[13] На претседателските избори во 2019 година, на ова избирачко место биле запишани вкупно 27 гласачи.^[14]

Личности

Личности родени во Мрежичко:

Дукадин Маневски (1915-1944) — македонски револуционер, учесник во НОВ на Македонија.
Анчо Митков (1919-1944) — македонски револуционер, учесник во НОВ на Македонија.

Културни и природни знаменитости

Цркви^[15]

Црква „Св. Димитриј“ — главна селска црква
Црква „Пресвета Богородица“ — помала селска црква

Археолошки наоѓалишта

Васов Град — утврдена населба од доцноантичко време

Природни реткости

Васов Град — палеовулканска купа

Култура и спорт

Од 2016 година, селото претставува средишна точка на дводневниот фестивал на отворено Алшар - допри го сонцето, кој се одржува во текот на јуни.

Наводи

↑ „Пописна слика на населените места во Македонија, Попис 2021“. Државен завод за статистика. Посетено на 22 декември 2022.
↑ ^2,0 ^2,1 ^2,2 ^2,3 ^2,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 202. Посетено на 9 декември 2017.
↑ Васил К’нчов. „Македонија. Етнографија и статистика“. Софија, 1900, стр. 239.
↑ D.M.Brancoff. "La Macédoine et sa Population Chrétienne". Paris, 1905, р. 174-175.
↑ „200K Volkstumskarte Jugoslawien“.
↑ „Попис на Македонија“ (PDF). Завод за статистика на Македонија. 2002. Посетено на 9 декември 2017.
↑ „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“
↑ К’нчов, Васил. „Македонија. Етнографија и статистика“. Софија, 1900
↑ Brancoff, D.M. „La Macédoine et sa Population Chrétienne“. Paris, 1905.
↑ „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.
↑ „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.
↑ „Описи на ИМ“. Архивирано од изворникот на 2023-08-17. Посетено на 9 декември 2017.
↑ „Локални избори 2017“. Архивирано од изворникот на 2020-11-25. Посетено на 9 декември 2017.
↑ „Претседателски избори 2019“. Архивирано од изворникот на 5 мај 2019. Посетено на 5 мај 2019.
↑ Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.

Надворешни врски

Мрежичко на Ризницата ^?

[Попис2021-1] „Пописна слика на населените места во Македонија, Попис 2021“. Државен завод за статистика. Посетено на 22 декември 2022.

[енциклопедија-2] 2,0 ^2,1 ^2,2 ^2,3 ^2,4 Панов, Митко (1998). Енциклопедија на селата во Република Македонија (PDF). Скопје: Патрија. стр. 202. Посетено на 9 декември 2017.

[3] Васил К’нчов. „Македонија. Етнографија и статистика“. Софија, 1900, стр. 239.

[4] D.M.Brancoff. "La Macédoine et sa Population Chrétienne". Paris, 1905, р. 174-175.

[5] „200K Volkstumskarte Jugoslawien“.

[попис-6] „Попис на Македонија“ (PDF). Завод за статистика на Македонија. 2002. Посетено на 9 декември 2017.

[7] „Оваа категорија опфаќа лица коишто учествуваат во вкупното резидентно население, но поради нивно одбивање да бидат попишани, неможност да бидат најдени на својата адреса на живеење и непотполност во работата на попишувачите не биле официјално попишани, туку за нив податоците биле преземени од административни извори и затоа не учествуваат во изјаснувањето за етничка припадност, вероисповед и мајчин јазик (Прочитајте повеќе...).“

[К’нчов-8] К’нчов, Васил. „Македонија. Етнографија и статистика“. Софија, 1900

[Бранков-9] Brancoff, D.M. „La Macédoine et sa Population Chrétienne“. Paris, 1905.

[макстат-10] „Население по возраст и по пол, по населени места, според пописите спроведени во Република Македонија по Втората светска војна“. Државен завод за статистика.

[макстат2-11] „Вкупно резидентно население на Република Северна Македонија според етничката припадност, по населени места, Попис, 2021“. Државен завод за статистика.

[12] „Описи на ИМ“. Архивирано од изворникот на 2023-08-17. Посетено на 9 декември 2017.

[13] „Локални избори 2017“. Архивирано од изворникот на 2020-11-25. Посетено на 9 декември 2017.

[14] „Претседателски избори 2019“. Архивирано од изворникот на 5 мај 2019. Посетено на 5 мај 2019.

[15] Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]