கோலாலம்பூர் சென்ட்ரல்
.jpg)
கோலாலம்பூர் சென்ட்ரல் அல்லது கேஎல் சென்ட்ரல் (ஆங்கிலம்: Kuala Lumpur Sentral அல்லது KL Sentral; மலாய்: Kuala Lumpur Sentral) என்று அழைக்கப்படும் கோலாலம்பூர் நடுவண் தொடருந்து நிலையம் மலேசியத் தலைநகரமான கோலாலம்பூரில் உள்ள முதன்மை தொடருந்து நிலையம் ஆகும். பல தடங்கள் ஒன்றிணையும் இந்த நிலையம் ஏப்ரல் 16, 2001-இல் திறக்கப்பட்டது. [1]
இதற்கு முன்னதாக பழைய கோலாலம்பூர் தொடருந்து நிலையம் நகரின் முதன்மை நகரிடை தொடருந்து மையமாக விளங்கியது. மலேசியாவின் மிகப்பெரும் தொடருந்து நிலையமாக கேஎல் சென்ட்ரல் விளங்குகின்றது. பழைய கோலாலம்பூர் தொடருந்து நிலையத்திற்கு பதிலாக, கோலாலம்பூர் நகரின் முக்கிய நகரங்களுக்கு இடையிலான தொடருந்து நிலையமாக மாற்றம் கண்டுள்ளது.[2]
பொது
[தொகு]கோலாலம்பூர் சென்ட்ரல் என்று அழைக்கப்படும் கோலாலம்பூர் நடுவண் நிலையம், இடைமுறைமை போக்குவரத்து மையமாக (Intermodal Transport Hub) வடிவமைக்கப்பட்டுள்ளது. கோலாலம்பூரின் பெரும்பாலான பயணியர் தொடருந்து தடங்கள் இந்த நிலையத்துடன் இணைக்கப்பட்டுள்ளன. மலேசியத் தீபகற்பத்திற்கும் சிங்கப்பூருக்கும் செல்லும் பல நகரிடை சேவைகள் இங்கிருந்து கிளம்புகின்றன.
தொடருந்து இணைப்புகள் அனைத்தும் முடிவடைந்த நிலையில் வணிக வளாகங்களும் அலுவலகங்களும் அடுக்ககங்களும் திட்டமிட்டபடி முடிவுறவில்லை. இருப்பினும் இவை 2017-இல் முழுமை அடைந்தன. இந்த நிலைய வளாகம் கோலாலம்பூரின் நிதி, வணிக மையமாகவும் வடிவமைக்கப்பட்டுள்ளது.[2]
கேஎல் சென்ட்ரல் மையம்
[தொகு]கேஎல் சென்ட்ரல் மையம், மலேசியாவின் மிகப்பெரிய தொடருந்து நிலையம்; மற்றும் தென்கிழக்கு ஆசியாவில் இரண்டாவது பெரிய தொடருந்து நிலையம் ஆகும். தாய்லாந்து நாட்டின் தலைநகரமான பாங்காக்கில் உள்ள குருங் தெப் அபிவாட் மத்திய முனையத்திற்கு (Krung Thep Aphiwat Central Terminal) அடுத்த நிலையில் உள்ளது.
பிரிக்பீல்ட்ஸ் பகுதியில் உள்ள முன்னாள் மலாயா தொடருந்து நிறுவனத்தின் தொடருந்துகள் பழுதுபார்க்கும் இடத்தில் கட்டப்பட்ட கேஎல் சென்ட்ரல் 290,000 சதுர மீட்டர் பரப்பளவைக் கொண்டது. போக்குவரத்து மையம், தங்கும் விடுதிகள், அலுவலகக் கோபுரங்கள், அடுக்குமாடி சொகுசு மனைகள் மற்றும் வணிக வளாகங்கள் ஆகியவை கேஎல் சென்ட்ரல் மையத்தில் உள்ளன.[3]
மலேசிய ரிசோர்சு நிறுவனம் (Malaysian Resources Corporation Berhad), மலாயா தொடருந்து நிறுவனம் (Keretapi Tanah Melayu Berhad) மற்றும் பெம்பினான் ரெட்சாய் (Pembinaan Redzai Sdn Bhd) ஆகியவற்றின் கூட்டமைப்பால் கேஎல் சென்ட்ரல் உருவாக்கப்பட்டது.[4]
வரலாறு
[தொகு]கோலாலம்பூர் சென்ட்ரல் வளாகம், மத்திய தொடருந்து பழுதுபார்க்கும் தடத்தில் (Central Railroad Repair Shops) உள்ளது. இரண்டாம் உலகப் போரில் மலாயாவில் சப்பானிய ஆக்கிரமிப்பின் போது, 1945-இல் கோலாலம்பூர் மீது நேச நாடுகளின் குண்டுவீச்சுக்கு இந்த வளாகம் இலக்கானது.[5][6]
19 பிப்ரவரி 1945 மற்றும் 10 மார்ச் 1945 ஆகிய இரு நாட்களில் இந்த வளாகம் இரண்டு முறை குறிவைக்கப்பட்டு தாக்கப்பட்டது. இரண்டாவது குண்டுமழைத் தாக்குதலில் அருகிலுள்ள மலேசிய அருங்காட்சியகமும் சேதமடைந்தது.[7]
கட்டிடக் கலைஞர் கிசோ குரோகாவா
[தொகு]1994-ஆம் ஆண்டில், கோலாலம்பூர் நகரின் பொதுப் போக்குவரத்தை மேம்படுத்தும் நோக்கத்துடன், மத்திய தொடருந்து பழுதுபார்க்கும் தடத்தில் 72 ஏக்கர் (290,000 ச.மீ) நிலத்தை, நவீன போக்குவரத்து மையமாக மாற்றுவதற்கு, மலேசிய அரசாங்கம் ஒரு கூட்டமைப்பிற்கு ஓர் ஒப்பந்தத்தை வழங்கியது.
மலேசிய ரிசோர்சு நிறுவனத்தின் தலைமையிலான கூட்டமைப்பு, கட்டிடக் கலை கட்டமைப்பிற்காக கட்டிடக் கலைஞர் கிசோ குரோகாவா (Kisho Kurokawa) என்பவரை நியமனம் செய்தது. கட்டிடக் கலைஞர் கிசோ குரோகாவா ஏற்கனவே கோலாலம்பூர் பன்னாட்டு வானூர்தி நிலையத்தை (கேஎல்ஐஏ) (KLIA) வடிவமைத்தவர் ஆகும்.[8]
16 எப்ரல் 2001-இல் கேஎல் சென்ட்ரல் நிலையத்தின் கட்டுமான வேலைகள் நிறைவுற்றன. அதன் பின்னர் 29 மே 2023-இல், முன்பு அங்கு இயங்கிய கேஎல் சென்ட்ரல் எல்ஆர்டி நிலையம் அதிகாரப்பூர்வமாக கேஎல் சென்ட்ரல் ரெட் ஒன் (KL Sentral-redONE) என மறுபெயரிடப்பட்டது.
தொடருந்து சேவைகள்
[தொகு]- விரைவுத் தொடருந்து இணைப்பு: (Express Rail Link) (ERL) அதிவேக வானூர்தி நிலைய தொடருந்து சேவை;
கேஎல்ஐஏ விரைவுத் தொடருந்து (KLIA Ekspres) கோலாலம்பூர் பன்னாட்டு வானூர்தி நிலையத்திற்கும் (Kuala Lumpur International Airport) (KLIA); கேஎல்ஐஏ T1; கேஎல்ஐஏ T2 நேரடி விரைவு தொடருந்து சேவைகள்;
கேஎல்ஐஏ போக்குவரத்து (KLIA Transit) கோலாலம்பூர் பன்னாட்டு வானூர்தி நிலையத்திற்கும் (Kuala Lumpur International Airport) (KLIA); இரண்டாவது கோலாலம்பூர் பன்னாட்டு வானூர்தி நிலையத்திற்கும் (Kuala Lumpur International Airport2) (KLIA2) தொடருந்து சேவைகள்;
- கேடிஎம் கொமுட்டர்: கிள்ளான் பள்ளத்தாக்கு மின்சாரத் தொடருந்து பயணிகள் சேவை
சிரம்பான் வழித்தடம் (Seremban Line): பத்துமலை – சிரம்பான் – புலாவ் செபாங் தம்பின்
கிள்ளான் துறைமுக வழித்தடம் (Port Klang Line): தஞ்சோங் மாலிம் – கிள்ளான் துறைமுகம்
இசுகைபார்க் வழித்தடம் (Skypark Link): கோலாலம்பூர் சென்ட்ரல் – இசுகைபார்க்
- கேடிஎம் இடிஎஸ்: (Electric Train Service) (ETS) நகரிடை மின்சாரத் தொடருந்து
- ETS கோலாலம்பூர் - ஈப்போ நகரிடை மின்சாரத் தொடருந்து
- ETS கிம்மாஸ் - பாடாங் பெசார் நகரிடை மின்சாரத் தொடருந்து
- ரேபிட் கேஎல்: இலகு விரைவு தொடருந்து (Light Rapid Transit) (LRT)
கிளானா ஜெயா வழித்தடம் (Kelana Jaya Line): புத்ரா அயிட்சு – கோம்பாக் (KL Sentral - redONE)
கோலாலம்பூர் ஒற்றைத் தண்டூர்தி வழித்தடத்தில் (KL Monorail) இயங்கும் ஒரு நிலையமான கோலாலம்பூர் ஒற்றைத் தண்டூர்தி நிலையம் (மோனோரெயில் நிலையம்) MR1 கோலாலம்பூர் சென்ட்ரல் நிலையத்தின் ஒரு பகுதியாகச் செயல்படவில்லை.
அந்த கோலாலம்பூர் ஒற்றைத் தண்டூர்தி நிலையம், துன் சம்பந்தன் சாலையில் (Jalan Tun Sambanthan) கோலாலம்பூர் சென்ட்ரல் நிலையத்திற்கு எதிர்ப்புறம் உள்ளது. இந்த இரு நிலையங்களும் ஒரு மேல்நிலை பாலத்தால் இணைக்கப்பட்டு உள்ளன.
கோலாலம்பூர் சென்ட்ரல் காட்சியகம்
[தொகு]
,_Kuala_Lumpur.jpg)
மேற்சான்றுகள்
[தொகு]- ↑ http://www.wonderfulmalaysia.com/kl-sentral-train-station-kuala-lumpur.htm
- ↑ 2.0 2.1 "Stesen Sentral, Malaysia's largest transit hub, is Kuala Lumpur's integrated rail transportation centre, offering global connectivity and seamlessly linking all urban and suburban residential, commercial and industrial areas. It is also a direct link to Kuala Lumpur International Airport, Putrajaya (the Federal Government Administrative Centre), Cyberjaya and key areas within the Multimedia Super Corridor". www.klsentral.com.my. பார்க்கப்பட்ட நாள் 7 August 2023.
- ↑ April 9, KL Sentral. "The KL Sentral (Stensen Sentral Kuala Lumpur) is the most connected transit point in the city of Kuala Lumpur (KL), Malaysia". KL Sentral. பார்க்கப்பட்ட நாள் 7 August 2023.
{{cite web}}: CS1 maint: numeric names: authors list (link) - ↑ "The Stesen Sentral Kuala Lumpur, or KL Sentral, is built as the state-of-the-art transportation hub for Kuala Lumpur's integrated rail transportation, seamlessly links all urban, suburban residential, commercial and industrial areas". klia2.info. பார்க்கப்பட்ட நாள் 7 August 2023.
- ↑ Ho, Stephanie. "Malayan Campaign". Singapore infopedia. National Library Board Singapore. பார்க்கப்பட்ட நாள் 21 August 2018.
- ↑ Craven & Cate 1953, ப. 162.
- ↑ Carter & Mueller 1991, ப. 627.
- ↑ "Wakao Ayako: The Career of a Classic Silver Screen Star". Nippon.com. Nippon Communications Foundation. 6 March 2020. பார்க்கப்பட்ட நாள் 30 March 2020.
நூல்கள்
[தொகு]- Craven, Wesley; Cate, James, eds. (1953). The Pacific: Matterhorn to Nagasaki. The Army Air Forces in World War II. Volume V. Chicago: The University of Chicago Press. இணையக் கணினி நூலக மைய எண் 256469807.
- Carter, Kit C.; Mueller, Robert (1991). The Army Air Forces in World War II: Combat Chronology, 1941-1945. Washington, D.C.: Center for Air Force History. பன்னாட்டுத் தரப்புத்தக எண் 0912799684.
மேலும் காண்க
[தொகு]வெளி இணைப்புகள்
[தொகு]
பொதுவகத்தில் Kuala Lumpur Sentral தொடர்பாக ஊடகக் கோப்புகள் உள்ளன.- கேஎல் சென்ட்ரல்
- கேஎல் சென்ட்ரல் அ.கே.கே பரணிடப்பட்டது 2021-03-07 at the வந்தவழி இயந்திரம்
- கோலாலம்பூர் எம்ஆர்டி & கேடிஎம் கொமூட்டர் ஒருங்கிணைப்புகள் பரணிடப்பட்டது 2015-06-21 at the வந்தவழி இயந்திரம்
- கேஎல் கேட்
பெரும் கோலாலம்பூர்/கிள்ளான் பள்ளத்தாக்கு தொடருந்து நிலையங்கள் | |||||
|---|---|---|---|---|---|
| |||||
| |||||
| |||||
| |||||
| |||||
| |||||
| |||||
| |||||
| |||||
| |||||
சாய்வு எழுத்துகளில் உள்ள நிலையங்களும் சேவைகளும் திட்டமிடப்பட்டுள்ளன அல்லது கட்டுமானத்தில் உள்ளன | |||||
| மேற்கு கடற்கரை வழித்தடம் |
|
|---|---|
ஈப்போ தாசேக்; பேராங் தொடருந்து நிலையங்கள் மூடப்பட்டன | |
| கோபுரங்கள் | |
|---|---|
| நகர மையங்கள் | |
| பூங்காக்கள் சதுக்கங்கள் வளாகங்கள் | |
| அரங்கங்கள் | |
| அரங்கங்கள் (விளையாட்டு) | |
| விடுதிகள் | |
| காட்சியகங்கள் | |
| போக்குவரத்து | |
| சேவை | |
| பண்பாடு | |
| அரசு | |
| கல்வி | |
| பொது | |
  தீபகற்ப மலேசியாவின் மேற்கு கடற்கரை தொடருந்து நிலையங்கள் | |
|---|---|
| முதன்மை வழித்தடம் |
|
| பத்துமலை வழித்தடம் | |
| கிள்ளான் துறைமுக வழித்தடம் | |
| பட்டர்வொர்த் வழித்தடம் | |
சாய்வு எழுத்துகள்: திட்டமிடப்பட்டுள்ள நிலையங்கள் | |